أسعد الله اوقاتكم
وش العلوم يازوكرتيين البيت
الله يا أيام الترقيم قسم كان وقتنا في الترقيم صدقي البنت تاخذ الرقم
وهي مقتنعه
مافيه إلا يد بيد والا الله لايهين المعروض
للي مايعرف المعروض هذا ورقة كبيرة مكتوب عليها الرقم << وجهي
ذيك الأيام أفرك من العمل عشان يمديني على باصات الجامعة في عليشة
وبعدها فرتين في التخصصي عشان يمدينا على اللي يمرون على العزيزية
وبالليل متزكرتين عشان يمدينا على الأسواق
ولو قالت الوالدة ودني للسوق سكبت أم الطاقية الزري والعقال
والثوب من تحت أسود من الوصخ وعادي
والشنب تقول فحطة سيكل ماهناش
وتروح تترزز قدام الغنادير وتلتفت عليك البنت وانت مسبل عيونك
وتقول: يالحبيب زرارك مقطوع
بس بيني وبينكم
وش الفرق بين بنات جامعة عليشة وجامعة الملز
بنات جامعة الملز تحس اطلق لحية من بنات جامعة عليشة مادري ليش
الله يرحم أيام الانسر مشين صافق لك مقطع ملعون خير
ورقمك على جدران الجامعه وكل يوم يدقون البنات
البنت اليوم تدق عليك من ثاني مكلمه تقول تشحن لي وإلا لاعاد تدق
ودك تسطر سواقهم يوم يجي جنبك وترقمها
لا وبنات جدة ماعندهم وقت أول مكالمه بأطلع عبايتي من الترزي
محتاجة خمسمية ريال
وإذا قلت لها ماعندي قالت أوكي أخويا جا دحينا نص ساعه وأطلبك
وتسفط رقمك عادي وتشبك مع ثاني
وبنات الشرقية ياعيني عاللي بيفهموا
بجد رايقين
تكلمك وإذا بغت تسحب عليك تسحب عليك بشويش
تعطيك وجة وتصير كل يوم تكلمك أقل من اليوم اللي قبله وتسفطك عقب يومين << على الاقل ذربة
وعلى طاري بنيات الرياض
تعطيك النصبة كبر راسها
تقول لك الشهر هذا بنروح لدبي وبأجيب لك هدية
وأنت فاق ثغاك وتقول لا ياعمري ماله داعي تكلفين على نفسك
وتصفطك أسبوع وتدق حبيبي أشتقت لي
بكل براءة الشاب الوسيم ياروحي ما تهنيت بالنوم في بعدك
وتقول ياشيخ قصرت الفلوس وماقدرت اجيب لك هدية
حتى جوالي ماشحنته من يوم جيت من دبي تقدر ترسلي بطاقة شحن << وهي مشبكة واحد جديد
والسطل يدز بطاقة لها عادي << عنده أمل في الهدية
والشباب تلقاة منتف ولابس أطلق لبس عشان البنات يعطونه وجة وتحت لابس سروال رياضة << وجه من فصل أولى / ب
عموماً أنا مالي خلق أكتب موقدمه وراح أدخل في الموضوع على طول << فينك يالمخزن
قصيدة بصراحة عجبتني بقوة وقلت أجرب عمري في الترقيم على أن وجهي ما يأهل لذلك ولو حتى من عجر وشيقر لكن نجرب حظنا
هذي قصيدة قريتها وأعجبتني كثير وبصراحة ما أعرف من اللي كاتبها لكن تحاكي واقع الشباب وش اخرة الترقيم
أترككم مع القصيدة وأعذروني أني ماكتبت موقدمة أوسع صدوركم بها
أتعبنـي الترقيـم مـن سـوق فــي ســوق= كنـي موظـف فـي حـراسـات الأســواق
لزقـت فيهـا لزقـة عـلـوك ( بـاطـوق)= حـتـى عرفـنـي كــل بـايـع وســواق
مـن شافـنـي يـقـول تـاجـر ومـرمـوق= فـي اللبـس انـا رسـمـي ورايــق وذواق
وانـا منـتـف فــي الحقيـقـة ومـزنـوق =حظـي مجنـب بــي عــن دروب الأرزاق
عقـلـي مــن الخـفـرات لاذع ومـحـروق =مـن يفتحـون السـوق وانـا علـى ســاق
الحـق بـنـات الـنـاس هـايـم ومطـفـوق =ومخبـاي مليـانـه مــن أركــان الأوراق
شبّكت ( هند ) و( ريـم ) والثالثـة ( شـوق ) =ولاتنسو حبيبتي ( وعد ) وقلبـي ( أشـواق )
دايــم وجـوالـي عـلـى الآذن iiملـصـوق =محبوبـتـي مــا تحتـمـل بـعـد وإفــراق
تقول ( ثامر ) وإسمـي الصـدق ( مـرزوق ) =لا يابعد ( ثامر ) و( مـرزوق) و ( إسحـاق )
ألعـب عليهـا لـعـب عـاشـق بمعـشـوق = وأبنـي بـراس الحـلـوه جـسـور وأنـفـاق
هذا ... سلوك اهل الهوى كلها بووووق= أكثر ضحايا النـاس فـي الوقـت عشـاق
يالله وخروا باروح أدوج شوي في البيت
سلخير
وني وني وني <<< عاوزين سلف عاوزين سلف
ممكن الرقم ياحلوة .. طيب أفتحي البلوتوث ..
