[ نــاس فـــــاضيه ] 2

**شباب في رحله** · 04-30-2006, 01:07 AM

السلامو عليكم

قسم بالله اني اكتب الموضووع وانا مستحي
من حالنا يالعرب ليه مانعرف نستغل فضاوتنا بشي حلو مو شرط مفيد لكن يفتح النفس

يعني اذا فضينا لعبنا بلاي ستيشن
والبنت تحط حرتها في شعرها وتصبغه

قسم بالله قهررررررررر

قهر ياجماعة الخير

<<< على هونك يالحبيب

الزبده

تذكورن موضووع ناس فاضيه الاولي
الي ناس تلعب بمجسمات صغيره وتحطه مره على كيكه
ومره على غطاء ببسي
ومن هالكلام الزبده ان ذا الناس صغااااااار
وانت تشوفهم تقوول كأنه صحيح <<< لاعاد تشرح يرحم امك

عاد الي جايبه الحين

كهربجيه اي جمع كهربائيين فاضين
وهذا والله من سبب البطاله المقنعه <<< عرفتوني

المهم عاد بخليكم مع الصور

وانتو احكموا

ودمتم كلبوكم

sahranah · 04-30-2006, 02:07 AM

وعليكم السلام ورحمة الله وبركاته

ولا تنقهر ولاهم يحزنون

بدال ما تتحلطم الله يصلحك

سو مثلهم مهوب اذا فضيت قمت تلعب سوني

لا والمصيبه ابوك معكم <<< شطحت بس تقرقع في قلبي

^
^
^
ماعليك من كل اللي فوق

المهم شغل من جد رايق

بس ما تحس اللي مسويها فيه عقده نفسيه<<< ادعس يابنت الدريع

لا من جد اسلحة وحالته حاله

باين عليه يحب العنف

بس والله تبطي ماشفت احد من اعيالنا يسوّي كل ذا اذا فضى

على قولتك سوني وصبغ شعر

واذا اخترعوا شي ما جاك منهم الاّ الدمار

<<< ما كنتس طولتيها وتحمستي

يعطيك العافيه ابو رحله

ولا تحرمنا من هيك اشياء تخلينا نتحسّر على حالنا<<< ياليل ما بعد خلصتي

**شباب في رحله** · 04-30-2006, 07:09 AM

وعليكم السلام

اقتباس:

سو مثلهم مهوب اذا فضيت قمت تلعب سوني

لا والمصيبه ابوك معكم <<< شطحت بس تقرقع في قلبي

حي عاما
ماتدرين اني لافضيت
اسووي شي مهم في الحياه

تدرين اني صابغ غرفة امي الاسبوع الي فات

تدرين اني راسم في كراسة اختي الصغيره لحصة الفنيه

تدرين اني مثرم البصل حق اسبوعين قدام كمساعده لخدامتنا سنياتي

كل هذا اسويه في وقت الفراغ

اقتباس:

بس ما تحس اللي مسويها فيه عقده نفسيه<<< ادعس يابنت الدريع

لا من جد اسلحة وحالته حاله

باين عليه يحب العنف

هذا دليل على ان الي مسويها رجال وليس بست
وهذا يسمى فطانه

اي بمعنى هذا المودمي شخصون فطين
استطاع ان يزقط من الي مسويها

اقتباس:

يعطيك العافيه ابو رحله

ولا تحرمنا من هيك اشياء تخلينا نتحسّر على حالنا<<< ياليل ما بعد خلصتي

الله يعافيتس اوختي سهسه

**ريـانـــــة الـعـــــووود** · 04-30-2006, 07:54 PM

وعليكوم السلام ورحمة الله وبركاته

حي الله بو رحله ..

من بعد الناس الصغار

إلى جنود من الأسلاك الملونة ..

بس بصراحه إبداع بجد وجديد

أهب عليهم .. حتى وهو لعب وشغل هبال

إلا انهم متقنينها .. وحابكينها صح ..

اقتباس:

والبنت تحط حرتها في شعرها وتصبغه

ليت أمي تسمعك ..

لكن والله مساكين البنات ..

كل ما طفشت البنت أو زعلت حطت حرتها بشعرها

اقتباس:

[لوحة12]sahranah[/لوحة12]
سو مثلهم مهوب اذا فضيت قمت تلعب سوني

حرام عليتس سهراونوه

روعه السوني يا صبيه

بالذات لعبة كراش .. جربي تلعبينها

أو تلعبين سباق سيارات أودبابات ..

وشوفي اشلون تدمنين عـ السوني

وتضاربين اخوانتس عليه ..

رجعنا لـ الناس الفاضية

اقول ما شاء الله عليهم .. أو ما يصير اقوله لأنهم كفار ..

<< خبلة هالبنت

لكن فعلا .. ما شاء الله تبارك الله ..

يعطي ناس أفكار وعقول وأيدي .. ويعرفون يستغلونها

ويعطي ناس عقول .. ولكن ما يشغلونها .. لأنهم مخلين عقولهم في حالة من السبات العميق

و إذا على الفضاوة .. فـ لله الحمد ما نعرفها ..

لأن نعرف نستغلها استغلال اكثر من مفيد <<

شباب في رحلة ..

يعطيك العافيه على هالصور الخطيرة

و بانتظار الفضاوة .. نمبر ثري ( رقم 3 )

تحياتي

**Reem** · 04-30-2006, 11:40 PM

السلااام..عليكم..

اخخخ والابداااع جد نااس فااضيه بس عليهم شغل مو صااحي

وخياالهم وااسع في بتكارااتهم

يااقرادت حظناا ماطلعنااا عليهم..

بس الصور ارهاابيه بقوه

الصوره هذي ضحكتني

مدري لمازااا؟؟

[عفواً يمكن مشاهدة الروابط للمسجلين فقط للتسجيل اضغط هنا]

واطلاله حلوه بصور مبدعه ..وابتكاار وانتااج واخلااااج راائع << وش بقيناا بعد مااقلنااا

اقتباس:

تدرين اني صابغ غرفة امي الاسبوع الي فات

ههههه صور لناا غرفت امك

خن قيس مدىىى الابدااع..

نبي بس الجدراان منبي الامااكن المحظووره ^_^
.
.
Roro

ابو كرعان · 05-01-2006, 12:51 AM

ابو رحله

يا بعد خراطيش قلبي يا ولد

وش ذا الصور الزينه

نااااس ما تدري وش تسوي بس وش ذا الكهربائي الفاضي

حلالاه انه عندنا لكده كد الويل ... لخليه يركب كل لمباااة الحاره

الأخ الكهربائي ذا شكله وده بالعسركيه

كل الصور عسكر ...

شكرا على كل حال

مفلوع راسه · 05-02-2006, 10:24 PM

^
^

تسوي مثلها

ريانة عود ماقلتلتس غيري خطتس؟؟
--------
سلام عليكم

الموضوع

انا اشهد انه صور

والله ابداع خلاص عزمت ان فضيت اسوي ابداعات

ولا اقلت بدخل عسكرية لأني الحين مقرع

بس قسم انها صور ابداع ياأبو رحلة

ابو رحلة الله لايهينك

**ريـانـــــة الـعـــــووود** · 05-02-2006, 10:52 PM

^
^

انطق اسمي زين بالأول ..

وبعدها بغير اللون ..

ولا عاد تنسى ( ال ) التعريف بتاعة ( العود )

**ماشي الحال** · 05-05-2006, 12:11 PM

وعليكوم السلام

اقتباس:

يعني اذا فضينا لعبنا بلاي ستيشن

حنا نلعب تنس طاوله >> بشر امك

ياليتك تشوف سلف وشلون يكبس

اقتباس:

تذكورن موضووع ناس فاضيه الاولي

للاسف لم تسعفني الذاكره لتذكوره ( ناشبلك )

ياخي شكل الواحد غلط بدون محاشم

برق في الصور وانت تعرف

وبعدين تخيل اني ناديتك وجيتني على اساس تلبية مناداتي لك >> على سليحه

وجبت لك الاشكال ذي واقولك وش رايك؟ ( مع ابتسامه خفيفه )

اقل شي بتسويه بتدفها برجلك وتقول انشهد انك فاضي

وبتقول رح بس جب البلاي ستيشن خلنا نلعب << والدعوه كلها فضاوه

بس الفضاوه تجلب المتعه واهم شي المتلقي

حنا نكسر مجاديف المبدعين ونحطمهم

يعني بسألك سؤال وجاوبني بصراحه

في الحالات اللي تصير فيها فاضي

وجيت تفتح البكت لو كنت تدخن يعني

بتفتحه على طول وبتقط الكيسه

او بتسحب الخيط الذهبي بس واللي يشوفه يحسبه جديد

لانك ماشلت الكيسه من على رأس مقدمة البكت

<< يازينك متلابز

وغير النبيطه اول

من كان يخطر على باله ان المساجديات ( الزبيريه)

نقدر نستفي منها نبيطياً

كم من حصاه ( صخر على قولة اخواننا الكويته) خخخخخخخخخخخخ طرا على بالي صخر خوي العيال في سوريا

كم من حصاه ( حيد ) ضمتها قطعة قماش مساجديه وارسلتها الى صنقر العدو

وكم من شارع اظلمت انواره بسبب النبيطه

وكم من سيكل تحول الى دباب والسبب (ما صحه) نحطه

في بين الكفر والعضوه

فالافضل ان تعود الى رشدك اخي شباب

وتعلم ان هناك الكثير من المبدعين ولكن ينقصهم المتلقي

يخيل لي أن تقول بأعلى صوتك على جفوعه

اذكر كان واحد في حارتنا اسمه عبدالرحمن وعيارته نقفانه

كان عندهم هايلوكس موديل 79

وخوياه في أمس الحاجه انهم يتمشون ويغيرون جو

السياره موجوده والشباب موجودين بس كان ينقصهم مفتاح السياره

صرخ بأعلى صوته نقفانه وقال ( أنا لها )

وجلس على درج بيتهم يفكر بينه وبين نفسه ينتظر الالهام المفتاحي

وبعد مدة تفكير حوالي ربع ساعه نزل بسرعه وخذا سيم من الارض وحنا جالسين نترقب

وراح للهايلوكس وجاب سكروب وقام ينزل راسه تحت الدركسون

وحنا ننتظر ونقول يارب يشغلها وفعلا الدعوه اصبحت مستجابه

وارتفع رأس نقفانه وصار يوازي المرتبه واشتغلت السياره

وركبنا كلبونا وتمشينا وغيرنا جو ورجعنا السياره بعد ساعتين تمشيه

الا يستحق نقفانه الشكر وتثمين جهوده ؟

(لا حاجة لمفتاح سياره في ظل وجود المبدع نقفانه)

ابو رحله دمت لنا كما يدوم الدوم وسط شجرته في حارة خكاريا

<<

Abo Turky · 05-15-2006, 02:34 PM

مشكووووووووووووووووووووووووووووووووووووووووور

شقردي KSA · 06-16-2006, 08:56 AM

جهد مشكووور بس عندي سؤال

كم يجلسون عشان يسوون مجسم واحد من هالمجسمات اللي فوق

والله ملل

عالعموم مشكووووووووووووور

تحيـــــــــــــــــــــــــــــــــاتي

bosbos · 06-17-2006, 12:42 AM

تعرف أنك تعيش في العام 2006 عندما:

1 تكتشف أنك لم تلعب السوليتير بورق لعب حقيقي منذ عدة أعوام !

2 تكتشف أن لديك خمسة عشر رقمًا هاتفيًا تخص أسرتك التي لا تزيد على ثلاثة أشخاص !

3 تخطئ وتكتب كلمة السر على فرن الميكروويف

4 ترسل بريدًا الكترونيًا لزميلك في العمل الذي يجلس على مكتب مجاور لك.

5 تتدهور علاقاتك بأفراد أسرتك أو أصدقائك ممن ليس لديهم بريد الكتروني.

6 تقف بالسيارة تحت البيت ثم تتصل بالبيت بالموبايل لتطلب من يساعدك في حمل البقالة.

7 كل إعلان في التلفزيون ينشر موقع إنترنت في أسفل الشاشة.

8 مغادرة البيت من دون أن تأخذ معك الموبايل – الذي لم تكن تستعمله طيلة عشرين أو ثلاثين عامًا من حياتك – تسبب لك الذعر فتعود لتأخذه.

10 تصحو في الصباح فتفتح الإنترنت قبل أن تشرب القهوة.

11 أنت الآن تقرأ هذا الكلام فتهز رأسك وتبتسم.

12 أما الأسوأ فهو أنك تعرف من سترسل له هذه الرسالة ليقرأها.

13 أنت مشغول جدًا لدرجة أنك لم تلحظ أن القائمة بلا رقم (9).

14 لقد حركت السطور لتتأكد من أنه لا يوجد رقم (9) فعلاً

bosbos
thanx

اعلانات المنتدى