اشاراات !!!

**نص 000 قلب** · 11-27-2006, 12:04 AM

السلام عليكم ورحمه الله

من مده وانا قاحله القريحه في كل شي والسبب مجهووول الى الان بس من مده وانا يلح علي موضوع ودي اشركم فيه معاي رغم اني متخوفه انه يلاقي بعض الاعتراضات من فئه معينه بس وبما اني احب الخوض في غمار المواجهات والنقاشات فانني قررت اني انزله والي فيها000 فيها

في الزمانات ومن خلال قرآتي المختلفه في كل مناهج الحياه وفي كل افكار الاديان الاخرى <<<<<<< يعني مثقفه !!!

لفت نظري موضوع جدا بهرني وظليت مده طويله احاول اتخلص منه لاعتقادي انه نوع من انواع الكفر وانه راح يحملني ذنوب انا بغنى عنها

موضوعي اليوم وجدته بين صفحات كتب ديانه من الديانات السماويه وهو يقول ان كل انسان تمر عليه اشارات او تنبيهات في حياته تكون هي الدلاله على تحديد مسار حياته او حتى تكون دلاله على قرار معين يجب ان تتخذه وهذه الاشاره تكون حافز لاتخاذه

المعذره اخواني واخواتي انا شرحت لكم من البدايه وجه نظري وانها مجرد نقل لافكار غير افكارانا ومجرد شي لفت انتباهي وحبيت انكم تتطلعون عليه معاي وبمنتهى الاحترام والتوحيد لديني الحنيف وعقيدتي الراسخه ابد الدهر باسلامي

يعني افسر لكم الظاهره بمثال :-

فرضا انت او انتي كنتوا في مفترق طرق امام معضله معينه وانك فكرت فيها وقررت انك تسلك طريق ( ب ) مثلا وخلاص عزمت داخل نفسك على هذا القرار ولكن تمر فيك مواقف او ظروف يتم فيها لجوؤك الى الطريق ( أ ) بطريقه لا اراديه او انك مثلا تستخدم اسماء او دلالات من هذا الطريق تلقى نفسك بالنهايه امام اشاره ضوئيه في دماغك تقول لك ان الارشد لك هو طريق ( أ ) وتحثك على تغيير مسارك <<<<< هذا على سبيل المثال لا الحصر

يمكن تقولون انها مشابه للاستخاره في ديننا الاسلامي 000 نعم هي فيها نوع من التشابه ولكن طبعا نحن افضل لاننا نستشير الخالق مباشره وهو بقدرته جل وعلى يرشدنا الى ما هو خير لنا في معضلتنا او شكوانا 00000 اما تلك الاشارات فانها تكون دنيويه وتحدث عفويه ومن اشخاص ربما حتى لا نعرفهم او نصادفهم بشارع ما او محل ولكن يعطوننا تلك الاشارات الداله الى اننا يجب ان نتخذ قرار معين عن سواه ،،،

وبعد تلك المعلومه الي قريتها وتخزنت ببالي وخلال الايام واجهتني بعض الصعوبات في مجال عملي وانا قررت خلاص اني استقيل واترك جهه العمل كلها ولكن قامت تصير لي مواقف امامي او عند احد من الزملا تحثني على اني امسك الشغل عنه لفتره وبعدها جاني تكليف مهمه رسميه مع الوزير خارج الكويت وكانت كلها دلالات على ان ازمتي بالعمل لها حل وان القرار الي انا اتخذته خطأ ويجب العدول عنه وتميت مده طويله اعتقد بالمقوله الى ان ادمنت عليها وصارت الحياه عندي كلها البحث عن تلك الاشارات الى ان قررت اني اتخلص منها واحاول ان اتخذ قراراتي او ان احل مشكلاتي بنفسي

صدقوني اخواني وخواتي انا عرض هالموضوع فقط من باب العرض وكما قلت بعيد كل البعد عن الانحيازيه00000 تاركه لاناملكم الرائعه حريه المشاركه والتعبير على هذه الصفحات

اعذب الامنيات،،،

**غرشة فينتو** · 11-27-2006, 12:16 AM

طيب الأشارات هذي من وين تجيتس يا نص قلب ؟

الأكيد طبعا أنها من رب العالمين

حنا نسميها تساخير

ربي يسخر لتس مواقف ومعلومات تعيد لتس التفكير بقرار اتخذتيه

سواء صح او غلط

بس ربي يختار لتس اللي فيه خير لتس

وانتي تبدين تشوفين ان هالشي له رموز

اما هو فقط تساخير من ربي يوقفها بدربتس وتختارينها

قرار مثلا عملتس

ربي اراد انه يرشدتس لعدم تقديم الاستقاله بانه سخر لتس ذا الفرص

هذا برايي

وفكرة انه اديان سابقة وخربطه ذي ما خشت مخي

هذا في عمق ديننا وتوحيدنا يا اختي نص قليب

شكرا لتس ولا تاحتس الفرصه لمداخلتي

كونن يحب التساخير >> ما تقلد واتسبدي

**ماشي الحال** · 11-27-2006, 04:12 AM

وعليكم السلام ورحمة الله وبركاته

ردي تقريباً نفس رد غرشة فينتو

الاشارات و الدلالات اللي تقولين عنها

هي معتقدات القصد منها البعد عن الطريق المستقيم

السالفه اللي بالدوام صارت لك

لو تصير لاي شخص مؤمن راح يقول

الحمدلله اللي ماتسرعت

وهذا دليل انها من رب العالمين

مثال ثاني :

واحد اعرفه رايح يقدم على الجامعه

وطلع بيشغل سيارته لقاها ماتشتغل خربانه

دق على واحد من خوياه يمره

المهم جاه خويه وقال رح معي للكليه وقدم معي

وبعدين نروح للجامعه واقدم معك

يمكن مايقبلونا الكليه وتقبلنا الجامعه

قال خوينا لا الكليه ماتصلحلي انا ابي الجامعه

قاله ذاك انت وش خسران قدم والله يكتب اللي فيه الخير

المهم اقتنع وراحوا وقدموا في الكليه وبعدها بالجامعه

قبلتهم الكليه والجامعه قالوا احتمال الترم الثاني الحين مافيه مجال

درسوا في الكليه ويوم جا الترم الثاني قبلتهم الجامعه

خوينا ماراح لانه ارتاح في الكليه

خلص من الكليه وتوظف على طول

وخوياه اللي نفس دفعته بالجامعه اغلبهم ماتوظفوا

بعد فتره قام يفكر في سيارته يوم خربت وخويه

اللي قاله قدم معي في الكليه

يعني قام يفكر في تسلسل الاحداث

ويقول الحمدلله اللي سخر لي هالموقف

ونصيحه لا تقرين الاشياء هذي

لان حنا بشر والشيطان موجود

مع القراءه يزداد التفكير

ومع عمق التفكير يمكن يكون فيه نوعا ما شبه اقتناع بما قرأ

لان بعض التحليلات قد تكون صحيحه وصحتّها في التحليل فقط

ولكن الافضل هو التوكل على الله عز وجل في كل شي

نص قلب الله يعطيتس العافيه

**نص 000 قلب** · 11-27-2006, 11:50 PM

احم احم 0000

اعزائي >>>>>> غرشه فيمتو وماشي الحال

شرف لي ان ارى اناملكم خطت خطوطا واضحه في متصفحي المتواضع

ورغم احترامي الشديد بما قد ذكرتم من تعليق فانا احب ائي احب ان اؤكد لكم مدى ايماني ومدى عقيدتي الراسخه والحمد لله وانني كنت اقرا تلك الكتب من باب الاطلاع حتى اذا وقعت في فخ مجادله في يوم من الايام اجد لدي خلفيه للمناقشه لانهم يعلمون كل شي عنا وعن ديننا فلماذا لا نعلم عنهم وعند اديانهم

وانتوا مثل ما تفضلتوا انها تساخير من الله وانا ما انكرت هذا واني عرضت لكم وجهة نظري بكل حياديه 0000000

دمتم بطهر

**سحابة حب** · 11-28-2006, 11:22 PM

نص القلب ،،

و ربي برجع لك ،،

بس اركز شوي ،،

لأن هالمواضيع تستهويني ،، و تشدني ،، برجع لك ،، و نتفاهم >> ناوية تتخانق

**نص 000 قلب** · 11-30-2006, 01:23 AM

انتظر على احر من الجمر 000000 نموله

والى ذلك الحين دمت بعافيه

**شباب في رحله** · 12-06-2006, 11:26 AM

سلام عليكم

او وعليكم السلام

اهلين نص قلب

اختنا الكبيره

صراحه موضووع انما ايه

جاز لي وبقووه

حسيت من الكلام كله
طبعن احساس وليس جزم

ان السالفه هل الانسان مسير ام مخير

عموماً

الكلام كله وتوضيحك
انك والكل مؤمنين بالقدر خيره وشره

وهذا شي ماراح نتكلم فيه لكن بنتكلم في الامور الدنيويه

على قولتهم المكتوب في الجبين بتشوفه العين

لكن الكلام على طريقة الشوفه

يعني ممكن اكون ناوي على شغله او قرار
وماحطيت في بالي ابدن اني اتراجع
وتلقاني اتراجع بطريقه ما
اما بموقف او يتغير الرأي في اخر لحظه

يعني مرتا انا تحصل معي في الشرا

تلقيني مره اقوول بكره خلاص بروح واشتري الشغله الفلانيه

وانام على اني بكره الصباح بروح اشتريها خلاص

لكن لاقمت اليوم الثاني تجي افكار جديده وتغير البلان كله

ممكن لانه مو مكتوب لي اني اقتني هالشغله في الوقت الحالي
او طول الوقت

عموماً

السالفه ترجع لتحليلات الشخص نفسه

ممكن يصير موقف يردعك عن قرارك لكن لو مر على شخص ثاني
ممكن انه يصير تحليله انه عكس او تزيده اصرار او مايلقي لها بال

زي على قولتهم

منيَة

يعني تلقين واحد يصر على خوياه انه يروحن للمكان الفلاني
والكل مو مجتهد للموضووع الا هو والكل السبل علشان يروحون يسويه
ويصير لهم حادث ويتوفى هو نفس الشخص

طبعن انا ماتكلمت من تعمق في الدين او من تعمق في العلم

انا تكلمت من حياتي اللي اتعايشها

اما من الدين والعلم اذا كان فيها شي صريح فانا اجهله

بشكل عام

عدم الاستعجال وعدم الغضب هي اساس اتخاذ اي قرار ناجح

الله يعطيتس العافيه نص قلب فعلن موضووع شيق

وهنيئاً لنا بقلمك

**نص 000 قلب** · 12-09-2006, 12:36 PM

احم احم 0000

الغالي شباب في رحله 0000

ياخوي شرف لي انك تعقب على موضوع انا كتبته والله ياخوي انا حبيت اعرض حاله تمر علي من جراء كلام قريته مثل ما تفضلت بعيد كل البعد عن مساله الاديان 000000

دمت لي اخا غاليا ابد الدهر

كبرياء أنثى · 12-22-2006, 11:26 AM

اقتباس:

يعني تلقين واحد يصر على خوياه انه يروحن للمكان الفلاني
والكل مو مجتهد للموضووع الا هو والكل السبل علشان يروحون يسويه
ويصير لهم حادث ويتوفى هو نفس الشخص

فعلا ابو رحلة ..
لاحظت هذا الشي كثير .. يكون شخص مصر على شي وكأنه يقود نفسه لمصيره..!
زي مره بعد كان قريبي مصر اصرار عجيب على طلعة البر ويوم طلع طاح من السيارة وتوفى ..!
أكيد انه ماكان يحس انه بيموت بس شي لاشعوري يقوده نحو مصيره ..
وبعدين الانسان مايدري وش بيصير له فتلاقيه يعني ,,, مااعرف شي غريب ..
اتوقع انه كله متعلق بالقدر .. وامور غيبيه مالنا الا نصدقها ونسلم فيها ..

موضوع حلو ,, ولي رجعه باذن الله ..

كبرياء انثى

ماسك زاويه · 01-07-2007, 03:26 PM

السلام

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى