السلام عليكم (وجه بيش)

أليوم قسم ماجبت لكم مفاجعه من بوتوعي تطمئنو

لكني ذكرت قصيده كنت اسمعها في شريط ايام اولى ثانوي بس ضاع وناسيته ودلوأتي طرت لي


وبما اني مقرره انهبل واواصل لازم اتواصل معكم بشكل يشبعكم لمده لايعلمها الا الله (وجه وحده ناويه تغيب)





رفيق الغربة القشرا .. رفيق الجرح والترحال
تعال نحسب الماضي .. تعال نقسم الاحزان...

نشوف الوقت يجلدنا ولا في هالزمان رجال..
بعيد(ن) راعي الفزعه .. قريب(ن) منطق الحرمان

اذا ماتت امانينا طبيعي لو يضيق البال..
واظن ان الفرح بدعه فرضها واقع الانسان !!

نكابر نحبس المعه ومع هذا بدت تختال
تدور للفرح مثلي بخد(ن) شاحب ضميان

يقولون الصبر مفتاح.. كلام الناس بالامثال
واشوف الصبر مارجع لنا المقدس ولا الجولان..

دبا بعروقنا سرب الخمول ومالقى مقيال
تلحفنا الهموم كبار ونكسنا مدى العرفان..

حلفنا دام هي غربه نعودها تشيل ثقال ..
تحيزنا بغربتنا وعزم(ن) لو قست ما لان...

صديقي يارفيقي جف ريقي مابقى بي حال
سواحر مانسيل اهنا حدتني ضدها الازمان

كتبت الشعر ماقصدي تحفظه لابسات الشال
كتبني شعري التافه برسم باهت الألوان..

تصورت المطر دمعه حدها وقتها للجال
وذي حريتي غرفه صغيره واربعة جدران..

قصيد الغربة القشرا كسرته كسرة الفنجال
ولولا نظرة الجاهل حذفت القافي والأوزان...


قسم قسم انها عن ظهر غيب ماعدا البيت الرابع والاخير

__________________

"اللَّهُمَّ اجْعَلْنِي نُورًا "

صح لسان قايلها وتسلم ايدين ناقلها

من ايدين مانعدمهاش يارب

قصيده رووووعه ومررره حلوه وكل شيات

دمتي بود

حلاوه

__________________

لا يسمعونتس يالخبله همن ع المخزن

اسحبيها لا اسحبتس مع شعرتس



حياك ربي(وجه ياكل جالكسي) << ماتغاير نور ابد

__________________

"اللَّهُمَّ اجْعَلْنِي نُورًا "

الصبر فتاح اربعطعش
مبروك على الشريط و مبروك لنا القصيده
يعطيك العافية

صـح لســان قايلهـا وشكووورهـ شيختـهم على القصيـدهـ الحلووٍهـ <_ مجاملـه ههههههههه

لا والله حلو يعطيــك العافيــه خيتــوٍ

نواف .com

__________________
[عفواً يمكن مشاهدة الروابط للمسجلين فقط للتسجيل اضغط هنا]

قسم بالله انتس فله وشلون حفظتي كل اب هذي الابيات << طاقتس طاقتس بعين الله لايعوق بشر


بس حلوه .. وقبلتس كذا الله ياخذ عدوتس أشعارتس حلوه مدري من وين تجيبينها <<<مقرفني بس يناسب ذوقتس

__________________
ربــــــــــــــــــاه
كن لهم " حـفـيظـاً "
و " صـاحـبـاً " و " قـريـبـاً "
ولدعائهم يـــا رب " سميعاً مجـيـباً "
واحفظهم يا الله ،،
واجعلهم بك مــطمـئـنـيـن ،،
وارزقهم مـحبـتـك في الدنـيـا
وجنتك في الآخــره ،،
وأسـعــدهـــــم ..
فـإنـي فـيـك أحــبــهــم ..

\
/
\

سبحان الله وبحمده
سبحان الله العظيم

كتبت الشعر ماقصدي تحفظه لابسات الشال
كتبني شعري التافه برسمٍ باهت الألوان..

تصورت المطر دمعه حداها وقتها للجال
وذي حريتي غرفه صغيره واربعة جدران..

قصيد الغربة القشرا كسرته كسرة الفنجال
ولولا نظرة الجاهل حذفت القاف والأوزان...
امووووووت في قفلة القصيدة بتميز

يا لبا قلبي عليك من شاعر صـــــــــح لسانك

ومشكوره يا شيختهم على اتحافنا وعقبال ما نشوف قصيدك

اختيار ينم عن ذوق <<<<<<<<<<<<<<<< لا يكثر

__________________