أجمل همومي !!!

**SHAHAD** · 11-21-2006, 02:13 PM

السلام عليكم ورحمة الله وبركاته

يسعد مسائكم ..

أبيات أعجبتني بس ما لقيت لها صاحب

[line]

مشكلتي أهواك أنا من يوم لاقيتك

.................لا أرتحت في قربك ولا البعد نساني

أسكنتك بروح روحي صرت أنا بيتك

.................وأدللك بالمحبه يا أجمل أحزاني

اليوم من شوق قلبي كم تمنيتك

.................وأنا اللي عانيت في حبك وعناني

شربت من هم بعدك لين مليتك

.................و الحزن من كثر ما خاويته أغلاني

تذكر من العمر ياكثر ما أعطيتك

.................طاوعتك وربي بظلمك تبلاني

أهديتك العمر كله ليت ما أهديتك

.................أرخصت روحي معك يا أعز خلاني

وش اللي بغيته من عقب ماغليتك

.................أرجوك قلي و قدر طول حرماني

تذكر الشوق ما عمري تناسيتك

.................الله يسامح خفوقك ليه يجفاني

لو إن قلبي يطاوع كان خليتك

.................لكن شلون أبنسى و أنت وجداني

(............................)

**ياتسبدي تسبداه** · 11-21-2006, 10:22 PM

أهلن بالعيد ....

عليكم السلام ورحمة الله وبركاته ...

الله يسعد صباحك

ومنّا الى أصحاب القلوب الرحيمه .. لعلهم يجدون أسم الشاعر ....

لك وافر الشكر على الإختيار الرائع ....

[لوحة1]كونن حساس جدن جدن

[/لوحة1]

**بيـــــــــش** · 11-22-2006, 12:44 AM

8
8
يمكن أنت شاعرها

وعليكم السلام ورحمة الله وبركاته وكل شي من ربي زين

شهوده يمكن انتي كاتبتها (وجه نورو الدونياا)

مو غريبة عليتس هالاختيار العذب

اقتباس:

تذكر الشوق ما عمري تناسيتك

.................الله يسامح خفوقك ليه يجفاني

لو إن قلبي يطاوع كان خليتك

.................لكن شلون أبنسى و أنت وجداني

جمال هالقصيدة يفيض من بين شطورها << جمع شطر مدري هي كذا؟

تسلمين شهد

مالها في السالفة بس طرت على بالي

**SHAHAD** · 11-22-2006, 08:41 AM

ياتسبدي تسبداه

اقتباس:

أهلن بالعيد ....

جعل أيامك كلها أعياد

..

اقتباس:

الله يسعد صباحك

صباحك أسعد

..

اقتباس:

ومنّا الى أصحاب القلوب الرحيمه .. لعلهم يجدون أسم الشاعر ....

شّد حيلك و دور صاحبها

..

اقتباس:

لك وافر الشكر على الإختيار الرائع ...

العفو يبو عيد و طلتك أروع لا تحرمنا ..

وزيرالزحف9@9 · 11-22-2006, 08:56 AM

كم سؤال حير أقلا م الكتابه

وكم إجانه صارت أشبه با المحال

السؤال يضيع ما يلقى ‘جابه

والإجابه تنتظر طرح السؤال
والسؤال اللي عجزت ألقى جوابه

ليه أحبكم كثر حبات الرمال

تعجبني الرومنسيه اللي فيك يا أجمل الهموم جرب الوحدانيه أخوك وزير الزحف وحداني لأني مليان من الهموم

والظاهر أبا نتحر لأني مليت من المخدرات والبلاوي والتفحيط وجننت واللديني مامن دراسه ولاشغل ولاشي والحب داخلي يشكي والهم خيم فوق جفني لاصديق يساعدني ولاأحد يكلمني
جنني الهم جنني

**هجير** · 11-22-2006, 09:23 AM

وعليكـــمـ الســــلامـ والرحمـــه

يسعد صباحـك ياشهودهـ بالخير

اقتباس:

مشكلتي أهواك أنا من يوم لاقيتك

.................لا أرتحت في قربك ولا البعد نساني

صح لسان شاعرهـا المجهــول

وسلمتي على هالنقل

الرائع للقصيدة

**SHAHAD** · 11-22-2006, 10:02 AM

أما كاتبتها كثري منها

و الله ودي أكتب شّعر بس ما قدرت أنا حدي خواطر
و جمال القصيدة زاد بطلتك يا حلوة
فالله لا يحرمني طلتك .. و تسلمين على البيتين الحلوة
لا تحرمينا تواجدك الدائم ..

**نور الدنيا** · 11-23-2006, 08:42 AM

تذكر من العمر ياكثر ما أعطيتك

.................طاوعتك وربي بظلمك تبلاني

اختيار ذوق

صح لسان قايلها وصح يد ناقلها

احتمال تكون لي <---- طراه قصيدة " يعني ايش"

دمتِ بـ خير ,,

**سلف خمسة** · 11-23-2006, 08:18 PM

سلام ..!

اهلن بـ شهد الذوق

اقتباس:

لو إن قلبي يطاوع كان خليتك

.................لكن شلون أبنسى و أنت وجداني

قصيده رايقه وفي الصميم

صح لسان قايلها

وصح نقلتس يالسنافيه

واذا مانيب واهم

هالقصيده للشاعر زهير مراد

مع السلامة ,,

وني وني وني وني

مصرقعه شِيك · 11-24-2006, 10:04 AM

شهــــ ـ ـ ـ ـد

الله يصبحـ قليبكـ ـ بالرضـ ـ ـا والسـ ـ ـرور

صحـ ــ لسـ ــان الـ ــشـ ــاعـ ــر

وسلمـ ــ لنــا ذوقكـ ــ

يامنبعـ ـ ـ الذوقـ ـ ـ أنت ــ ـي

اقتباس:

أهديتك العمر كله ليت ما أهديتك

.................أرخصت روحي معك يا أعز خلاني

لـ ـ ـ ـ ـيتـ ــ مـ ـ ـا أهديتكـ ـ ـ

**SHAHAD** · 11-30-2006, 07:42 AM

اقتباس:

تعجبني الرومنسيه اللي فيك يا أجمل الهموم جرب الوحدانيه أخوك وزير الزحف وحداني لأني مليان من الهموم ..
والظاهر أبا نتحر لأني مليت من المخدرات والبلاوي والتفحيط وجننت واللديني مامن دراسه ولاشغل ولاشي والحب داخلي يشكي والهم خيم فوق جفني لاصديق يساعدني ولاأحد يكلمني
جنني الهم جنني

حياك أخوي و الله يبعدك عن كل شّر

**SHAHAD** · 11-30-2006, 07:55 AM

صح بدنك هجورة
و ربي يسعدلي أيامك كلها يالغلا
تسلم هالطلة

[line]

نور الدنيا
طلتك حلوة و صح بدنك
بس عاد لا تأخذينها حلى سالفة أنتي الكاتبة

[line]

اهلن بسلف الذوق كله
صح بدنك يالسنافي و صدق
ما يجيبها إلا رجالها أجل طلعت لزهير مراد

يلموني فيك يا سلف

..

[line]

مصرقعة و قلبك يالغلا
و ربي يسلم رأسك
لا تحرميني طلتك دوم

..

**شيختهم** · 11-30-2006, 07:56 PM

وعليكم السلام والرحمه شهوده ..

ابيات حلوه مثلك يا حلوه << ما تغازل ابد خخخخخخخخ

اقتباس:

لو إن قلبي يطاوع كان خليتك

.................لكن شلون أبنسى و أنت وجداني

يعطيك العافيه خيتو..

اعلانات المنتدى