اذا كان حبيبك عسل حطه للنمل :) - الصفحة 2

**البَــتول** · 12-18-2006, 09:03 AM

يااااااااااااااااااااي

اباااااااااا بوووت

ما يصير بيشووو
تحطين ابواات
ما نلقااهم الا فالاحلاااام

الابيض خطيييييييييييير

روووعه
بس خااطري فبووت وردي

ابا اصير بنكيه هالعيد

يسلموو بيشوو على هالمجمووعه

بس مره ثاانيه لا اتييبين لنا شي ما نوصل له

(شووف وحرقه يوف)

**بيـــــــــش** · 12-18-2006, 04:48 PM

8
8
يمه وش كثر أحبكم كلكم

هلا سحبووب >> ياحظتس لقيت لتس دلع جديد

الغلط منتس وأنا أمتس يومتس تدورين ولاتشاورين

وبعدين لاتقولين درت أسواق الشرقية كلها ومالقيت

لو انتس قايلتن لي كان دليتتس على سوق دعيدع عندنا

فيه أشهر الماركات الايطالية حقين أهل أزواج نملاية وشوقو

ومسوين عليها ديسكاونت وعروض مجانية

يعني يمديتس تاخذين جوزين وتفتحينهم على بعض علشان الحجم العائلي

وبعدين خلتس مثلي

أنا فكرت أشتري لهالعيد ذيك الجزمة الطويلة حقت بدلة الغوص

عساها تكفي أخفاف البعارين

ويمكن بالمره أشتري بدلة غوص وأخليه عيد بحري >> على بعيره غرقانة

وإلا نحطها بذمتتس ونخلي هالعيد حافي

وعن ينقدون علينا الحريّم نلبس أم حديجان (وجه غرشه أم النعام) << فاقدتها

ولايضيق صدرتس وأنا أمتس اذا مالقيتي اللي في بالتس

يقولون ان السوق عندنا داج بقوة والذوق فيه متدحدر >> مابعد قضيت للعيد

مالنا غير نسايب الطليان يفزعون لنا

ولاعاد تعصبين علي لأن مشاعري رهيفة ماتتحمل (وجه خدوده مكسوره الخاطر) << وجه جديد

وخري ياراعية الذوق كله

طلتتس هي الروعة ياألبي ولاعاد تصارخين علي

ويذ الأسواق >> يعني من الدوران في أسواق الشرقية علميني وش أزين محل قبل أبدا الحوسه

**بيـــــــــش** · 12-18-2006, 05:18 PM

شيوخه ياألب ألبي

تسلم عويناتتس اللي شافت السلام وردت ،، أحسن من ناس ربي شاق في جبهتهم عيون للزينة بس

هذا وانتي بتنامين يالساحرة >> ماتعرف تنضل

ماشاء الله عليتس ألف ياأم عيون

الأحلى ذوقتس اللي عجبه ذوقي

ويعافيتس على هالرد الناعم ياشيخة العبيرات كلهم

على الرحب والسعة (وجه ماهوب وجهي)

ويذ دنقي شوي >> يعني خليني أشوف اللي بعدتس

**بيـــــــــش** · 12-18-2006, 06:03 PM

اقتباس:

بواسطة أم عتب
بصراحه يابيشووووووووووا

حسيت اني جويل

البوت اللي اخترتيه ذوق وروعة >> طبعا أنا اللي حاطته

وفيه ميزة عن غيره وهي انتس تقدرين تلبسينه مع بلوزة بس يعني بدون تنورة (وجه ستار أكاديمي)

وحطيها بذمتتس ترى ماعلي منتس اذا صار ماصار

عقوبة من ربي وإلا خيازرين منقوعة بماي وخل وتقطعت على ظهرتس

والأحجام العائلية متوفرة عندنا في الطول والعرض خليها على ربتس بس

أنا شاكه ان جداني من باقي سلالة يأجوج ومأجوج

وطريقة لبسها والله مدري وش سالفتها

بس أتوقع انها تتمدد وإلا فيها سحاب مخفي (وجه يطل ورى البوت)

حياتس يا ألبي في مكانتس ومحلتس وعساه ملبوس العافية >> على أساس جايه تشترين

ويذ يلا >> يعني وخري طال عمرتس

**بيـــــــــش** · 12-18-2006, 06:49 PM

هلا وغلا بتس هجرجر

اثنين ترحيب أد الدونيا للي يردون السلام >> بالذمه ماحسيتوا اني ناشبه؟

النور بوجودتس يالبطاطسة

ياحليلتس مثلي متعاطفة قلبن وقالبن مع هالبنت اللي في الأنشودة

أحس ان فيها شبه مني اذا صرت عاقلة ورزينة

وشكلتس من فصيلتي في العقل والرزانة >> الله يرحمنا برحمته

هجرجر

لاتطرين لي جزمة علاء الدين لأن لها معي مواقف سودا

مانيب قايلتها طبعاً علشان ماأحد يستغلها ضدي

يكفي اني اذا لبستها أحس اني مرسومة مانيب آدمية صدق >> ياليتني اللي في التوقيع

وتعالي هنا

وش دخل السعودي في مقاس رجلينتس اللي غير وغير

يعني الهندي يبي يمغط الجزمة حقت رجلتس الطويلة مثلا؟

عاهات يالله لك الحمد

ناس رجيلها طويلة وناس كبيرة وناس كوكتيل وناس تجمع كل المميزات >> الأخيرة

بس السعودي ماله شغل

<< مع حملة من قال الشوغول عيب

إلا صدق وش علة جزم هالأيام مقاس اليمين يفرق عن اليسار

الظاهر ان الايطاليين رجيلهم وحده ووحده >> عيب شرعي يمكن يغير راي بعض الناس

واللي اخترتيه تراي مشتهيته مع تنورة مخططه ورب بنفس اللون مع لون ثاني

عاد وشو ،، مدري

اذا لقيتيه ثوبيه لي مع التنورة وماأبي أكلف عليتس تدورين له بلوزة

بقول لشهوده تجيب لي معها ،، هي ودها فيه بعد >> بيقضون لها للعيد

والبوت الأبيض يجنن بس مثل ماقلت لتس

اذا بغيتي تطلعين به إلبسي عليه كيس وإلا شيليه بكرتونه وإلبسيه على باب بيت الناس

ياحبي لتس هجورايه

نفخت راستس هذرة وبعدتس تقرين

ويذ يلا مرة ثانية >> يعني دورتس انتهى الحين نراكي في الجايات أكثر

**شقرديه** · 12-18-2006, 07:07 PM

الحين مزعجتني ورسايلن رايحة ورسايلن جاية

وافضي الصندوق الوارد حول عشر مرات على حسابتس

وتاليتها أبوات

وعليكم السلام ورحمه الله وبركاته ومغفرته ومرضاته وطيب صلواته

أولا سيتم حذف الموضوع لمخالفته شروط الكتابة في القسم

وهي أولا: أول رد لازم يكون من معزبات الصالة والمقلط

ثانيا:تصريح رسمي بطرح الموضوع

ثالثا:إرسال هدايا للمعزبات ولا بأس أن تكون الهدية بوت

س اصبري لين اشتري للعيد عشان اعلمتس اللون اللي أبي

رابعا: اطمري اللي فوق ماعدا السلام ودحدري معي

اعتذر عن غيابي الفترة السابقة بسبب

سوء الأحوال الجوية >>طيارة مو آدمية

الظاهر حقين شركة الهاتف اللي عندنا يوم دروا

انتس بتنزلين موضوع في المقلط

وأني متشوقة اعرف وشهو طرت عليهم

يعدلون ويبدلون في المقسمات الله لايقسم للعدو خير

أو ان الاتصال تجاوب وجدانيا مع الاتصال في الحسا وانقطع

وهلا بدنا نبليش بالكوليكشن ياللي سدحتيه عنّا

مجموعة روعة وذوق ولو بحط اللي اعجبتني بحط أغلب الصور

وخاصة أني اخق مع الأبوات

الله يعطيك العافية ياقلبي

وتعيشين وتتحفينا بمثل هالمواضيع

**بيـــــــــش** · 12-18-2006, 07:16 PM

مراحب وأهلات كبر الأرض والسما

الرد الأول كان بيحجز للي قلبها أخضر مثل اسمها

بس شفتتس تشاركين قلت أبد والأبد عن ألف يمين >> على كيفها

وأنتظر ردتس وماطلع

طلعت أنا قبله

ونسيت الخضرا بس ربي كاتبه في اللوح لأم لسان ونص تجي تاخذ الرد الأول

وعادي كلنا خوات أهم شي النية >> اي اسلمي

شهوده ياحته من ألبي

الذوق كله منتس وفيتس

واذاتس تبين مكانها اسألي حريم الطليان نمله وشقرديه مثلما ذكر سابقا

وإلا اصبري ألين تجيبها لنا هجوره

وماعليتس إلا البلايز روحي دوريها يمكن سوقكم أزين من اللي عندنا

وأنا بشتري لكم خواتم (وجه خطابه)

هلا بتس عدد الحروف اللي في هذرتي >> وأبشرتس بزيد المشاركات

ويذ الجلالات >> يعني ملهماوي ماتحنحن

مضاوي ناصر · 12-18-2006, 11:59 PM

ابــوات رائعه يا بيـــش

اختيار موفق كلك ذوق

احب لبس البـــوت حتى في الصيف

عند السفر والترحال لا البس الا البوت فهو مريح وساتر اكثر

شكرا لك بيش على ذوقــك وخفــة دمك

**بيـــــــــش** · 12-21-2006, 01:28 PM

بابا ملهماوي

اذا ودك بواحد ماعليك إلا انك تختار واحد أسود من الكوليكشن اللي شفته

وأنا أخططه لك بأبيض علشان يوصبح بوت رياضه >> مزوحيه هالبنت

عاد كنت بحط لك صورة بوت حق النخل

ذاك الأسود الطويل اللي يلبسونه الهنود والمقاولين والناس اللي يلبسونه >> صدق؟

هلا بك وبطلتك

ويذ

>> يعني مدري انت بتشوف ردي وإلا خروجك من جد نهائي

**بيـــــــــش** · 12-21-2006, 01:36 PM

اقتباس:

فعلا كل الابات جميلة

الأبات تستجمل أكثر بتواجدتس

اقتباس:

مشكورة على هذا الذوق الجميل في هذة المجموعة من الابوات الجميلة

تسلمين فله على طلتتس وردتس السوغنن

فله

خمنت ان اسمتس فله وفوفولولو الدلع حقتس

لاتقاطعين ياألبي خلتس دايم حولنا

دايما عندنا ذوق وننزل مواضيع وأشياء تجنن >> ياحليلي ماأعرف أسوي دعاية

حياتس فله ياألبي

**بيـــــــــش** · 12-21-2006, 01:54 PM

بتولايه هاهونا

يامرحبا يامسهلا

انتي وشو له ترمسين جيه

الأبوات موجوده على سطح الواقع

لقيت اثنين منها في الحسا عندنا >> والهندي يقول انهم محجوزين

أنا قلت لشهوده اذا تبي أشتري لها وأرسله لها رسالة خاصة

بس هي عيّت >> تدري انتس كذابه

وانتي اذا ودتس ارسلي لي وأبيعهم عليتس بديسكاونت

الفرده الوحده بخمسميه وعشرة

واذا تبين الثانيه كاسريني وأشيل عنتس العشرة

علشانتس انتي بس

أقول بتولايه حوسي بضمير في حمر عين والثاني مدري وش اسمه

واشتري لتس بوت وردي وأنا بنفسجي يعطي تمويج وردي >> من باقي أهلها

واذا لقيتي برمودا وبلوزة طويلة مناسبة هاتيها

ولاتنسين الاكسسوار والعطر والشنطة

ترى من جد سوقنا قرف قرف قرف

خلاص وخري عاد

الرد ماهوب حلا

كنتم مع بيش

اعلانات المنتدى