<< .. ضيف جــديــد عليكم يالزكرتيــــه .. >>

مـــوجة حـزن · 10-02-2006, 03:51 AM

السلام عليكم ورحمة الله وبركاته
.
.

كل عام وانتم بخير ..

والشهر عليكم مباركـ ..

والف الف مبروووووووكـ يـ الطلاب على المكرمه الملكيه

وانشاء الله تكون فال خير عليكم ..

المهم قلت في هذا اليوم العظيم ..

لازم تسجل يامووجان في المنتدى ..

وان شاء الله اكون ضيف خفيف وبدون ملح خوفا من الضغط

سلام ..!

**SHAHAD** · 10-02-2006, 04:48 AM

وعليكم السلام ورحمة الله وبركاته

هلا بموجة الحزن و ربي يبعد

عنك كل حزن

..

حياك أخوي بيننا و يا هلا بك ..

**بيـــــــــش** · 10-02-2006, 05:03 AM

وعليكم السلام ورحمة الله وبركاته

وربي يتقبل منا منك ويوفقنا لطاعته

ومو قايله الله يبارك فيك على التهنئة بالمكرمة

لأنك قلت

اقتباس:

يـ الطلاب

والمكرمة لنا وعلشاناّ حنا يالطالبات

نبي نتفرغ للطاعة مو للدوجان يا بابا موجان

وورانا كرف مطابخ >> توجد هناك استثناءات

وودنا نحس بطعم رمضان اللي عيّت الدراسه نذوقه

وعساه يمدينا نتقضى للعيد

هلا بك بابا موجان واقلط بسرعه >> نفسها مرة تسبق بابا ميلاني على باب الملحق

وأتحفنا بإبداعاتك وفلّها وخل الحزن جانبا(وجهي وأنا أقول أتحفنا وجانباً)

[img][عفواً يمكن مشاهدة الروابط للمسجلين فقط للتسجيل اضغط هنا][/img]
8
8
لاتنسى انك صايم

**سلف خمسة** · 10-02-2006, 07:05 AM

سلام ..!

ليه تقلد حقتي هذي اللي فوق

موجة حزن كم ترددك >> على ثومه

منورنا يالوجه الصبوحي والمحل محلك يابو رحاب

عندك اسمين احس انها عاله على المجتمع

مي و رحاب

ياخي سبحان الله ماهضمت هالإسمين مدري ليه

احس اللي اسمها رحاب والا مي انها ضفعه ماتنفع في سبع المذاهب

مجرد احساس يعني >> زين شتبي الحين

موجة حزن

مدري ليه عندي احساس انك بتجوز لي وبنصير ثنائي نشكل جبهه هجوميه لا تصد ولا ترد

بس لاتصير اناني ناول

الزبده مهب من عادتي اعطي وجه بسرعه

لكن انت من شفت اسمك سحـت على الكرسي

هماهم يقولون يادهينه لاتنكتـّين

ابشرك انكتت الدهينه وتبربست الدعوى

لاني اشوف فيك فتى احلامي ( وجه فلبينو )

ياخي انا مفتل اليوم وماودي اطلع من الموضوع

خلني اعلمك سالفة القطو اللي ناشبني وغدا علي عقوبه

ياخي شفي امه ذا كل ماجيت الا هو منبطح على كبوت السياره

صار له علاقه وطيده مع كل نعولي من كثر ما اتمردسه

حتى جواتي الرياضه لو تسأله يعلمك مقاسها

حتى العقال قد لسبتـه نص لسبه لانه انتبه لي في اخر لحظه

وماجات اللسبـه كما هو مطلوب

قطووو مايفهم احس انه خبل

ولا شافني جا يركض وانبطح على الكبوت

الزبده اني تغافلته في يوم ما وجهزت لي خشبه في طرفها مسمااار

قلت بفقع راسه ويا انا ياذالقطوو في الحاره

واصفط السياره وانزل منها واتكي عند الباب مادخلت البيت

واتحراه الا يوم جااا يركض ونط وانبطح على التنده هالمره

واجي من وراه بشويش وبدون مايحس واهبـده بالخشبه

ويتبرعص شوي واهبده بالثانيه

الين قال ممميييييووو غسل يده من الحياه

وامسكه مع ذنبه واحذفه في الزباله >> ماشاء الله عليك

وانتهت القصه

موجة حزن شلونك بس

حياك الله يالسنافي ومنور المنتدى بتواجدك

مع السلامة ,,

وني وني وني وني

**هجير** · 10-03-2006, 06:08 AM

وعليكم السلام والرحمه

وانت بخير ان شاء الله ومن العايدين والفايزين

ويشرفنا حضوركم في ليلة القرقيعان على ......

قرنقعوه قرنقعوه.. عطونا الله يعطيكم.. بيت مكة يوديكم.. يا مكة يالمعمورة.. يام السلاسل والذهب يا نوره<< فديت بنت أختيا.. عطونا تحبة ميزان.. سلم لكم عزيزان.. يا بنية يالحبابة.. أبوك مشرع بابه.. باب الكرم ما صكه ولا حطله بوابة".

قرنقعوهـ قرنقعوهـ

من بداية السنة والطلاب اجازات حتى دراسة ماكو دراسة عدل

عقول بناتنا تفتح وتغلق << صايرة سوبر ماركت

<< اخلاق

ويامووجان حياك الله ويانا كل ترحيبه وياها حلوى شويطر

ياصباح الخيــــــــــر

عاقد حجانه · 10-04-2006, 09:12 PM

اهلين وسهلين موجه حزن

والله لايجيب الحزن بينا مرحبا فيك بين اخوانك وربعك

ويقول اخوي سلف خمسه انه يحس انكم بتكونون ثنائي بس احساسي انا اننا بنصير ثلاثي مرح قاهر للصعوبات
الله يكفينا شر الصعوبات لأن اول واحد وقت النحشه هو سلف خمسه
يقول المثل اسئل مجرب ولا تسأل طبيب

يعني ينكبك زي الألف وكأنه مايدري وش صار. أمحق ثلاثي
على قولته مجرد احساس

**ميلاني هلالي** · 10-05-2006, 06:15 AM

عليكم السلام ورحمة الله وبركاته ...

ياهلا موجة حزن ..

الشهر عليك مبارك

والا شرايك نقول العيد عليك مبارك

كل عام وانت بخير ..

<< - - الطمها بجريش

يامراحب يامراحب ..

المحل محلك ..

بانتظار مشاركاتك وتفاعلك ..

فمان الله ,’,’,’,’,

مـــوجة حـزن · 10-06-2006, 03:28 AM

بيـــــــــش

.
.

اقتباس:

هلا بك بابا موجان واقلط بسرعه >> نفسها مرة تسبق بابا ميلاني على باب الملحق

وأتحفنا بإبداعاتك وفلّها وخل الحزن جانبا(وجهي وأنا أقول أتحفنا وجانباً)

اجل حاطين مسابق بالترحيب

حلوهـ اتحفنا بس لاتعيديها تجيب لي سيلان

شاكر لكـ ترحيبكـ ..

==========================

سلف خمسة

اقتباس:

ليه تقلد حقتي هذي اللي فوق

معجب فيكـ

اقتباس:

موجة حزن كم ترددك >> على ثومه

ترددي على الواطي

اقتباس:

منورنا يالوجه الصبوحي والمحل محلك يابو رحاب

النور نوركـ يابعدي ..

اقتباس:

موجة حزن

مدري ليه عندي احساس انك بتجوز لي وبنصير ثنائي نشكل جبهه هجوميه لا تصد ولا ترد

اجل نقول مباركين عرس الاثنين

بس خلها بالعيد نعزم الراس الكبيرهـ

اقتباس:

لكن انت من شفت اسمك سحـت على الكرسي

ياحياتي انت والله امووووووووووووهـ

شاكر لكـ ترحيبكـ يالحلو

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى