السلام عليكم ورحمة الله وبركاته

الزكرتيه الغالين عمومآ ورواد السور خصوصآ

من ايام قلائل التحقت بركب الزكرتيه وخصوصآ بيت الشعر

وقد وجدت هناك الترحيب الأكثر من لائق وكان أول من رحب بي

معزبة السور(شهد)ولم تكتفي بذلك بل وجهة دعوه لي وقد سرني ذلك

<<<<<<<<<<<< كيف ؟ ينفع وهو رسمي

المهم قلت يا ولد يا رهيب ما يصير تروح للعزيمه من غير هدية

فكانت هذه القصيده وتعلمون أن الشاعر يعيش بخياله <<< مصدق نفسه

( ساحرة القمر )

سلام ياللي قاعد بفية السور
ـ ـ ـ ـ ـ ـ ـ ـ ـ ـ فال الحجاج وما بصدره همومي

مع شاذليه كايفه ناتع الزور
ـ ـ ـ ـ ـ ـ ـ ـ ـ ـ من طيـــب فالـــه للغنادير يومي

اذا لفاه الخاطر يشع له نور
ـ ـ ـ ـ ـ ـ ـ ـ ـ ـ تظهـــر تهاليـله بطيب العلومي

ماني بواصف طلته وارتكب زور
ـ ـ ـ ـ ـ ـ ـ ـ ـ ـ ـ لأن القصـــايد ما توفيه دومي

اللي أكيد ان القمر فيــه مسحور
ـ ـ ـ ـ ـ ـ ـ ـ ـ ـ ـ لا صــار بدر ومدته ما تدومي

ما يطلع الا عـــــدة ايام بشهـــور
ـ ـ ـ ـ ـ ـ ـ ـ ـ وبدرنا يمشي على الأرض يومي

معذور بين الناس لو صار مغرور
ـ ـ ـ ـ ـ ـ ـ ـ ـ ـ ـ لأنه عريب الجد وأهله قرومي

وأنا بعد لا غاب لو ضقت معذور
ـ ـ ـ ـ ـ ـ ـ ـ ـ ـ ولا رحم ابو منهو لحالي يلومي

وســــــــــــــــلامتكم

للإيضاح تكررت كلمة يومي مرتين ولكل منهما معنى مغاير

ادري خلصت الأولون كلها

يبدو اني تجاوزت الحدود كما هو واضح من زيارات الأعضاء بغير ردود

ولكن يعلم الله انه مجرد خيال شاعر أراد أن يتبجج بشعره ( قمة التحطيم )

وهذا ردي على ما كتبت والعذر والسموحه لو تجاوزت انظمة المنتدى

اللي دعاني فــــــاله الخير مكثور
ـ ـ ـ ـ ـ ـ ـ ـ ـ ـ ـ ـ ـ ـ ـ يا جعل عمره بالسعاده يدومي

على النقــــــا ما بيننا مد وجزور
ـ ـ ـ ـ ـ ـ ـ ـ ـ ـ ـ ـ ـ ـ والله يشهـــد نيــــتي ما تعومي

والمعذره لو كان في شعري أقصور
ـ ـ ـ ـ ـ ـ ـ ـ ـ ـ ـ ـ ـ ـ ـ خيالي أكبر من حنايا همومي

وإن كان فيه الضعف والقاف مكسور
ـ ـ ـ ـ ـ ـ ـ ـ ـ ـ ـ ـ ـ ـ ـ ماني بأمير أنا موظف حكومي

ما عشت في حي المطانيخ بقصور
ـ ـ ـ ـ ـ ـ ـ ـ ـ ـ ـ ـ ـ ـ ـ من كثر همي ما تسعني هدومي

ولاني من اللي يكتب الشعر مجبور
ـ ـ ـ ـ ـ ـ ـ ـ ـ ـ ـ ـ ـ ـ ولاني من اللي يخلفون السلومي

عزيز نفس وما عبر شط وبحور
ـ ـ ـ ـ ـ ـ ـ ـ ـ ـ ـ ـ ـ ـ هذا أنااااااااا يا عارفين اللزومي

يقال أن الأعتذار يدل على ضعف الشخصيه

ولكن في بعض المواقف لا بد منه وما يعيش هالأيام إلا أبو نيتين

تحياتي وتقديري للجميع

^
^

يازين شعرك وفوقه حرفك المنثور
واشهد انك من الخطأ محشومي

( وجه قناة الساحه )

يارهيب صح لسانك

القصيدتين كلها رايقه فديت خشمك

بس دعوة شهد

تقصد فيها تشارك في السور باللي يناسبه

اللي يناسب السور موضوع مدعم بالصور

او ردود على مواضيعه

والشعر مكانه بيت الشعر

يعني اذا بتشارك بالسور شف لك كم صوره

ما بعد نزلت هنا وعلق عليها كم تعليق ونزلها بموضوع


بس لا توقف من الشعر لان عندك موهبه

ماشاء الله تبارك الله

وصح لسانك مره ثانيه وينقل الموضوع لبيت الشعر

وعلى فكره الاعتذار من يقول انه ضعف شخصيه ؟

بالعكس يدل على ثقه وقوة بالشخصيه

فوتك بعافيه

__________________
( دعوه للـعناد والتمسك بالرأي )

ليس كل ما هو شائع صحيح ..!

يارهيب يااخي قسم حظي انك صاحبي <<< كاشخ فيك
دمت مبدع حبيبي

__________________

Motion of Emotion

__________________

ماشاء الله عليك يالرهيب

ثاني قصيده اقراها لك رائعه

انا جايتن هنا بحييك واهنئ الزكرتيه انه كسب شاعر رائع زيك

وانا ماقولها مجامله لان وجهي ماوراه مجاملة واصلا مايعجبني اي شعر

لكنك بجد شاعر

انتظر منك قصيدة غزليه في غيري طبعا <--- فاهمة الموضوع غلط لولز

الموهم بقرا شعر غزلي لك لكن تكفا ابتعد عن الغزل اللي فيه مدح لصفات البنت

وفقت ,,

__________________
[عفواً يمكن مشاهدة الروابط للمسجلين فقط للتسجيل اضغط هنا]

__________________


الوطـن حنا ترابه .. والزمن فينا يقول
من هنا مجد الصحابه .. من هنا فينا الرسول

أهلن بالعيد ..

عليكم السلام ورحمة الله تعالى وبركاته


يعني ناخذ ماي مقري فيه ونروح نقرا على القمر وإلا شلون

عليكم السلام ورحمة الله وبركاته لأني قاعد بفية السور .. لكن اللي فال الحجاج ماهوب انا وانت خابر

طيب يده فيها شي يوم أنه يومي وإلا طفاقه وبس

اي وانا اشهد .. يالومه يوم تزين علومه ...... زدني ياهذا زدني ..

خلني اجل انا اللي بكفيك من هالناحيه .. ياطني زوري طنياه يا أبافوووولان

يالبا العرب والفووورس والتوووركمان .. على هالبيت تستاهل بوسه من روضا توكر

ايه القمر اكيد مايطلع الا عدة ايام وإلا كيف يطلع قمر .. اما الساحر يوميا متواجد ويمشي على رجلينه

موووووقبلات ....<=


وسجل عندك واحد بيقط معك في الضيقه لارحم ابوها ...



وأنت سالم وسليمان و(سيمو الشرقيه )< - معرف في أحد المنتديات الضحله


ادعس ياموغاير ... لك حق والله ياموغاير .. تدري ليش ؟؟

لإنك مووووغاااااير بالحيل <= والله ياهو طيره في العجه

تبي كم حبة فحم تلون فيها اصرف لك

رساله خاصه بما إن خاصيه الأرسال مقفله حاليا لك ياصقيقي :

أن أشهد إنك صرت للقاف دكتور /:/ وإنك بكوم وباقي الناس كومي

[لوحة15]كون بخير رهيبو باشا[/لوحة15]

__________________

شرفني مرورك واسعدني كثير يا المعزب الكبير

واللي حصل هو بسبب اندفاعي لكم لكن ابقلب احتياط

حدي اذا خرجت من بيت الشعر الصاله وتخب علي

صح بدنك يا غالي وشهاده اعتز بها ،، لك كل الحب والتقدير

الله يسلمك يا شرياني الأورطي ( وجه دكتور قلب قافله معه )

انا اللي اكشخ في مثلك وشرواك يا المسكت<< يا زينك ساكت

موشن قرب لصق جبهتك في الشاشه

غطوا يا بنات

نسيت وش ابي اسوي

خلها إذا تقابلنا

يسعد اوقاتك جميع خيتو شهد

صح بدنك تيرليون يا معزبة السور اللي ما عاد بأوطوط فيه

ومشكوره على الدعوه والغلط مني جيت طاير ما قريت لوحة الارشادات

دمتي بكل الود

وياك خيتو نور الدنيا والله يسلمك ويعطيك العافيه

مرورك نور موضوعي وتسلمين على الإطراء بأكثر مما استحق

من ناحية القصيده الغزليه وش الدبره يا قيس ابن الملوح

بصراحه لست مكثر في هذا المجال <<<<<<<<< عاش مصرف

تبين الصدز اعجبني شرطك واجد جدآ خالص

دمتي بكل الود