مسار (بوليفيا) أخطـــر مـمـر بالعالم ...!!!

أبو عبيد · 02-06-2007, 11:02 PM

السلام عليكم ورحمة الله

أسعد الله أوقاتكم جميعأ .... وحيالله الكل

أول شي ...

أحب أبارك لأخواني و أخواتي على الإجازة .. بعد الضغط النفسي

و في مقدمتهم : معزبة غرفة السواق

( صفقوا لها ,,,, تستاهل ,,,,)

و أتمنى تكون الدرجات فوق حسن الظن إنشالله ,,,

___________________________________________

اليوم يا طويلين العمر

جايب لكم صور لمدينة إسمها ( بـولــيــفــيـــا)

بوليفيا : مدينة فقيرة .. تقع في أمريكا الجنوبية ... وبالتحديد جنوب البرازيل

إقتصاد هاذي المدينة : على الزراعة 10% .. و المعادن 90%

المدينة هاذي فيها خيرات خيالية من المعادن ... و فيها يقوم إقتصاد هذه البلدة ...

ولكن المشكلة ..... مكان هالمعادن ,,,,, و بعدها عن مركز البلد ,,,,

تضاريس هاذي المدينة صعبة للغاية .... لوجود مرتفعات عااالية جدآ تحول دون قضاء حوائجهم الإقتصادية ,,,,

على فكرة ..... منطقة بوليفيا تعد أعلى إرتفاع بالعالم .... وهي ماخذة مكان من (جبال الإنديز)

الصور اللي جايبها عن مسار في بوليفيا

هالمسار هو مصدر رزقهم (بعد الله)

و لكنه خطيـــــــــــر جدآ جدآ ... (( يسمونه عندهم : the road of death : مسار الـــمـــوت ,,, ))

أترككم مع الصور

نراكم على خير

فماان الله ,,,,,

**سحابة حب** · 02-07-2007, 12:18 AM

بو عبيد ،،

يمـــــــــــه ،،

الله لايحدني امشي منه ،،

و إذا يعني انحديت ،، انحديت ،،

انا بمشي على رجولي ،، و السيارة تلحقني ،،

ياحبي لديارنا ،، و الله يعز حكومتنا ،، صحيح ان بعض الشوارع ودك تتوطى في بطن من خططها من ضيقها ،،

بس اهون من اذا الطريق

بوعبيد يعطيك العافيه ،،

و لاتحرمنا طلاتك في السور

**هجير** · 02-07-2007, 11:45 AM

وعليكم السلام والرحمه

أعوذ بالله وش هالطريق .. يعني ياأنا أو أنت تمشي مايصير اثنين

أشوف الصور أقول يمكن ألقى صورهـ تهون

بس كل ماناظرت صورهـ ... أقول الله يرحمنا برحمته

والله يكون بعونهم وبعون المعلمات خصوصا بالقرى من هالطرق ....

يعطيك العافيه أبو عبيد

**SHAHAD** · 02-07-2007, 03:04 PM

وعليكم السلام ورحمة الله وبركاته

مراحب كبار

اقتباس:

معزبة غرفة السواق ( صفقوا لها ,,,, تستاهل ,,,,)

أكيد تستأهل بشبوشتي

بو عبيد وش هالطريق

أنا طريق الهدا و يفتر رأسي

وش عاد لو بروح لهطريق !!

يعطيك العافية على هالصور ... و الله يكفينا شّر هالطريق

،،

شينكو الزكرت · 02-09-2007, 01:45 AM

والله يابو عبيد
لو تحطني مكانك في صدر المجلس
وتعبي القلاب ذهب واسهم سعودية <=== ركز على الاسهم هي اللي دمرتني
نرجع لمحور حديثنا وتحمله ذهب واسهم سابك والراجحي وانعام وبيشة
وتقول روح سق القلاب وخذه لك باللي فيه ماراح اسويها
العمر موش بعزئة ياراقل أمال إيه

يعطيك العافية ابو عبيد
مشبه عليك انك اللي سايق التريلة الحمراء ام شراع اصفر مادري ليه أحس انك قدساوي

**بيـــــــــش** · 02-09-2007, 06:54 AM

وعليكم السلام ورحمة الله وبركاته

قيبتوا فـ سيرة الغزلان قيتكم أركض على ظهور الخرفان

عسى ربي يزين طاريك عند أهل السما والأرض بابا أبو عبيد

وأبشرك الحمدلله نجحت وطلعت الثالثة على الفصل

ماقبلي إلا بنات النيل جعلهم للعافية

والحين بوليفيا ضاقت بأهلها يوم يختارون هالطريق يترزقون الله فيه؟

والله لو هو علاجي ماوطيته >> لاعاد تكفين

8
8
تقول سحابايه انها لو انحدت بتمشي على رجيلها

تخيلي سحابة لو ألحقتس وأخرعتس

والله مايردتس إلا سحابة تضفتس عن صخور الوادي السحيق >> أحبتس

مافيها مجال لسيارتين يالبوليفي الخبل

كأني أسمع زوجته وبناته يصايحون ويقرون الفاتحة على أرواحهم (وجه ماشاف السواق)

اقشعر جسمي من شوفة الصور

وشلون لو شفتها على الطبيعة .. يمه

وشوري عليهم يحطون حواجز حتى لو فيبر قلاس

على الأقل الواحد يمر ويحس ان هناك شي يصقع به قبل الطيحه

وعلى ماقالت شهودة ،، طريق الهدا وأكتب وصيتي بحرمان أهلي من الميراث قبل أطاه

ولولاه طريق للطايف والله مارحته >> لو بيودونتس ماشاوروتس

الله يديم علينا نعمة الطرق اللي بالأرض

والله لايحوجنا للطرق المعلقة لا أرض ولا سما

ويعطيك العوافي بابا أبو عبيد

with الرخصة >> يعني لااسمحوا لنا نسوق بقول لهم يشيلون الكباري والأنفاق

**قروص** · 02-09-2007, 05:47 PM

يا مال العافيه يابو عبيد

والله لا يقطنا هذيك الديار
تسانها توحش
يازين والله الصمان
ارض مستوية
<<< لا يكثر الهياط

تحياتي لك يا قلبي

**سحابة حب** · 02-09-2007, 05:52 PM

اقتباس:

المشاركة الأصلية كتبت بواسطة بيـــــــــش [عفواً يمكن مشاهدة الروابط للمسجلين فقط للتسجيل اضغط هنا]

8
8
تقول سحابايه انها لو انحدت بتمشي على رجيلها

تخيلي سحابة لو ألحقتس وأخرعتس

والله مايردتس إلا سحابة تضفتس عن صخور الوادي السحيق >> أحبتس

بيشووووو ،،

و انا بعد احبتس ،،

و الدليل انتس لاخرعتيني و جيت بطيح بتمسك فيتس ،، يا نطيح جميع ،، يا تشيلنا السحابه جميع >> ياروح مابعدك رووح

>> شرايكم فيني و انا اتكلم بالسين ،،

أبو عبيد · 02-10-2007, 09:56 AM

اقتباس:

المشاركة الأصلية كتبت بواسطة سحابة حب [عفواً يمكن مشاهدة الروابط للمسجلين فقط للتسجيل اضغط هنا]

بو عبيد ،،

يمـــــــــــه ،،

الله لايحدني امشي منه ،،

و إذا يعني انحديت ،، انحديت ،،

انا بمشي على رجولي ،، و السيارة تلحقني ،،

ياحبي لديارنا ،، و الله يعز حكومتنا ،، صحيح ان بعض الشوارع ودك تتوطى في بطن من خططها من ضيقها ،،

بس اهون من اذا الطريق

بوعبيد يعطيك العافيه ،،

و لاتحرمنا طلاتك في السور

8
8
8
حياك الله سحابة

بالنسبة للشوارع , فعندنا شوارع .. قسم أن كنها شكشوكة ,,,

لكن أررحم من هالطريق..!!!

سحابة ,,

مشكورة على مرورك

ويا هلا فيك ,,,

أبو عبيد · 02-10-2007, 10:03 AM

اقتباس:

المشاركة الأصلية كتبت بواسطة هجير [عفواً يمكن مشاهدة الروابط للمسجلين فقط للتسجيل اضغط هنا]

وعليكم السلام والرحمه

أعوذ بالله وش هالطريق .. يعني ياأنا أو أنت تمشي مايصير اثنين

أشوف الصور أقول يمكن ألقى صورهـ تهون

بس كل ماناظرت صورهـ ... أقول الله يرحمنا برحمته

والله يكون بعونهم وبعون المعلمات خصوصا بالقرى من هالطرق ....

يعطيك العافيه أبو عبيد

8
8
8
يا مراحب يا هجير ,,,

أما سالفة أن هالطريق تمر عليه سيارات عادية ,, أو باصات معلمات

فوالله ما ضنيت ,,,

أصلآ البلد عايش من نفس خيراته ... والظاهر ما فيه عندهم تعليم ( آخر شي سادس إبتدائي ... ويتخرج ,,,,)

هجير

منورة الموضوع

و شكرآ على المرور ,,,

أبو عبيد · 02-10-2007, 10:11 AM

اقتباس:

المشاركة الأصلية كتبت بواسطة SHAHAD [عفواً يمكن مشاهدة الروابط للمسجلين فقط للتسجيل اضغط هنا]

بو عبيد وش هالطريق

أنا طريق الهدا و يفتر رأسي

وش عاد لو بروح لهطريق !!

يعطيك العافية على هالصور ... و الله يكفينا شّر هالطريق

،،

8
8
8
هلا بك يا معزبة

وين طريق الهدا من هالطريق ..!!!

قسم أنه اهون منه بمليوون مرة ,,,

بس أنا نسيت أقول أن مع خطورة هالطريق

إلا أن نسبة الحوادث فيه قليلة ...... لأن كل الشاحنات اللي يمرون عليه صار عندهم مع الوقت :: مهارة بالقيادة + وعي بالمخاطر

مشكورة على مرورك يا شهد

و يا مراحب فيك ,,,

أبو عبيد · 02-10-2007, 10:24 AM

اقتباس:

المشاركة الأصلية كتبت بواسطة شينكو الزكرت [عفواً يمكن مشاهدة الروابط للمسجلين فقط للتسجيل اضغط هنا]

والله يابو عبيد
لو تحطني مكانك في صدر المجلس
وتعبي القلاب ذهب واسهم سعودية <=== ركز على الاسهم هي اللي دمرتني
نرجع لمحور حديثنا وتحمله ذهب واسهم سابك والراجحي وانعام وبيشة
وتقول روح سق القلاب وخذه لك باللي فيه ماراح اسويها
العمر موش بعزئة ياراقل أمال إيه

يعطيك العافية ابو عبيد
مشبه عليك انك اللي سايق التريلة الحمراء ام شراع اصفر مادري ليه أحس انك قدساوي

8
8
8
شينكو ,,,

كيف حالك ؟؟

أما الأسهم ....... كلن أكل خابوره ...... مهب أنت بس ,,,,

بعدين وش دراك أني أنا اللي بالتريلة الحمراء <<< يبيه يصدق

..!!

و أنا إنسان وطني ... أشجع المنتخب بس

و فيه فريق بإيطاليا .... إسمه (ريال كريستيانو) ......... هاذا فريق متمكن وقوي

شكرآ على مرورك شينكو ,,,,

اعلانات المنتدى