ترجيتك تساعدني ..
تقويني على نفسي ..
ضعفت وقلت لي مقدر !!
ضعفت وقلتلك ... أرجع ؟؟؟
قويت وقلتلي .. يعين الله ..
قويت وقلتلك .. بيعين الله ..
أنا ليلي تعب ودموع ...
من بعدك يسليني ؟
من بعدك يحاكيني ؟
من بعدك إذا تأخرت عن وقتي يعاتبني !!
وبالضحكه يشتتني ..
وبـ ( همن ) و ( أنااااام ) يلملمني ..
يمين الله أنا مقدر !!
على فرقاك لا مقدر !!
يمر اليوم علي أصعب ..!
حيل أصعب .....!
ألــهـّــي نفسي بالجوال ..
وأحس القلب يتعصـّـر ..
وأحس الدمع يحرقني ..!
وعلى خدي يجرّحني ..
يمين الله أنا مقدر ..
ترى بالحيل ما أقدر ..


تتذكر سوالفنا !!!
حكاوينا وليالينا !!
تتذكر ؟؟؟؟


تتذكر تجي أمي ..
وأصك بوجهك الصفحه ..
أقول اصبر تروح أمي ..
ترى من جد بتسطر !!


تتذكر علم أخــضــر ؟؟
وخـط أخــضــر ؟؟
وسؤالك عنه يتكرر ....


أكيد الحين تتذكر !!
سوالفنا عشان ما تنام ..
وتروح المعهد مبكر ..
تتركني وتستودع ..
وأنا والله أتحسر ..


تتذكر على هالصبح ..
حكي فيصل ..
ضحك فيصل ..
سوالف مالها معنى !!
بس أتأثر ..
وربي أتأثر !!

تتذكر يحاكيني بصوته المبحوح ..
ويصرخ فيك يا ( مـدنــون ) !!
هات المايك بتكلم ..!
هم يزعل !!
ويتركني لجل يلحق ..
على آخر فلم كرتون ..
تتذكر ضحك فيصل ؟؟
يوم تقوم وتضحكه ...
أنا حنيت يا فيصل ..
من ذاك اليوم لهاللحظه !!
تتذكر ( أنـا أحــبـــه ) ؟؟
وحب فيصل لهالمطعم ؟؟
تتذكر ليلة الرحله ..
يوم يبغاه وتجيبه ...


تتذكر لقب نـاصـر ؟؟
وتوأم روحك مـحـمـد ؟؟
وسهر هالليل ..
والشاليه .. والملحق ..!
وبرقر كنق ..!
وكل يوم العشاء منه ..
برقر كنق أنا أحبه ..
وبتعشاه هالليله ...
وبطلب نفس هالوجبه !!


تتذكر تنافسنا ..
على القرآن من يختم ..!
وللمسجد من يسبق ..!
تتذكر تجيني تقول :
ختمت اليوم جزء أول ..
ومن بكره جزء ثاني ..
ومن بعده جزء ثالث ..
ويطير من الفرح قلبي ...
أحس بانجاز في عمري ...!


أنا أترجاك لحد الحين ..
ولحد بكره ...
وبعد سنين ...
( الشيشه ) لا تلمسها شفاتك ..
حرام تدمر أعضائك ..!
حرام الهوا النجس ..
يقرب فمك الطاهر ...!
ويتغلغل وسط صدرك ...
إذا لي غلا عندك ؟؟
لا تقرب الشيشه ..
لجل ربك ..
ولجل نفسك ..
ولجل قلبك ..
ولجل وحده تترجااااااك ...!
( اترك الشيشه )


تتذكر أجيك رجه ..
وأحوس الجو وأخليه صجه ..
لأني كنت مبسوطه ..
موب ذنبي مبسوطه !!
أبي فرحي يجي لمك ..
أبي ضحكي يهبل بك ..
ولو ودي .. أنسيك همك ..
لأني كنت مبسوطه ..


تتذكر ليلة التوديع ؟؟
كانت دموعنا تحكي ..
ألم وخوف .. حزن وآهااات ..
وكانت تنشد الونات ..
وكان الدمع سيد الموقف !!
واليد بالحيل ترجف ..
أترجاك تقول فمان الله ..
وانت ترفض !!
تقول بحزن : نسيتي من هو يودع ؟؟
أنا أول راعي التوديع ..
وتصرخين .. من يطلع هو يودع !!
هماك بتطلعين الحين ؟؟؟
أجل قولي فمان الله !!!!
أنا مقدر .. أنا مقدر ..!!


أكيد الحين تتذكر !!
كل شي تتذكر ..
لأن قلبك الطيب ..
مستحيل يتنكر ..!


أقسم لك لحد الحين ..
أتقلب على المرقد ..
أحلم فيك تالي الليل !!
وأقوم الصبح أتكدر ..
لي يومين ع الفرقى ..
وربي كنها هاللحظه !!


ما داومت اليوم ..
لأني أعجز أركز !!
لما أتذكرك أبكي ..!
ولما أتخيلك أبكي ..!
ولما تطري في بالي سوالفنا ..
أقوم أشهق ..!!
أحس بتكه فـ صدري !
أخذ نفس أكبر ...
وأصير أشهق ..!!!
فراقك حيل عذبني ..
تدري الحين وين أقعد ؟؟
على نفس هالمرقد ..
وأتعبر ..!


انا مقدر على النسيان ..
أنا قلبي طواه الهم والحرمان ..!
يمين الله أنا مقدر ..
ترى بالحيل ما أقدر ..!!!




السبت

وسلامتكم ..
: )

__________________
ربــــــــــــــــــاه
كن لهم " حـفـيظـاً "
و " صـاحـبـاً " و " قـريـبـاً "
ولدعائهم يـــا رب " سميعاً مجـيـباً "
واحفظهم يا الله ،،
واجعلهم بك مــطمـئـنـيـن ،،
وارزقهم مـحبـتـك في الدنـيـا
وجنتك في الآخــره ،،
وأسـعــدهـــــم ..
فـإنـي فـيـك أحــبــهــم ..

\
/
\

سبحان الله وبحمده
سبحان الله العظيم

7
7
7

صديقتي الحميمه..

في تلك الليلة " الغبراء " افجعني مصابك كونك ( خربتي وصرتي تكتبين )

وفي الاثناء نفسها نلتِ مني اعجابا على " خربوطتس " كما زعمتِ

أعلم جيداً لم كتبتي..
ولمن ...

ولدي يقين كامن بمدى عقلانيتك التي تدفعني للتشبث بكِ دوماً وعلى مدار الزمن ...


لا أخفيك ...
تأثرت كثيراً بما قرأت وتحديداً كوني أعلم أنني الوحيده التي نالت مرتبة الشرف لتكون اول قارئة لكِ بتمعن ...

هذا الشرف كلفني الكثير..
وكنت اخشى أن لا أكون كما رغبتي أن اكون عليه من القدر اللامحدود تجاه المسئوليه !!!



أحس اني طولتها

الزبده يالعبده اني لما قريت هذا الشي ذيك الليله طلع معي حتسي يفشل

بس ولو ما يغلى عليتس

حرام ادفنه بالحيا





خليته..
وبليلة أمس حنيته..
وذاك الدمع واساني..
وهو نفسه قواني..
وخليته !!!

تركته اترجي صبري..
وابد ما اشك في صبره..
عرفته بقوة تزهى..
يزهى قلبه بطيبه..

طوى ليله سهر وياي..
غفت عينه على يمناي..
بياض القلب هو طبعه..
هبه من ربنا الرحمان..

طلبني وماقدر يوصل..
وانا مثله بعد مقدر..!!!
كسرت القلب وهو يدري..
صعب اسلى وهو عمري...

تجاهلت القهر بلياه..
صرت في نار انا وياه !!

هي تكوي وانا اطفي .. وهي تطفي وانا اكوي !!
ونرجع نكرر المشوار..
نطوي الليل بهم وسهاد ..
وتنزف قلوبنا دمعه..
نحترق..
ونطفي الشمعه..

ونتذكر ليالينا.. ونسترحم امانينا ..
ونقتل كل مافينا..
ونتوادع....

وتمر ليلة التوديع ..
يسكن طرفها التلويع..
ومن عذب الهوى تعذيب ...
ونتخاذل !!

نتعاتب على فرقى..
ونتواعد على ليله .. ... .. نسامر بعضنا بفراق
ونحيي ذكرى التوديع !!

يمر الليل ولا ابطء ..
يجرحنا وهو ساكت..
يطول في هجير الصبح..
ويعطينا بعد لوعه !!

نحن لضحكة الجيه..
ونتلاقى بعد فرقى..
نتعاتب ونتراضى .. .. ونتعمد بعد نزعل !!

نتراكض على الكلمات..
نتوافق بدون حساب..
ونتضاحك..
صرنا احباب ...

ليلة امس حنيته..
وبصمت ترجيته..
تعودت يكون دواي..
وانا من ليلة التوديع مجبوره على الفرقى ...
وعلى الدمع والشكوى ..
على التوديع مجبوره !!!

خليته..
سرقته من فرح عمره...
وقال اني انا عمره...
وهو عمري..
ورديته !!!



وش رايتس؟؟؟
بتصفق صح

__________________

"اللَّهُمَّ اجْعَلْنِي نُورًا "

رائعه

لم املك الا ان اقول " رائعه"

لي عوده

__________________
[عفواً يمكن مشاهدة الروابط للمسجلين فقط للتسجيل اضغط هنا]

بنتــ الريـ ـ ـاض
::

يالله حيهـ ـ ـا..
::
وربـ ـ ـي دمـ ـ ـوعي عجزتـ ـ أمسكهـ ـا
الحروفـ ـ مجنـ ـ ـونـ ـه
::
كلمــ ـ ـاتــ الإطراء..تعجز عن مجـ ـ ـاراة الروعه هُنـ ـ ـا
::
يـ ـ ـاهنـ ـ ـي بيتــ الشعـ ـ ـر فيـ ـ ـكــ
::
أعذرينـ ـ ـي ::عندمـ ـ ـا أعود مره أخرى..وأخرى..وأخرى..
وأهـ ـ ـذي..هُنـ ـ ـا..

__________________
:
:

تصدق من عنا الدنياماحس اني أنـا انسـان
مابالغ لا واللي خلقني نــ ـ ـ ـ ـص ماجانـي
:
:

احم احم 00000





كلام رائع وشجي والاروع منه ذلك الاحساس الي يكمن وسط جوفج

__________________

بصراحه ،، مع إن مالي ذاك الخلق إني اقرأ الخواطر ،، او البوحيات زي ما البعض يسمونها ،،،


بس بجد ،،كتابتك اجبرتني اني اقراها كلها ،، على إنها طويلة ،، بس استوقفتني حروفها ،، و تعبيرتها ،، و اسلوبها ،،





اتوقع إننا كسبنا مبدعه و صاحبه قلم و حس راقي



اكيد ننتظرك دوماً ،، في كوكبة مبدعين الزكرتية



برايفت نص القلب


>>> نصوص ،، من متى تكتبين من ورانا ،،، شكلك شاعره و انتي دافنه نفسك بالمطبخ ،، يالله يا قمر لاهنتي نزلي لنا من قصايدك المعتبرة ،،، بس مو عاد تنسيننا ترانا من متابعين مطبخك الرمضاني ،، بس بما إنك تهورتي و كتبتي هالكلام لبنت الرياض ،، ما بسامحك لو ما كتبتي فيني معلقه <<



أمـــانه ،، ردي ،، وش كنه هو و ألوانه

__________________
.
.
.



.
.
.

__________________

يا بعد حالي يا نص القلب ،،




بس اللي عنده موهبه ،، المفروض ما يدفنها ،، و الشعر من الأشياء المميزة ،، اللي كنت اتمنى إني امتلك موهبتها ،، هي و الرسم ،،




و تسلمين يا بعدي على على المعلقه ،، >> احس كنها ملعقه (( حقت الأكل ))

__________________
.
.
.



.
.
.

__________________
::
::
::



::
::
::

حتى لو فشلت ...

يكفيكـ شرف المحاولة !

اصلا صديقتي شاعره << ايه هين

سافرت اليوم وحاسه بالغربه

__________________

"اللَّهُمَّ اجْعَلْنِي نُورًا "

بنت الرياض

يا سلام عليك

نزف رائع

سلم قلبك يا وخيتي

ولاهنتِ