بس انا كسلانه ان شاء الله تطبخها ياقلبي ابتسم وتطرش لي
__________________
أدور لك كلام أجمل و لا أجمل من كلام القلب ؛؛
و عمر القلب ما يكذب نهار يكلم أحبابه
أطير لك حمام البال و أفقد كل ليله سرب ؛؛
يمسيه الورق في حضنه الدافي و يدفى به
شعوري لو نثرته للهبايب كل جرح هب ؛؛
و عنيت الهوى و أهل الهوى و الحب متشابه
شوفي يالغلا هذي طريقة لقيتها و أنا أفرفر أدور لك الطريقة
و ممكن تصبرين لمن تجي نص قلب يمكن طريقتها أسهل
المقادير :
كيلو لحم مقطع و مغسول وكل حاقه ..
راسين بصل .. مفرومين ..
خضره الشبزي مفرومه فرم ناعم بعد ما تغسلونها عدل من التراب المهم الخضره هذي عباره عن .. سلق مدري السلق , كراث , شبت , كزبره , بقدونس , حلبه ، ثوم ، لومي أسود ( ليمون مجفف ) ...
الطريقة :
تحمسون البصل بشوي زيت .. مع اللحم
بعدين نضيف الشبزي ( خليط الخضره الانفه الذكر ) مع شوية ماي و ملح و كاري .. و تقلب و تحمس الين ما تطيح يدك من الحمس و يذوب كلش .. و تطلع ريحه الشبزي و تبخر السكه ، بس قبل لايعلق بالجدر .. نضيف عليه الطماط المطحون .. ومعجون طماط .. مو تكثرون عاد و يقلب لمن ينشف شوي وتطلع الدهنه ...
عاد اهني نقوم و نحط حوالي اربع قلاصات ماي .. و راس ثوم مفروم فرم سنع طبعا و فلفل حار بعدالها ..
و تحطون اللومي هم بعداله مو مكسر ..
واذا حابة تقدرين تحطين معاه لوبا .. بس تكون مسلوقه من قبل ..
و البعض يحطون بطاطس او قرع ..
المهم نخليه على نار هاديه .. الين ما يخثر .. وبعدين نطفي النار عن القدر لا يحترق و يقدم مع الأرز ..
و بالهنا و العافيه ..
تسلم يدك يا احلى شهد ومرسي كتيرررررررررر اليك
ويعطيك العااااااااااااافيه
الطريقه :
- في قدر نضع الزيت والبصل والثوم ونحمسه ثم نضع عليه اللحم ونحمسه جيدا ونضع عليه بعد ذلك الطماطم الحب بعد بشره ويقلب جيدا والبهار وعندها نضع مقدار الشبزي ونبدأ مرحله الحماس الجيد الى ان يتحول لون الخضار الى البني الداكن على الاخضر الزيتي و كلما حمستي اكثر كلما ازداد المرق نكهه ولذه .
- بعد ذلك نضيف مقدار من الماء لا يكون كثيرا لان من مواصفات المرق الشبزي ان يكون غليظ القوام وندعه حتى يغلي وينضج اللحم وبعدها نضيف معجون الطماطم واللو بياء والملح ونقلبه جيدا ويقدم مع الارز المشخول والفلفل المعبوج واللبن
مشاركة: ساعدوني اطبخ طبخة شبزي
