افيدوني بحل مشكله صارت لجوالي

العتيبيه · 11-27-2006, 01:57 AM

السلام عليكم تكفون الفزعه

انا سويت فورمات لجوالي بنفسي بالضغط على زر الاغلاق والزر الاخضر

ونجمه وثلاثه وانا مطلعه الشريحه والذاكره

ويوم حطيت الذاكره قال لي الذاكره مقفله ادخل الرقم السري مع العلم اني

ماحطيت لها رقم سري جربت ارقام مانفع وش السواه ذاكرتي ابيها تفتح

رسائلي واشياء حلوه فيها

وش الحل اذا احد عنده او صارت له ونوع جوالي الدمعه موديله 6670

المشكله بالجهاز اوايش

**شباب في رحله** · 11-27-2006, 06:15 AM

جربي 12345

Aziz414 · 11-27-2006, 12:48 PM

وعليكم السلام

جربي 12345 او 54321

العتيبيه · 11-28-2006, 05:10 AM

مانفعت هالارقام حاطه 12345 من قبل وعكست على كلام عزيز 54321

ولانفع وش السواه شكلي بكسرها الله يلعن ابليسها بس القهر رسائل تجنن

من صديقاتي وقاربي واشياء كاتبتها بيدي بعد جهد جهيد

الي يحل لي هالمشكله برسل له رسائل حلوه وعد كلام رجال

رسائل ولاينشب اوكي لاني شبه مرتبطه

**شباب في رحله** · 11-28-2006, 06:02 AM

اقتباس:

وقاربي

قاربي ولا سفينتي << انطم

والله ياخووتس مدري

لكن اذا الارقام ماتشتغلشي معك ذي يعني انك مغيرتها

طيب حاولي تجربينها على جهاز ثاني

او تشترين لك ريدر وتحطينها بالجهاز ( الكمبيوتر ) وتشوفين هل هي تشتغل او لااع

يعني حووسي فيها لين تلقين لك حل

العتيبيه · 11-28-2006, 06:09 AM

جربتها بجهاز ثاني ومانفعت نفس الشي وربي ماحطيت لها كلمه سر ولاشي

اقتباس:

او تشترين لك ريدر وتحطينها بالجهاز ( الكمبيوتر ) وتشوفين هل هي تشتغل او لااع

وش ريدر وخيتك ماتعرف هالخرابيط في الجوالات حدها كتب وقراءه هالشغلات مااعرفها

الرجاء تفهمني والله يعينك وحده نشبه

**nAmLaT nAjD** · 11-28-2006, 06:54 AM

^
ريدر يعني قارئ << يفالتس ترجمتيها يعني؟

مس عوتيبيه حتى بالريدر ماخبرتها تفتح طالما عليها باس وورد

اذا جيتي تفتحيتنها تأكدي ان كتابة الارقام هي النشطه

مرات اتحمس واطلع كاتبه حروف مو ارقام

بالتوفيدز

موظف مسطل · 11-28-2006, 01:37 PM

طيب بحكم خبرتي بالجوالات

لمدة تفوق العشر سنوات>>>>>>>>> وش عنده

اعيدي السوفت وير من جديد وشكرا

تحياتي لك

موظف مسطل

موظف مسطل · 11-28-2006, 01:41 PM

معليش اختي العتيبيه

واذا مانفعت ترا فيه واحد شرااااااي>>>>>>>كاش

تحيااااتي

العتيبيه · 11-29-2006, 01:37 AM

طيب وش السوفت وير

وخيتك مالها بهالخرابيط حدها كتب جامعه ومجال تدريس

فهمني بالعربي

ولا اشتره وفكني منه

موظف مسطل · 11-29-2006, 12:47 PM

خيتو العتيبيبه

السوفت وير هذا بيت جيرانا اللي باخر الشارع>>>>>>>>>خخخخخخخ

تدرين اقول وش رايك اشتريه منك

وافكك منه>>>>>>>>>تاجر كبييييير

تحيات

موظف مسطل

الخالدي · 11-29-2006, 01:13 PM

ارحبووو بالعتيبية

شوفي وانا اخوك

ما دام جوالك الدمعة اتوقع تضبط معه هالطريقة

وانا فاهم من كلامك ان رمز القفل حق الجوال تعرفينه بس المشكله برمز القفل حق الذاكرة

لذا جربي هالطريقة

ادخلي هالكود بجوالك

(#7370925538#*)

بعدها بيطلب منك رمز القفل حق الجوال

العاده ان رمز القفل 12345

او اذا انتي مغيرته شي ثاني

ولكن تأكدي ان رمز القفل إللي فوق حق الجوال يعني احتمال انك غيرتيه .. وإذا ما غيرتيه فأنه 12345

بعدها روحي للذاكرة وبيقولك ادخلي كلمة سر جديدة

انشالله تضبط معك

وان ضبطت لا اوصيك بالرسايل السنعه
<-- مصدق عمره

سلام

العتيبيه · 12-01-2006, 05:12 AM

الخالدي رمز قفل الجوال مغيرته وحاطه قفل لجوالي

بس الذاكره ماحطيت لها رقم سري ابد

جربت طريقتك مانفعت وش احط الرقم السري للذاكره حطيت من واحد لخمسه

وحطيت رمز قفل الجوال ولا نفع وهاذي ثاني ذاكراه يصير لها كذا انا الملقوفه

وش خلاني اسوي فورمات ماتبت من المره الاولى بس القهر مطلعه الشريحه

والذاكره وش دخل الجوال بالرقم السري من جد معصبه

الخالدي · 12-01-2006, 01:32 PM

طيب جربي دخلي الذاكرة في جوال (6330) المدمر أو الفارس

وسوي طريقتي مره ثانيه وانشالله يضبط

اعلانات المنتدى