وش اللي غير أحوالك؟!
السلام عليكم ورحمة الله
بعد غيبه جيتكم بهالقصيدة للشاعر (فيصل بن طواله)
قصيدة اعجبتني جدا واتمنى كذلك تحوز على رضاكم
اليكم القصيدة:-
تراني كنت متوقع تصدق هرج خلق الله
ولكن ما توقعتك تسولف بي لعذالك
تبي تنساني انساني فداك اللي مضى كله
يجوز احيا من فراقك مدامي ميت بوصالك
ترى مايجحد الواقع سوى خلن نسى خله
مثل ماتجحد عيوني حنين حيل يظمالك
مع اني عارف محدن يداوي غيرك العله
اسج بحالي لحالي لجل ماينبري حالك
واكابر من خطا نفسي وازيد الجرح وابله
واحاول في عبث مضحك ادور غير همالك
حبيبي حتى لو زولي من غيابك فقد ظله
كفايه شمسك اليا اليوم تنسج حولي ظلالك
تبيني اعتذر اسف ولكن وش هي الزله؟
تبيني اجرحك حاضر انا همك وغربالك
مدام اني سبب دمعن حزين ناظرك هله
عساني يا بعد عيني اجل ما اطري على بالك
واذا قالولك ان قلبي من فراقك نزف غله
قل ان مابه بلى عسى درب السعد فالك
وانا والله وثم والله وثم والله وثم والله
لأسوي ما تبي من شان بس تحقق آمالك
ولكن قبل ما تبعد وتنسى ما مضى كله
امانه بس علمني وش اللي غير احوالك؟!
__________________
ليت الزمن يقدر يرد اعتباري !!
ويبري لهايب قلبي اللي كويته
|
