السلام عليكم ورحمة الله وبركاته


صباح الخير والاحساس ..

للزكرتيه .. يا كل الناس ..


تسيف الحال .. والأحوال .. ؟؟


سمعت ان الأجواء لطيفه تقريبا على جميع أنحاء المملكه

الله يديمها إن شاء الله .. أمطار خير وبركه ..


نبدأ بالموضوع

تكلم الشعار والكتاب عن الغنج

او الدلع بلغتنا العاميه ..

وتغنى المغنين عن الدلوعات


دلوعتي .. كل الحلا فيها ..

دلوعتي .. ماني معلم باسمها

مدام حلوه يا قلبي .. دلوعه لازم تصير ..

ادلع يا كايدهم .. << وهذي كرهتها بعد ما شفت عروس منزفه على كلماتها

مدري اشلون عروس .. وتمشي بزفتها على انغام .. يا كايدهم ..

يعني بالله بتعزم الناس عشان تكيدهم بعرسها !

لكن صدق من قال ( أهل العقول في راحه ) !!



نرجع لمحور الموضوع .. ألا وهو الدلع ..

هالموضوع كان في بالي من زمان .. ونسيته

ولا ذكرته الين شفته بمجله قبل يومين ..

كاتبين موضوع عن تقليد بناتنا لـ دلع الفنانات


و طرا الموضوع في بالي أساسا ..

إن أختي دخلت مدرسه جديدة ومرحله جديدة

يعني زميلات جدد .. وأول مره تشوفهم ..

البنات طبعا أشكال وألوان ومن مختلف القبائل و الجنسيات ..

وبما انها مرحلة ثانوية .. وجايين البنات من أكثر من متوسطة

وبعد اسبوعين من بداية الدراسة .. جات تقول لي عن بنت معها بالفصل

البنات يسمونها .. الدلوعه .. وتقول أختي إنها بأول يوم وبأول اسبوع

كانت تظن ان البنت تمزح معها .. لأنها شوي غريبه

ومخفوفه .. على قولتها .. لأنها تطامر بمشيتها

وتحط واحد من اصابيعها بفمها اذا انتهت من كلامها

وترخي راسها مسويه فيها مستحيه ..والعيون ترامش

وخجلانه من صديقاتها اللي تعرفهم من تسع سنوات

هذا غير الدموع .. كل ما كلمتها أي ابله ..

قامت تردد في عبرتها .. يقالها تبي تبكي


لكن بصراحه ..

موب بس اختي استغربت من تصرفات هالبنت

لأنه حتى انا استنكرت حركاتها ..

وحاولت اني استنتج ليش يسمونها الدلوعه

وما قدرت .. لأن حركاتها وتصرفاتها ..

ما لها أي علاقه بالدلع .. وإن كانت

هي تشوف انها بكذا تصير دلوعه ..

فـ الله يعين صاحباتها عليها ..



خلونا بالأول نتفق بأن الدلع لايق وبالدرجة الأولى للبنات

وان الأولاد المدلعين ما لـ دلعهم أي سنع بالحياة

ولا نقدر نقول غير .. الله يهديهم وإيانا ..


دلع البنات الطبيعي .. والتدلع ..

نادرا ما نلقى بنت ما تكون مدلعه بطريقه أو بأخرى

ويمكن دايم أول بنت وآخر العنقود يكون لهن الحظ الأوفر من الدلع

و من دلع الأب بالذات


وفيه دلع حلو .. وغنج أحلى

وفيه بعد دلع ما ينبلع ..

دلع يصل لدرجة الميوعه والمصاله الغير مهضومه

ناخذ كـ مثال .. العجوزه .. هيفاء وهبي ..

كل حركاتها مصطنعه .. ودلعها من النوع المرفوض من قبل كثير من الناس

وبالذات حركة الأصباع اللي تحطه بفمها كل شوي

وكأنها طفله .. هذا غير حركات الكتوف .. ونظرات العيون

بصراحه باين ان كل شي تسويه .. من باب تصنـّع الدلع

وما ننسى بعد .. " ابي أمي .. ابي أبوي .. ابي زوجي "


صاروا كل البنات هالحين يقلدونهن تقليد أعمى ..

وما نبي نفتح مجال للكلام عن التقليد الأعمى وسلبياته

لأنه ممكن يكون بموضوع مستقل ونبحر في أعماقه ..


نرجع للفنانات والمذيعات .. ودلعهن ..

بعضهن مدلعات بالفطرة ولايق دلعهن

وبعضهن من اللي يصطنعون الدلع ..

وموب أي دلع لأنها تصطنع الدلع المتكلف

اللي ما يكون لايق عليها ولا على طبيعة شكلها

أو عمرها أو طبيعة المكان اللي هي فيه ..

و مدى مناسبة الحالة للدلع .. والناس اللي معها


والمفروض على بناتنا ما يقلدونهن ابد ..

وأنا اشوف ان دلع البنات ما يكون مع كل الناس

يعني لازم تفرق بـ الحالات ..

مثلا ..

أنا لما اتدلع على ابوي وأخواني ..

موب مثل لما ابي اتدلع على زوجي

ولما اتدلع على أمي وأختي ..

موب مثل لما اتدلع على صديقاتي ..


واتخيل اني لو بجي اكلم وحده من صديقاتي

و اسمجها معها مثل ما اسوي مع اختي ..

اكيد بتنتقدني .. وبتشره علي ..


ولو جيت لواحد من اخواني .. وتغنجت بالكلام معه

أكيد ما بيسكتني إلا الكف .. اللي يكسر ضريساتي


ودايم كنت اسمع أبوي ( الله لا يحرمني صوته ) يقول

انه ما يحب البنت الغنوج ..

وهو كان يقصد البنات اللي يشوفهم

يتمخطرون بمشيتهن عند المدرسه ..

والبنات اللي يتقصدون ينعمون اصواتهن

بالتلفون وبغير التلفون ..


وبالنهاية ..

احب أختم الموضوع بكم سؤال

حتى تتفضلون علي بالمشاركة



1-ما هو الفرق بين الدلع والغنج برأيكم ؟

2-هل هناك علاقة بين الدلع والخجل ؟

3-هل هناك ارتباط بين الدلع والنعومة ؟ يعني هل البنت الناعمه شرط تكون مدلعه ؟ أو العكس ؟

4-هل يستحب أن يكون للدلع أوقات معينه ؟









تقبلوا مني ..



أطـــيـــبـــ تـــحـــيـــة ..

زرار طق طق

اقتباس:

سلام كبير للاخت ام كشه

وسلام اكبر للأخ ابو طق طق

اقتباس:

موضوع جداً منتاز وبصراحه انا ما عندي اي اجابه للاسئله

زين اللي عجبك موضوعي .. و كنت اتمنى لو جاوبت على الاسئله

لكن يكفيني تعليقك على الموضوع ككل .. ومشاركتك أخوي ..

اقتباس:

لكن اعجبتني بعض النقاط في الموضوع مثل ابي جدتي منيره ابي امي حصه ابي ابوي فهد هذي صراحه عطوها اكبر من حقها واشوف ان البنات حتى صارو يقلدونهم حتى في المشيه !!!

صدقت والله .. هم عطوها اكبر من حقها من الاعلام والمدح وما إلى ذلك

والله يهديها .. ويهدي بناتنا .. ويثبت العاقلات ..

اقتباس:

ولا الشاعر اللي يقول تحتط حليمه بولند في كمها ....

اما هذا الشاعر ما له حق في انه يقيس الجمال بـ زين الاخت المذكور اسمها اعلاه

ويقارنها بـ حبيبته الـ تحفه .. مع اني ما اقدر اتكلم عليه .. لأنه من شعرائي المفضلين

اقتباس:

اما هيفا وهبي فـ لاتعليق انا من شفتها لافه علم السعوديه على خصر وترقص وانا غاسلن يدي ولا يومها ترقص على الكيك !!!

أما هذي ما اقدر اقول غير .. الله ياخذها ويريح العالم منها ومن مسخرتها ..

أنا اشهد ان علمنا أعز من انها تحطه على جسمها وترقص به .. وهو مكتوب عليه شهادة الإسلام

اقتباس:

الا بالله وش رايك باللي في هالقنوات اللي طوال الليل وهي تقول جاوبو على هالسؤال اللي في الشاشه وراح تربحون معنا مليون ريال ..... اكيد عرفتوهم اللي طول ليلها واقفه وتميلح

مليون ريال .. !!

ما عرفتها

اقتباس:

(( تميلحها يذكرني بتميلح سلف خمسه اللي يجيب الهم ))

أما ذي ما اقدر اعلق عليها ..

معزبنا سلف وله حق علينا بالاحترام والتقدير


لكن بيني وبينك زرار .. هو صدز تميلحه يجيب الهم ؟ <<

اقتباس:

انا مصختها على العموم موضوع كبير ؟؟؟ من كشه كبيره.

ابد .. خذ راحتك بالكلام ومصخها متل ما بدك ..


تسلم أخوي بو طق طق على المرور

والمشاركه الخفيفه اللطيفه ..




*********************
*********************




nAmLaT nAjD

اقتباس:

اهلين مس ريانه ازيك يافتاه؟

ولك يا ميت سهلين بالـ girl نموله

انا بخير ولله الحمد ..

اقتباس:

الجو حلو وموضوعتس احلى ..

ومشاركتس بالموضوع أحلى وأحلى

اقتباس:

فعلاً فيه فرق كبير بين الدلع بالفطره وبين التصنع والفرق الاهم في قبول الناس للتصرفات الطبيعيه والتصرفات المصطنعه

لا فض فوك يا فتاة ..

اقتباس:

فيه وحده الله يذكرها بالخير كنت مااستحمل اسولف معها لاني عارفه فعلاً انها تتصنع .. من ترقيق الراء الى الرمش سطعش مره و3 ارباع في الثانيه وقلب الطاء الى تاء يعني اسمها شنته مو شنطه

الأخت شكلها تقرب للـ دلوعه صديقة أختي ..

لكن بيني وبينك .. ما ادري هالنوع ينبلع من قبل الشباب أور نت ؟!

يعني إذا احنا بنات وما اتحملنا هالحركات .. ما ادري اشلون الشباب

اقتباس:

لاشك انه من طبيعة الانثى اللي ربي خلقها فيها نوع من الدلع لكن كل شي يجي طبيعي حلو ..

اكيد ان كل بنت فيها نسبة من الدلع ولو كانت متفاوته من كل انثى لأخرى ..

والأحلى هو عدم التصنّع المتكلف للدلع .. وصدقتي كل شي طبيعي بيجي حلو

اقتباس:

كوجهة نظر شخصيه اعتقد ان بعض البنات لما يبالغون في تصرفاتهم بالدلع وتمطيط الكلام وهفهفه الرموش ... الخ يكون رغبه في لفت الانظار او التميز .. ومرات يكون محاوله فاشله للتعويض عن نقص .. مثلا يكون عندها اعتقاد ان قلة جمالها او شكلها العام سبّب عدم قبول لها عند وحابه تتميز بهالشي وتلفت نظر اللي حولها لها بهالطريقه..

وأنا معك بوجهة نظرك يا بعد نظري أنا ..

أكيد ان هذي الحركات كلها .. نتيجة نفسيه متأزمه

اقتباس:

الغنج صفه مااعرف هي ايش بالضبط .. عشان كذا امتنع عن التصويت

لا تكفين .. إلا صوتك .. لازم من صوتك لأنه يرد الروح << اعذريها يا خيه البعد شين

الغنج يا بعدي هو نفسه الدلع .. لكن هم يسمونه باللغة العربية الفصحى ( غنج )

يعني غَنِجَ يغنُج تتغنّج غنوجا ً مغنجنة ً .. << السواق يا طويلة العمر

لا بجد نموله .. الغنج هو نفسه الدلع .. باللغة العربية


لكن أنا برأيي أشوف ان الغنج هو مرحلة متقدمة من الدلع الزايد

هذا رأيي أنا و ما ادري عن البقية اشلون يفرقون بينه وبين الدلع

اقتباس:

اما بالنسبه للخجل والنعومه والدلع فبرأيي ان كل صفه مستقله بذاتها مااشوف بينهم علاقه .. مو شرط الناعمه تصير دلوعه ولا شرط الدلوعه تصير ناعمه او خجوله .. والنعومه تختلف مره تكون بالشكل ومره بالتصرفات .. ونفس الشي الدلع قد تكون البنت كل شي يوفرونه لها اهلها وكلمتها مسموعه وهذا يسمى دلع في التربيه اما في حاله دلع في التصرفات زي ماذكرتي والكلام هذا نوع ثاني من الدلع (علم الدلع قريباً في الاسواق)

بانتظارك يا بعدي انتي وعلومك .. ولا تبطين ..

هذا كانتس ما تمزحين ..


وفعلا للدلع انواع .. ومنها ما كان بسبب التربيه .. ومنها يكون بالتصرفات أو بالكلام

اقتباس:

بالنسبه للسؤال الرابع الدلع ماهو دواء .. او رياضه .. او برنامج .. الدلع تصرف فطري طبيعي (مثل ماانا اعتقد) لايمكن ان الوحده تختار له وقت معين او تحدده لناس وناس لا .. الا في حاله كان مصطنع .. كثير يتصنعون تصرفات .. وفي لحظة غفله تكتشفين الراء صح .. والضحكه (ايفل لاف) .. والشنته صارت شنطه هذي اللي تختار الوقت لدلعها افضل انها تتدلع بشكل احترافي بس عند رجلها اما اللي عارفينها كويس تصير سنعه وتحتسي زين اصرف لها

هذا اللي كنت اقصده بالسؤال يا بعدي .. من البنات اللي يختارون وقت لدلعهن

المفروض يعرفون متى يتدلعون .. ومتى تكون الوحده جديه ومتى تصير عاقله ازين لها


يعني أنا مثلا .. عندي ثلاث مديرات ..

وحده فيهم حليوه وطيوبه .. وعلى قولتهم بنت حلال

وثنتين موب هالقد معي ومع غيري ..

لما اداوم عند الطيوبه .. اتدلع عليها .. وامزح معها .. بالعربي قاطه الميانه

وهي الله يجزاها خير .. تدلعني وتتساهل معي .. ولا كأنها إلا امي ..

حتى أمي صارت تغار منها

عكس المديرتين الثانيات .. لازم اعاملهن بجديه .. ورسميه أكثر


ولما قلتي افضل انها تتدلع بشكل احترافي بس عند رجلها

هذا هو كان المقصود من السؤال ..

لأنه فيه بنات مع صديقاتهن أنواع الدلع والمياعه

ولما ترجع للبيت وعند زوجها ومع اهلها.. أنواع الدفاشه


وهو فعلا إن الدلع تصرف فطري على قولتك

لكن اختلف معك بحكاية ان الوحده موب لازم تخصص للدلع اوقات ومع أشخاص

واختلافنا في الرأي .. اتمنى أن لا يفسد للود قضيه

اقتباس:

برايفت للبنات لاتتصنعين شي مهب فيتس اشربي سبرايت وخلتس على طبيعتس هدوءتس وعقلتس وركادتتس قمة الدلع بس بصمت من حكم نملة الزمان

الله .. الله على هيك حكم ..

يسلم تمك يا wise girl

اقتباس:

برايفت للعيال ان كانت البنت السعوديه او الخليجيه بشكل عام جلفه ومادلت الدلع او النعومه فالسبب هي البيئه اللي تربت فيها .. ولو شفتوا عمشه والا وعله قالت وين الشنته بحت فيها الاغراد (وين الشنطه بحط فيها الاغراض) وقلبت تسبدك انت وياه .. وصرت رايح جاي تقول ياشين السرج على البقر .. تذكر ان السبب هو (ياولد ، وخري ياحرمه ، الاهل معي بالسياره اكلمك بعدين ..الخ) بالعربي ان كان للجلافه منبع فهو انتو

I 'll comment on this later

اقتباس:

ريانه ترا هذا تسجيل حضور وكنت ناويه ارجع .. بس الظاهر البرايفتات طلعت اللي في خاطري

يا جعلني ما اخلا من تسجيلات حضورك اللي مثل هذي

ولا تخلين بخاطرتس شي .. ولا طرا على بالتس شي تعالي وقطيه هنيه

اقتباس:

عاد ان رجعت فالمنتدى مفتوح لقرق امثالي جاز لكم والا ماجاز لكم بكتب <<تعقيباً على ردتس في الترحيب

يا عمري يا نموله.. شايلتها بقلبتس

وانا أفدا سوالفك وحكياتك كلياتهون

أكيد بتجوز لنا غصبن علينا ..

ولا ما كان صوتوا لك بالحصير

اقتباس:

موضوع يطول الحتسي فيه .. واحس فيه جوانب كثيره اهملناها .. لكن الاهم ناقشنا صلب الموضوع <<بشويش

على الجوانب .. أكيد فيه أكثر من زاوية للموضوع

ما تطرقنا لها .. لكن للحديث بقيه إن شاء الله

اقتباس:

مس ريانه .. يعطيتس العافيه ياحلوه .. ويسلم لي بونيات افكارتس اللي مبطين ماشفناهم ..

ويعافيتس يا ميس نموله الحلوه الدلوعه

ويسلمتس يا عمري .. هذا بعض من اللي تعلمته منكم يا الزكرتيات

اقتباس:

مع السلاحف

كان نفسي ارد واقول

مع الضفادع اللي ما اكثر منها بمدرستي الاساسيه


لكن بقول .. إلى لــقــاء

لأن عندي احساس انتس بتردين للموضوع مره ثانيه .. << لا تخيبين أم احاسيس



*********************
*********************



Sahranah


حبيبتي .. راجعة لتس فيما بعد ..



إلى لقاء ..