فجاءه بطاقه الذاكره تالفه

العتيبيه · 02-04-2007, 06:29 AM

اقسم بالله قهر مقوره ومعصبه مالي حظ بالجوال ابد ثالث ذاكره تخرب

ذاكرتي فجاءه الذاكره تالفه وانا ماسويت شي بالجوال ابد وش الحل بليززز

الي عنده حل يفيدني وش اسوي صارت رسائل الوسائط تهي تهي

والله بغيت اكسر الجوال وش الحل

الفزعه يالزكرتيات والزكرتيين

**nAmLaT nAjD** · 02-04-2007, 06:50 AM

لا تقولين الفزعة ترا اقط جلالي

اهلين مس عوتيبيه

اذكر من مبطي كانت تصير لي الحركة مع ال3230 الخايس

مرتين صارت والغريب انها ترجع وتتعدل بعد فترة

مااعرف ايش المشكله بالضبط ولا عندي حل

<< طيب وشوله جايه

>>بس مؤازرة وجدانيه

ان شالله يجونتس اشاوستنا ويفيدونتس

فدا خشيمتس وابشري بالعوض

مع السلاحف

العتيبيه · 02-04-2007, 07:12 AM

ااختي نمله شرفتي صفحتي

رزيتي خشتك صح ما عندك حل بس على الاقل احس فيه احد معي وتجاوب بالمشكله
جعلني ماانحرم من خشيشتك
الي قهرني يانمله رسائل وسائط من صديقاتي ومرتبه الذاكره بحافظات جديده ومرتبه وصور

بنت اخوي كلش طار غبي الي اخترع الذاكره الله ياخذه

ZQRT · 02-04-2007, 08:08 AM

يالربع لاحد يعطيها وجه جايه تامر وتمشي حتى ماقالت سلام عليكم

ارررحبي يالعتيبيه

كيف اصبحتي اليوم

والله يااختي العزيزه

اقتباس:

مااعرف ايش المشكله بالضبط ولا عندي حل

<< طيب وشوله جايه

>>بس مؤازرة وجدانيه

8

8

تخيلي اي واحد يجي يقول نفس الكلام ولايعلمونك وش تسوين

اتوقع العله من نفس الجهاز

يعني تروحين لأقرب محل صيانه وتقولين سو سوفت ويير للجهاز

وان شاء الله يظبط معك

مع السلامه

العتيبيه · 02-04-2007, 08:34 AM

هلا والله باخوي زكرت

وصدقت ماقلت السلام بلا والله من الحره الي احس فيها

قهرني هالجوال بط كبدي والله مشوار اوديه لمحل

المهم نورت صفحتي

**a7la wa7d** · 02-04-2007, 08:55 AM

سلااااااااااام يارجاااااااااال

صباح النور

روقي روقي يا العتيبيه

ترانا صباحيه

يعني الحين مفروض انت

مع بنات الحااره وحش في العالم <<

المهم الحل

عندي طال عمرتس

اول شي الشي ذاا

قد صارلي << قل قسم

وصراحه مافيه بلااا

ولا عرفت وش البلااا اصلا

ولكن ما كان مني الا

وذهبت الى محل الجوالات

وشريت لي مومري

( تدرين ليه ماوديت ذيك اللي يقول تالفه )

(( لانها ضــــاعـــــت )) (( وضياعها وخرابها سوااااا )) << يعني اشتري وفكي عمرتس

**د جـ هـ 666** · 02-04-2007, 02:47 PM

العتيبية

مرحبا بك

الحين انتي صايرة لك المشكلة هذي الله يعينك

عسى مافيها شي موهم << وش دخلك

بما اني راعي جوالات

اليوم ان شاء الله راح استفسر لك من الشباب في المحلات عندنا بمركز الجوالات

وإن شاء الله إذا افادوني بشي ابسدحه لتس هنيا

وفيه حل ثاني مادري يمكن يضبط معاك

فيه قطعه توصلينها بالكمبيوتر عن طريق اليو اس بي USB

تركبين فيها الذاكرة مباشرة اتوقع سعرها مايتجاوز الخمسين ريال

هذي تستخدم لنقل المعلومات من الكرت لجهز الكمبيوتر

هذا إذا ماكانت الذاكرة تالفة نهائياً ويكون الخطا من قراءة جهاز التلفون لكرت الذاكرة

وممكن زي ماتفضل اخوي

ZQRT
[ مــــــعزب السور ]

وهو عمل سوفت وير جديد للجهاز

بعد اخراج كرت الذاكرة من الجهاز

وطريقتها

الضغط

على

* + رقم 3 + زر الاتصال ( الاخضر )

بصورة مستمرة بعد اغلاق الجهاز طبعاً

وهذي تسمى فورمات للجهاز

ممكن بعد عمل الفورمات للجهاز يقدر يقرأ الذاكرة

وقبل تسوين هذا كله

جربي الذاكرة على جهاز ثاني ممكن يكون العيب من الذاكرة نفسها مو من الجهاز

ولا عاد تشترين ذاكرة من ابو ريالين الله يهديتس وتجين تبلشينا << لختمها على خير يالدرو

ان شاء الله اليوم استفسر لك عن الموضوع وأحاول انزل الرد

سلخير << برااااااا

**nAmLaT nAjD** · 02-04-2007, 02:53 PM

^
طيب الفوركات هذا مب مفروض يلغي السوفت وير

ويصير الجوال بدون (وجه كويتي)

كنت بسوي الحركة من فترة بس قالوا لي لازم تركبين السوفت وير بعد الفورمات

افيدونا جزاكم الله خيراً

ن . ن . ز

فوركات = فورمات

**د جـ هـ 666** · 02-04-2007, 03:00 PM

^
^
^
الحين انتي ناشبتن كنتس من عجز سوق الجمعه

طبعاً إذا سويتي فورمات للجهاز بتروح كل البرامج اللي انتي مركبتها عليه

ولازم تكون عندك البرامج عشان تحملينها مره ثانيه

إلا إذا كانت مثبته على كرت الذاكرة

ويما انه كرت الذاكرة رايح فيها

ماراح ترجع البرامج

كملة نجد << على غرار زقرت وزكرت

**nAmLaT nAjD** · 02-04-2007, 03:36 PM

عمو دكة سكه سكه سكه

انا مااحتسي عن البرامج والله لو اني عنز ماتوحي وارمله

انا اقول السوفت وير اللي على الجهاز اللي يشتغل فيه

الي كل فتر اكسيوم يقصون علينال ويقولون نزل واحد جديد

هذا اللي احتسي عنه مايروح؟

<< كاني مضيعه اكتفي برد يحمل اي فيس (وجه حزين)

Mr-Ignore · 02-04-2007, 07:55 PM

توني جاي بقراطيسي
من طرف دجه ستات
كيفكم كلبوووكم
مشكلتك ياخت مدري وش اسمها مالها حل ..
اللى جايك فايرس ملعون والدين .. عن طريق رسايل الوسائط او صوره مستقبلتها
علشان لا تتعودين تستقبلين وسائط والا بلووتووث
واي خدمه في مجال الشباصات قصدي الاتصالات انا جاهز ..
<========== قسم بالله راعي كشك جوالات مثل منتداكم هذا
في امان الله

**nAmLaT nAjD** · 02-04-2007, 08:25 PM

^
حي الحامل والمحمول << تحسبك جاي انت والكشك

القى عندك دندوشة

<< اما دندوشه خخخخخخخخخخ

احس اني اخر وحده بالعام ممكن تعلق شي في جوالها

مدري يمكن برستيجي مايسمح < شلونك عمو متلايط

عمو اقنوور اهلن بك في كشكنا المتواضع

لقد زاد بيتونا ابتهاجاً بوجودك << انطمي ولا عاد ترحبين

تعقيباً على مااضفت حبيت اقول اني ماتسد استقبلت بلوتوث

ولا وسائط الا من مصادر موثوقة << يااف بي اي

وصارت معي نفس الحركة

يعني اكيد فيه علة ثانيه بس مدري وين << الظاهر انها انا

العتيبيه شرايتس فيني وانا ملقوفة ؟

بس صدز والله خاطري اعرف ليه

انا قد صارت لي مرتين قبل

ويصادف وقتها اني طلعتها من الجوال بدون اختار ريموف من اول

يمكن هذا سبب؟ (وجه يحك راسه)

شوكرن كلكم

مع السلاحف

Mr-Ignore · 02-04-2007, 09:12 PM

مشكوره اختي مدري وش اسمك
ومشكوره على الرد وعلى الترحيب كنت ابي حلاو بقر والا عصير فنتو
هههههههههههههههههههههههههه
عموما ابنزل لكم الحين برنامج حمايه لازم كل واحد فيكم عنده جوال سامبيان ينزل عليه والا الله لا يهينه يروح اقرب كشك جوال يحطه له (<==== دعايه لكشكه) (يؤ يؤ يؤ وش بيفهمهم الحين وش معنى سامبيان) قصدي جوال يركب له برامج مثل الدمعه والا ان سبعين والا الخيال والا الباندا ...
معيي ينزل على المرفقات علشان الحجم كبير ياليت لو المشرف يعطيني مساحه كبيره شوي علشان انزل لكم البرامج علشان لا تقفل اخلاقي وازعل على نفسي وعليكم ولا انزل اي شي الا صورة خشتي
لا تنسون الردود لا اذبحكم
وقريبا توقيعي اللى ما بعد سويته

اعلانات المنتدى