حل مشكلة Internet Explorer 7 [إختفاء جزء من النص]

**nAmLaT nAjD** · 12-14-2006, 12:41 AM

كح

السلامو عليكوم ورحمتو الله وبركاتوه

كح

بما اني بلشت وركبت انترنت اكسبلورر 7

وبما اني ماحصلت احد يحل لي المشكله

وبما اني هوجست فعلياً بإني ارجع القديم

نادتني بونيات افكاري في هونيهنة

وقالت تعالي يابعد امتس وجربي تحورفين

وحورفت وطلعت حورفتي بنتيجه على قدي

تمشي الحال لو اعرج

ومرت سنة وسنين وصارت كل آماله زواج << مب انا وقسم

كح

ماعلينا من كثر الهرج

مازان هرجي وانا صاحية يزين وانا مسخنة

باختصار حل مؤقت للمشكلة

وياليت اللي يعرف حل غير هذا يعلمني

لانه ماجاز لي حيل

::::
::::
::::
::::
::::
:::::::
:::::
:::
::
:

وصغر الخط لان الحجم اللي بيطلع لك حق شيبان

كح

ترا ان ماجاز لكم الشكل النهائي اسمح لكم ترجعون القديم << ياحبيبة ياحنينة

دعواتكم لنملتكوم المزنوطة

<< الصوت رايح ملح

مع السلاحف المغمى عليها

ملهماوي · 12-14-2006, 12:50 AM

طاااااااااااااااااااط طوووووووووووووط
انا الاول ابحجز المكان ابقرى الموضوع واطبقه وارجع
برب

ملهماوي · 12-14-2006, 01:01 AM

اقتباس:

بما اني بلشت وركبت انترنت اكسبلورر 7

سيم سيم ماصار لي

اقتباس:

نادتني بونيات افكاري في هونيهنة

وش معناتها ما فهمتها

اقتباس:

كح

صحه

اقتباس:

مازان هرجي وانا صاحية يزين وانا مسخنة

الله يعافيك ويشفيك ويشفي كل المسلمين
<<<حتى هو مسخن

اقتباس:

وياليت اللي يعرف حل غير هذا يعلمني

اذا جانا خبر بنعلمك

........................

نرجع للشرح بصراحه عداك العيب شرح وافي وسهل وموفق
يعطيك الف عافيه على هالافكار الخنفشارية>>>مدري وش معناتها

اقتباس:

<< الصوت رايح ملح

دقي عليه وسكري
خخخخخخخخخخخ

تشااااااااااااااااااااااااااااااااااااااااااو

**العتيبي** · 12-14-2006, 01:03 AM

الله يعطيتس الصحة والعافية نملتنا العزيزة

وماتشوفين باس

ومشكورة على الشرح الجميل

بس كذا بيصغر معاك الخط

أنا بصراحة حاولت أحمل أكسبلور 7

بس طلع نسخة الويندوز اللي عندي مزوره

هو ماقالها بصريح العبارة قال اكيد أن الويندوز اللي عندك نسخة من نسخ الشركات المهربة

ماعلينا جربي تغيري إعدادات العرض يمكن يضبط معك ومن دون تغيير حجم النص او نوعه

على سطح المكتب يمين >> خصائص >> الإعدادات >> وغيري بقيمة العرض

وقريب بنزل متصفح بتودعين الإكسبلور إذا أستخدمتيه

فمان الله

**nAmLaT nAjD** · 12-14-2006, 01:07 AM

^
عمو جربت كل شي ممكن يطري على بالك

غير هالطريقة ماضبط معي شي

وبالنسبه للخط اذا كان على ميديم يصير مره كبير

وسمول يطلع مره اوكي

برجع لباقي ردك ورد عمو ملهماوي

<< ماش عجزت تصبر لين تقول اللي عندها

s3odi · 12-14-2006, 01:38 AM

اهلين نمله كيفك اخبارك

طلعت مشكله جديده تصدقين

جالس اكتب لك رد وشوفي ايش صار بالكتابه

خربتي كمبيوتري

بجلس احوس فيه لين يتصلح

7
7
7
7
7

**العتيبي** · 12-17-2006, 11:16 AM

^
^
^

ممكن أمسك سرى معاكم

ايه قدر الله علي ولقيت طريقة أحمل فيها الأكسبلور 7

مع أن الويندوز عندي مزور

بس قدرت أحمله وياليتني ماحملته

أحتاس جهازي وأحتاس عندي المنتدى

وحتى المتصفح الثاني Avant Bro... أحتاس معاه

شوفوا شلون طلع معي ...

فقعد أدوحس طول الليل

ومن موقع لموقع وأنا أحوس حتى حصلت حل للمشكلة

ومعاه طريقة إعداد المتصفح الجديد 7

وبوضحه لكم للفائدة مع إنه ماعجبني

أول خطوة نروح للصفحة هذي :

[عفواً يمكن مشاهدة الروابط للمسجلين فقط للتسجيل اضغط هنا]

بعد ماتفتح الصفحة نسوي الإعدادات هذي

إعدادات مطلوبة :

نؤشر على :

* الإحتفاظ بموفر البحث الإفتراضي الخاص بي

إعدادات اختيارية :

نؤشر على :

* تشغيل عامل تصفية الخداع التلقائي

ثم نضغط حفظ الإعدادات

بعدها نروح للإكسبلور ونضغط أدوات ومنها إلى خيارات أنترنت

ومن خانة عام نختار الوصول

يفتح لي مربع أختار منه كما في الصورة

ثم نضغط موافق

وفي نفس خانة عام نختار خطوط

فيفتح لنا مربع إعداد الخطوط

نختار منه التالي :

ننتقل الآن إلى خانة الأمان

أعمل نفس هذي الإعدادات

ثم

بعدها نختار خيارات متقدمة ثم هذي الإعدادات

بعدها طلع لي الخط مقبول نوعاً ما ويمشي حاله

ولكني قررت أرجع المتصفح السابق أكسبلور 6

فحملته من أحد المواقع وحاولت أركبه

ولكن ماحصل نصيب

.. يقول لي على جهازك إصدار أحدث

رحت للوحة التحكم ومن إضافة وإزالة

وحذفت أكسبلور 7 ومن غير ماأركب الإصدار السادس

لقيته رجع تلقائي وضبط جهازي مثل أول

هذا والله يرعاكم

**عميد الزكرتية** · 12-17-2006, 12:39 PM

اقتباس:

وحتى المتصفح الثاني Avant Bro... أحتاس معاه

انا بيني وبينك نزلته

ومانفعني يعني نفس المشكله

ولكن لا مستحيل مع العباقرة

ابو عتب بيّض الله وجهك

طريقتك ضبطت معي

صحيح ان حجم الحروف صار بق سايز

بس العوض ولا القطيعه

لاااااهنت ياذيب

والله يعطيك العافيه

ولا ننسى الاخت نملة نجد

اللي تجرأت وفتحت الموضوع <<

مع سيرة وانفتحت

**العتيبي** · 12-18-2006, 12:13 AM

مراحب عميدنا

ومنورنا الله يعافيك

ونمله كلها خير وبركة

اقتباس:

المشاركة الأصلية كتبت بواسطة عميد الزكرتية

انا بيني وبينك نزلته

ومانفعني يعني نفس المشكله

جرب تحذف أكسبلور سبعة من أضافة وإزالة

راح يرجع لك أكسبلور 6 وراح يضبط المتصفح الثاني Avant Bro... تلقائي

وبصراحة المتصفح هذا بعد ماتعمقت فيه وفي خصائصه لقيته أفضل من الأكسبلور

ومن ناحية الأستايل اشوفه مشابه للإكسبلور سبعة ويمكن أفضل بعد

وبالتوفيق لك وللجميع

**nAmLaT nAjD** · 12-19-2006, 10:19 PM

^
احسن شي سويتة اني حذفته بكبره (وجة متشقق)

قسم انفتحت نفسي يوم رجع القديم

واذا على المميزات فعلاً الافانت افضل بكثير من اكسبلورر 7 ويكفي مافيه مشاكل

انا حاولت اسوي الخطوات اللي شرحتها الله يعطيك العافية

بس من البداية لكت معي

وكانت كول حواسي لحظتها تقول (بقريح)

وكنت حاسه اني بالاخير بطلع بنفس النتيجة اللي جربتها

واختصرت المشوار على روحي

يعطيك الف عافيه عمو عوتيبي

منور لنا الحته البائسه

:

عمو ملهماوي

بشر حذفته والا مابعد ؟

<< على اساس ان هذا افضل حل

يدي تحكني اعدل المشاركه الاصليه واكتب احذفة بكبره اصرف لك

منور الحته عمو

:

عمو سعودي

هماك معنا في السرا

يله احذفة وخلك مع ربعك في الحلوه والمره << على جربوع ينط

صدز احذفة وجرب افانت تراه خطير

منور الحته عمو فرعون اقصد عون

:

عمو العميد

خلك على طبيعتك ساير عطشك

ريموووف << تغيير عن احذفة بمناسبة توقيعك

اجل سيرة وانفتحت؟

منور الحته عمو

مع السلاحف ولا عاد اشوف احد هنا الا تسانه حاذفه بكبره

وجاي يعبر عن وناسته

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى