ياشين الواحد اذا راح مكان بدون امه

سالفه · 04-30-2006, 11:49 PM

السلاااام عليكم ورحمه الله وبركاته

كيف الحال .. ان شاء الله كلبوكم بخير

امممم << فاهمه الحيا غلط

المهم عاد الله الله فيني ,,

وتراني استحي << اشوى ان الحيا مايعرفتس

ترى ماحب ذا الرسميات بغيت اطب في موضوع على طول

بس خفت ترتاعون وتقولن من وين جت ذي

وكل شي عاد ولا روعتكم

((برايفت للمسؤلين ))<< بدينا من الحين؟!!
ورى ماعندكم وجه مستحي؟!!
تراني اقدر الحيا

يله عاد حياكم الله والبيت بيتكم

فوتكم بعافيه

**شباب في رحله** · 05-01-2006, 12:48 AM

^
^
^
عاني ذا الوجه حاطينه
لكن عسى الله لايعمينا

يامرحشا يأختاه

لقد سبقتكي البهجتو والسروور
وانهو لشيئون مفرح جيتكي عندنا

ولقد انبسطنا بطلة محياكي الينا

انهو لمن دواعي سرورنا اننا نشووفتس ايتها الاجوديه
بيننا

فأهلن وسهلن بكي يا يكي يكي

ومنورتنا

**ماشي الحال** · 05-01-2006, 02:13 PM

[لوحة10]وهذا بعد وجه مستحي[/لوحة10]

^
^

لاتغرك حركة الحواجب هذي تمويه يعننه خبيث

وعليكم السلام ورحمة الله وبركاته

ذي سالفة عمري ولا عليها غطى

ومدري وش يقول بعدا الين يقول مديونه وقل منك العطا

<< طيب وبعدين؟

سالفه لو انتس رايحه تردين على الموضوع اللي اعجبتس اصرف

انا عن نفسي جاتني عقده من الترحيب بالملحق

اذا رحبنا بواحد انحاش مدري وش سالفتهم

يمكن ترحيبنا غير شكل

بس اتركي عنتس كثر الحكي

في ذمتي ان الشاهي اللي اشربه الحين كااايف

كل رشفه ارشفها احس تصقع في النفوخ

سالفه اخذي راحتس البيت بيتس

<< وهذا نفس المستحي اللي فوق بس مرسم

**ريـانـــــة الـعـــــووود** · 05-01-2006, 02:34 PM

وعليكم السلام ورحمة الله وبركاته

حي الله الأخت سالفه ..

اقتباس:

ياشين الواحد اذا راح مكان بدون امه

خخخخخخخخخخ

ذكرتيني بنفسي يوم رحت اسجل بالكلية ..

بغيت آخذ أمي معي .. واستحيت من زميلاتي

اقتباس:

تراني اقدر الحيا

وأنا اقدر مقدرات ومقدري الحيا

<< انطمي

حياتس الله يا صبيه

تفضلي بمقلط الحريم ..

هالحين يجون باقي الصبايا يرحبون فيتس ويجيبون لتس من كيكة زيزفونه

شهد .. نموله .. سهرانه .. ختومه ..

وينكم فيه يا بنات .. ؟؟

تعالوا رحبوا بصديقتي الجديده سلوفه .. << وش رايتس في الدلع

بس بسألتس ..

هو انتي اسمتس سالفه .. أو السالفه ؟؟

أو وش السالفه ؟؟ <<

تحياتي

سالفه · 05-01-2006, 11:18 PM

شبااب في رحله << الحين انت كم واحد؟!

المهم الي قلته كله .. وانت بعد

<< مافهمت شي وتخاف ان الموضوع فيه خنبقه

بعدين تراني شايفه ابو خدود حمرا من امس

<< اشوى انه كل مافتحي المزيد يقول ضفي وجهتس حاطينها شكل بس

اقتباس:

فأهلن وسهلن بكي يا يكي يكي

ودي اقولك تراك مشبه ماعرف وحده اسمها كي كي

<< وراتس طابتن فيه الحين؟! هذا جزاه دلتس طريق المستحي؟!

[لوحة8]تسلم خيووو ع الترحيب [/لوحة8]

فوتك بعافيه

سالفه · 05-01-2006, 11:35 PM

ماشي الحال ...

اهلا اهلا ..

خخخخخخخخخ يمديني الحين اغير؟!

تدري ورى العالم تهج؟

بلاه من رداتكم احد يرحب باحد بالملحق؟!!

زين مو من عند الباب قلتو الله يعطيك الله يعطيك

<< وراتس مستشره ع العالم يامي؟!!

بس بخاطري اقولك يئطع حريشك ع الشاهي

<< شاب سعودي خواله اشوام

الا ع طاري الاشوام ورى شمغهم دايم توصل لكتوفهم؟!

[لوحة8]تسلم خيووو ع الترحيب الي وش زينه[/لوحة8]

فوتك بعافيك

سالفه · 05-01-2006, 11:50 PM

ريانه..

حياتس الله ..

اقتباس:

ذكرتيني بنفسي يوم رحت اسجل بالكلية ..

بغيت آخذ أمي معي .. واستحيت من زميلاتي

اشوى انتس ماتهورتي .. كان وش يفكتس منهم
لين تجين تموتين وهم يقولونلتس ..
تذكرررررين يوم اننا بالكليه وانتي تداومين وامتس معتس؟! <<اشاعات لزوم الذكريات

اقتباس:

شهد .. نموله .. سهرانه .. ختومه ..
وينكم فيه يا بنات .. ؟؟

ايه ايه وينكم فيه

اقتباس:

هو انتي اسمتس سالفه .. أو السالفه ؟؟
أو وش السالفه ؟؟

انتي ئد السؤال ده؟!!

[لوحة8]تسلمين ياقلبي ع الترحيب [/لوحة8]

فوتك بعافيه

**ميلاني هلالي** · 05-03-2006, 02:10 PM

عليكم السلام ورحمة الله وبركاته ...

هلا سالفه ... يالله حيها ...

مرحبا ومسهلا بتس ياوخيه ...

والمحل محلتس والبيت بيتس ...

خلينا نشوف مشاركاتس وتفاعلتس ...

بالتوفيق ..

فمان الله ,’,’,’,’,

**SHAHAD** · 05-03-2006, 04:38 PM

و عليكم السلام و رحمة الله و بركاته

هلا و غلا بسالفة

حياتس الله يا صبية بيننا

و الملحق و إلا المجلس ما فرقت أهم شئ الأخلاق

و بعدين حنا نرحب فيكم بالملحق عشان تحسون إنكم

مب أجناب و إنكم راعين بيت

..

المهم حياتس الله بيننا و لا تتأخرين علينا بالمواضيع

و حسبي الله على إبليستس جالسة أرحب بتس

و نسيت الغداء بغى يحترق

...

شهد

عاشقة همر · 05-04-2006, 01:01 AM

وعليكم السلام
ياحيااالله سالفه
اشرقت وانورة واستهلت واسفرت>>>وش رايتس فيني اعرف ارحب
اشرق النور وبانا مرحبا بمن اتانا
ايتها الزكرتيه اهلا لكي بالقلب مكانا
>>>>>>>>>>>>كح كح مدري وشلون ذكرتها هذي منذ مبطي كنا نقولها في الحفله
وحيااااااااااااااااااااتس الله مرتن ثاانيه
عاد يكفي ترحيب هذا كل اللي عندي>>>>>فاشله في التعبير
الزكرتيه:عااشقة همر

سالفه · 05-06-2006, 02:44 PM

اهلين وسهلين

ميلاني هلالي .. شهد .. عاشقه الهمر ..

الله مير يعطيكم العافيه ..

وتسلمووون اوي اوي ع الترحيب

وعقبال مانرحب بعيالكم << [لوحة1]يئطع حريش من علمك التميلح[/لوحة1]

فوتكم بعافيه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى