الجواري الحلقة الأولى :
في زمن من الأزمنه كان يوجد الجواري وفي الوقت الحالي انقرضت زي الديناصور والدشير حقين اول لاكن نبعت القصه من واقع مجتمعات البورصه الموجوده في العالم كل العالم يتكلم عن شركات المساهمه خطرت على هذي القصه واتمنى تعجبكم، هذا واحد كاش ورث من ابوه مليارات مالها حد وكانت من اهم اهتماماته البنيات وكان يموت بشي اسمه بنت ويسميهم عسل الدنياء لاكن كان كل ابو دايم افكاره منسمه ورايحه فيها وكثير من الناس يقولون له : وش رايك انك يبيلك راعي بنشر يرقع راسك من كثر التنسيم الي فيه واسمه بعد منسم زيه اسمه: صعفق بن مصقوع بن صادم بن براق المصطفق ويلقب (بلمطفوق) واحلى مثل ينطبق عليه (الحمير اذا شبعت تناهق).، ومن احلى هوايته جمع صور البنيات .،
وله خوي يبيله وزن بلوف اول مايسمع طق يبدا يهز وهوايته الجنونيه هي جمع اشرطة الطق والملقب (بولد الطقاقه) واسمه هذا عاد يجيب صداع وعنده فابياء (1) من أي شي اسمه فلوس يعني بلعربي الفصيح طفران (فوق هم الليالي فقر وغلدمه) واحلى طموح له يشتري سيارة جي ام سي ونيت جديده لأنه معه جي ام سي ونيت موديل 00 م لا وكل يوم يدخله في الحوش ويغسله ومسميه هو وخشته( الأصقع)(2) هذا اسم فني لسيارته طبعاً اعز ماعنده ذا الجي ام سي 00م من شدة حبه له حاطه في دفتر العائله اول اسم جي ام سي وصلة القرابه : ابن مكان الميلاد: واشنطن مشخص هو وخشته احسن واحد في حارتهم راح لشرقيه مره ومخيم في شاطي نصف القمر ورايح بلقطار وهو امنيته يسافر الشرقيه المهم اسمه : شارع بن كبري بن رصيف الموقف الملقب (ولد الطقاقه ) طبعاً راح اخينا في الله شارع بن رصيف للعزاء حق ابو خويه صعفق بن مصقوع وهو مايدري وش السالفه طبعاً وقف الجي ام سي ونيت 00م عند الباب اطقع مايشوف يحس انه توه نازل من الطياره الخاصه حقته دخل قال: يامطفوق مارد عليه
يا صعفق عشان عندكم عزيمه ماترد مسوي مشغول طبعاً الناس وش ذا الثور الي دخل وبعد طينها قال وين التتن حقي الي اخذته مني وقلت باخذ زقاره وكل البكت زرفته (3) يلعن ام الأخلاق يشيخ الي تعرفها وصعفق بن مصقوع جالس يبسي (4) وشاد حيله الدموع اربع اربع ولد الطقاقه مهوب مستوعب الي جالس يصير يقول انا شارع بن كبري وتبسي عندي كل ذا خوف عشانك زرفت البكت خذ يشيخ هذا بكت جديد ولايهمك طينها الغبي طبعاً كل المجلس بداء يضحك وش ذا البلوى الي جاي نكبه درجه اولى جاء واحد ملكع وجلسه وعطاه قهوه وجاب قدوع (5) وبعد عطاه معمول تمر يبيه يلها في الأكل شوي الى مايفهمونه وش الي صاير طبعاً انواع الأكل ماقد ذاق المعمول في حياته ولايدري وش ذا الي قاعد ياكله المهم قال: تعزم ولاتعلمنا قال المصفوق : لا الوالد عطاك عمره تخاموا المصفوق ولد الطقاقه جلس يصيح قال: بعد الوالد كريم يشره الله يجزاه خير كنه عارف اني ابي اروح الشرقيه ، المصفوق قم لابوك لابو كلب اطلع قال وش فيك زعلت مني قال: ابوي مات ياصخله(6) عاد توه يفهم ولد الطقاقه وش الي صاير جلس يصيح ويعزي كل الي الفي أي واحد يمسكه ويبلشه بصياح من ثوارته قال: لعم المصفوق اخوك هو الله لايرحمه وهو يحسب انها كلام حلوأ بغا يذبحه المهم عدت الليله على خير وراح لبيتهم وبعد العزاء بشهر زي العاده يتمشى ولد الطقاقه في العصر في الحاره حقتهم يجي من اول الشارع يمشي ترليون(7) واذا جى عند باب بيت خويه المطفوق صعفق يفرمل هذا اسلوبه مانقدر نقول الأ جعل ولديناء في الجنه هذاء ولد اجل المهم طلع صعفق بن مصقوع وهو مسوي زحمه طبعاً ورث قال: علاطول وش تبي مشغلنا بذا الصجه انت وذا الكسره(8) الي معك وماعندك الأسبع اسهم فرحان فيها لا واكتتاب بعد والله انك ماتستحي طبعاً خوينا صعفق بعد الورث شاف نفسه على ذا الضعيف شارع(ولد الطقاقه ) المهم قال المطفوق : لاعد اشوفك جاي بذا الكسره في الحاره تفهم قال ولد الطقاقه : اقول بتركب يامطفوق ولا علمت امك انك تتن على طول المطفوق اتجه الى باب راكب وفتح الباب وقال عطني زقاره المهم انبصط ولد الطقاقه وقال وش اخبارك وش علومك يامطفوق قال ابشرك ورثت كان ولد الطقاقه يسوق الكسره حقته فجئه وقف وقال من جدك شكلك ورثت اخوانك والغثى طبعاً فقري قال المطفوق : ورثت مليارات قال ولد الطقاقه اقول انزل عن سيارتي شكلك انهبلت اقول انزل ها الكسره احسن منك يامطفوق احلام سلوم انزل من سيارتي ترقبوا الحلقه القادمه من المصفوق وولدالطقاقه (الجواري)

الحسي الي ماينفهم (الحاشيه):
1- (الفابياء)الذرقه من الأماكن الرفيعه
2- (صقع) اسم فني للجي ام سي 00م حق ولد الطقاقه
3- (زرفته) يعني خذته ولاعد رجعته ذمه لستك
4- (يبسي) يعني يصيح بقوه
5- (قدوع) التمر الي يحطونه للأكل
6- (ياصخله) لقب سيء وهو يعني بنيت البقره الصغيره
7- (ترليون) يعني مسرع واطقع مايشوف الشارع
8- (الكسره) هو قطعة الحديد المعفطه
9-

__________________
dr.crazyاحلى رؤيه مستقبليه تعيشها وحدك اجعل حياتك مليئه بلخبال والتنسيم واجعل من مخك اسلوب للحياة ذات الطابع المنسم وعش حياتك بابتسامه لترضى مهما كنت خبل والناس قالوا مافي مخ ما اعرف اوقع اعرف ابصم

مع التحيه لصاحب الموضوع

ينقل لغرفة السواق

حيث انه القسم المختص بمثل

هذه المواضيع ...

تحيه للجميع ,,,

__________________

__________________
حتمًا ..
أنتـ لَن تَشعر بِقيمَة مَا لَديكـ
إلاَّ إذا ...
فقَدتهـ !!
فـ
بربّكـَ :
لا تُجبرني على أن أُشعِركَ بِقيمتي مَعَك !

وش هالزين يامقلع
مبطين عن المسلسلات المكسيكيه الزكرتيه
ولد الطقاقه منتهي ذكرني بطفولتي ياحبني له
واحلى شي السبعة الاسهم الي عنده ( قلوب من هنا للصومال)
الا هو مرتبط؟

[align=left][align=right][align=right]اهلين مستشار اشكرك جداً على مرورك ونقل الموضع الى غرفة السوويق حيث انها غرفه

جميله لاكن نبي فديو وترى السرير ماخذ الغرفه بلعرض ليش مايصير السرير بطول لأن

الغرفه عرضها بس متر ونص والحمام مافيه باب عشان مانقلط احد عندنا،

اهلين سفيرة الحزن نشقح ابو الخط اغير الكيبورد والكمبيوتر بس اقري واذا على

النظاره بعدين فوبياء هي الخوف من الأشياء المتعلقه بلفلوس يعني لاتدققين هذى والنظاره

مهيب معك اقول بدون نظاره اقري احسن بشقح الخطوط وبشقرها بعد هي قصه زكرتيه من

الطابع المكسيكي من التراث القديم حق النت هذي رجعتني خمسين سنه الى الوراء

<هذي صورتي يومني صغير حلوا صح ،

هلا بداجين كلهم يابعد الدجه ياعميدة الدجه وشلون اختبارات الزماله حقت

الدجه خلصتوا لجنة الأختبارات حقت الداجين بعدين مااقدر على الكلام الحلو ولد الططقاقه هو توه مايعرف الأ امه واخته ومابعد عرف انه

لازم يتزوج يحسب ان الأوادم ينبتون لأن ولد الطقاقه سأل جدته قال وشلون تجيبون عيال

صغار قالت له جدته: نحط سكر جنب شجر الموز ويطلع زي الفقع في الأرض ناخذه ونحطه في

المويه ويطلع ولد صغير هههههه لاكن ماعليك بتوسط لك عنده وبعطيه وصف بيتكم اخليك

تنبسطين نعمل خير ونقطه بحر هههه حتى هو بداء يحب اشوفه يسمع فيروز ذا اليومين لا

هو خشته يسأل عن كيف تبداء بسوالف مع البنيات ابشري بلخير يعني الولد طازه على يدك،

طبعاً تسئلون عن الون الأصفر منسق الألوان عندي تكروني يحب الوان الي توجع العيون

ههه اشكر الجميع على مروره حتى الي ماكلف على نفسه يحط لو فكره تنسيميه وحده لاكن

الي فلقدر يطلعه الملاس سلامون ياهلوين

عندي حقت جدتي نوره نظاره ومكبر]

__________________
dr.crazyاحلى رؤيه مستقبليه تعيشها وحدك اجعل حياتك مليئه بلخبال والتنسيم واجعل من مخك اسلوب للحياة ذات الطابع المنسم وعش حياتك بابتسامه لترضى مهما كنت خبل والناس قالوا مافي مخ ما اعرف اوقع اعرف ابصم

__________________
::

[عفواً يمكن مشاهدة الروابط للمسجلين فقط للتسجيل اضغط هنا]



[عفواً يمكن مشاهدة الروابط للمسجلين فقط للتسجيل اضغط هنا]

احفر بإصبعك على توقيعي أعلاه وتمتع

لاتفوتكم تواقيع Almlkah

وربي انها خققااآاآان






::

::

اول شي السلام عليكم وجداً اشتقت للزكرتيه لاني اسف كنت منشغل في بعض الأمور ولاكن الحمد لله .

يابيخ قصدي بيش وش معنى كلمة بيش ههه لاكن يكفي طلتك على الموضوع واحترم وجهة

نظرك وغير كذا عندي قصص كثير كاتبها راح انزلها لاكن بدور يعني زي الصف حق

المقصف كل واحد يشتري اذا جاء دورة بعدين الولد حساس <ياعيني هذا وانا جالس

افكر بكلامك كني غسالت البابطين ذيك الي انقرضت ماعد تشوفها بس موجوده في المتحف

الفرعوني الأفكار صحيح نزلت الحلقه بدون تنقيح لأني كنت مستعجل على انها تكون في

الموقع يوم الجمعه لأن الحلقة لكل اسبوع وتأخرت الأسبوع الماضي وماكان فيه وقت لتنقيح

وكنت منزلها بكبي من برنامج الورد الي على الجهاز لاكن احترم اهتمامك وبلعكس هذا شي

يعجبني ويعطيني دافع اقوى في الكتابه وراء كل مجنون .......عظيمه اكمل الفراغ

لاكن راح اكتب لأن الشباب جداً من اعضاء وادارة موقع الزكرتيه جداً محبوبين وراح

نسعى الى الأفضل وكلنا اسره وحده على قلب واحد وكل كتاباتي القادمه اهديها الى كل من

يتواجد سواء من اعضاء او زوار يفرحني اهتمامكم لأن الشخص لايعيش وحده في العالم

يعيش مع الناس يعني في تصبيط على كيف ابو ام الشغله وراح نضحك مع سوا

__________________
dr.crazyاحلى رؤيه مستقبليه تعيشها وحدك اجعل حياتك مليئه بلخبال والتنسيم واجعل من مخك اسلوب للحياة ذات الطابع المنسم وعش حياتك بابتسامه لترضى مهما كنت خبل والناس قالوا مافي مخ ما اعرف اوقع اعرف ابصم