|--*¨®¨*--| كـيـكة الـكـتـكـوت للأطـفـال |--*¨®¨*--|

**SHAHAD** · 08-21-2006, 10:41 AM

السلام عليكم و رحمة الله و بركاته

شخباركن يالزكرتيات ؟!

حلانا اليوم عبارة عن كيكه

و هي تصلح للأطفال شكلها مره حلو

..

المقادير :

* خليط الكوب كيك أو أي كيكه عاديه (( أنا إستخدمت لوزين )) ..
* دريم ويب يتصلح حسب التعليمات ..
* جوز هند محمص , جوز هند عادي مبشور , لوز ..
* أعواد بسكويت صغيره يفضل بالشكولاته ..
* إم آند إمز M & Ms الصغير ..

الطريقه:

1. تحتاجين إلى خليط الكوب كيك أو ممكن تعملين كيكه عاديه و تحطينها في قوالب الكوب كيك ..

2. تاخذين الكيكه و تغطينها بالدريم ويب ..

3. تخلطين جوز هند محمص وجوز هند عادي مبشور وتغطين فيهم الكيكه بأكملها ..

4. تسوين منقار للكتكوت بحبة لوز , و العيون تسوينها بـ M & MS
, وعلى راس الكتكوت و رجوله ممكن تستخدمين أعواد بسكوت صغيره بالشوكولاته ..

5. الشكل النهائي ..

بالهناء و العافيه

**شقرديه** · 08-21-2006, 02:03 PM

وعليكم السلام ورحمه الله

حيّا الله شهودي

كيكة حلوة وسهلة

لكن عارفة لو سويتها

ان لجين بنت اخوي ماراح تاكلها

بتمسك الصحن وتقول للبطة ياحبيبي وتلعبها

بينما اختها وجن القشرا بتاكل اعواد البسكوت بس

عشان كذا هونت ماراح أسويها

>>تحسبها للصغار بس

شهودي الله يعطيك العافية ياقلبي

**nAmLaT nAjD** · 08-22-2006, 03:44 PM

^
عادي انا اخوي الصغير ممكن يتبناها لين يخلصها النمل

<< مب النمل انا .. النمل ذاك الصغااار اللي لونه اسود ومرات يصير لونه احمر << قولي قسم

.

.

حيالله مس شهوده

حركه روعه .. تعجبني الاشياء اللي ماتحتاح قرقه كثير

وتطلع بشكل حلو

ان شالله لا حملت اختى وجابت بزر وسوينا له نون بسويهم للبزران

<< انطر ياحمار لين يجيك الربيع

.

.

يعطيتس العوافي ياحلوه

ننتظر الجديد

مع السلاحف

**سحابة حب** · 08-22-2006, 05:49 PM

^
^
^

ياحليلكم ،،

انا لو تهورت و سويتها لاخواني أول ما بيسونه يشيلون المكسرات اللي برا بعدين ياكلونهااااااا

تسلم الايادي شهووده حبيبتي ،، شكلها روووعه ،، و تحمس الواحد ،، >> الحماس طاقها هالايام

**SHAHAD** · 08-23-2006, 10:49 AM

أرحبي يأم التؤام
طلس الحلوه يا حلوه
بس وش دعوه فكرتي ببنات أختتس و خليتي التؤام
الله يعافيتس يالغلا و لا يحرمنا طلتس ...

دلخه ودايخه · 08-23-2006, 07:35 PM

مرحبا شهد وااااااااااااو شكلهاا لذيذه

..تسلمين على هيدي الخلطه .
بس انا عمري مااطبخت

بس يالله بتكوون
كيكة الكتكووت اول كيكه اسويهاا بحياااتي.

.<<< بس الوز والجوز هند موو عااجبيني بأشيلهم

واهم شي اكثر الشووكلاته ..وام اند امز
واكيد بتطلع حلللوه...............تحيااتي دلوووخه

**SHAHAD** · 08-24-2006, 09:58 AM

صباح الخير

اقتباس:

عادي انا اخوي الصغير ممكن يتبناها لين يخلصها النمل
<< مب النمل انا .. النمل ذاك الصغااار اللي لونه اسود ومرات يصير لونه احمر << قولي قسم

زين إنتس وضحتي على باللي تقصدين عمرتس

اقتباس:

حيالله مس شهوده
حركه روعه .. تعجبني الاشياء اللي ماتحتاح قرقه كثير
وتطلع بشكل حلو ..

الله يحيتس يالغلا
و الروعه يتواجدتس بيننا

...

اقتباس:

ان شاء الله لا حملت اختى وجابت بزر وسوينا له نون بسويهم للبزران ..

آمين إن شاء الله تحمل بتؤام بعد ...

اقتباس:

<< انطر ياحمار لين يجيك الربيع

..

شكل أختتس توهـ صغيره بقوه بعد

..

nAmLaT nAjD
الله يعافيتس و لا يحرمنا منتس ..

**SHAHAD** · 08-25-2006, 03:14 PM

مساء الخير ع الناس الغير

اقتباس:

انا لو تهورت و سويتها لاخواني أول ما بيسونه يشيلون المكسرات اللي برا بعدين ياكلونهااااااا

عادي كلهم كذا بس تنحط عشان
يطلع شكلها و لا على الأكل ما أحد بياكلها ..

اقتباس:

تسلم الايادي شهووده حبيبتي ،، شكلها روووعه ،، و تحمس الواحد ،، >> الحماس طاقها هالايام

يسلمك ربي و يخليك
و الروعة بتواجدك أنتي و هالحماس
اللي ما شاء الله طاقك له كم يوم

..

**شيختهم** · 08-26-2006, 05:20 AM

انا طفله

<< ودها بالطورطه خخخخخخخ

يعطيتس العافيه " ش ه و د "

**SHAHAD** · 09-04-2006, 10:04 PM

الله يعافيتس شيختهم

و يسعدلي طلتس ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى