خليـــجنا واحـــــــــــــــــــد

مضاوي ناصر · 12-18-2006, 11:40 PM

السلام عليكم ورحمة الله وبركاته

في إطار المزيد من توحيد نظام دول مجلس التعاون الخليجي

تم الإعلان تباعا في أكثر من دولة خليجية عن قرار تغيير الإجازة الرسمية لنهاية الأسبوع

لتصبح الجمعة والسبت

بدلا من الخميس والجمعة والذي يقتضي المصلحة الاقتصادية العامة

البحرين قطر الإمارات تم تنفيذ القرار

السعودية الكويت عمان جاري تنفيذ القرار

وقد قرأت قبل ساعات
انه سوف يصدر قريباً ومن مصدر مؤكد بيان ملكى
بتعديل الاجازة الاسبوعية فى السعودية من الخميس والجمعة الى الجمعة والسبت اعتباراً من 1- 1- 1428هــ

اتمنى ان ينفذ حقا هذا القرار

سيكون بعض اللخبطه بالمواعيد والدوامات لكن مع الوقت سنتعود عليها

خصوصا اللي يداوم الخميس ,,,,

الحمدلله والشكر لله على نعمه ,, ربما تخف طينة الجمعه وهو يوم مبارك

.

شكرا لكم أحبائي الزكرتيه

**سلف خمسة** · 12-19-2006, 12:47 AM

سلام ..!

شلونتس مضاوين بنت ناصر

اشوفه قرار صائب وياليت ينفذونه في الموعد المقترح

من يومني في اول ابتدائي والعطله خميس وجمعه

خلنا نحس بتغيير شوي

الروتين ممل

والجمعه عندنا مع انه يوم فضيل

الا انه من يجي مغرب الجمعه الواحد يجيه اكتـئاب وحاله نفسيه

لكن خلنا نحب الجمعه من جد

عطله ويوم فضيل ياسلام سلم

جاني بالإيميل خبر متل هيك

وسألت واحد من الربع مدير مدرسه

يقول ماوصلني اي شي وكان مستغرب من اللي اقوله

فـ ان شاء الله يطبقونه عشان مانكون متخلفين عن ركب الدول الخليجيه

وما نكرر سالفة منع السفر لدول الخليج بالبطاقه

يعطيتس العافيه مضاوي بنت ناصر

وشكرا على الخبريه

مع السلامة ,,

وني وني وني وني

**ماشي الحال** · 12-19-2006, 01:17 AM

وعليكم السلام ورحمة الله وبركاته

يعني بيصير اول ايام الاسبوع الاحد ؟

احس ما يصلح

<< مع الايام راح تعود

سمعت عنها يمكن عشان انضمامنا لمنظمة التجاره العالميه

عشان مايتعطل الشغل مع اغلب الدول

اييييييييه وش عليتس يا ليلة السبت بتصيرين ليلة السهارى

سبحان الله بيتحول كره ليلة السبت الى حب

الله يعطيتس العافيه مضاوي ناصر

**البَــتول** · 12-19-2006, 06:47 AM

لا لالا

لا توواافقووون <<<<<صج والله

والله مب حلووووووووووووه ابد

حلاتنا ونحن بس نتحد في هالاشيااء

"" خليجنا واحد""
هع

بالتوفيق في اجازتكم الجديده

**هجير** · 12-19-2006, 07:18 AM

^
^

وانتظـري بعد نتحـد في العمله الخليجيـه

مافي ريال ولا دينار ولا روّبيه

ولا تحويل فلس وهلل

وعليكم السلام والرحمـــه

يعني مع بدايه السنه الجديدهـ راح يتطبق النظـام

السبت مافي دوام بـ يرتاحون شعبنا

الجمعه والسبت عطلــه ...

يالله مع بدايـه السنه راح نشوف الناس بحّله جديدهـ

قبل يوم السبت ثقيل على أساس

ان الخميس والجمعه عطله

يالله الله يقدم اللي فيه الخير لشعبنا

ومصلحه خليجنـا

خليجنـا واحد وشعبنا واحـد

يعطيك العافيه مضاوي

**SHAHAD** · 12-19-2006, 07:34 AM

يا حبي لنا ما نعرف الخليج الواحد

إلا بشغلات مالها سنع

يعني أحس إجازتنا كذا أحسن

من يقلبونها جمعه و سبت

يعطيك العافية مضاوي ،،،

**عميد الزكرتية** · 12-19-2006, 10:34 AM

يظل الخميس صديقنا العزيز

عندي فكرة عشان نخالف الكفار

يخلون اجازة نهاية الاسبوع خميس وجمعه وسبت

اقول تدرون وش الفايده اذا طبقوا القرار الجديد

بنستفيد يوم في بداية التطبيق

اكيد ماراح نداوم 6 ايام متواصله

فلازم ناخذها خميس وجمعه وسبت

ياخوفي يصير العكس

يعطيك العافيه يامضاوي بنت ناصر

ولايهون يوم الخميس

**nAmLaT nAjD** · 12-19-2006, 09:32 PM

^
واحد تأييد وصلحوة

مايصير الخميس دوام

الخميس من احب الايام واقربها لقليبي

غش كذا مايصير

طيب مو نزلت الميزانيه الجديدة؟

العطل ببلاش خل تصير اجازة لو سنة وحده بس

على كذا اللي يدرسون خميس بيدرسون جمعه :|

(وجه ضاق صدره)

صعبه صلاة جمعه ودراسة وقسم غش

شلون نتبخر ونفطر وناس تشتغل وناس تدرس

مضاوي تكفين خليهم يهونون << فاهمه غلط

الحسنة الوحيدة ان معاملات البنوك بتمشي بشكل اسرع

وبالتالي الاسهم بترتفع << لا تزال فاهمه غلط

صعبه بعد يعطلون مصالح الاوادم على ابو اجازة

4 ايام في الاسبوع توقف المعاملات

طيب ليه هم مايزحفون يوم ورا وحنا نزحف يوم قدام

وكلنا نحب بعض؟

<< لايكثر بس

مس مضاوي شوركرن جزيلن

مع السلاحف

سلطان الحوطي · 12-20-2006, 07:38 AM

وعليكم السلام وؤحمة الله وبركاته...
هزا كلام ما زين...تخيل دوام يوم الجمعه..اوه ه ه <<<

هذا هراء<<<< مانت عاقل يا ابو السلاطين..
صدق الرسول الكريم صلى الله عليه وسلم حين قال" فتنة امتى المال" او كما قال الرسول صلى الله عليه وسلم...
يعنى عشان القروش يتغير نظام كامل الله المستعان..وما خفي اعظم

**بيـــــــــش** · 12-21-2006, 05:32 PM

وعليكوم السلام

مضاوي

قولي لهم تقول لكم بيش تراها ماتبي النظام الجديد

<< أمانه حطي لهم هالأيقونه

مستحيل أتخيل نفسي لابسه مريول يوم الخميس

مسخره وربي

وقولي لهم ان عندي اقتراح صغير

براحتهم يقبلونه إلا انا بيت أهلي وهم بيت أهلهم >> عرس

ورا مايخلون الدوام يوم ويوم

يعني دوامنا يصير الجمعة والأحد والثلوث بسسسسس

بنخلي السبت إجازة علشان خاطرهم وإلا حنا ودنا نداوم فيه >> على مريول كمه قصير

والأثنين والخميس أيام فضيله

ويمكن نصومهم واللي يصوم مايداوم إلا الساعة عشر ودوام الساعة عشر مايصلح إلا في رمضان

يعني خلااااااص انتهى النقاش ،، نبيهم إجازة

والربوع يوم عائلي

دوام الخميس وإجازة السبت

لالا والله مايصلح خلاص تعودنا نصير خياش نوم يوم الخميس

والجمعة ماأعرفني لو أبتسم فيه

لازم يضيق صدري ويبنشر وجهي ويخف هوا عجلاتي >> اخواني يقولون

تهقون انها شتيمه؟ يعني أزعل عليهم وإلا أصير فري؟ >> اكلي شوي بيتيفور

خلاص وميض

دلع مضاوي بنت عمي

بس هي أبوها محمد ماهوب ناصر تعرفينها؟ >> انطمي

اتفقنا اننا مانبي الدوام يتغير

حتى انتي غيري راييتس ومانبي نسوي إجازتنا مع اليهود >> أحاول أشوّه الفكره

يعطيتس العوافي كلها ياألبي

ويذ ليلة سبت >> يعني محمد عبده زين مابعد مات علشان يغني لنا حق ليلة السبت

حسب الظروف · 12-24-2006, 06:51 PM

انا من المعارضين وبشده ان تكون العطله جمعه وسبت

لان حلاتها ليلة الخميس تحس بشعور جميل وسهر طويل

واللي يقول التجاره الحر مال المدارس والتجاره يعني البنوك وغيرها صح اقولك معهم حق جمعه وسبت

اما التعليم فخلّه على ماهو وشكرا

مضاوي ناصر · 12-25-2006, 04:48 PM

كيف يخلون التعليم منفصل عن المصلحه العامه والوظائف للبالغين ؟

هذا تضاد كبير في المجتمع

عموما اشكر مروركم اخواني الكرام وأخواتي الغاليات

سلف خمسه , ماشي الحال , هجير , البتول , شهد , العميد , نملة نجد ,
سلطان الحوطي , بيش , حسب الظروف .

ونتمنى الخير لمجتمعنا بكل اختيار من ولي أمرنا .

الى تقرير اخباري جديد بأذن الله .

عبوودي · 04-22-2007, 12:28 AM

وانتظـري بعد نتحـد في العمله الخليجيـه

مافي ريال ولا دينار ولا روّبيه

ولا تحويل فلس وهلل

^^^^^^
هذي حلوة

اعلانات المنتدى