الله يبارك فالوليمه .. وابوكاس=والله يبارك فالدجاج البخاري
من بعدها والناس تمشي مع الناس=لاعاد فيه أصلي والا به تجاري
ولاعاد به ياطيب الراس والساس=الا .. مجمعة الحكي والهذاري
راحو هل البارود والسيف والطاس=ضوارياً ماروضتها الضواري
أهل الدلال اللي على النار جلاس=وأهل الصحون المكرمه والغوراي
من عقبهم وأنا مشوش ومحتاس=وطاراً علي من الطواري طواري
يارب ترحمهم .. مع حبس الانفاس=والا.. توريهم دروب العزاري
من بعد هذا ياهل العرف لاباس=ترى السوالف بين بايع وشاري
العولمه ماغير حبراً بقرطاس=وأم الكباير فوق روس الكباري
هذا على دبكه وهذا على كاس=وهذا مع الكورنيش يضرب بواري
وعباس .. ياعباس ماهوب عباس=وسمير جعجع صار وجهٍ حضاري
والارض حساسه والانسان حساس=والاحتباس اللي يسمى حراري
والمسلمين اللي تكيس بالاكياس=نبغى لها سيفاً شطير وسواري
وصميدعاً ضاري على كل نوماس=وددسن نلغمها وشخص أنتحاري
وأقول ياللي راكباً فوق عرماس=من هجن أبن ثاني وأبوها شراري
المشكله لاوقع الفاس بالراس=ولاعاد عينتوا جيوش الطواري
أقعد وغنى لكل غربي ونسناس=الله يعزك يالدجاج البخاري

والارض حساسه والانسان حساس=والاحتباس اللي يسمى حراري
والمسلمين اللي تكيس بالاكياس=نبغى لها سيفاً شطير وسواري
وصميدعاً ضاري على كل نوماس=وددسن نلغمها وشخص أنتحاري