نمـــــــــــــلة ،، تعالي شوي ،، أبيك في كلمة راس - الصفحة 2

**nAmLaT nAjD** · 04-25-2006, 01:06 AM

.:: عميد الزكرتية ::.

اقتباس:

<<يحسب شباب في رحله مرسل الرساله له لحاله وجا يشارك مجاملة لريس !!
(( لاتصدقون تراني امزح ولهالحين ماصرت sh..ns4 ))

يقولون للحين مارد عليها عبودي لالا

اقتباس:

سلااام عليكووووم

وعليكوم السلام ورحمتو الله وبركاتوه

اقتباس:

اررررررحبي يامعزبة البرندا

تستاهلين والله

:::::: الخـــاله نملة نجد ::::::

الكل يقووول انها من المعازيب اللي لهم بصمه واضحه في الزكرتية

وانا اقول انها شعلة الزكرتية

وانها تملك روح العمل الجاد والدؤوب ولاتكل ولاتمل << صدق انها نمله

الله يسلمك عمو .. ومن جد اخجلتم تواضعنا

اقتباس:

خالتي ...

عندي كذا سؤال بكتب اللي يطري علي الآن واللي مايطري مايطري

س 1 : وش اسمتس الحقيقي ؟؟

س 2 : كم عدد جماعتكم في قطر والبحرين والكويت والامارات

وياليت تكتبين كل دوله على حدى؟؟

س 3 : وش آخر خط وفرشاه سويتي لها داون لود ؟؟ << يالعن ام السؤال

س 4 :انتي من وين ؟؟

^
^

تراني من جدي

خالتي نملة نجد

الاسئلة اللي فوووق من باب الدعابه فقط لاغير

دامها دعابه نسحب عليها وننزل تحت .. ورانا شغل <<تطالع اسئلة شهوده

اقتباس:

الســـؤال الاول

خالتي .. السؤال هذا خاص بالاسم اللي اخترتيه لنفسك ((نملة نجد))

وش معنى اخترتي نملة

وش معنى اخترتي نجد

هل هو تقدير للنملة واتسام بعملها

ونجد هل هو غلا وحب لنجد ام كيف ما اتفق؟؟

طبعاً الاسم اصبح رنـّان في الزكرتية بفضل جهودك المشهوده

رنان بفضل الله ثم تفاعلكم عمو ..

بالنسبه لاسمي العجيب

نمله لعدة اسباب اولها اني من صغرتي وانا حرْكه وراعية شغل

بالعربي كرّيفه

اضافه الى اني مااقدر اعيش بدون السكر

والاهم من هذا كله .. قرصتي شينه <<لحد يصدق

اما نجد فهي مسقط راسي وخلصت القصه

اقتباس:

الســـؤال الثاني
خالتي نمله هل انتي موظفه ام ست بيت؟؟

موظفه (وجه لابس كرفته)

اقتباس:

الســـؤال الثالث
خالتي .. هل تعتبرين الانترنت مجرد تسلية؟؟؟

ام تبحثين عن الفائدة العلميه او بالاصح الفائدة المعلوماتيـّة

والله اذا جينا للحق .. انا عرفت النت للتسليه بس

هذا في البدايه .. بس بعد فتره مليت من القرق والقروبات ..

ماحسيت بفايده ملموسه.. بس فواتير اخر الشهر على قرق فاضي

<<حتسي ابوي

وبما ان عالم التصميم جذبني وبديت اتعلم .. وبصدفه من اجمل الصدف

عرفت بيتنا الزكرتي .. كان هو بدايه رسمت عن طريقه هدف لي <<هين بس

يعني بيت الزكرتيه وبدون مبالغه هو السبب بعد الله ف تطوري في

اغلب المجالات .. اضافه طبعاً للرغبه الموجوده عندي

خلاصة الكلام .. في وقتي هذا .. احاول استفيد من كل كليك اسويها بالماوس

اقتباس:

الســـؤال الرابع
وش هو اللي يثير غيرة نملة نجد ؟؟
هل هو صحيح النمل الابيض زي ماسمعنا !!؟؟ << مزحة زغنــنه

ممم

<<يعني افكر

مااعتقد فيه شي يثير غيرتي اكثر من الامور الدينيه

ولاني اعتقد انها امور تستحق الغيره ..مثل سب الرسول حالياً ..

اقتباس:

:: تنويه ::
الخاله نملة نجد
اذا فيه سؤال يصعب جوابه من باب الخصوصيه
فأنتي بالتأكيد معذوره ومقدّره

لا توصي

اقتباس:

في النهايه احب اشكر الاخت سحابه حب على اهتمامها
في حصير وفيه ولاهنتووو كلبوووكم ،،،،

سحوبه جعلي مافقدها ماتقصر واشوا اللي رجعت بس لو مانزلت الموضوع ازين

منور عمو العميد .. حياك الله

فراشة النار · 04-25-2006, 11:30 AM

.الســــــــــــــــــــــــــــــلام عليكم
هاي أول مشاركة اللي , يا ريت تساعدوني وتنوروني أكتر وبالنسبه للنمله أنا حبيتها.

**nAmLaT nAjD** · 04-25-2006, 02:05 PM

.:: ريـانـــــة الـعـــــووود ::.

اقتباس:

Good afternoon

Miss. nAmLaT nAjD

good afternoon MiSs rayanah

اقتباس:

? How are you

fine w azga7 weeli tben

اقتباس:

إن شاء الله انتس زينه وبخير

ابشرتس طال عمرتس .. وان شالله انتي كذلك

اقتباس:

.. I have two questions

تفضلي

اقتباس:

1- ليش كتبتي اسمتس بحروف عنقليزيه ؟؟

ممم

والله مافيه سبب واضح .. بس هذا اسم الشهره في عالم النت يالله من فضلك

وبشكل عام انا كنت معتمده اللغه الانجليزيه في كل شي قبل اعرف الزكرتيه

<<يعني حتى سواليفي في الماسنجر او الايميلات

اقتباس:

2- برضوا ليش .. يوم كتبتي اسمتس بـ حروف عنقليزيه ..

كتبتي الحروف .. مره سمول .. و مرتن كابيتال .. ؟؟

في وقتها حسيت شكل اسمي احلى .. والاغلبيه قالت لي انه ملفت للنظر

يعني لاحظوني من اول ماسجلت

الله يذكرتس بالخير ياغرومه

اقتباس:

وسلامتس ..

الله يسلمتس <<صح كذا الرد عليها؟

اقتباس:

اترك المجال لغيري ..

أقلها بتطلع معهم اسئلة زينه ومفيده

أدري ان اسئلتي ما لها سنع ..

لكن من زمان في بالي هالسؤالين

وجات الفرصه المناسبة .. وهذا انا طرحتهم لمعرفة الإجابة ..

لا بالعكس وش زينها اسئلتتس خفيفة طينه

يعني ماقعدت افكر لين تجي الاجابه

اقتباس:

و Good Luck

ولتس بعد

اقتباس:

take my تحيات

يبلغ <<مضيعه

منوره الحته مس ريانه .. حياتس الله

**nAmLaT nAjD** · 04-25-2006, 02:16 PM

.:: ها1وي ::.

اقتباس:

اهين وسهلين نموووووله
منوووره الموووضوع

اهلين عمو شاعرنا

منور باهله

اقتباس:

انا ماعندي اسئله
بس حبيت اثني على مجهووداتك وعلى روحك المرحه وتصميمك الرائع

الله مير يسلمك ويخليك عمو .. ماعليك زود بس تسنه طلع معك سؤال

اقتباس:

تذكرت سؤال

يطغى على ردوادك او مواااضيعك الجانب الفكاهي فهل هذه شخصيتك الواقعيه
اي انكي تميلين للمرح بشكل دائم انم ان شخصية نملة نجد تختلف بين النت والواقع <<< ياشين الفلسفه

لا ابد نملة نجد هذي هي في الزكرتيه في المنزل في المدرسه في القطار

في الباخره في البحر في الجو في السماء<<يعني حتى لو اطير بتكون الفاكهه معي

اقتباس:

س / وش رايك بالون اللي مستخدمته ريااانة العوود في مشاااركتهااا ؟ <<<<< تحسبوونه ما اجهرني

تلقى الاجابه في ردي عليها

بس تراه وضع طبيعي جداً ..

<<تذكرت يوم ينشبون بحلقي الامه ويقولون لوني مهوب واضح

تعالوا شوفوا ريانه

ريانه حركه تتطقمين لونتس مع التوقيع <<ويهتش

اقتباس:

تمنياتي لك بالتوفيق اختي الغاليه نملة نجد

الجميع يارب

اقتباس:

دمتي بود

وانت كذلك

منور الحته عمو .. حياك الله

**nAmLaT nAjD** · 04-25-2006, 03:42 PM

.:: SHAHAD ::.

شهوووووووووووووده

خافي ربتس

وشلون برد على كل ذا؟

اقتباس:

للوهله الأولى و عند رؤيتي لإسم الضيفة أيقنت إننا أمام شخصيه رائعه شخصيه متميزه أرهنت من خلال تصاميمها الرائعه و المتجددهـ و أفكارها في التصاميم و تفاعلها مع الاعضاء على ذلك التميز ..

طيب خلاص سامحتتس

<<خقت

ماعليتس زود يانحلتنا .. ومن جد اخجلتي تواضع ماي سلف

<<ترا سلف تعود لي انا مو لعمو معزب السواويق

اقتباس:

OoO نجي للأسئلة OoO

اصبري بجيب معي السندويشه والعصير <<مو بنمسك خط

اقتباس:

س : ما هو القرار الذي أتخذتيه و ندمتي على إتخاذه ؟!

رغم ترددي في اتخاذ قراراتي كثير الا اني اللهم لك الحمد مااذكر اني

اخترت شي وفعلاً تندمت عليه ويمكن يكون فيه بس نسيت لاني منب من

النوع اللي يكثر من كلمه (لو) او (ياليت) واكره شي اني اتحسف

على اي شي سويته من اتفه الامور لاكبرها .. خلاص اللي فات مات

اقتباس:

س : مكان تمنيتي أن تزوريه و لا حصلت لك هالأمنيه ؟!

والله كثير اماكن حابه اتعرف عليها

بس اللي فعلاً اتمنى اني اروح لها فينيسيا بس مو مع اهلي

اقتباس:

س : ماذا يعني لك المنتدى ، و ما هي تطلعاتك و أمالك حوله ؟!

بيتي النتّي

اتمنى انه يصل الى مستوى عالي ويصير من افضل المنتديات ..

وان شالله ماهو بعيد علينا لو كثفنا جهودنا حبتين

بس الاهم اننا نصل للقمه باشياء هادفه .. وتعليميه .. ولنا فيها الاجر

يعني فيه منتديات وصلت للقمه باشياء ماترضي ربي ولا منها فايده

اقتباس:

س : أذكري لي ثلاث أقسام تجذبك داخل المنتدى ؟!

طبعاً برندتي والدريشه مافيهم كلام

بس باقي الاقسام كلها لها اهميتها واستمتع فيها يعني متساوين ..

اقتباس:

س : من هو أقرب شخص إلى قلبك ؟!

مااظن في شخص واحد فقط يكون هو الاقرب لقلبي

عدة اشخاص .. الله لايخليني منهم

امي وابوي الله يطول في عمرهم .. وخواتي واخواني

واعز صديقاتي .. كلهم اقرب الناس لقلبي<<قولي قسم

اقتباس:

س رساله عتب لمن و لماذا ؟! " بتشفير الاسماء لو حابة "

سؤال روعه

.:: رسالة عتب ::.

لكل عضو من اعضاء بيتنا الزكرتي ..

سواء كان اداري او مشرف او عضو

شاف موضوع يستحق الاشاده .. وماتعب نفسه ورد

و مره على اي مجهود يستحق الثناء .. ومااثنى عليه

بيتنا الزكرتي يقوم بتفاعلنا وجهودنا

:: ومن لايشكر الناس لايشكر الله ::

اقتباس:

س : أمنيه تهدفين لتحقيقها ؟!

الامنيات كثيره ولا تنتهي ..

بس اتمنى ان الله يوفقني في بر والديني ..

اقتباس:

س : أجمل ذكرياتك و أسواها ؟!

اجملها .. يوم عرفت نتيجتي وصار اسمي خريجه

وأسوأها .. موقف من وحده كنت اعتقد انها اعز صديقاتي

اقتباس:

س : ماذا تحبين و ماذا تكرهين في شخصك ؟!

تلقين الاجابه في رد بتوله

اقتباس:

س : متى تصيبك رجفة اليأس ؟!

مااعتقد انها تصيبني <<تكفين

(ولا تقنطوا من رحمة الله)

ان شالله ان اليأس صفه مهيب فيني .. واللهم لك الحمد انا اعتبر اقرب

للتفاؤل في اغلب الحالات

اقتباس:

س : هل تؤلمك حرارة الإنتظار ؟!

لا تقرصني شوي

<<انطمي

والله ايه .. مرات تمر على الدقايق ساعات اذا كنت انتظر خبر

او خايفه من شي ..

اقتباس:

س : هل تتابعين الأقلام الأدبية هنا ، و إن كانت إجابتك بنعم ، فهل هناك قلم معين نال على إعجابك ؟!! و تحرصين على متابعته ؟!

بصراحه الاقلام الادبيه في المنتدى اكثر من رائعه .. واذا لقيت الوقت

دخلت واسمتعت بقراءتها .. لكن مااسمي نفسي متابعه

اقتباس:

س : متى تمل نملتنا و متى تشعر بالنشاط و التجدد ؟!

امل اذا ماشفت التفاعل المطلوب من اللي حولي سواء في المنتدى

او في العمل او في البيت ..

واكيد اشعر بالنشاط والحيويه اذا لقيت التفاعل .. وحسيت ان بامكاني ابذل اكثر

اقتباس:

يكفي كذا و لا أزيدهم نموووولة و الله إنبسطت يوم شفتك متكية هنا

بإنتظارك يالغلا و لا تتهربين من الموضوع خلاص تدبستي فيه

خلاااااااااااااص

<<تاخذ نفس

على الاقل الحين بسافر وانا متطمنه خلصت الجزء الاكبر من الاسئله

والصدز انبسطت باسئلتس .. روعه زي صاحبتها

اقتباس:

OoO سحابة حُب OoO

يا هلا بتس يا حلوة و مبروك عليتس الخط

و يالله عاد لا تقطعين ..

و تسلمين على هالموضوع الحلو و الضيفة الأحلى

يحلي ايامتس ياحلوه <<ياحظنا كلنا حلوين

منوره الحته ياحلوه .. حياتس الله

s3odi · 04-28-2006, 10:44 PM

اهلين بنمله نجد
كيف حالك اختاااه

دغري دغري خلينا بالاسئله علي طول
بلاش مقدمات علي شان ماتقطع المقدمه الخط

بداياتك بالتصاميم سوا بالفوتوشوب او غيرها
هل فكرتي يوماً بـ الاستفاده منه بواقعك / بحياتك
في الجامعه مثلاُ في الوظيفه في اي شي كان

سؤالي الثاني

ايهما تفظل نمله نجد اكثر "ولمـاذ" :

نمله نجد الابنه / الام

نمله نجد الجاده / الفاكهه

نمله نجد الطالبه / الموظفه

نمله نجد الحالمه / الواقعيه

السؤال الاخير

ماهي الامنيه الوحيده في حياتك والتي من اجلها تستطيعي التخلي عن كل شي

اعذريني علي اسئلتي
تحياتي للجميع

شكراً يامعزبه

متعب المحارب · 04-29-2006, 12:07 AM

**ياهملالي** · 04-29-2006, 02:30 PM

اقتباس:

nAmLaT nAjD
معــــزبة البرندا

السلام عليكم ..

ماشاء الله نملة عالكرسي ..

تستاهلين كل خير خيتو ..

عندي بعض التساؤلات لو سمح وقتك تجاوبين عليها ..

الأول / علاقتك باللغة الألمانية ، كيف تعلمتيها ؟ وكيف نظرتك او انطباعك عنها ؟
وهل فتحت المجال أمامك للإطلاع على ثقافة الشعب الألماني ؟ ام أن الإرتباط باللغة من باب ( حب الإطلاع )

الثاني / ( ماشاء الله تبارك الله ) روحك طيبة ومقبولة من الجميع وعلاقتك راقية وتعاملك مع الجميع راقي جداً وفوق كذا الجميع يلاحظ إن حتى وأنتي تكتبين الردود تكونين ( مبتسمة ) وش السر في ذلك<< خليط بين العامي والفصيح .. ؟

الثالث / عرفنا إن نملة نجد توظفت (( مبروك )) هل تغير شيء في نملة نجد ؟

الرابع أتمنى لكِ التوفيق في حياتك ومشكورة مقدماً والشكر موصول للأخت سحابة حب ..

على الخير دايم نلتقي ’’’

**ميلاني هلالي** · 04-29-2006, 03:30 PM

عودن على بداء << - - زارفها وبكل فخر

أزيك بابنت نجد ...

والله يا المتصل الان لاعب لعبته هالايام ...

كل ما ادخل القها متصل الان متصل الان ...

طيب ليه ماتخلينه على متصل على طول << - - بدينا في السماجه

المهم اختصارا ً لكل الهذرات اللي مالها داعي

نخش في المضمون على طول .. ( وجه سعيد صالح )

السوال الاول :

هل نملة نجد من هواه المغامره والخوض في كل ماهو جديد.. دون النظر لنتائجه..
ام انها من الذين لايحبذون المغامره.. ؟

السوال الثاني :

شخصية مؤثره في حياتك لعبت دورا كبيرا في وصولك الى ما انتي علية الان .. من هي ؟ وماذا تقولين لها ؟

السوال الثالث :

ماذا تعني لكي لغة العيون ولغة الحوار الغير مسموع ؟

السوال الرابع :

قطار حياتك 00 الى أين يتجه ؟

السوال الخامس :

أحد علماء الاجتماع قال ذات مره أن بأستطاعة الانسان العيش بلا أصدقاء ماذا ترى نملة نجد في ذلك ؟

<< - - ياناس اتعب انا مع الاعضاء والاسئله اللي كذا ...

السوال السادس :

هل حدث أن أنتصرتي على نفسك يوما ً 00 وأحصيتي عيوبك ؟

السوال السابع :

هل مررتي بمرحلة من اليأس في احدى محطات حياتك؟اذا كانت الاجابه نعم متى كان ذلك ؟

اكتفي بهذا القدر من الاسئله لترك المجال لغيري لطرح تساؤلاته او لكي للاجابه واتحافنا بما يخفانا ...

مع الوعد ان شاء الله بالعوده مره اخرى ...

<< - - يعنبو النشبه تكفون ..

واتمنى ان اكون قد وفقت لطرح شئ لم يطرحه احد من قبل ...

<< - - كل ذا عجز ماتبي تناظر المشاركات اللي قبلك ؟

وبالتوفيق ان شاء الله ياوخيتنا الكبيره نملة نجد ...

فمان الله ,’,’,’,’,

اعلانات المنتدى