السلام عليكم ورحمة الله وبركاته

بينما كنت جالساً في البيت لحالي ومافي احد الا انا فكرت اني افكر من زود الفراغ والله
المهم قبل ماافكر اني افكر احترت في ايش افكر لان كل المواضيع احس اللي صرت افكر فيها صارت تافه فابي شي جديد افكر فيه <<< متجدد الفكر ماشاء الله علي
المهم من الفراغ فكرت بايام طفولتي يوم كنت صغير
وقاعد افكر في تفكيرنا زمان كيف كان وكيف صار
ذيك الايام لو كنت تتكلم مع احد من اصحابك وقال لك ان ابوه عنده ربع مليووون تفغر في الولد وتتوقع ان ابوه مليونيررررررررر ويقدر يسوي فيها كل اللي يبي يعيش على كيفه ويعيش اولاده احسن عيشه ويسكن في افخم مكان وياكل احلى اكل وووو ....... اشياء ماانقدر نعدها من كثرها
وكنت اتمنى اني امتلك هذه الثروه عشان اعيش اهلي واعطي اصحابي واسوي واسوي واعطي جارتنا الفقيره اللي يكفيها واعطي بواب مدرستنا بيت واعطي واعطي ....وهذي فقط في تفكيرنا ونحنا صغااررررر فجتني الاساله تسال ولا لقيت لها حل
ماادري هل فعلا كانت ربع مليون على ايامنا ونحنا صغار تعيشنا زي ماكنت اتخيل وانا طفل؟او بما اني طفل واسمع كلمة مليون كانت كبيره؟
هل ربع مليون اصبحت حلم ام ان الناس احلمهم ارتقت الى عشرات الملايين؟
هل الافكار اللي تجينا و نحنا لا نملك المبلغ اللذي نريد ستراودنا ونحققها عندما نملك مانريد؟
ابي اجوبه للاساله هذي وسلامتكم

عاد اعذرونا على ترتيب الكلام جاي ملخبط لكن والله مدري كيف ارتبه

__________________

Motion of Emotion

وعليكم السلاااام ورحمة الله وبركاته


اررررحب يا Motion of Emotion




هذا شي طبيعي


يوم كنـّا صغار كانت قيمة الريال تختلف اساساً


وقبل على وقت جدي وجد جدي


كانت الرواتب ثمان طعش ريال


والذبيحه بريالين << الذبيحه يعني الخرووف


وشئ اكيد في ذاك الوقت

مهب الربع مليون

الخمسين الف تعتبر ثروة


اما من ناحية

اذا كنت احلم بثروة وراسم لها طريقة صرف


خلها تجي بس


وترسم على محياي الابتسامه


ثم ارسم واشخبط


خطط ومشاريع الصرف


انا اشهد اني بعرف وش اسوي بها




Motion of Emotion

لااااااااااااااهنت ويعطيك العافيه

__________________

الله يبقيك
طيب تعتقد لو قلت لطفل اللحين ربع مليون يشوفها زي ماكنا نشوفها واحنا صغار؟

جد جد جدي كان مليونير يقولك كان عنده 100 ريال ويصرف على القبيله <<<<<< نصب ورعااان زمااان
ومشكور على المعلومه الجديده ان الذبيحه يعني خروف لاني دايما اسمعها ولاادري وش هي واستحي اسال عنها <<<<< وجه مبتسم بخبث

زي ماقلت فوق عند جدي المليونير

الله يرزقك ويزقنا بس خوفي انها تروح للاستثمار الاجنبي <<<<< العن ابو التعبير القوي واذا مافهمتم يعني تسافرون تتمشون برا الله يهديكم .

الله يسلمك ولا يهينك و سلام

__________________

Motion of Emotion

__________________

نظرا لوقت الرد ماراح اقولك صباح النور لا باقول مساء الخير <<< يالليل الفلسفه الزايده

كنت دايما افكر في الشيء هذا اتمنى ان عندي برنامج اشوف تصاميمي في اجهزة مين من خلق الله وها انتي وحده
ولي الشرف والله خيتو ريانه باحتفاظك بتصاميمي


هذي سالفه بحد ذاتها انا انتظر احد يقول لي الشيء هذا بس مافي احد مقدر ظروفي الا انتي هع هع هع
من ذوقك خيتو وعلى فكره قبل فتره كنت اتكلم مع واحد من اصحابي عن معنى ريانة العود اللي هو انتي وش يعني ريانة العود فوصلنا للجواب الاخير وكانت ... اكيد تعرفين معنى اسمك




لا خلينا نسولف شوي


هههههههههههههههههه حلوه البقاله كبيره وصارت صغيره طيب لو شفتي هيبر بنده زيك الايام كيف راح يكون شعورك <<<< يمكن ماتكونين عايشه اللحين
وبعد امي تقول على ايام زواجها جاها خمس ريال
قلت يلعن ابو البخل في العايله طلعت من جد بطررره زايده تقول جلست معي اكثر من سنه <<< ماني مصدق لو كنت على ايامه ونزلي مكافاه وحده وش باسوي باقلب ابو الديره فوق تحت





هههههههههه ايه والله من جد احلمنا على قدنا الكبار على ايامنا ماكانوا يحلمون بالمليون
وان شاء الله ماعاد في غياب بعد اليوم

تحياتي

__________________

Motion of Emotion

مرحبااا كلمة مليوون مررره كبيره بس الحيين محد محتااجه لان الناااس يبووون اكثر تخيل ربع مليوون سيااره ونص مليييون بيت والباااقي ياالله انه لعياله وزررجته ... والحيين المجتمع تغير صاار كل شي غاالي ... وكل شي بفلووس ... وربع مليوون اللي كنت تشوووفه شي كبير امر طبيعي لان وانت صغير مو متوفره الفلوس لك شخصيا مثلا انا يوم كنت صغيره حدي يعطووني 30 ريااال.. وحتى لو ابوي مليوونير ماراح يخليني العب بلفلووس علشاان اعرف قيمتهاا ........... وعن سؤالك ان افكاارناا بنحققهاا على حسب الشخص وشخصيته عن نفسي افكااري وانا صغييره اشووفهاا مررره تااااااااااافهه ... مثل اني ابني بيت شووكلااته تفكيري على قدي ترا .. سوري طولت على الرد بس الموضوووع عااجبني تحيااتي دلوووخه

لاهنت لاهنت لاهنت لاهنت يالغالي تصدق اني وانا صغير افكر ان معي فلوس ليش
علشان ابني بيت في جبل قاسيون ولا بطريق معربة والاغرب من ذا اني إلى الحيــــن وانا احلم بالحلم هذا ولا تحقق ادعولي حلمي يتحقق
ههههههههههههههههههههههههههه

اكيد يوم حنا صغار كانت الفلوس تختلف بنظرنا

مثلا الي عنده 5 ريال

اوووووووه من قده هذا

يصير اغنى واحد عندنا

اما الحين حتى العشرين ريال ما تسوي شي

الله يديم علينا النعمه بكل خير انشالله

ولا هنتم

وتقبلوا فائق تحياتي وتقديري

__________________

ذكرتني بالربع مليون اللي ضاعت في الأسهم

<<<<<<<< ماعاد بتشوفها و

نرجع لمحور حديسنا إلا وين العصير ؟

يا زين ذيك الايام ، وبس خلاص

ايه بغيت انسى تراني وصلت لبيت الشعر ومسوي القهوة ومنتظرك

وبالمناسبة يا جماعة الخير هالزكرتي صقيقي وهو اللي عزمني عندكم

<<<<<<<< ما ينعطي وجه

سلااااااااااااااااااااااام يا عسل

كككككككككككككككككككككككك وش تيغى هنا انت الموضوع حاس فيه الزمن وداس وجاي مصحيه
قسم انك تززز <<< كلام مشفر
وجاي المنتدي نبي ننسى الاسهم تجينا انت
وعلى فكره يقولون رايح ل 7000 اليوم جاين خيرها بس ماني متوكد <<< نقلب اسهم وش رايكم؟

__________________

Motion of Emotion

يا الله بجد .. الله يسعد قلبك يا أخوي ..

موضوع في الصباح على ترويقة حلوة يستاهلها موضوعك ..

.
.

بقول لك شئ .. مرحلة الطفولة ..

مرحلة ( غباء جميلة ) .. يعني اليوم لما تسمع أمك و إلا أبوك

يحكون على قصة انت كنت فيها البطل تسمع و كأنك أول مره تسمعها ..

و تجلس تضحك و كمان أحيانا ممكن تعلق و تقول ( أنا اسوي كذا .. !! ؟ ) ..

و السبب في هذا كله إن العالم اللي كان حولنا بيت صغير يلمّنا و كل شئ هالبيت

تحسّه كبير و فوق و ممكن كمان يكون حلم من أحلامك رغم بساطتة و تواضعة ..

أحسّ طفولتنا كانت غير و لها طعم ثاني غير الحين .. و ودك لو ترجع أيام زمان ..

و تشوف ( الربع مليون ) هو ( كنز علي بابا و الأربعين حرامي ) ..

حتى أحلامك بهالفلوس إنك تشتري محل حلويات و إلا تشري فيها بيت الكيك ..

أو حتى لعبة لنورة بنت الجيران يمكن أمها تخليها تطلع تلعب معاك ..

و تحلم إنك تطير للسحاب و تصدق قصة جدك لما كان يقول ( أشرب الحليب و تكبر )

و في نفس اللحظة تقول له بطفولة ( جدي أنا كبرت شوف قربت أمسك القمر ) ..

و لما ما تقدر تمسك القمر تبكي و يقول لك ( نام بكرة تكبر و تمسك القمر و تصير فرحان ) ..

و هذا احنا كبرنا و لا قدرنا نمسك القمر .. الله يرحم جدي أكيد ما كان يكذب بس قمرنا يمكن تغير معانا ..


.
.

غير الربع مليون بقول لك شئ فقدناه مع عمرنا و الايام ..

كانت البيوم صغيرة و الحب ماليها و غامر لياليها .. و يمكن كمان ما كنّا نعرف برستيج

و الحين كثر البرستيج و المظاهر و النفخة الكذابة .. و وسعت الدور و كل عضو في البيت

صار له عالمة الخاص فيه .. كثير ( الوالدة ) الله يخليها تدقق لنا على هذا الشئ ..

غرفنا صارت ( سرير و نوم + كومبيوتر و نت + ثلاجة و أكل ... الخ ) ..

يعني لو سنة جلسنا ما فكرنا نطلع نشوف العالم ..

للأسف هذا الواقع مع تفاوت نسبته من شخص لآخر و من بيت للثاني ..

و بالأخير .. لي رأي أشوفة الآن : .........

أعتقد الطفولة الحين معناها تغير عن زمان ..

ما تحس في طفولة .. كل طفل الحين يحاول يبعد عن طفولته

و كأنها شئ مقيت و إلا غير مشرف الإنتماء لها ..

و الله يكون بالعون ..

.
.
أعتذر عن الإطالة ..

موضوعك رائع و مميز و له نكهة خاصة ..

بالفعل مشكور و لا شلت يمينك يا رب ..

.
.
حجازية ..