ماني مثل غيري

الريميه · 08-26-2006, 05:42 AM

أنا ماني مثل غيري إذا قلت أعشقك وأهواك
أقول الدمع بغيابك هنا لك بلل إثيابي

ولا آقول إني اللي ضعت في بعدك وفي فرقاك
ولا آقول إبغيابك صرت أضم الورد بكتابي

ولا آقول إني آشوفك هنا وإهناك والا إهناك
ولا آقول السهر بعدك لعب في حسبة أهدابي

ولا أباهي بغلا قلبي وأفاخر فيه وأتحداك
وأقول إن الغلا قبلي حشا ماطق له بابي

أنا آحبك ومعنى الحب يظهر يوم أنا ألقاك
اذا ضحكت لك إعيوني واذا لك ابتسم نابي

واذا ضاعت سواليفي بعد ماقول أنا حيَّاك
وعجزت آطالع إعيونك برغم إحساس ترحابي

هنا معنى الغلا عندي وهنا معناي في معناك
أكون الحب في قلبك وتكون بقلبي أحبابي

الريميه

**شيختهم** · 08-26-2006, 07:34 AM

اقتباس:

المشاركة الأصلية كتبت بواسطة الريميه

هنا معنى الغلا عندي وهنا معناي في معناك

" الله الله "

شو هالابداع يا بنت ..

حروفك سطرت كلمات فيها معاني رائعه ..

يعطيك العافيه ..

وفرجينا جديد الأجمل ..

8
8
اول مره ترد رد ثقل

**عميد الزكرتية** · 08-26-2006, 01:06 PM

^
^

مطلع القصيده جبــّــار

الله الله يالريميه

وش هالزين

بدايـــــه قويه فديت كيبوردك

صح لســانك وسجلي اعجابي

**SHAHAD** · 08-26-2006, 02:01 PM

مساء النور و الرضا و السرور

!! الريميه !!

صح لسان قايلها و سلمت يمينك

دائماً بإنتظارك لا تحرمينا ..

**شباب في رحله** · 08-26-2006, 05:31 PM

واذا ضاعت سواليفي بعد ماقول أنا حيَّاك
وعجزت آطالع إعيونك برغم إحساس ترحابي
^
^
جبار

ارحبي يالريميه

بدايه اكثر من قويه

اتمى انك تتحفينا بكل جديد

يبدو اننا كسبنا شاعره ماهيب بسيطه

صح لسانك

وننتظر جديدك

<<< حفظ القصيده على الديسك توب

**نص 000 قلب** · 08-27-2006, 03:55 AM

السلام عليكم

ايتها العابثه بحروف الكلمات

حروفج هزت اركان القلب هز الله كفيلج
وش هالقصيد الي يدوخ الصاحي 000 يحمل بطياته حب ماهو حب

لك نهز الرؤوس اعجابا بما سردت يا ريمية

واتحفينا بالمزيد

الريميه · 08-30-2006, 08:19 AM

يسلم لي حضوركم

يسلم لي تواجدكم

يسلم لي هاللطف

شيختهم

ناديتي وبأحلى ماناديتي (يابنت)

وكلماتك سطرت بالنفس أثرها العزيز

سلمتي لي

عميد الزكرتيه

أعتبرها وسام على هالصفحه منك

وبأفتخر وبأعتز بهالحضور

SHAHAD

ياقلبي أنا اللي قايلتها محاكيتك

كني لمحت حيرتك بهالشئ وقلت أجاوبك

وتسلمي لي

شباب في رحله

يسلم لي هالذوق وهاللطف

كلي سعاده بموقفك وبرأيك

ماأنحرم من هالتواجد

نص 000 قلب

أخجلتني ياقلب وياأحلى قلب

تسلم على لطف الرد

للجميع شكري وإمتناني على تعطيرهم لهذه الصفحه بتواجدهم

الريميه

**مخربها** · 09-14-2006, 03:58 PM

الله عليك يا ريميه

قصيدة رااااااااااااااااااااااااااااااااااااااااااااااااا ئعه

والأروع حضورك يا غاليه

سلمتي

ولاهنتي

مصرقعه شِيك · 09-15-2006, 03:57 AM

الريميه

ماشاء الله عليك..

رائعه القصيـده

صح لســــانكــ

بــِشغفـــ أنتظر متصفحك الــقادمــ

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى