سلام عليكم يا الزكرتيه كل(ن) باسمه
جازت لي قصيدة(ن) مهب سهله
للشاعر الله يقومه بالسلامه محمد النفيعي
يقولون صابته جلطه عسى ربي ينجيه ويقومه معافى لاهله ومعجبينه
ويجعله تكفير وتمحيص ما جرا له
انتم اقرواها وادعوا له عسى ربي يستجيب لدعائنا جميعا
القصيدة اسمه
عهدي بها قدام تلبس عبايه
وهي تحس به انه رجعك لوقت طفولي قليل شعار ينهجون نهجه وطريقته
وتحس بشعرهم صادق مثله
القصيدة
عهدي بها قدام تلبس عبايه
وأنا بعد قبل ألبس شماغ وعقال
طفلين نتهجا حروف الكتابه
الله يامجمل سواليف الأطفال
كانت لنا في كل شارع حكايه
وكنا نقول علوم ماهي بتنقال
وكنت أتقاسم مامعاها معايه
من آيسكريم التوت لعلك أبو ريال
وكانت بعكسي شاطره بالقرايه
تقرأ جزء عمى وطه والانفال
وانا لك الله من مواري غبايه
مدري أبو نقطه هو الذال أو الدال
وكانت لأبويه تشتكي من شقايه
وتعلمه كيف أربط الباب بحبال
ياما على ظهري كسر من عصايه
يقول لي خلك وأنا أبوك رجال
وأمي تقول إدع لولدك الهدايه
خوفي يصيبه كثرة الضرب بهبال
لاشفتها مع أول الدرب جايه
ماأدري أنا اللي ملت وإلا الوطاءمال
أحس قلبي يرتجف في حشايه
ماكنه إلا الضيف لاهز فنجال
ياما عن السعلي تخبت ورايه
لاخوفوها فيه ثم شافت ظلال
تقول ... خلك يا(....)معايه
وأستانس ألعب عندها دور الأبطال
وأغاااااار حتى من عيون أصدقايه
لاطالعوها!!!قلت...تكفووووووون ياعيال 
تسنه يقول اغار عليها من ابيها وامها .. ومن مسواك جدها >>ليتس ساكته
عسى تعجبكم
ومعي لكم هدية معجبتني
وقلت بتعجبكم لابد >>غصب غصب يعني
قصيدة صوتيه للشاعر ناصر الفراعنه
اسمه ظبي تمشى بين الروض والتله
قسمن متوحش ذا الشاعر ومهب صاحي شعره
سلمتوا ودمتوا
.
.
عجلوووووووا تعالوااااا
..
