..:: قفر المشاعر ::..

**نور الدنيا** · 01-08-2007, 05:52 AM

صباح الشعر والعصافير ,,

قصيدتي الجديدة من الشعر الحر ,, اتمنى ان تروق لكم وتنال استحسانكم ,,

:: قفر المشاعر::

وحدها قفر المشاعر
اتعبت احساس شاعر
خانه الحرف وتمرد
في مسافات الدفاتر
حاول انه ينزف احساسه قصيده
لاجل يبيده
يمكن انه لارحل عنه يسافر
في المسا المتمرغ بوجه الحكايا
ينتظر بوحه معايا
ينتظر نجمة شقيه
ترسم احلامه مرايا
وجهي المسكون فيها
يتشكل " ياسمينه"
تلثم احساسه ويدينه
تنتظر رد العطايا
ياشقايا..
وحده الخذلان حاضر
لما لمتنى الدفاتر
وانطويت بصفحاتها منفى ونهايه
آه ياسود النوايا
وآه ياقفر المشاعر..

كتبتها بتاريخ : 24/11/2006
الساعه 8:30 صباحاً

وقتها كنت مواصله ع النت وتوني بنام والا يجيني الهام الشعر يقولي قومي قمّتك ماهنا نوم

واكتب في شبه ظلمه واكتب واكتب واشطب وارجع اكتب الين قضيت ثم نمت ويوم اني صحيت قريتها واستوعبتها لكن وقتها مدري وش جالسه اكتب

لوخطي مهوب قرف والمسوده ماتحوم الكبد كنت صورتها لكن احتمال المره الجايه اتهور واصورها

بتلاحظون كلمة " مرسى" بدل " منفى " والغلط مني لاني كتبتها وارسلتها " مرسى " والصحيح " منفى" لاني وقتها كتبتها من ذاكرتي عشان كذا عدلتها

هـ المره استخدمت كاميرا ديجيتال في التصوير واضطريت افتح الاضاءة في الفوتوشوب..

تم نشر القصيدة في يوم الجمعة
16 من ذي الحجة 1427هـ
الموافق 5 يناير2007
صحيفة "الراي"
صفحة " السابعة صباحاً" الشعبية / الشعرية

آراءكم لاعدمتكم في اللهجة العامية طبعا

**هجير** · 01-08-2007, 06:52 AM

صبـاح النـدى يانور الدنيا

(( قـفر المشاعـــر))

رووعــــه الأسلوب والاحساس

دام لك الهامك دوم وبأي وقت

وتنثريـن قلمك وبوحك

لين يوصل للقلب

سلمتـــي يـ لالمـار وصح لسانك يالغلا

وموفقة بكل كتابتك ان شاء الله

سلطان الحوطي · 01-08-2007, 10:24 AM

صباح الخيرات و المسرات

ما شاء الله وشاعره بعد...

مبدعه بالشعر مثل ما انتى مبدعه بالتصاميم...

كلمات رائعه....ما شاء الله عليك .
ما اقدر اقول كلام افضل من كلام اختى هجير..

وزيرالزحف9@9 · 01-08-2007, 12:48 PM

السلام عليكم ورحمة الله وبركاته
بصراحه ماشاء الله كلمات جداا رائعه وأسلوب يجذب أتمنى أقرأمنك قصايدأخرى

**عميد الزكرتية** · 01-08-2007, 12:54 PM

نور الدنيا

الله ينور لك طريقك

اررررحبي مليوووون يامبدعه

ماشـــــاء الله عليك

اقتباس:

المشاركة الأصلية كتبت بواسطة لامار

:: قفر المشاعر::

وحدها قفر المشاعر
اتعبت احساس شاعر
خانه الحرف وتمرد
في مسافات الدفاتر
حاول انه ينزف احساسه قصيده
لاجل يبيده
يمكن انه لارحل عنه يسافر
في المسا المتمرغ بوجه الحكايا
ينتظر بوحه معايا
ينتظر نجمة شقيه
ترسم احلامه مرايا
وجهي المسكون فيها
يتشكل " ياسمينه"
تلثم احساسه ويدينه
تنتظر رد العطايا
ياشقايا..
وحده الخذلان حاضر
لما لمتنى الدفاتر
وانطويت بصفحاتها منفى ونهايه
آه ياسود النوايا
وآه ياقفر المشاعر..

وش خليتي من الزين

صح بوووحك يا لامار

**شيختهم** · 01-08-2007, 01:41 PM

مرحبا نور

اقتباس:

تم نشر القصيدة في يوم الجمعة
16 من ذي الحجة 1427هـ

هذا احسن شي في الصفحه << يوم ميلادي (وجه فرحان)

وش هالابداع لامار

الله ينور طريقك على قولة العميد

وننتظر جديد ابدعك

**نور الدنيا** · 01-09-2007, 01:35 AM

هجير

حضورك اروع اكيد

سلمت حروفك اللي زينت موضوعي

كل الشكر والامتنان لـ بهاء كلماتك

اعذب وارق التحايا ,,

**نور الدنيا** · 01-09-2007, 01:37 AM

سلطان الحوطي
اتمنى اني اكون وصلت مرتبة الابداع

مبسوطه انها عجبتك

اسعدتني ربي يسعدك

شكرا لعطر حروفك ,,

وفقت ,,

**بيـــــــــش** · 01-09-2007, 09:56 AM

صباح الهنود والمسامير >> ماخلوها تنام عساهم الهندري

وزير الزحف

العميد

شيختهم

واذا رديتي على شيختهم بتردين علي

بيش تقول :

نزلي صورة المسودة بشوف اذا خطتس زين وإلا أوب زين

بخليتس تخطين لوحة لوحده من الأبلات الله يهديها تعجز تكتب على السبورة

مخليه الدروس بالدور على البنات في الفصل يكتبونها على صحيفة

ويجيبونها ويعلقونها على السبورة وهي بس تجي تأشر عليها وتقول فهمتوا؟؟؟

عاد اذا جا دوري بخليتس تخطينها وتحطين اسمي تحت بتصميم فوتوشوبي >> طراره وتتشرط

ابداع يانوروه وربي

ماهوب غريب عليتس يا أوستازه

ان شاء الله نشوفوتس جريداتيه أد الدونيا ويحطون اسمتس مع جعفر عباس وتركي السديري

للحين مانزلتي اسمتس الصريح؟

>> وش تبين؟

تسلم الأنامل والالهام السحري ألف لاإله إلا الله

ويذ

>> أحس انتس مصورة من جريدة تم إصدارها عام 1383 هـ

**نور الدنيا** · 01-09-2007, 04:20 PM

وزيرالزحف9@9

عليكم السلام ورحمة الله وبركاته

شكرا لـ كلامك الرائع

وان شاء الله تقرا قصايد ثانيه بس يجينا الدور بـ النشر

كن بـ خير ,,

**نور الدنيا** · 01-10-2007, 10:54 PM

عميد الزكرتية

صح بدنك وروحك عميدنا

الابداع بعض مما عندكم

حضورك وردك شرف كبير لي

كل التقدير والامتنان ,,

**نور الدنيا** · 01-11-2007, 12:13 AM

هلا وغلا شيختهم

ميلادي هجري مايفرق الموهم انها نزلت اخيرا بعد صبرن طويلن

شكرا ,, على تشجيعك الدائم لي
وجديدي الليله ارسله لهم

احلى وردة لقلبك ( ورده حمره)

**نور الدنيا** · 01-11-2007, 12:42 AM

اقتباس:

المشاركة الأصلية كتبت بواسطة بيـــــــــش

صباح الهنود والمسامير >> ماخلوها تنام عساهم الهندري

وزير الزحف

العميد

شيختهم

واذا رديتي على شيختهم بتردين علي

:

هلا وغلا بشبوشه
كنت بتهور وارد عليك قبلهم مير خفت يزعلون

والله يعينك على لجة الهنود قد مريت بـ هالموقف لكن الحمدالله تأقلمت وقدرت انام رغمن عن انفهم

اقتباس:

المشاركة الأصلية كتبت بواسطة بيـــــــــش

بيش تقول :

نزلي صورة المسودة بشوف اذا خطتس زين وإلا أوب زين

بخليتس تخطين لوحة لوحده من الأبلات الله يهديها تعجز تكتب على السبورة

مخليه الدروس بالدور على البنات في الفصل يكتبونها على صحيفة

ويجيبونها ويعلقونها على السبورة وهي بس تجي تأشر عليها وتقول فهمتوا؟؟؟

عاد اذا جا دوري بخليتس تخطينها وتحطين اسمي تحت بتصميم فوتوشوبي >> طراره وتتشرط

بدون لاانزلها خطي انواع القرف والعفن والتلبك الخطي

تصدقين مرات ماافهم خطي

وربي ماامزح

مرات اكتب واجي بعد فتره احاول افك الشفره ابطي عظم ولا افكها

حتى بالجامعه كنت اكتب النوتس بسرعه واذا جيت ادرس نص الكلام ماعرف اقراه واتوهق

جد خطي اصعب من شفرة مورس

بحاول اصوره وانزله كرمالك عشان تضحكين بس واوسع صدرك قبل الاختبارات

ولو الابله حقتكم تشوف خطي بتعطيني زيرو بالثلاث

اقتباس:

المشاركة الأصلية كتبت بواسطة بيـــــــــش

ابداع يانوروه وربي

ماهوب غريب عليتس يا أوستازه

ان شاء الله نشوفوتس جريداتيه أد الدونيا ويحطون اسمتس مع جعفر عباس وتركي السديري

اعلانات المنتدى