واحد متحمس يوم قالتله تغيب وتقطعنا ...............

انتي تقصدين مثلا في الزواج وبلأخص البنت يعني انها تنظلم ليش لأنهم بياخذون رايها في المتقدم لها وهي ترفض او توافق ليش هي تنظلم .

معليش شقرديه اذا كنتي تقصدين انها نفس الحاله ان ابوها عطا الرجال كلمه بالموافقه بالزواج من ولده انا معاك بكلامك الأولي
عاد هاذي مالها دوا .
بس حنا متعودين خذوه فغلوه يعني ماعندنا حب وغرام قبل الزواج دائما يصير كل شيء بعد الزواج

وعلى فكره ماوافق الرجال على الولد الا أكيد يدري انه عاقل ومحترم وبيقدر بنت الناس ,والعكس صحيح مع أهل الولد انهم ماراح يختارون البنت الآ انهم متأكدين انها نفس المواصفات حشا صارت كامري مو بنت

__________________

شقردية

يسعد مساتس يافتاة

بصراحة

وبدون مجامله موضوع حاد للنقاش

ويستاهل ان يطرح كقضية وليس موضوع فقط للإطلاع كم شخص يقف خلف قناع يضعه بسبب قرارات تغير مسار حياته

ولم يكن القرار من اختيارة

هناك من يجد مخرج ويستطيع تفادي هذه القرارات

ولكن هناك أشخاص يجدون أنفسهم امام الامر الواقع

كما في قصة نايف

انا ساتكلم عن تجربة شخصية

حدثت لي انا شخصياً

والدي اطال الله في عمره

من خمسه وثلاثين سته

اختي الكبيرة كان عمرها 5 سنوات وكان لديها عناق ( عنز صغيرة )

وفي يوم زارها خالها وولد خالها وهو بنفس عمرها تقريباً بحكم ان والدتها متوفيه ( رحمها الله )

واخذ ولد خالها يلعب مع العناق بحكم انها تأنس الناس ولا تهابهم

قال الولد : لأبوه ابي العناق

رد عليه ابوي وقال : العناق وراعيتها لك

وما كملت البنت خمس طعش سنه الا وهي متزوجته

هذا مثال في قرار لم تتخذة البنت والحمد لله التوفيق من الله هي الان ام عياله


-------------

وانا وضعت في نفس الموقف

يوم من الايام كنت جاي من سفر بحكم ان عملي خارج مدينة الرياض دوام اسبوعين وراحة اسبوعين واثناء راحتي اجي للرياض

وجانا زيارة قريب لنا وكنا نتقهوى

وطلب مني اذا اعرف احد عشان بنته توها متخرجه ويبي البنت تتوظف داخل مدينة الرياض

قلت ابشر اشوف لك اللي اقدر عليه

تفاجأت


بأبوي الله يطول بعمره يقول قدام ابو البنت


الا نبيها لفلان

قسم بالله روعه على صدمة

مادري وش اقول لأبو البنت

ان رفضت شينه في حق ابوي

وان قبلت القرار مو قراري

لكن يسرها الله وقدرت اتخلص من الموقف

بأني جاوبت أبوي على انه يمزح

وقلت أغلى من أناسب ويشرفني

لكن

انا الحين ماني مستقر

وصعب اني ابهذلها معي رايح جاي وسفر وكل يوم في ديرة

وحسيت ان ابوها اقتنع من كلامي

وبعدها بسنه رجعت لأبوي وقلت له توكل على الله واخطب لي نفس البنت

باقتناع وفي نفس الوقت ماكسرت كلمة أبوي

طبعاً احنا نقيس تصرفات الشيبان بحكم بيئة التعلم والعادات اللي كانوا يؤمنون بها وأختلاف الثقافات بينا وبينهم

مجتمعهم وطريقة تربيتهم ودراستهم وأشياء كثيرة تؤثر في قراراتهم وليسوا جميعاً سواسيه

ولو نحسبها لرأينا أن بيننا وبينهم أجيال ومراحل تغيير


كم هناك من سارة

وكم هناك من نايف

اكيد الكثير الكثير

شقردية

الموضوع شيق وذو تشعبات كثيرة

وهناك الكثير من سارة ونايف مختبئين خلف ستارة قرارات الغير

دمتي بود وعافية

وأهنئك على هذا الطرح القيم

سلخير

د جـ هـ 666

__________________

ابله شقرديه

هلا بتس

هاه اليوم من دوره انتي والا مرت اخوتس

تبين مساعده .؟؟ << ترى قرارها محد غصبها خخخخخخخ


فيه شي اسمه افراط وتفريط ..
وخير الامور الوسط ...

من الغلط ان الاهل يسيرون عيالهم وشوي الا وهم ملغين شخصياتهم ومحولينهم الى سلطه خارجيه على اللي يقدرون عليهم
وهذا خطر على تعامهلم ومدى تقبلهم كـ أفراد في المجتمع...

ومن الغلط بعد تسليم الخيط والمخيط بدون مشوره اللي ربي وصى بها [ وشاورهم في الامر ] ...


قصة ساره ذكرتني بوحده ايام ثاني ثانوي..
تصدقين انها دخلت علمي مغصوبه طبعا لكن راضوها اهلها ورضو لها تقص شعرها بوي !!!!!

هالسالفه لازالت عالقه بذهني مع انه مر عليها وقت...
لكن مع احترامي للاهل احس بتفاهه تجاه الارغام والارضاء !!


ابوي ما كان يحب الدراسه بس جدي الله يرحمه كان شاد عليه والنتيجه انه مازالت الدوائر الحمراء مرافقه لشهادته نهاية لسنه..
بس احس الضغط اللي مثل كذا من صالح الولد ..
لان الدراسه مستقبل ..
وهذا هو ابوي احسن واحد يعرف يكتب ويقرا


( قاعده تحك راسها تذكر موقف اجباري انعدم فيه رايها )

ما اذكر

احب اتخذ قراري بنفسي مع المشوره طبعا لكن غالبا اسوي اللي في راسي..
وما اندم لو كان غلط لانه لولا الغلط كان ما تعلمنا ...
والدنيا مدرسه..


شقرديه
احسن ابله في الناس
يسلمو ألبي على فسح المجال للبربره عن مكنونات النفس

__________________

"اللَّهُمَّ اجْعَلْنِي نُورًا "

مساكم معطر بالورد

مساكم معطر بالورد[

مواضيعكم مفيدة

وليد علي ،،

مساءك معطر بالفل طال عمرك


إلا خيوووووو ،، وش السالفه ،،

__________________
.
.
.



.
.
.

مواضيعكم مفيدة