¨°o.O ( د جـ هـ 666 و ما زال للأوريو بقية ) O.o°¨

**SHAHAD** · 12-24-2006, 09:24 PM

السلام عليكم و رحمة الله و بركاته

يســ صباحكم & مسائكم ـعــد

أخباركن ؟ إن شاء الله طيبين ؟

ما زال الأوريو متصدر قائمات الحلى مثل ما الهلال متصدر الدوري

<< تسمع بالتشويق و المقدمات

الموهم و عشان لا أكثر كلام

أخاف أجيب العيد بدري

هذا حلى و إن شاء الله يعجبكن

سمن بالله و أتبعن الصور بس لا تضيعن

ملاحظة صوغننة أد كد هوه ... الجالكسي حطيه في قدر و حطيه على النار بس بدون ما تفكين الجالكسي عشان يذوب

..

**nAmLaT nAjD** · 12-24-2006, 11:41 PM

وعليكوم السلام ورحمتو الله وبركاتوه

حي الله سنعتنا

وش لونتس دلوئتي ؟ << توها تفطن تسأل (الله من السنع)

ياحبيله اوريو يصلح في كل عاير

في عالم الحلى

دائماً في الطليعة

الحلى شكله لذيذ وطعمة سهل

<< رتبي الجمله زي ماتبين

مع اني تعقدت من الحليب عقب حلى سحوبة طلع معي شوربه

تهقون اني رفلا؟

ماشالله عليتس مس شهودة ترتيب حلو وخطوات واضحه

يسلمو هالديات يارب

حلى حلو بحلاوة راعيته

ننتظر جديدتس

مع السلاحف

**SHAHAD** · 12-25-2006, 01:43 AM

هلا و الله بأم السنع كله

أنا الحمدلله بخير و نعمه أنتي شلونتس ؟

و صادقة و الله شّل سوبر بلس دائماً في الطليعه

و الأوريو بعد

و ترا صدق الحلى شكله لذيذ وطعمة سهل

<< عجزة ترتب بعد هي

..

و يا حوبي أنتي إذا صلحتيه خليه بالقليل 8 ساعات بالفريزر

أنا صلحته الساعة 1 بالليل و خليته بالفريزر إلا الساعة 12 الظهر

بعدها حطيته بالثلاجه لمن وقت التقديم

..

<< قصة حياتها

تسلمين نملتنا على هالطلة الحلوة و لا تحرمينا

..

**بيـــــــــش** · 12-25-2006, 03:17 AM

وعليكو السلامو

اييييش هادااا

شهوده وين بيتكم تكفين >> تبيها

وقسم أبيتس بس تصلحين لي كل يوم حلا

ياربي خربوني عيال المنتدى (وجه يخترب بسرعه) شغل تايوان

(نسخ لصق ،، يااختي تعالي سوي حلى شهوده)

كان السطر اللي فوق حوار خاص بيني وبين اختي مالتس شغل فيه

شهوده انتي ليه ماتحبيني؟؟

كله تسوين حلى يبي له نومه في الفريز وبعدين غفوة في الثلاجه؟

أنا أبي حلى أسويه وأنا آكله

ماأقدر أقضب الأرض وأنا عارفه ان في الفريز حلى ينتظر من ياكله

أقلّها أغط اصبعي فيه عن نفسي

بنسويه >> لاحظي الجمع

وماأضمن لتس تمر عليه ثمان ساعات وهو على قيد الحياة

بعد الثمان ساعات يمدي معدتي تطلب غيره

يعطيتس العافية مس شهوده السنعه بالحيل أوي >> ياحظه ولد الناس

وبرايفت للنمله

انتي لتس وجه تسألين اذا كنتي رفلا وإلا لا؟

عن اللي يستحي واللي مايستحي منتس اسمحي لي أكشف لتس حقيقة مُررره

انتي رفلا

يعطيتس العوافي كلها شهوده ياألبي

ويذ أوريو >> يعني الربوع الجاي فطوري المغرب عليه بإذن واحد أحد

**د جـ هـ 666** · 12-25-2006, 03:46 AM

حلى أوريو

حتى شهد امتدت لها العدوى

يبي لكم حجز في مستشفى الامل للعلاج من الاوريو<< وجه سلف وهو ياكل حلى

تتوقعين اقول لأم العيال سوي لي حلى أوريو

شكلكم يابنات المنتدى متقاطين في كرتون أوريو بالجملة <<

تسلم يديتس شهودة

ولو

ان الشوف لنا والذوق لغيرنا << أيقونة سعبولة

سلخير

مضاوي ناصر · 12-25-2006, 05:51 PM

طريقة لذيذه وبسيطه منك يا شهد

يسعد لي أيامك يا الطيبه

اشكرك كثيرا

**هجير** · 12-27-2006, 11:41 AM

وعليكم السلام والرحمـه

عساك بخير ياشهـودهـ

ماشاء الله الأوريو قايم سوقه بالمنتدى

... الله أكبر

تسلمين ياشهودهـ الحلى سهل وتمت اضافته بقائمة دفتري

يعطيك العافيه

كبرياء أنثى · 12-27-2006, 12:51 PM

يمممي .. شهوتيني ياشهوده ..

بعدين ورا ماعلمتينا انتس سنعه عشان نخطبتس << على شحم

بس من جد اشتهيته .. سيفت الطريقه في جهازي واول ماترجع المدرسه بسويها لصديقاتي ..

شوكرن جزيلن على هيك طبخه تسلم دياتك خيتو ..

**سحابة حب** · 01-05-2007, 04:19 PM

شهوووووده ،،

حلى مرتب ،، يشبه الحلى اللي سويته ،، بس الفرق انك اضفتي القشطه ،،

و طريقة التزيين ،،

و على هالاساس ،، بيصير طعمه لذيذ

>> مازالت تسوي دعاية لحلاها

شهوووده ،، مثل ماقلتي مازال اللأوريو بقية ،،

>>> باقي عندي كم كرتون اوريو ،، ابي طريقة اصرفها بها

**SHAHAD** · 01-10-2007, 09:08 PM

ما هذا

بشبوشتي هنا تو ما نور الأوريو

و بعدين وش سالفة مشرفين السواق كلن مخطط على ضحية

و يا بعد هالدنيا كلها من قال ما أحبك !!
و إذا على حلى سريع أبشري فيه بس عطيني شوي وقت
و إذا ما تقدرين على 8 ساعات أدخلي معه الفريزر و تسلي فيه لمن تخلص الــ8 ساعات

..
الله يعافيتس بشبوشتي على هالطلة الحلوة
و ربنا يرزقك و يرزق الجميع بالرجل الصالح

..

**SHAHAD** · 01-10-2007, 09:24 PM

هلا بدجتنا المدجج بالــ 666
وش دعوهـ يبه العدوى ممتدهـ منذو زمن
راجع الموضوع اللي قبل هذا

و بعدين عادي يا جدي إذا قلت لأم العيال تصلحه
و بخصوص القطه ما فيها شئ لزوم التوفير

ربنا يسلمك من كل شّر و لا تزعل يقولون العين تشبع قبل البطن
عشان كذا مخلية الشوف لك

..

**نص 000 قلب** · 01-19-2007, 02:31 AM

السلام عليكم 000000

شلونج شهوده حبيبتي
اولا انا بكلم وكيل الاوريو لاجل يعطيج كومشن على هالدعايه الي تسوينها للاوريو

حلو سهل جدا للاوقات العصيبه

تسلم الايادي يا قلبي

سعيد الغاز · 02-06-2007, 09:41 PM

الف الف الف شكر

اعلانات المنتدى