سافري عني وغيبي ياانهيـارات التـداول=عقب ماكلتي رصيدي واستحليتي قصيـدي
وقف المبنا عشانك وارتفع صوت المقـاول=ثم شمت فيني كمار وصاحبه ذاك الصعيدي
ضاع مالي والحكم عيا يصفرلـي بفـاول=والحكم منهو اذا هو هيئة السـوق البليـدي
لايهش ولا ينش ولا يصـرح او يحـاول=كن ماله خص فينا وعالمـه كنـه بعيـدي
والاذاعـات تغنـا وتهتـف يـم التفـاؤل=والمؤشر في تذبذب والمقابـر بـه تزيـدي
والسهم صابه ضمور بكل خانات الجـداول=لوما فزعات الحكومة واعتمادات الوليـدي
وانا من هاليوم يطري داخلي بعض التساؤل=من هو يعوض يتامى راح عايلهـم فقيـدي=
ومن هو تشله عظامه الاسهم يرد ويـزاول=وسوق الاسهم ياجماعة ياكل الجيب الرغيدي
يوهم الشاري ويشري ويوهم البائع يطـاول=والهواميرخفتوا به وجمعوا منـه المفيـدي
والحذر ثم الحذر من كل صـالات التـداول=طيحت بشت الوزير وضيعت تاج العميـدي
واعذروني واسمحوني يوم ذا العلم اتنـاول=واكتبه وافضح خفاه يوم هو ضيع رصيدي