قسمن بالله ماهوب لي القصيد لخويتي ملاك

يآقلبي آبتسم · 11-23-2006, 08:53 PM

--> يلعن ابو العنوان ياشيخه

السلام عليكم ورحمة الله وبركاته

--> علشان بيش ماتنافخ علانا

ياجماعة الخير لاحد يتروع ولاتجيه ساكته او فالج لاقدر الله

لاحد يظن ظن سوء ويقول وراها ذي خربت ام الدعوه وخشت

للشعر وهله وين دارها وين ديار هل الشعر تطير ولانفجر بمكان

الي هي فيه

--> تحس تقرا الي بقلوبكم

اول شي نور تراي مالي خاطرن اروح وافتح الوارد وانسخ الرابط

حق الجماعه لان بصراحه خاشتن سريع ماني بفاضيتن

لكم ولا للمنتدى وراي اختبارات وقرف ع مستوى فسويت

هالماضوع ع السريع فلاتشرهين ياقليبي انتي يابعد تسلوتي

اليسار

:: سبب ادراجي لهالقصيدهـ ::

لي خويتن ازعجتنا الناس يختبرون يموتون يجاهدون

يسافرون ياكلون وهي تنقش بهالقصيد اي حد بياتي

ويقول لها شي صكته بيتين شعر الا تبي تطيح سوق نجاح

المساعيد وتحل محلها .. ابلشتني بعمري .. فتدرون يالربع

المثل يقول لصار حاجتك عند التسلب قله ياسيدي

--> امحق مثل

صار لها مسكت علي بدليه عد البنات وماودي حد يتطنز علي

تدرون محاسيسي تنمخش طوالي ماتحمل رغيغه انا بغوه

لدرجة ان نسمة الهواء التاير بالسيف تتتيرني --> نور ماهيب احسن مننا

خوية حمودي

فاتفقت معها اني انزل قصايدها فيذا واشوف النقد صار يسود

الوجه مثل وجهها تحلم انزل لها مرتن ثانيه .. صار طرحها

زين ابكتب قصايدها لكم واوصل لها نقدكم ..

وهذا اول الغيث قطيره هع على الطاي تراهي قايلتن لي

اختمي قصايدي باسم ملاك والقفوا قصيدتها لابوها لابو من عرفني

بها --> خربت الاخلاق

جيت انطّق كل حرفٍ من قصيدي واستفزه
واقهره والعنه لجل يفزع لي باحلى المعاني

ان طاعني الحرف ولابحمر العيون اخزه
كيف؟ يتجـرا عليّ فيـك ولايعصاني؟

وان ماقدرت ..اقهره اقلعه من جذوره واجزه
واخليه عبـره للي يحاول فيـك يتحـداني

يفــز لك قلبي مــن الشـوق فـــزه
مثل اليتيم الي فقد فـجاه صـــدر حاني

يهزني صوتك وذوقك وطيب سيرتك هـزه
وتزلزل هيبتك دنيتي وتسبب رجفة بكياني

تطري علي دوم وخيالي يداعب صورتك كل حزه
وشلون لاجيت عندي! وقتها جنوني فيك شي ثاني

ااااااااااه... ليت الشيطان خويي وعليك اوزه
احرق قلبـك عـلي وادخـلك جــو ثاني

واعيشك في حيره وحره وغيـرك ارزه
قدام عيني اغليه مثل ماقال رابح من هواني

وحدك على عرش قلبي لابس تاج المعزه
وغيـرك ابد مـاله مكـان بزمـاني

لجلك قهرت الحرف واحرقت سوقه وعزه
وقومت عزك عليه لانك اغلى من اخواني

قلبي لو جبرته في هوا غيرك عفّ وتنزه
تبي الصدق حبك ملا دنيتي وعالمي وكياني

يالله نتقبل ارائكم واستفساراتكم والي يبي توقع له يقول

**شباب في رحله** · 11-23-2006, 11:36 PM

السلامو عليكم

ازيك ياقلبي ابتسم

اجل اختبارات وقلق

اللهم لاشماته

يايزن الراحه النفسيه

الزم ماعليك في هالحياه الكونيه انك ماتحاتي اي اختبارات ابدن البديد

اللهم لاشماته اقين

بالتوفيق اوختاه

--------------------------------

اما بالنسبه لملاك صديقتنا الالكترونيه

ماشاء الله عليها

اذا هذي بدايتها

قصيده جداً معبره وراايقه

لكن احس تفتقد للوزن شووي
اذا مانيب غلطان

طبعاً ماني شخص مؤهل لنقد على القصايد
لكن من باب الخبره او التعمق في الشعر بشكل عام

تبين تعرفين ان الوزن رايح ملح

غني القصيده وشووفي

لكن كبدايه موووفقه جداً

وكالعاده اكل العنب حبه حبه

بكره نشوفها

من كبار شعار الزكرتيه ان شاء الله

سلميني عليها وقوولي لها تشارك معنا اول ماتدخل
ترسل لي رساله خاصه وتعلمني البدليه شنهي

مرسي اوختاه ياقلبي

**SHAHAD** · 11-24-2006, 12:35 AM

يآقلبي آبتسم

و عليكم السلام ورحمة الله وبركاته

بالتوفيق يالغلا بالإختبارات و شّدي حيلتس

أما بالنسبة لملاك فقولي لها عشان أقدر أحكم لأزم تكتب

فيني قصيدة

...

لا ما شاء الله عليها بداية موفقة و صح لسانها

و لا هنتي على النقل ...

**نور الدنيا** · 11-24-2006, 02:37 AM

اقتباس:

المشاركة الأصلية كتبت بواسطة يآقلبي آبتسم

تدرون محاسيسي تنمخش طوالي ماتحمل رغيغه انا بغوه

لدرجة ان نسمة الهواء التاير بالسيف تتتيرني --> نور ماهيب احسن مننا

خوية حمودي

هههههههههههههههههههههههههههههههههههههههههههههههههه ههه
وربي ضحكتيني بالدوبه الله مير يرجك قسم وانا اكتب الرد اضحك

يبالنا كم موضوع ننافس فيه خوية حمودي

يمكن يدينا زي مااداها

مهوب لازم بنر خوذي راحتك هذا وانتي مستعجله وكاتبتن مقدمة هذا طولها

القصيده كـ معنى وصياغة رائعه يعني ملاك تملك اهم شي بالقصيده وهو الاحساس والتعبير

اما الوزن وهو اللي ممكن نكتسبه مع الخبره مفقود عندها

اولا مستخدمه اكثر من بحر

ثانيا ياكثر البيوت المكسوره تحتاج مقاول

وفيه بيوت نص عمر يعني فيها ثقل

قوليلها تلحن الابيات على وزن اغاني او تغني زي اغاني البدو

لان هذي طريقتي اول ماتعلمت الوزن الله يجزا اللي نصحني خير

لكن عقبها مع الممارسة والتعود خلاص الوزن يطلع من كيفه بسلاسه

سلميلي على ملاك وقوليلها تنسى البدليه احسن وراك غربوليات ياكلون الزلط

سلامي ياقمر

فهووودي · 11-24-2006, 02:39 AM

صح لسانك.......... حلوه مره القصيده

فهووودي · 11-24-2006, 02:46 AM

تم تحرير رقم الغبي هذا

وشتناه بوز لين وصل عتبة البيت

تم التحرير من قبل رجال العالم ابو رحله

ملهماوي · 11-24-2006, 03:34 AM

اقتباس:

المشاركة الأصلية كتبت بواسطة يآقلبي آبتسم

ااااااااااه... ليت الشيطان خويي وعليك اوزه
احرق قلبـك عـلي وادخـلك جــو ثاني

:

اي والله اااااااااااااااااااااااه ليته كان اوزه لناس واجد
خخخخخخخخخخخخخخخخخخخخخخخخخخخخخخخخخ
بس وشو الجو الثاني

قصيده حلوه وتشخشخ المشاعر من الداخل
تذكرني بالاعلان الي يقول
مقرمشه من جوا وطريه من برااا

اقول فهودي مو كنك خربتها استح على وجهك
مو عيب عليك ترضى احد يرقم اختك عيييييييييب عيييييييييييب استح

هالمره كذا المره الجايه غييييييييير <<<<< معصب

يلا انا ابرووووووووووح

تامرون بشيء
داري ابجيب لحليب والحفايض والمناديل المعطر

**بيـــــــــش** · 11-24-2006, 04:53 AM

وعليكم السلام قلبوبه ياراعية الغيبوبة >> ماسكه معها سجع اليوم

تعجبني البنت اللي تخاف مني

اصبري شوي برجع لتس

بابا شبابو هو اللي سحبت عليه السيفون كم رقمه؟؟؟؟؟؟؟؟؟

لا حرام عليك لاتظن فيني

حبيت أتصل عليه من كبينة وأقول له عيب عليك هالحركات ياقليل الأدب

بس خلاص

رجعت لتس قلبوبه

شلونتس يالقاطعه مير ظنيتتس هجيتي مع قروب الغرابيل

جد وش هالقطاعة يادافع البلا

هذاي عندي اختبارات والدنيا عندي سردحه مردحه

مافيه شي بينفعتس يوم يجيتس اكتئاب وحالة انطواء مستعصية

ويمكن تنسد شهيتتس وماتشتهين حتى الماي

وبعدها تيبسين وتموتين

من هاللحظه اتركي كل كتبتس والأقلام

وقومي اوقفي وناظريها بكل ازدراء واستخفاف

وخذي نفس عميق

والتفتي على الزبالة بس لاتسوين اللي تسوّل به نفستس

اصرخي من الأعماق

وقولي لاااااااااااااااااااااااااااااااااااااااااا

وطيري الكتب والأوراق وخلي الغرفة وناسة

وانثري شعرتس وناقزي على السرير وانتي تضحكين بخبال

بس اذا سمعتي خرخشه عند الغرفة طفي اللمبات ونامي وقولي انتس حلمانة بسم الله عليتس

بعدها على ضمانتي بترجعين تذاكرين وانتي موحبّه للعلم والتعلم

ويمكن يعطونتس الشهادة بعد هالاختبار دايركت ماتدرين

الله يوفقتس وياي وجميع المسلمين

وتصيرين دكتورة أد الدونيا

خطــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ

ملاك القصيدة احساسها حلو

بس لاتسبين الله يهديتس علشان الأنوثة الشعرية بس

ومالي في الوزن والتكسير بس حسيت ان الأبيات تطلع وتنزل وتطول وتقصر

وخلتس ياألبي ناشبه لأم ابتسم تراها بنت حلال وتستاهل >> ها وش رايتس فيني قلبوبة

وأنتظر القصيدة الثانية

بيشتكـ

خطــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ

خلاص قلبوبة خذي ردي وارسليه حرفيا لملاك

وقولي لها ان اللي تحت هو اختصار اختك بيش

يعني لاتظن اني أقول لها بشتك يعني مشلحك >> ترى انتهى الرد

ويذ بدليات >> يعني حتى أنا خلي ملاك ترسل لي مع بابا أبو رحلة

ملهماوي · 11-24-2006, 05:35 AM

تبين رقمه خخخخخخخخخخخخخخخ

تصدقون دقيت عليه
صوته يروع تقول قاعد في قوطي ببسي مصدي

<<<<وانت ما صدقت تلقى رقم تدق عليه
<<<<<توه مسدد الفاتوره
خخخخخخخخخخخخخخخخخخخخ

**ياتسبدي تسبداه** · 12-02-2006, 01:26 PM

أهلن بالعيد ...

اقتباس:

--> يلعن ابو العنوان ياشيخه

السلام عليكم ورحمة الله وبركاته

--> علشان بيش ماتنافخ علانا

ياجماعة الخير لاحد يتروع ولاتجيه ساكته او فالج لاقدر الله

لاحد يظن ظن سوء ويقول وراها ذي خربت ام الدعوه وخشت

للشعر وهله وين دارها وين ديار هل الشعر تطير ولانفجر بمكان

الي هي فيه

--> تحس تقرا الي بقلوبكم

اول شي نور تراي مالي خاطرن اروح وافتح الوارد وانسخ الرابط

حق الجماعه لان بصراحه خاشتن سريع ماني بفاضيتن

لكم ولا للمنتدى وراي اختبارات وقرف ع مستوى فسويت

هالماضوع ع السريع فلاتشرهين ياقليبي انتي يابعد تسلوتي

اليسار

:: سبب ادراجي لهالقصيدهـ ::

لي خويتن ازعجتنا الناس يختبرون يموتون يجاهدون

يسافرون ياكلون وهي تنقش بهالقصيد اي حد بياتي

ويقول لها شي صكته بيتين شعر الا تبي تطيح سوق نجاح

المساعيد وتحل محلها .. ابلشتني بعمري .. فتدرون يالربع

المثل يقول لصار حاجتك عند التسلب قله ياسيدي

--> امحق مثل

صار لها مسكت علي بدليه عد البنات وماودي حد يتطنز علي

تدرون محاسيسي تنمخش طوالي ماتحمل رغيغه انا بغوه

لدرجة ان نسمة الهواء التاير بالسيف تتتيرني --> نور ماهيب احسن مننا

خوية حمودي

فاتفقت معها اني انزل قصايدها فيذا واشوف النقد صار يسود

الوجه مثل وجهها تحلم انزل لها مرتن ثانيه .. صار طرحها

زين ابكتب قصايدها لكم واوصل لها نقدكم ..

وهذا اول الغيث قطيره هع على الطاي تراهي قايلتن لي

اختمي قصايدي باسم ملاك والقفوا قصيدتها لابوها لابو من عرفني

بها --> خربت الاخلاق

عليكم السلام ورحمة الله وبركاته ...

سالفتن طيبه والحين نتابع القصيده

قبل ما نبداء بالقصيده .. أتمنى من الاخت ملاك .. لو أستطاعت المشاركه معنا في المنتدى ..
ووضع قصائدها ومناقشتها معنا ... ومتأكد أنها راح تجتاز مسئلة الوزن بسرعه ...

اقتباس:

جيت انطّق كل حرفٍ من قصيدي واستفزه
واقهره والعنه لجل يفزع لي باحلى المعاني

قولي لملاك الله يعطيها العافيه لاتحاول تنساق وراء مايكتبه اغلب شعراء جيلنا الحالي وخصوصن مثل هذه الكلمه ...
وقولي لها تحاول تشق لها نهج وطريق خاص فيها هي ..

البيت الأول حلو لوإنها أستغنت عن العنه بأي لفظ آخر يخدم البيت
ولو كُتب هكذا لربما كان أحسن (من وجهة نظري) :

جيت انطّق كل حرفٍ من قصيدي واستفزه
وأزعله وأرضيه لجل يفزع لي بجزلات المعاني

اقتباس:

ان طاعني الحرف ولابحمر العيون اخزه
كيف؟ يتجـرا عليّ فيـك ولايعصاني؟

وان ماقدرت ..اقهره اقلعه من جذوره واجزه
واخليه عبـره للي يحاول فيـك يتحـداني

يفــز لك قلبي مــن الشـوق فـــزه
مثل اليتيم الي فقد فـجاه صـــدر حاني

يهزني صوتك وذوقك وطيب سيرتك هـزه
وتزلزل هيبتك دنيتي وتسبب رجفة بكياني

تطري علي دوم وخيالي يداعب صورتك كل حزه
وشلون لاجيت عندي! وقتها جنوني فيك شي ثاني

ااااااااااه... ليت الشيطان خويي وعليك اوزه
احرق قلبـك عـلي وادخـلك جــو ثاني

واعيشك في حيره وحره وغيـرك ارزه
قدام عيني اغليه مثل ماقال رابح من هواني

وحدك على عرش قلبي لابس تاج المعزه
وغيـرك ابد مـاله مكـان بزمـاني

لجلك قهرت الحرف واحرقت سوقه وعزه
وقومت عزك عليه لانك اغلى من اخواني

قلبي لو جبرته في هوا غيرك عفّ وتنزه
تبي الصدق حبك ملا دنيتي وعالمي وكياني

ليس لها بحر معين .. فبعض الأبيات بحورها مختلفه عن البعض الآخر ..

ولكن محاوله رائعه .. ولها مستقبل لو ثابرت .. فلديها صور حلوه .. وخيال رائع ..

لذلك أنصحها بكثرة القراءة في مجال الشعر .. وراح نرى له قصيده بمعنى قصيده في القريب العاجل ...

اقتباس:

يالله نتقبل ارائكم واستفساراتكم والي يبي توقع له يقول

مشكوره وخيتي ياقلبي إبتسم .. والشكر موصول لشاعرة المستقبل ملاك ..

[لوحة15]كونن يتمنى لكما حظا ً موفقا ً

[/لوحة15]

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى