تبون نطلب عشا ؟

اطلبي انتي

عادي والله

(فرحت)

خربت فرحتها >>> اصلا اسهل شي رفعة السماعه والحساب عليكم




سلامو عليكو

من صباحية العيد وانا شيل وحط في هالصفحه
افتح اضافة موضوع كل ساعه

عاد الحين فاتحتها من زمان ورحت ورجعت وقررت اكتب << الله يجزاتس بالجنه مير يوم قررتي


(تحك راسها ساعه)

منزله راسي ساعه عشان يحبه وهو يسلم علي بس سفهن يقوله ابوي تقول لك اختك الكبيره حب على راسها

قسم صبابه سنعه عند الشاهي والقهوه وقرقعة ذا الفناجيل << صح الجمع يا مصحح ماشي

تصدقون بغيت انزل المسجد فاتشه
على نيتي والله ناسيه لاننا رايحين مع اخوي والسيااره مظلله

يازين ذا الحريم والبزران في المسجد كان ودي نسوي دويره ونقعد نسولف
بس جمعت البيت لا بأس بها

بالعكس والله ان جمعت اهلي تسوى الدنيا ومافيها << ريلاكس يابنت الحلال احد قال شي

ماعندنا عيد ولا استراحه مرت عمي جابت عيوش (عايشه) وعيب نجتمع بدونهم وهو الكبير ومعرس على ثنتين

الا عمي وش عنده على عيوش وفطوم ومريوم وخدوج
بزعمه اسماء صحابيات
والله اللي بتطلع صالحه بتطلع لو ان اسمها عبير

والله ماجت الساعه 10 الا كلن خامد
وانا رحت اصلح حلا من السناعه للحين في الثلاجه محد ذاقه
بس امي تقول يهبل



الا على فكره
تعترفون بالجن والا الحراميه

لو اسمع اصوات بقول جن بسم الله ماني قايله حرامي
حاسه بالامن والامان



غفيت العصر وصحتني اختي عشان استشور كشتها الكوفير سحبت عليها
وانا اغسل وجهي اقول في نفسي ليتني ما زهلتها

صحينا الا ابوي
اخوي طلع مع اخوياه ومارضى يودينا لاي مكان
والسواق متعيد
وعبود مايسوق << تحسونها فضحت العايله


خيتو تتجهز عشان تروح عيد حمولتها
وانا واخواتي اتفقنا نجرم

صحينا ابوي قلنا ان خالد (زوج اختي) يبي يسلم عليك
وينزل مسيكين بدون حتى مايغسل

وهدئنا من روعه وانه اصلا مابعد جا بس صحيناه بدري عشان يمديه يصلي ويلبس<< يحسبون انه حرمه

فرشنا المكياج في المقلط وقعدنا نلطلط في اعمارنا وابوي وامي واخواني مع خالد في المجلس
طلعت امي بتاخذ الشاهي وقلنا لها بنرقى نلبس عشان نطلع << يقالنا حاطينها امام الامر الواقع

مالبسنا بس ننتظر هوشه تجينا على هالاسلوب
وامي تنادينا خلصتوا

خخخخخخخ قسم فله هالحركات
رحنا نلبس بسرعه ونزلنا بعباياتنا شوي ويدخل علينا ابوي على وين ومن بيوديكم

طبينا في بطنه انت طبعا

اثر امي الحبيبه كملت معنا الخطه وحطته امام الامر الواقع صدز ان كيدهن عظيم

ركبنا وماندري وين ندربي راسنا
انا ابي الحديقه
واختي تبي تتمشى في الشارع تحسب انها في ماليزيا
والصغيره تبي المطعم

وامي تبي عمتها
وهذا احسن حل بالنسبه لابوي عشان مايتدربى راسه بشكل شنيع


ذكرت ايام الابتدائي وابله جواهر اللي غصب تبي تغششني وانا مابي
اخر شي حامت كبدي منها وكتبت الاجابه اللي غششتنياها ولما جيت اسلم الورقه مسحتها

شريفه وعفيفه بسم الله علي


بيـــــــش

ابتس في كلمة راس

طريتي علي صبح العيد قسم تخيلتس وانتي جالسه في المجلس مع الحريم << احلفي انه موب رجال خخخخخخخ

لاوبعد لابسه بنفسجي << تحسب كل الناس عبيد مثلها


امي تخاف من الشروخه << يعني انتي ماتتراجفين
بس وناسه اذا استقويت على احد

طلعنا في الحوش اليوم نولع شروخه
وانا معي ثوم << حدي
وارميه عند رجول امي وتركض والحقها وارمي خخخخخخخخخخخ قسم مجانين


اختي تتشهوى ونفسيتها زفت
تهقون حامل << ناسيه انها في غرفة السواق مو غرفة الدختور

لكم مني هديه اذا كانت حامل
بس موب مفاجعه تطمنوا هالمره شي احلى << ايه هين



(تحك راسها وش تختم به)




احبكم قد كـــــــــــــــــــــــــــذااااااااااااااااااااا اااااااااااااااااااااااااااا (تأشر على الكون كله)

__________________

"اللَّهُمَّ اجْعَلْنِي نُورًا "

حجز أول نفر


يالخالعه

ولو أني توني جاي من البر بس ما عليش


سلخير

__________________

خخخخخخخخ والله انتس خبلا وعيدكم فله

لي باك(ن) ان شالله برد(ن) يواجه<<خشه لابسه كرفطه ورده

__________________

العيد كله حلو ويجنن >> والله يدرون

بس أحلى شي لما يجي الليل وتجوعين للعشا

مع انتس دابله كريشتتس من الكيك والحلا

طالبين طالبين الله لايعوق بـ شر



وعليكم السلام ورحمة الله وبركاته

شلونتس يالخالعه >> المدجج هو اللي قالها


مالتس بالغثا لو انتس رايحه سادحه هالسوالف الزينه في موضوع علاوي

كان أسهل لتس من دوخة المقدمة والخاتمة (وجه أم أواب وبناتها)

بس يسلم راستس ياابعدي

خلي الموضوع هووون يتمغط وياخذ راحته

كله إلا شيوخ فديت فستانها البنفسجي


هذا طاري تجيبينه يوم العيد؟ (وجه مايخاف أبددد)

أنا أعترف بالمعوذات وآية الكرسي

اقتباس:

بيـــــــش

سمي يابعدهم


واااعيباه أنا أجلس مع الحريم؟

صباح العيد ماأخالطهم بس في الليل بيت جدي عادي

<< راجعي موضوع كيف يقضي علاوي عيدهـ

وعلى طاري الروحه والجيه والتهجهج في الشوارع يوم العيد

والله اللي ماقد صارت معنا أبد

عايلتنا تجي تعايد عندنا سَيراً على العاده القديمة على حياة تيته نورة الله يبيح منها ويحللها

مع ان أبوي الأصغر في عمّاني بس كلهم يعتبرون بيتنا هو بيت العز يابيتنا

ومن بعد صلاة العيد كلهم ينكبون في مجلسنا والحريم في مقلطنا والبنات في أرجاء البيت كله >> وناااااااسه

وعلى هالحال ألين أذان الظهر

كلن يطلع يصلي وبابنا يغلق ونتغدا ونصلي ونصكها نومه ألين بعد صلاة المغرب

نصحى ويجون الرياجيل ياخذون عيالهم وبناتهم اللي تو صحوا معنا ويروحون يدورون لهم على بيت ثاني غير بيتنا >> ماطرالهم

لأننا بنطلع معهم بنروح نعيّد بيت جدي ونشوف خالاتي وخوالي ومشتقاتهم

وهناك يكون للفله طعم آخر

بس من يوم ثاني العيد وحنا ندوج على بيوت الكبار اللي لهم الحق نعايدهم


أجل انتوا تسمونها شروخه

لولا اختلاف الأذواق لبارت السلع >> انطمي

والله ياشيختهم ومالتس علي يمين ان خاطري في شراقي بس في السطح >> خابره مزاج شيوخ وين يدّهر

له احساس ثاني وانتي تطامرين خوفا من الأصوات المصاحبة


شيخووووه

كل عام وانتي بخير ياألبي

وعساتس من عواده ودايم أطري عليتس في العيد علشان تسفهلين

__________________
::

[عفواً يمكن مشاهدة الروابط للمسجلين فقط للتسجيل اضغط هنا]



[عفواً يمكن مشاهدة الروابط للمسجلين فقط للتسجيل اضغط هنا]

احفر بإصبعك على توقيعي أعلاه وتمتع

لاتفوتكم تواقيع Almlkah

وربي انها خققااآاآان






::

::

د جـ هـ 666

انتظرك بفارغ الصبر لان هناك احساس يخالجني بأنك فضلت الـ هـ جـ هـ

دنا بهزر معاك



=========


نانصي عقرم

احمدي ربتس وحبي على يدتس وجه وقفا اني عرفت معنى (يواجه) قبل كم يوم والا كان ابلشتس بالاسئله (وجه وحده ماتنتمي لديار العرب)

حياك


=========



حبيبة ألبي (وجه سعودي يتميلح على لبنانيه)


مو شرط والله << تبي تتطاق

رأيي ان الناس والمكان والزمان والنفسيه يحددون مصير العيد لكن مانقدر نجزم انه سعاده وحلو على الكل واوضح مثال فلسطين << بشويش على البنت

احس اني طبيت في بطنتس بس معليش يالمعزبه ابي اشارك بحريه << فاهمه غلط


قد ماكنا نشتهي الحلا في رمضان قد ما تحوم بودنا منه يوم العيد قسم بالله نمشي على حلاو

اما الطلب فقررت افتح لي مطعم يبيع كل شي بريال
تشاركيني بيش؟؟؟

يختي يوم العيد احس مافيه احد مايطلب

تصدقين وانا عند عمة امي قالت لي امي دقي على عبود يطلب عشا

من الشفاحه محنا منتظرين نرجع والا ناخذ على طريقنا لا نضمن مستقبلنا




هذا قذف وانا ما ارضى به

(وجه يحك راسه) وين موضع الخلع

قصدتس من زوجي الاول اللي طلبت الخلع منه والا الثاني اللي فسخ العقد والا ذاك الاولاني راعي العسكريم

حددي اثابتس الله


داريه لنه موضوع ماله سنع بس في نفسي وطلعته

بس قسم كان في بالي اسلوب احلى لكن اختي البثره حومت كبدي ونرفزتني وانقلب المزاج

تبين اعيده في موضوع ثاني (وجه بيش وهي تقول لا لا الله يعافيتس)


لا تذكريني
اختي لبسته قبلي وسافرت ألحين وشلون اجيبه

كله من عين ماشي <<وش دخله


عاد طرالي وش اسوي

اذا فضيت(وجه ابله توها متوظفه)



عيدكم حلو ذكرني بأيام اول


لا صراحه احيانا نتطور ونسميها طراقيع << يقالها متفيلحه خخخخخخخخ

اجل تبينا نسميها ألعاب ناريه (وجه الدفاع المدني)



مثل ما اسلفتي انطمي


يالبى قلب السطح

اخريوم في رمضان كنت قاعده بوه


وانتي بصحه وسلامه (وجه نوير) << صديقه قديمه


كل يوم بخليتس تطرين بس كم تعطيني

__________________

"اللَّهُمَّ اجْعَلْنِي نُورًا "