يمر العمر بـي غربـة ولا احـدٍ يواسينـي
وربي ما وفا معي بدربـي غيـر دمعاتـي
تمنيتك وطن عمري وكلـك بيـت يلفينـي
أثاريه أصبح المنفى .. وماتت فيه عبراتـي
سـرابٍ غـر بعيونـي تخيلتـه يناديـنـي
عطشت ومالقيت الماء ولااشرب غير حسراتي
أعض من الندم ثوبي وأصرخ ليتك تجينـي
تشوف بحالي وش سوا حبك الساكن بذاتي
أحبـك ليـه تجرحنـي ولاتفكـر تداوينـي
وليه تحب تعذيبي ويريحك صـوت وناتـي
أنا والله حبيتـك بقلبـي وكـل مـا فينـي
وتمنيتـك تبادلنـي دموعـي وابتساماتـي
تمنيتك تحس بشوقي وتقرا اللي وسط عيني
تمنيتـك تحـس فينـي يـا سبـة معاناتـي
تمر أيـام تنسانـي أقـول اليـوم بتجينـي
وكل ما طوّل غيابك تزيـد بقلبـي آهاتـي
وأخلق لجلـك الأعـذار أسامـح يامعنينـي
وأكابر وامسح دموعي أصبرهـا بكلماتـي
ألملم بعدك شتاتي وأداوي جرحي بيديني
وأحط الملح بجروحي وأنت تزيـد طعناتـي
ما فاد الرجا وياك خسارة ضاعـت سنينـي
مات الحب في قلبي قتلتـه فـوق صفحاتـي
مات اليوم كل شوقي لك ولا عـاد تعنينـي
أريد أنساك سامحني وتقبـل كـل تحياتـي
للاسف لا اعرف اسم الشاعر وسامحونا على القصور
احبك ليه تجرحني
