خويك نصاب تعال وأزعط عليه .. د جـ هـ 666

**د جـ هـ 666** · 10-28-2006, 11:28 AM

صبحكم بالخير

ياخي اليومين هذي طلعت جوالات ومع كل جوال واحد نصاب

يجي يقول لك أنا جوالي الفلاني وهو من جنبها معه الرهيب ولا هوب مطور

وعندي صديق كل يوم له جوال

والبنات ياعيني على البنيات

كل يوم تقول لك أنا شريت الجوال الفلاني ولا عجبني ياربيه باغيره بكرة واذا كلمتها صديقتها قالت غيرت جوالي اليوم وشريت جوال الشكليت من إل جي

والثانيه تقول شريت نوكيا اللي توه نازل في السوق يهبل بس لونه ماعجبني

وإذا شافتها قالت وريني جوالتس قالت طاح مني في المويه وخرب ياحرام
والسبيكة تصدق

اليوم ناوي على الناس النصابه

stc << وجه أبو رحلة

مالقوا شي يسوونه قاموا حطوا موقع للنصابين عشان تزقطهم زقطة بنت اللذين

الموقع هذا كل ماعليك انك تحط رقم خويك وهو يعطيك وش نوع جهازة

وإذا قابلته شق القربه وقل يانصاب أجل جهازك الفلاني يابو ذريق

إضغط على الرابط ( الموقع تبع الإتصالات السعودية لغير متحدثي اللغه العربية )<< وجه ماشي الحال

[عفواً يمكن مشاهدة الروابط للمسجلين فقط للتسجيل اضغط هنا]

يالله عطونا علوم ربعكم اللي ناصبين عليكم بأجهزتهم

سلخير

**نور الدنيا** · 10-28-2006, 03:00 PM

محجوووووووووووز اول وحده<--- يعنكني سنافيه شف كيف رديتها لك

احب اقعد قدام ماشوف ورا <-- تسذوب

خخخخخخخخخخ

راجعتلك ومعي الشاهي والقهوه انا مصلحته مهيب كانتي

يآقلبي آبتسم · 10-28-2006, 03:32 PM

انا مادري كيف اشكرك

هل ازوجك صديقتي الطخماء الشهباء او

اسلفك ثلاثمية الف تكون مستقبلك بها

انت كشفت لي كذبات الكثيرات من البنيات

الي شايفيني ولا بهلول كلن مازعني بتسذبه هذا كوبرها

الي تقول جوالها ان سبعين طلع موترلا القديم

والي تقول الزعيم وطلع برج العرب ومشلوخ بعد --> الله من النصب فيههن وفيك

انت رائع يالدجه انت كده ارجع واقول مكن توقع لي ( وجه نور وهي مسبلا عنونها)

**Motion of Emotion** · 10-28-2006, 09:06 PM

هلا والله دجه مساك الله بالخير
امم بخصوص الموقع هذا ياطويل العمر لاتحكمون عالعالم على طويل
هذا الموقع مايحط رقم جوالك الا اذا طلبت خدمة الوسائط برساله ارسلت فيها موديل جوالك يتخزن عندهم بس لو كنت مسوي الاعدادات يدوي او ماسويتها يصير لخبطه او مايطلع والله اعلم
بس انه مو دايما يجي صح
يعني ممكن انا سويت خدمة الوسائط في جوالي القديم الفيصليه وبعت جوالي ولاسوت الاعدادت في الجوال الجديد بكذا لو حطيت رقمي يطلع لي ان الجوال اللي معي الفيصليه ولو حتى سويت الاعدادت في الجوال الجديد يدوياًُ راح يطلع الفيصليه الا اذا ارسلت رساله للاتصالات فيها مكتوب الكلام هذاك اللي هو
NOKIA 'mobile model number' MMS
فبكذا يطلع معاك نفس الموديل اللي كاتبه في الرساله
ومشكور اخوي دجه على الموقع
تحياتي

**نور الدنيا** · 10-28-2006, 09:08 PM

بااااااااااااك

قسم حركة خطيرة

لكن انا مستحيل لاني اخاف من الهكرز لايلطشون ارقام صقيقاتي

وان كذبن على وجههن كيفهن

المهم اني صادقه وجهازي ان73

وانا من النوع المخلص يعني الجوال يجلس عندي سنه وزود الين تطلع روحه

ويتغرق بالماي ويجيه فايروس ويطيح وينكسر وتفلش كلبو اجزاءه مليون قطعه ويطفي من حاله وماعاد يشتغل وقتها افكر اشتري واحدن جديد

قلوبه لاعاد تستخدمين وجهي

لا قسم احط رقمتس في الموقع واعلمهم وش جوالتس

دجه يسلموووو يالزكرت

يآقلبي آبتسم · 10-28-2006, 09:17 PM

لاتختار وسائط اختار فتح خدمه ويب جوال ويب وتطلع الفضايح

**نور الدنيا** · 10-28-2006, 09:23 PM

^
^
^
ياحوبها للفضايح

**SHAHAD** · 10-28-2006, 11:34 PM

مساك الله بالخير

و الله هالحركة مشكلة

تيب و اللي يبي يكشخ و حالته صعبة

وش يسوي

..

ينطيك العافية خّي ..

**شباب في رحله** · 10-28-2006, 11:50 PM

مساكم الله طيب

شلونكم

قسم بالله حركه

اللي يبي يعرف وش نوع جهازي يعلمني واعطيه رقمي

<<< وجه سعودي يسمع بالغزل

اشوااااا ان جوالي يجمل عند الرياجيل ولا كان فضيحه

**د جـ هـ 666** · 10-29-2006, 12:01 AM

يسلمووو حبايبي على المرور الرائع

حبينا نزقط المهايطيه

برايفت ميشون

حبيب قلبي انا عارف انه عن طريق الوسائط

بس قلنا ودنا نزقط بعض العرب والهنود <<< وجه اميتاب

حياكم يالزوكرتيييييييييين الاشاوس

**شقرديه** · 10-29-2006, 12:05 AM

دجه بيه الله يدج راس العدو

ليه ماصبرت لين اغير جوالي

وعلى فكرة ماطلع نفس جهازي على كيفة حاط لي Alcatel

دجه جب لنا شين يصدق مهوب تسذوب ابقع

يالله أن شاء الله اذا شريت N75 عطيتكم رقم جوالي عشان تشفون جهازي

يعطيك العافية دجوج باشا

والحين بسهر على ارقام صديقاتي وشوف جوالاتهن >>الله من القافة

**د جـ هـ 666** · 10-29-2006, 12:09 AM

^
^
^
شقردية جربي رقم نملة

بتطلع صورة جوال نملة وهو لابس جلال <<< نملة حلليني الله يرحم والديتس ( وجه واحد حايف تدعي عليه هالعجوز القشرا)

**Motion of Emotion** · 10-29-2006, 04:44 PM

اقتباس:

برايفت ميشون
حبيب قلبي انا عارف انه عن طريق الوسائط
بس قلنا ودنا نزقط بعض العرب والهنود <<< وجه اميتاب
حياكم يالزوكرتيييييييييين الاشاوس

خخخخخخخخخخخخ ايه بس حبيت اعطي فكره بس

اقتباس:

اللي يبي يعرف وش نوع جهازي يعلمني واعطيه رقمي
<<< وجه سعودي يسمع بالغزل
اشوااااا ان جوالي يجمل عند الرياجيل ولا كان فضيحه

انا رقم جوالي
05 والباقي ماتغير <<< ماصل

اقتباس:

وعلى فكرة ماطلع نفس جهازي على كيفة حاط لي Alcatel

واحد من الضحايا

انا الحمدلله اقول اسم جوالي الحقيقي عشان ماانفضح الا وهو الدمعه المطور <<< فديته ياناس

اعلانات المنتدى