السلااااام عليكم


كيف الحال يازكرت


قبل ماندش فالموضوع << ويهك

وش رايكم مهب (ندش) اسهل واقصر من (ندخل)

على طاري اقصر واطول

احيان اذا جيت تشرح لواحد حاجة

او ترد عليه في سؤال موجهه لك

ترد عليه برد طول وجه الدعيع

مع انه يمديك ترد برد طول وجه ماشي << والله وجه ماشي نقطه مايعطيك مجال ترد الا كان بالاشــارة

الا على طاري ماشي هو رجع من مكه ولا لا

المووووهم

اعطيكم مثال على الرد الطويل والقصير

اليوم عندي استلام الساعه عشر الصباح

طبعاً انا ماجيت الا على صلاة الجمعه ((للمعلومية عندنا مسجد جمعه فالعمل ))

جيت على المسجد طوالي مالقيت محل الا في الصف الاخير ولحسن الحظ كان الرئيس قدامي بالضبط

واطالع فيه وهو يتلفت يمين ويسار تقول يدور مجرم منحاش وانا داري انه يدوروني

المهم جلست والشيخ يخطب والريس يتلفت وانا اعد مع الريس

كل لفته يلتفتها (واحد اثنين ... الخ) محد يم الشيخ << تصدقون اوجعتني رقبتي من كثر مايتلفت

واقول في نفسي الى هالدرجه صرت انا مراقب متى اروح ومتى اجي

جلس الشيخ شوي ثم قام للخطبه الثانيه وبدا يخطب

الا باللي جاي يسحب رجلينه ووقف قدامي ويقولي ازحف شوي

انا ماطالعت فيه !!

قعدت اطالع يميني ويساري واقووول في نفسي

وين يبيني ازحف وانا لاصق فالهنوود يمين ويسار؟؟

وارفع راسي بقووله ضف خلاقينك يالحبيب

يوم رفعت راسي الا هذا واحد من خوياي فالعمل

طبعاً ابتسمت له ابتسامه خفيفه

لأني توني قايم من النوم ووجهي يابس ما اقدر امط شدووقي

قلت للهندي اللي يميني ازحف شوي!!

طالع الهندي في شويّ مع عيونه الحمر اللي في اطرافها غمص زغينون

ثم ادار رأسه الى جهة الشيخ وسفطني (مارد عليّ ابوفسيه)

قلت زين ياملعون الوالدين << قلتها في نفسي عشان مايروح الاجر

واقوم ادفه وهوثابت وادفه وهو متربس << لا يروح تفكيركم بعيد

وقام المدافف بيني وبينه وراحت خطبة الجمعه انا ادفـّه وهو مشبص اخو زق

وماتسمع الا مزاحرنا ،، ويـالله بالملعونه واختها زحف ابوفسيه

هو مازحف ذيك الزحفه زحف شويّ تقريباً واحد ملم

واطالع في صديقي بابتسامه فحمانه واقول له بعيوني تفضل

لاني ما ابغى اتكلم ويروح الاجر < < ماقصرت

قام هو طالع فالواحد ملم اللي على يميني وشاف انه مايكفيه ويلتفت يسار

ويشوف هندي وراه مساحه اثنين ملم ويشوت الهندي اللي على يساري بوز

وزحّفه بالضبط اثنين ملم يسار

<< المسجد اللي حنا فيه حشر مافيه مجال

ولا كان وريتكم في اللي على اليمين ابوغمصه بيضا

واللي على يساري مسكين وده يزحف متر عقب البوز

تدرون انه بغا يطلع من المسجد عقب الشوته

الموووهم

خلصنا من صلاة الجمعه ماشافنا الريس انا وخويي لأننا كنا وراه بالضبط

يوم طلعنا ورحنا للنادي عشان نتغدا واجهنا الريس

سألنا ووينكم فيه تووكم تجوون هـــاه ؟؟ << (وجه شنباته واقفه)

قلنا بصوت واحد موجودين يافندم <<

قال ماشفتكم فالمسجد اكيد ماصليتوا معنا !؟؟

قلنا بصوت واحد صلينا فالمسجد يافندم << على شحيمتين

قال انت يافلان (يقصد خويي) وين صليت ؟؟يعني بالضبط في اي صف ؟؟؟

وقال انت يافلان (يقصدني) وين صليت بأي صف ؟؟؟


: : وقـفـه ومحراف : :

كل اللي راح وصف للحاله عشان تعيشون الموقف

وتفهمون اللي صار وتفرقون بين الرد الطويل والرد القصير << ماهيب لحية قصير مسّيتهم مسّـه

انتبهو لأجابتي واجابة خويي ترا هي المثال عن الطويل والقصير << دخيـل الله << (وجه ياسر العضمه)


قال خوويي (راع البوز) : شفت الصف اللي انت فيه طال عمرك انا كنت فالصف اللي وراه


قال عميدالزكرتية : انا كنت وراك طال عمرك


وش رايكم فيه فرق بين الاجابتين ولا لاااااااااااااااع

صحيح ايها الزكرتية احياناً في المنتدى اتردد في الاجابات الطويله واختصرها

هل هذا هو المفروض ام اطلق العنان لكيبوردي (وجه حاير طاير )



على العموم

كنت اقول في بداية الموضوع انوه عندي حاجه بقوولها قبل ماندش فالموضوع

وراحت علينا سوالف << احلـف

اللي كنت بقووله خبر لفت نظري في جريدة الجزيرة

وعنوانه «إيقاف برامج الأحلام»

اليكم الخبر :

بتوجيه من الازهر الشريف تم ايقاف البرنامج التلفزيوني «رؤى» الذي يبث عبر القناة المصرية الثالثة

وتستضيف فيه المذيعة التلفزيونية سيرين الشائب الشيخ محمد الحنفي الذي يقوم بتفسير أحلام المتصلين على البرنامج

الا ان الشيخ الحنفي وقع في مسائل بعيدة عن احكام الدين مما جعل الازهر يوجه بإيقاف هذه «الشوشرة»..

وبالفعل تم الايقاف. والملاحظ ان برامج الرؤى والاحلام لايوجد فيها فائدة كثيرة، بل ان بعضها يسبب مشاكل كبيرة!!


اخواني واخواتي الزكرتية

هل برامج الرؤى والاحلام لايوجد فيها فائدة كثيرة، بل ان بعضها يسبب مشاكل كبيرة!!

معقول هل هذا الكلام منطقياً معقول؟؟؟

خل اجابتك بينك وبين نفسك لأن مهب هذا موضوعنا


موضوعنا اليوم شرح برنامج


Windows Movie Maker





برنامج موفي ميكر مايحتاج اقوولك كم حجمه لانه مايحتاج تحميل

قله تعال ويجيك

لو تقولون سحر بقول مهب سحر

وان قلتوا منين يجي بقول من قائمة ابدأ << ظريف صح

تروحون قائمة ابدأ ثم كافة البرامج وتجدون هالبرنامج الرائع

وضائف البرنامج واجد بذكر اللي انا عارفه منها وهي :


1) تسجيل الافلام او الاصوت من اي مدخل كان ماعليك الا توصل الفيديو او الدش او كيمرة الفيديو او المسجل وهو يقوم بالباقي

2) تحرير الافلام والاغاني (يعني تقدر تفصل الصوت عن مقطع الفيديو او العكس وانت حاط رجل على رجل)

3)ادخال النصوص على المقاطع الصوتية او المرئية وتقدر تعمل تأثيرات جميله النص

4)تقدر تعمل حركات الاخراج على الفلم مثل ادخال لقطه على لقطة بتسفيط الورقة

او الاسقاط من اعلى ومدري وش وتقدر تدرج خلفيات على الفيديو

5)وتستطيع ان تترجم الافلام عن طريق موفي ميكر بس لازم يكون عندك لغة


شوفو هذا مثال انا سويته على مقطع فلم استخدمت فيه البرنامج


[عفواً يمكن مشاهدة الروابط للمسجلين فقط للتسجيل اضغط هنا]


الغريب اني سويت هالمقطع في يوم جمعه وموضوعنا هذا في يوم جمعه


من هنا نبدأ العمل تــابع الشرح على الصور





القائمة الاولى


Capture video ((ادخال الافلام))


Capture from video device

تسجيل الفيديو مباشرة من الفيديو او الدش او كيمرة الفيديو او المسجل او التلفزيون


تابع الخطوات في الصور


اختيار نوع الكرت اللي في جهاز الكمبيوتر (كرت فيديو ، كرت تلفزيون ، كرت دش .. الخ)





اختيار صيغة حفظ الملف




بدأ العرض وماعليك الاتسجل هيفاء وهبي مع اغنية الواوا






Importing video

عملية بسيطة هي ادخال الفيديو من الجهاز الى البرنامج

Importing pictures

ايضاً عملية بسيطة هي ادخال الصور من الجهاز الى البرنامج

Importing audio or Music

نفس اللي فوووق بس الادخال ادخال صوت او اغنية من الجهاز الى البرنامج


طبعاً بعد مايكون المقطع عندك (سواءً سجلته او ادخلته من جهازك للبرنامج )

وقبل ماتدخل على قائمة التحرير وتسوي حركاتك اللي تبيها لازم تقوم بخطوه مهمه

وش هي ؟؟

هي سحب الملف المدخل الى مكان التحرير زي ماهو موضح فالصورة هذي







القائمة الثانية

Edit movie (( تحرير الافلام ))



عمل حركات بأشكال مختلفه على الفلم مثال على ذلك انظر الصورتين اللي حدر










اهم شي في هالقائمة الاختيار الثالث وهي الكتابة ((Make Titles or credits))


اضغط عليها لاهنت تطلع لك هالصور شف الشرح اللي عليها وتفهم ان شاء الله





بعد ماتختار نوعية الادراج للكتابه تظهرلك هالخانات الفاضيه

عشان تكتب فيها اللي تبي





هنا تختار الحركة اللي بيظهر فيها النص اثناء العرض





القائمة الثالثة

(( Finish Movie ))


نختار save to my computer لحفظ العمل

يطلع لنا شاشة بعد هالاختيار اليك شرحها ياحلووو





ايضاً فيه صورة اخيرة لتوضيح اشياء مهمه في مكان التحرير الازرق








القائمة الرابعه


movie making tips

خلوها توووولي تعليمات مالها سنع


شوووكراً لحسن استماعكم والسلام عليكم

واللي عنده استفسار يسأل ولايكثر

[لوحة11]ياطوول المشووووار طــــولاااااااه [/لوحة11]

__________________

__________________

ارررحـــبي ياشهـــد


كيف حالك يا آنجل الزكرتية


العـفـــو يا اوخيــــه

وان شاء الله يكون الشرح وافي

المحل محلك ياشهــد

متى ماوقف معك شي حياك الله

اسألي وحنـّا بعون الله نجــاوب


بس ياليت تدورين الاسئلة السـهلـه وانا اخووووتس


اللي تشووفينه صعب فكيني منه يالذيبــه

يالله ياشهـــــد فوووتك بعــــافيه

__________________

__________________

__________________
تحت الإنشاء

وش اسمح لك ؟؟


افاااااااااااااا بس !!

ابك انت تمون على الروح ماهوب على الصور << ايــطي




ذيبــــان ... لاعدمـــتك




الحقيقة انك ذكرت نقاط مهمه

راحت عن بالي من جد

والنقاط هي اللي انا اقتبستها من ردك يابعدي انت





ابو عتب كلي امتنان

واشكرك على ذكرها


واضافتك هذي دليل على التكاتف الزكرتي

وتدل على ان كل زكرتي مكمل لاخووه الزكرتي

من جد هذا الشي يسعدني ويفرحني

اذا شفت واحد يوضح شي ماهو واضح في شرحي

او يضيف شي ناقص ماذكرته


العتيبي ياتوأم روحي ..

لبا صدووووغك والله << (وجه بنت الوالي)

[لوحة1] كيف حالكم ياعتـــابه[/لوحة1]


لااااااااااااهنت يابوعتب والله يعطيك العافيه



اما من ناحية العربي والانجليزي

انا الويندوز اللي عندي فالعمل عربي

وكنت اقدر اصور البرنامج منها واشرح على صورها

ولكن انا اشوف ان مالها داعي اجي واقول

استيراد فيديو معناها استيراد فيديو

بيقولون الزكرتيــه شوفوا العميـد

(فسـر المـاء بعد جووهدن بمــاء)

وايضاً ارى ان البرنامج اذا كان بالعربي

يستطيع اي شخص ملم بالويندوز ان يتعامل معه

عشان كذا قررت اني اشرحه بالواجهه العنقليزيه من جهازي الخاص

العتيبي كل الود والاحترام ياذيبان

__________________

هلـــووووو ازيــك (وجه بطرس غالي)

مرحبــــا يالبناخي << يزعط محل ماشي لين يجي

كيف حالك يا زكرت وشلووونك فديـتك


لااااااهنت ياحوووووبي على توااجدك الحلــو

صحيح من خلف مامات

وانت اللي تملا علي فراغ المرحوووم مويشي





يحي العضــام وهي رميــم



: : مويشي : :

عودنا في خنفس دفنس

تجي ماتعلمني يامويشي

افـــــا بس

ياعيب الشــوم عليك يامويشي


لا والله صارت الدعوه (اخبز وانطل)


تجي ماتعلمني يامويشي افــا والله بس

<< (اقووول ورى ماتسوووقها يالعميــد)

__________________

mashkoooooooooooooooooooooooooooooor

مرحبــــــا

يا dragony2000


والعفووووووووووووووووووووووووووووووو

__________________

من يقول ان الجلسة في المتواجدين لقافة؟

<< توها تكتشف البرنامج

سلامون عليكوم

برنامج شوي في روعة

يعني مب معقول قدرت استوعب

عمو العميد جعل ادياتك ما تمس النار قل آمين

صراحة برنامج خفيف طينة

والاهم انه سهل لان مافيني حيل افكر واستوعب



يعطيك الف عافية وراجعة لك بالاسئلة


مع السلاحف

__________________
::
::
::



::
::
::

حتى لو فشلت ...

يكفيكـ شرف المحاولة !