اقعدوا .. اقعدوا ..والله ماحدن قايم

السلام عليكم

نويت أسجل في المنتدى

قالوا لي لازم تكتبين بالملحق من باب الذوق والأتيكيت

وبيني وبين كل واحد

وبيني وبين كل وحده

وبيني وبين كلكم(وجه زحمة)

محاتسيتكم أطلق من يتذوق ويتأكتك>> ليس خطأ املائي (الكلام لبابا ماشي الحال)

وأنا اللي أتميكب make up >>شلونك بابا ماشي

(علشان بس تعرفون إني منكم وفيكم)

ايه والله وتميكبت وتشيكت وكشخت ودخلت وكتبت اللي تذكرونه

تذكرونه صح؟

اللي نسيــــــــــــــت أقوله هو الأتي ::

الرد علي له شروط

ومنها إنكم ماتمغطوني بـ رد طول وجه (.....) >> أمتنع عن الحش

اكتبولي حياتس معنا
ومراحب
وعساتس عـ القوة
وكلتس مروّووه
يا البوحوّه

>> وللي مايعرف البوحوّه

هو نوع من الأشباح الوهمية اللي دايم تطرّيها لنا أمي وحنا بزارين

وتطقنا أم الركب و النفّاضه.. نخافها مثل ما نخاف

أم السعف والليف>> ماعرفت إنها شقردية إلا يوم عرفت المنتدى

وعوافي الله>> نوع آخر من اللي كانت أمي لاقيتنا بها

إي واكتبولي ادّهري في المنتدى

ونحطك معزبه للمخزن>> رحم الله امرئ عرف قدر نفسه



ونرجع للترحيب

وأقول لكم بيني وبين كلكم(نفس وجه الزحمة الأول)

تراي أحب الردود الطويلة

بس ماعندي وقت أقراها

أبوي يعيي أجلس على النت أكثر من ساعتين.. ثلاث.. أربع >> أكذب أكذب

ساعتين بس>> تبي تقول إنها بزير وأبوها يحبها ويخاف عليها لأنها آخر العنقود.. سكر معقود

والله عاد إني سغنونة

والتاريخ اللي بذيل الترحيب >> ياربي عليك ياذيل الترحيب

هو تاريخ ميلادي

والله العظيم.. وراكم مو مصدقين؟!

ياربي وشلون أثبت لكم !

طيب أنا حلفت>> خلاص صدقوتس

حتى وربي كل مانويت أكتب شي تراجعت لأن ماعندي سالفة

بس يوم صارت عندي سالفة >> يعني الحين عندي سالفة

دخلت بقلب جامد

قلت بسرعة أدخل قبل تروح السالفة >> أحسه يركض

إلا على طاري تروح السالفة

ترى أول مره أكتب في منتدى

حتى الكيبورد للحين ما عرفني

وعلى طاري تروح السالفة

هذي وحده من قريباتي السوغنّنات مره مره

مو مره مره

لا... يعني عمرها حول الخمس أو خمس سنوات>> خلصينا

إذا ودها تقول سالفة وشافت أحد يتكلم

ومن باب الأدب والذوق

تنتظره يخلص

وعلشان لاتنسى سالفتها

تحط أصبعها على وسط جبهتها بـ وضع طولي يعني....

ياربي وشلون أشرحها؟

تعرفون السبابة صح؟ الاصبع الوحيد اللي دايم مكروف

نهلل ونسبح ونأشر ونذوق ونشرح ونوصف ونضغط به كلك يسار

ونرسم به على الرمل في أحيان نعرفها كلنا >> شلونك بابا مخربها

وهو الوحيد اللي نستخدمه على الكيبورد>> هذي أنا عجزت أستخدم غيره

وبعضهم ينادون به >> لا أحد يسويها

والبعض الآخر يستغله استغلال بشع مثل كذا >>

ولا أحد ينقز لي يقول انه يستخدم غيره في الأغراض السابقة



وهالبنية اللي هي محور سالفتنا

ترفع اصبعها المذكور أعلاه وتوقفه بشكل عامودي

وتلزقه بوسط جبهتها

أتوقع فهمتوا.. صح؟

على العموم اذا ماتخيلتوا الحركة علموني وأشرحها>> المتوهقة

ويوم سألتها عن المغزى>> تتعبون معي

قالت إن أفكارها تلف على جبهتها وحول راسها بشريط

نفس شريط الأخبار

وعلشان لاتروح السالفة وتفوتها

تحط أصبعها توقف الشريط ألين يجي دورها بالكلام

<<الله يكملها بعقلها

>> اذكروا الله عليها

وعلى طاري لاتروح السالفة

تراه صدق تاريخ ميلادي>> وش المطلوب؟

أحس إني لازم أوضح أكثر

بالعربي



اذكروني
بهديــــــــة

يوم ميلادي 18/7/1412هـ >> محافظة البنت ماقالت عنه عيد

وبالعربي أكثر



ودي بها فراري أسود

وداخلها بينك (وردي،زهري) >> ودري >>شلونتس شقردية

وعجلاتها موف...

وزجاجها مظلل بأحمر

وحطوا لي بوستر لصورة بابا عبد الله (صقر العروبة )

وتحتها بمكان الإهداء أكتبوا توقيعكم (كم نحبك يا بيـــــــــش)

والطارة أو الدركسون أبغى لونه أحمر>> علشان التنسيق بس

وعليه صورة دبدوب يضحك

علشان إذا جانا الدور

واسمحوا لنا بالسواقه>> متى؟

أناظر بهالدبدوب الضحوك

ويتوسع خاطري وأنبسط ولا أعصب عند الإشارات وأسب خلق الله >>ماقصدت أحد

وعلشان لا تقولون الهدية غالية

( أدري ماتقولون الغالي يرخص لتس)>> مابعد يمونون ياكمخه

كل أبوكم تقاطّوا فيها

إي هذاكم في المنتدى فوق الخمس آلاف عضو

كل واحد يقط عشرة واشتروها>> ترى ماخبرت بكم يسومونها

يعني عليكم الحساب.. واذا بقى من الفلوس شي عطوني اياه عساه من فداياي

هماه منويٍ لي؟

أجل من حقي وهاتوه>> اللي ماتنعطى وجه

وأدري ماهوب كلكم بتقطون لأن بعضهم مايحبني >> يعني في أحد يحبني

وعلشان أعرف من اللي قط >> ليس قط يعني قطوة أو هرة ولكن بمعنى تقاطط

كل واحد يكتب لي كرت إهداء

ويحطه في داخل السيارة

ووقفوها عند باب الزكرتيه أذا غيروا بابهم الأملح

وأذا مابعد غيروه وقفوها عنده >> اللي ماتعرف توصف بيتهم

وعلى طاري لاتروح السالفة

كل أبو دايم >> ماعمري سمعتها إلا من بابا شباب ( يعني شباب في رحله )

طبعا كلنا متعودين نسمع محمد عبده يردح في التلفزيون والرادو

على طاري الرادو.. في ناس أعرفهم يسمونه الرادي

طيب راديو وهضمناها

يسمونه رادي وشو له؟؟!



:: كان ماسبق فاصل ماهوب ماصل ::

والآن نواصل


كنت أقول اننا تعودنا على أبو نورة سابقا(أبو الدحمي حاليا) نشوفه ونسمعه بكل وقت

بس هاليومين طلع لنا طويل العمر اللي بأول العمر

عباث إبراهيم >> هو ترى يقول عباث مو أنا

يعني مو تستضيفونه ذات مره

وتسألونه وش رايك في الكلام الجارح

اللي قالته عنك (معزبة المخزن ) بيــــــــش>> خابرتن طريقها

ترى صوته والله معجبني من يوم قال :

ناديت والليـــــــــــل جاوبني وبكاني... ماحدن ثمعني ثوى ليلٍ نزع دمعي

>> والله هو يقولها كذا

تحية لجميع أهلنا في الحجاز الشقيق>> تبي ترقعها وخانها التعبير

(بس الحق لله أنا أحب السين منهم)>> حبّيها



نعووود



الظاهر والله العالم إن فناننا الصغير وده يعرف مكانته عند جمهوره

هل إذا حصل وفشل بعد النجاح الذي حققه بعد إصدار ألبومه الأول

والذي يحمل عنوان( ناديت )

هل سوف يتركه الجمهور ويتجه لسماع عبد الله رشاد

(كابتن البحرية )؟ >> شلونك بابا سلف >> إثبات أخر إني منكم وفيكم

لأن الفشايل اللي جاب فيها العيد بذا الشريط الجديد ماقد حدن سواها قبله

الساعة خمسة وعشرين؟!

أنا أصلا كنت شاكّه إنها 24

لأني ما أشوف في ساعات الدنيا كلها إلا من واحد إلى12

يجي هذا ويقلب كل القناعات ليــــــــــــــــــــــــــــــــــــــه؟!

تكفيني الحوسة ونكسة الراس اللي تصير لي إذا جيت أحسب لوقت مسلسل وإلا برنامج

وحطوه الساعة 21:30 بتوقيت السعودية

عمري ماشفت في الساعة ذا الأرقام

خلوني قبلها أفهم الساعة كم.. علشان تقولون ونص >> يعني فاهمه في الدقايق

أجلس أعد أصابعي وأصابع أختي >> ألا ياعادّتها

وأعد أصابع أمي >> يعني هي اللي بتعطيتس وجه يامال .....

وأعد أصابع كل اللي يمرون جـ(ــمـ )ـبي >> اثباتاتي كثيرة

علشان بس أعرف متى بيبدا الفيلم >> مايفرق المسلسل عن الفيلم

وأناظر في الساعة وأرجع أكمل العد فيها من بعد الـ 12

أليــــــــــــــــن أوصل 21

الله لايشغلنا بس إلا بطاعته



:: نداء ::

أناشد القائمين على القنوات

دامكم حاطينها حاطينها بتوقيت السعودية

كملوا جميلكم وخلوها بنظام الـ 12 ساعة

يعني اكتبوا 9:30م ومالكم إلا اللي يفهم انها مساااااءً




وعلى طاري لاتروح السالفة

تو من يومين سمعت واحد يغني

يقول الساعة سبعا وسبع دئايئ>> اقروها باللبناني (الله يقوّم عثرتهم)

الصراحة توفقت بابا ملحم زين على اختيار هالوقت

>> عساك اللي مانيب قايله




بابا شباب >> أناديك

كأنك قلت: آمري

مايامر عليك عدو

الحين ياعسى عمرك طويل خراشة تيته موضي بأي توقيت؟

كل مره أفتح المنتدى ألقى توقيتها يفرق عن توقيت بيتنا

وتوقيت الحسا وتوقيت السعودية كلها

هل هي ساعة رمل خراشة ؟!


المهم

شوفوا لكم حل في خراشة تيته موضي وساعة عباث إبراهيم

قال إيش قال الساعة خمسه وعشرين (وجه مقهور)



مع تحياتي (معزبة المخزن )بيـــــــــش >> أي شي غير اني أدور حول البيت

ولا تردون علي حيــــــــــل تراي والله ماعندي وقت

والله العظيم >> وحدن حالفن عليتس تنزلين موضوع؟




نستودعكم الله على أمل اللقاء بكم في صباح يوم غدٍ بإذن الله >> لا تدققون على الموعد






حرر في..

قبل 18/7/1412هـ بيومين >> مالها داعي بس مجرد تذ كير

هيا الى المناهل هيا الى الحياة

صبح صبح عم الحج


حياتس معنا في البيت وانشاء الله تفيدين وتسفيدين <-- تاريخ الرد عام 1402هـ

8
8

تتشرط وهي صاكه موضوع طول وجه عبودي ( انا يده على صدره)


8
8

على الوصف هذا طلعت هذي ام احمد على الشوورت حقها مو فراري



8
8
ثبتي صورتي انتي بس وراح تعرفين اني فتى أحلام كل عانس صحيح الجمال جمال الروح بس الكرفته لها دور في جعل المنتفخ ضعيف <-- ثــف


انا من كثر ما ارد جعت واذا فيه بدليات العذر والسموحة اذا بدر منا شي ولا شياات في السفرة --> عبودي يهرج بو شافي اقول ثــــف بس

__________________

وعليكم السلام

ان كان ذا تاريخ ميلادتس صحيح

انشهد انتس بزير

لا جد لو صحيح وتكتبين مثل كذا

ماشاء الله عليتس

اجل وش نقول لو وصل عمرتس 80 << يبيلتس كيبورد خاص

عيني عليتس بارده اسلوب خبله << ترا مدح عندنا

يبي له قعده

برجع لتس يا بيــــــــــش << لا يكون دلع بشاير

__________________
الطفايه صنعت لنضع فيها السجائر
والزقاير صنعت لنضعها بين البراطم

لماذا لا نختصر الأمر
ونضع البراطم في الطفايه ..!
ولكن ما مصير السجائر ..؟

ليس لها فائده
اذن هيا بنا نقطعها

(( حملة ابو مرزوق لقطع الدخان ))

السلام عليكم
ياحيالله بيش شو اخبارك ياقلبي؟؟
من دخلت اقرا الموضوع جاني حاله من انحوال
العين اليسرى عباره عن دخول العين بالثانيه
مع الم شديد باول ضرس يطلع لي خبركم انا من مواليد 1419هع هع
وتوه يطلع ضرسي المهم يوم رحت للدكتور قالي خلي امك تفطمك من الرضاعه
ثمن تعالي قابليني قلت له ياحياة الشقا باقي لي 3 سنوات قال ماعليه اصبري
وقلت ماشي ابي اقضي هالثلاث سنوات بهالمنتدى لعل وعسى ان يخف الم ضرسي
المهم سؤالي موضوعك عن ايش يتكلم ؟؟
بصراحه مافهمت اما ماشدني وزاد انحوال = حول عيني الا يوم جا طاري
الفراري البنك الله يعافيكم لحد ينساني ابي مثلها بعيد ميلادي 29/12/1419
يعطـــــــــــــيكم الـــف عـــافيـــه ،،،،،

__________________
[img][عفواً يمكن مشاهدة الروابط للمسجلين فقط للتسجيل اضغط هنا][/img]

عليكم السلام ظبي الجنوب>> المفروض انتي تردين السلام

الله مير يحييك ياقلبي

وأخباري كلها خير دامتس بخير



الموضوع يتكلم عن الطقس

عسى ربي يهديتس بس

يعني أنا اللي فهمت وش انتي كاتبه؟


على العموم نورتيني بطلتس البهية

وعودي علينا هالجيه

خخخخخخخخخخخخخخخخخخخخخخخخ


خخخخخخخخخخخخخخخخخخخخخخخ



بعد خخخخخخخخخخخخخخخخخخخخخخخخ مره ثالثه


من جد بيش مقلعه ما شاء الله عليك


الله يرجتس ما اكثر عجتس


مستلمه المنتدى تفحيط



من جد بيش اذا هاااااااااااااااظ عمرك وهااااااااااظ اسلوبك


ما شاء الله تبارك الله


<<<<<< ترى جديد على المنتدى لا تشرهون عليه

8
8

عرفتوني وأنا أقتبس للمرة الثانية؟


وأنت ماشاء الله عليك أكثر>> ماعرفت أرد من الحيا



أي تفحيط وأي خرابيط

خل الفراري توصل وابشر بالخمسات>> ثقافة هافمون

الله يسلمك ويجبر بخاطرك




وشو؟

هااااااظ ؟ >> توها تنتبه

أوكي أوكي راح أعديها لك بس لأنك جديد>> لاتقرا عدد مشاركاتي

ودامك من أهل هاااااظ

أكيد تخَبر هالكلمتين وشلون تنقال

( إربد تربتّا حمرا.. طلعتّا مليحه )>> ثقافة ستار أكاديمي




ياااااااني أغتلق ويضيق خاطري اذا قالوا لنا ارسموا خريطة ( دولة عاصمتها عمّان)

>> يعني إنها تعرف تشفّر

عليها شكل يجيب المغص

وتضاريس تقهر >> مدري وشلون يلعبون بزارينهم

أنا اذا شفت

س) ارسمي خريطة (الدولة المشفرة)

أرسم خريطتنا وأحط عليها الدول التي تحدها من الشمال

الكويت والأردن >> فكيت التشفير

واليمن وعمان(بدون ّ ) >> الكتاب مقلوب

علشان يعرفون بس اني فاهمة

واختلاف الرأي لايفسد للود قضية >> قمطت العافية وماتدري وش تقول

الأردن زينة وأهلها أزين

وأنا أزينهم اذا صرت ساكته




وليه أسكت

من حقي أشره عليكم >> تغيّر السالفة ترى

أجل زيارات للموضوع ياكثرها >>ثلاث أرباعها من زياراتي

والردود بالقطارة؟

واللي يرد ويقول راجع وهو ماصدّق يطلع..

هذا وموضوعي يبي له قعده

وش عاد لاصار يبي وقفه؟

أقول ارجع أزين لك


واللي يمر ويصد يظن اني ماشفته >>واذا شفتيه؟

والبعض الآخر مثل جدو المنتفخ

جاي يعرفني على ربعه (أبو شافي)

تعالوا ردوا يامال الردى اللي يبعد عن دروبكم



بس خلاص >>معصبه


لحظه نسيت
7
7
7

[لوحة7]ثاااااااااااانكس بابا مادريتا[/لوحة7]

خخخخخخخخخخخخخخخخخخخخخخخخخخخ

بيش اجل تبين الفراري ؟؟؟؟؟؟؟؟




بس من جد ذكرتيني وانتي تذكرين الحدود بواحد اسمه



حسن كراني اكيد تعرفينه ؟؟؟؟؟؟؟؟؟؟؟؟

ايه حسن كراني هذاك اللي يطلع في النشره الجويه



بقناة السعودية الاولى




خخخخخخخخخخخخخخخخخخخخخخخخخخخخخخ



اما دامك طلعت من ربع هاااااااااااااااااظ



قسمن ماني من ذيك الديار

بس قلتها للتميلح <<<<<<