تكفى ترى تكفى تهز الرجاجيل

فرطه · 12-19-2006, 11:59 AM

صبحكم الله بالخير ياالزكرتيه
من زمااان وانا اسمع بتكفى ترى تكفى تهز الرجاجيل ولا اعرف باقيها
ويقدر الله علي واطيح في القصيده كامله قلت انقلها لكم
وهي للشاعر محمد الدحيمي على حسب ماقريت

اما لطمنا العيل والا ألطم العيل
مادام شب النار مندوب الاطفا

من ذاق حر القايله يعشق الليل
ومن شب ضوه ليلة البرد يدفـا

امسيت في جيلٍ ولاهوب ذا الجيل
واصبحت والا ديرتي شبه منفـا

واللي حما بيته بطيـرن ابابيـل
ماجيت ادور كل من صد وقفا

ولاجيت ابشحذ يانما دلّه وهيل
جيتك وجرح الظلم غاديه يشفا

جيتك بكلمه كنها صعقة الويل
ان قلت تكفى لاتهـاون بتكفـى

تكفى تراها كلمةٍ تقطم الحيـل
لابالله الا تنسف الحيـل نسفـا

تكفى ترا تكفى لها هدرة السيـل
في صدر حرٍ ينتف الطيب نتفـا

تكفى ترا تكفى لها تسّرج الخيـل
ان كان لك في مجمع الخيل عسفا

تكفى تراني من قرومٍ مشاكيـل
حماية الساقه بسيـفٍ وشلفـا

تكفى وتكفى ماتسـاق لمهابيـل
تكفى تخلّي القرم لاشٍ وهطفـا

تكفى ترى تكفى تهزّ الرجاجيـل
لولا صروف الوقت ماقلت تكفى

شطبنا خلاص ياقدعااان

مصرقعه شِيك · 12-19-2006, 06:26 PM

السلام عليكمـ ـ ورحمـ ـة الله وبركاته

::

فرطـ ــه
::

الله يمسي قليبكـ ـ بالرضا وراحة البال..

::

قصيـ ـده رائعـ ـه كلماتها جزلـ ـه

صح لسان شاعرهـ ـا

وسلمـ ـ لنا إختياركـ ـ

::

ملهماوي · 12-19-2006, 11:43 PM

اقتباس:

تكفى ترى تكفى تهزّ الرجاجيـل
لولا صروف الوقت ماقلت تكفى

انا عرفتها من محاضره ابوزقم في الشرقيه وصرت ارددها
ماتوقعتها شعر

يعطيك العافيه

**صالح الهلالي** · 12-20-2006, 09:32 PM

اقتباس:

المشاركة الأصلية كتبت بواسطة فرطه

من ذاق حر القايله يعشق الليل
ومن شب ضوه ليلة البرد يدفـا

الله الله

صح لسان الشاعر

وبيض الله وجهك اخوي فرطه على هالنقل الرائع لا عدمناك

في أمان الكريم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى