غلطة بنية
غلطة بنية
ما في أثقل في حياة الأب من غلطة بنية
و ما في شي قد تساوى بالقهر كثر الشماتة
والمصيبة لو يجيه الوقت وعيونه خفية
ونظرة فيها التهايم من ورى أغلى بناته
واكتشف برد التهايم بين طيات الدفية
والبذور اللي تروت ما تبشر في نباته
وانكسر بايد المذلة في حياة عنجهية
ولعبة غصب شربها وانشبت باقصى لهاته
ما درى موتة كيانه من ورى بنت ردية
وما هقى سود البلاوي من وجود في حياته
واحسافه لانتهى الرجال وطعونه قوية
وانصدم باللي تمرد بانطلق يكسر وصاته
وانتهى يشكي بنات حطموا ذيك الوصية
وانفجر كل شي تعلق بين حلمه وامنياته
وابتدى يصرخ ويلعن طيبة النفس الرضية
وانجبر يفهم وياعي كيف لافاته فواته
يابنات الذل توبوا واعرفوا حجم الخطية
واذكروا عود تهقوى عدل الدنيا بعصاته
وارحموا ام تهاوت من ورى دمعة عصية
وقدروا اخ ترجى خير في سمعة خواته
ياكثر من هو تصوب وانشبت فيه الشظية
وياكثر من هو تمنى يطلب الله في مماته
واعذرو شاعر توجه يقصد النفس الشقية
ويرحم الله من يفرق بين ذنبه وحسناته
منقولة
__________________
اذا كنت لا تسمع الا ما تظهره الاصوات
ولا ترى الا ما يظهره النور
فانت في الحقيقة
لاترى ..... ولا تسمع
|
