اتصدق احيان اخافك حيل واهابك=واحيان اقول السلامه منك مضمونه
واحيان اتعب ليا من طول غيابك=واحيان قربك يزيد الهم وطعونه
واحيان اصدق كلام قيل يحكى بك=واحيان اغض النظر واقول لعيونه
واحيان اقول آآه ليت الحظ ماجابك=واحيان اقول ايه ذقت الحب وفنونه
واحيان الاحظ كلامك زين واعجابك=واحيان مدري كلامك ويش مضمونه
حاله غريبه اعيش الحب واحيابك=درست نوع الهوى حكمه وقانونه
جمعت فيه المشاعر وانقفل بابك=وارسلت لك قلبي اللي باح مكنونه
صبرت يا صاحبي يا مكثر اعتابك=ياليت حظ العرب بالسوق يشرونه
مليت اراجع واعاتب صفحة كتابك=حتى عيوني بكت له يوم يقرونه
ومليت اهدي واراعي ثورة اعصابك=واخاف لأسأل واقول فلان وشلونه؟
واخاف لأهل الحسد بالهرج تغتابك=الوقت قاسي وبعض الناس ملعونه
كافي طلبتك رجاء واحسب احسابك=مافيه داعي اعيش العمر مغبونه

ومليت اهدي واراعي ثورة اعصابك=واخاف لأسأل واقول فلان وشلونه؟
واخاف لأهل الحسد بالهرج تغتابك=الوقت قاسي وبعض الناس ملعونه
كافي طلبتك رجاء واحسب احسابك=مافيه داعي اعيش العمر مغبونـه