الـوزن الثـقـيــل

**عميد الزكرتية** · 01-17-2007, 11:10 AM

السلاااااام عليــكم

اليوم مع شعر الوزن الثقيل

للشـــاعر الكبير

سلطان ابن وسّـام الهاجري

وعلى طاري الوزن الثقيل شاعرنا اطلق إسم (( الوزن الثقيل ))

على ديوانه الأوّل .. وباكورة إنتاجه من الدواوين المسموعه

فـ هنيئا ً للسّاحة الشعبيّة ولنا بالوزن الثقيل من سلطان الهاجري

القصيدة الاولى

(( مايصح الا الصحيح ))

حملها بصوت الشاعر من هنا

[عفواً يمكن مشاهدة الروابط للمسجلين فقط للتسجيل اضغط هنا]

والقصيدة الثانية (( طلت زينب العسكري ))

حملها بصوت الشاعر من هنا

[عفواً يمكن مشاهدة الروابط للمسجلين فقط للتسجيل اضغط هنا]

وسلاااااااااامتكم

**سلف خمسة** · 01-17-2007, 11:53 PM

سلام ..!

ارحب ياعميدنا

لبى قليبك قسمن لك وحشه

ماشاء الله عليك دائما ذوقك ملعون حرثان

ياخي انا خاق مع سوسو لابعد درجه

هو وضيدان مسوين لهم مدارس ومجمعات ومواني وكل شي لتعليم الشعر

ويقولون ليه ماشاركوا في شاعر المليون

ماعاد الا الكااصيده يقـيّمهم ويعطيهم ملاحظات

اقتباس:

ماعلى الدنيـا ضميـراً مستريـح
كــل خـلــق الله تـعــن خيـولـهـا
ذا يـحـن وذا يــون وذا يـصـيـح
وذا يخـطـف راسـهـا ورجولـهـا
والشعـر هــذا قبـيـح وذا ملـيـح
وكــل ابـوهـا سـاريـاً مفعولـهـا

الله الله

صح لسان شاعرنا المبدع سلطان الهاجري

وصح نقلك وذوقك ياعميد لبى خشيمك

وزينب العسكري من زمان كانت بي ام اخر موديل

والحين إكسنت 95 بدون رفارف

يعطيك العويفيه يابعد جبدي

مع السلامة ,,

وني وني وني وني

**ميلاني هلالي** · 01-18-2007, 04:00 AM

والا تدري مايصح الا الصحيح
...................خـاطــب الـعـالـم قـــد عقـولـهـا

عليكم السلام ..

هلا بالعميد ..

وشذا الزين ياولد ..

واخيرا ً نزل ديوانه ..

مانلقى له قصايد صوتيه الا موشوشه

( مهيب صافيه )

عز الله انه جزل و وزن ثقيل ذا الهاجري ..

زين ما اخترت يالعميد ..

لاهنت يابعدي ..

فمان الله ,’,’,’,’,

أبو عبيد · 01-18-2007, 04:39 PM

تسلم يالعميد ,
وعداك العيب ياما الغناة
.
القصيدة أكثر من جميلة,,,
.
.
وأستر ما واجهت ....... على ترحيبة (العهد البيزنطي)

تراها جايه بالغلط

.
.
يعطيك ألف عافية
.
.

**SHAHAD** · 01-18-2007, 10:05 PM

وعليكم السلام ورحمة الله وبركاته

حّي الله العميد و جلايب العميد

ما شاء الله عليك تعرف تنقي

صح لسان الشاعر .. و سلم نقلك الرائع

و لا تحرمنا مواضيعك ذوات الوزن الثقيل دائماً

..

اسير الصمت · 01-18-2007, 10:34 PM


	تسلم اخوي على الموضوع وصح لسانك ولسان الشاعر على هالابيات الحلوه

**ياتسبدي تسبداه** · 01-19-2007, 10:51 PM

أهلن بالعيد ..

الصراحه مزعجه وأنا صريح /:/ تزعجك ماتزعجك ... بقولها

صح لسان إبن وسّام ...

شاعر ذو إمكانيات فوق الرائعه ...

أبياته سمينه ...

وأستوقفني من أبياته التي من ضمن الشريط :

ودّعتك النسمات ياورد الأشواق /:/ كرامتي تحكم على إنصرافي

وأعود فأقول لك لا هنت ايه العميد على الأختيار الموفق ...

كن أنت وإبن وسّام بخير ..

فرطه · 01-21-2007, 08:02 AM

وعليكم السلام والرحمه

اقتباس:

اليوم مع شعر الوزن الثقيل

^
^
جايزتن لي هالعباره بالحيل
واحس ان اهلها مهضوم(ن) حقهم هالايام

ماعلينا

حي الله العميد
وصح لسان الهاجري وجاد بنانه

اقتباس:

يالله انــي دخيـلـك يامـنـجّـي الـدخـيـل
جعلـنـي دايـمـاً مـتـهـوم وانـــا بـــري
مـايــذل الـعـزيــز ولا يــعــز الـذلـيــل
كود مسرى الخطر في ليـل ماينسـري

^
^
يابخت من اشخر وهو مظلوم ولا سعبل وهو ظالم

اقتباس:

ماعلى الدنيـا ضميـراً مستريـح
كــل خـلـق الله تـعــن خيـولـهـا
ذا يحـن وذا يــون وذا يصـيـح
وذا يخطـف راسـهـا ورجولـهـا

^
^
انا اشهد يابعدي

الله يعطيك العافيه يالعميد
اختيار موفق والزين مايجيب الا الزين

**عميد الزكرتية** · 01-24-2007, 08:10 AM

ارررحب ياسلف

لبى خشيمك اي والله

ما الومك في الخقــه مع سوسو وضيدان

لانهم افضل الموجود في الساحه

اقتباس:

ماعاد الا الكااصيده يقـيّمهم ويعطيهم ملاحظات

لا ،، تراني بزعل عليك

كلش الا غسان << لبى لغابيبه

تدري انه هو والمسعودي افضل المحللين

الموجودين في اللجنه

يا خي إذا اعطاك ملاحظه تحس انها منطقيه

والحقيقة انه وسّع مداركنا

واعطانا مصطلحات ادبيه وشعريه جديدة

ماعلينا انت وش لونك

اقتباس:

وزينب العسكري من زمان كانت بي ام اخر موديل

والحين إكسنت 95 بدون رفارف

صح من زمان بي ام اخر موديل

بس ما زال فيها مرقه

يعني تقدر تقول انها الحين كاديلك موديل 99<< المتفرثن هذاك

الله يعطيك العافيـــه ياسلوووفي

ولااااااهنت

**عميد الزكرتية** · 01-24-2007, 08:51 AM

ارررحب ياميلاني هلالي

يالله حيــّه

وشلوونك فديتك

اقتباس:

عز الله انه جزل و وزن ثقيل ذا الهاجري ..

زين ما اخترت يالعميد ..

الله يسلمك يابعدي

ولااااهنت على المشـــاركة

**عميد الزكرتية** · 01-24-2007, 08:54 AM

ارررحب ياأبو عبيد

يالله حيـــّـه

وشلونك مع كمبيوتر العائله

والا خلاص الحين عهد البلاي ستيشن

اقتباس:

وأستر ما واجهت ....... على ترحيبة (العهد البيزنطي)
تراها جايه بالغلط

خخخخخخخخخخخخخخخخخخخ

الله يعافيك يابوعبيــــد

ولاااااااهنت يالذيب

**عميد الزكرتية** · 01-24-2007, 09:00 AM

اررررحبي ياشـهـــد

يالله حيــّــهــا

كيف حالك

يامال العـافيـــه

صح بدنك وسلمتي

اقتباس:

و لا تحرمنا مواضيعك ذوات الوزن الثقيل دائماً

اطراء اعتز فيــــه ياشهــد

لااااااااااااااهنتي

**عميد الزكرتية** · 01-24-2007, 09:08 AM

اررررحب يااسير الصمت

يالله حيـــّه

صح يدنك ولااااااااااااهنت

اعلانات المنتدى