:: ورد جوري فوع وجناتكـ ::

**Remaan** · 04-01-2006, 11:03 PM

:
.. ورد جـــوري فوع وجناتك والزمرد فيك خصيتــــه ..
.. والمحاسن في تحياتك رد قلبــــي يــــــوم شليتـــــه ..
.. ما خلق مثلك وشرواتك في الخليج ولا بعد ريتــــه ..
.. حسن بدر و ريم لفتاتك في فــــــــلاه يرب لاقيتــــه ..
.. ليت لي وقتك وساعاتك ومن لماكم زرعي اسقيته ..
.. وشادني جيدك ونظراتك سولعي والقلب شطيتـــــه ..
.. ومن لطافـــــة الطيب عاداتك صبتني والنوم خليته ..
.. راحتي ساعــــة ملاقاتـــــــك يا مناييه اللي تمنيته ..
.. ورد جوري فوع وجناتك والزمرد فيك خصيتـــــــه ..
.. والمحاسن في تحياتك رد قلبي يـــــوم شليتـــــــــه ..
:

.. السلام عليكم و رحمة الله وبركاته ..

..صباحكم فل .. مساءكم جوري..

اشحالكم وشخباااااااركم عسااااااااااااكم طيــبـــيــن؟؟!!

مع جو الاسترخاء الذي نعيشه هذا الاسبووع << "انا البتوووول"

<< مستاانسة عندهم اسبوع شبه اجازة

بلا كليّة بلا مدرسين بلا واجبات بلا بروجكتات بلا هم بلا نيلة ..

ودي احلى زغروووطة من المعلمة عطيات كلولولولويش <<< بشويش يا خالتشي"خالتي" ..

ما يسوى عليج

الا اسبووع وبترجعين للكرف

المهم ما عليننا ..

وانطلالاقااا من مبدأ ان الزهوور تبعث النشووة والسروور ف القلب .. حبيت اشاارككم هذي الفرحة ..

مجموعة زهوور ربيع - صيف 2006 من حديقة منزلنا المووووقر<<< بتعرض فساتين الاخت؟؟!!

+.................+

::1::

::2::

::3::

^
صوورة مقربة للنحلة

شهوووودة صدناااااااااااج .. شوو اتسوين

اهدااااء لشهوودة

ماشاء الله عليج تستااهلين يا نحلة منتدانا

::4::

^
^
هذي ما ادري شو مشكلتها التحبب (noise) زاايد فيها من الله

::5::

^
اهدااااء للغلا البتووول

::6::

::7::

::8::

^
^
نمووولة اهداااء لعيوووونج

::9::

+.................+

^
^
من وناستي كثرت الصوور

ملاحظتين لزوااار البوووتيــكـ لهذا اليوم :

- ما كتبت الاعدادات لاني زوولة وما فيني اطلعهم ..
ولو طلعت الاعدادات لكل صووروة بتطلع روووحي وياااهم ..
وادري انكم تحبوني وما تبوون رووحي تطلع <<< باللي ما يحفظ العدوو
>> لحظة سأتورد خجلا ..

<< شوي شوي يا نفرتيتي..

>> ان شااء الله..

- بعض الصوور عدلت عليهم لاني شفت ان لوونهم والتعديل عليهم بهالطريقة احلى وارتب .. << بالصراحة احلى

ضفت فلالاتر للصور (7, 4 ) وتغيير لوني لــ(9,6,5) وتشبع لوني للبقية..

لالا تحرمووني رووعة ردودكم ... ف نقدكم ونصائحكم هم غاااايتي ..

دمتم بكل خير
ريمان

**البَــتول** · 04-02-2006, 12:07 AM

وتنهييييييييييييييييييييده
وعليكم السلااام ورحمه الله وبركاته

حسبي الله ونعم الوكيل في هالنت ،، او فاللي كان السبب في مسح ردي الاول
كررررررررررررررررررررررهته

:: لحظااات استرخااء ::

اقتباس:

المشاركة الأصلية كتبت بواسطة Remaan

:
.. ورد جـــوري فوع وجناتك والزمرد فيك خصيتــــه ..
.. والمحاسن في تحياتك رد قلبــــي يــــــوم شليتـــــه ..
.. ما خلق مثلك وشرواتك في الخليج ولا بعد ريتــــه ..
.. حسن بدر و ريم لفتاتك في فــــــــلاه يرب لاقيتــــه ..
.. ليت لي وقتك وساعاتك ومن لماكم زرعي اسقيته ..
.. وشادني جيدك ونظراتك سولعي والقلب شطيتـــــه ..
.. ومن لطافـــــة الطيب عاداتك صبتني والنوم خليته ..
.. راحتي ساعــــة ملاقاتـــــــك يا مناييه اللي تمنيته ..
.. ورد جوري فوع وجناتك والزمرد فيك خصيتـــــــه ..
.. والمحاسن في تحياتك رد قلبي يـــــوم شليتـــــــــه ..
:

NiCe WoRdS

كل ما حاولت اقرا هالكلمات بشكل عاادي
ما اقدر الا اقراها باللحن <<<<<<<<<معاناااة
وعااااش الاسم :: ريم ::

مشكله والله

،، وملووون بعد

اقتباس:

..صباحكم فل .. مساءكم جوري..

ومسااااااااااااااج احلى من العسل[عفواً يمكن مشاهدة الروابط للمسجلين فقط للتسجيل اضغط هنا]

اقتباس:

اشحالكم وشخباااااااركم عسااااااااااااكم طيــبـــيــن؟؟!!

انا بخيييييييييير ،، عسااج دووم بخير
ماشي احلى عن جيييه

اقتباس:

مع جو الاسترخاء الذي نعيشه هذا الاسبووع << "انا البتوووول"

<< مستاانسة عندهم اسبوع شبه اجازة

يااااااااااااااااااااسلااام ،، قمه الوناااسه [عفواً يمكن مشاهدة الروابط للمسجلين فقط للتسجيل اضغط هنا]

اقتباس:

بلا كليّة بلا مدرسين بلا واجبات بلا بروجكتات بلا هم بلا نيلة ..

هييه والله ،، بس لو اخلص الــ كم بروجكت اللي فـ ايدي ،،
صج قمه الوناااااااااااااااااااسه ،، ,احلى اسبووووووووووووع من الخااطر
فورماات للدراسه ان شااء الله

<<<تباها من الله

اقتباس:

ودي احلى زغروووطة من المعلمة عطيات كلولولولويش <<< بشويش يا خالتشي"خالتي" ..

ما يسوى عليج

الا اسبووع وبترجعين للكرف

انا بصفر <<<<<<<<<<<<تخصص

اقتباس:

وانطلالاقااا من مبدأ ان الزهوور تبعث النشووة والسروور ف القلب .. حبيت اشاارككم هذي الفرحة ..

( وجه روك وهو يضحك [عفواً يمكن مشاهدة الروابط للمسجلين فقط للتسجيل اضغط هنا] ) <<<يا شين الطاااااااااري

اقتباس:

مجموعة زهوور ربيع - صيف 2006 من حديقة منزلنا المووووقر<<< بتعرض فساتين الاخت؟؟!!

هيييييييييه عشاان على كل ورده فستااان

+....الصــــــــــور.....+

الصور كلها وبدوون مجااااااااامله
حلوووووووووووووه ،، كل وحده فيها شي يميزها

نبدا باسم الله

::1::
حلوووه بانتصاافها الصوووره

::2::
لقطه حلوووه ،، بس تمنيت لو ان الورده كامله
بيطلع شكلهااحلى

::3::
شكل شهووده حلووو

اقصد شكل النحله

وعقبااال ما تشترين عدسه الماكرو عشاان تمتعينا اكثر

::4::

هذي روووعه
زاويتها ،، قطرات الماي
بس مثل ما قلتي التحبب مخرب شوي

اقتباس:

::5::

^
اهدااااء للغلا البتووول

[عفواً يمكن مشاهدة الروابط للمسجلين فقط للتسجيل اضغط هنا]
هذي بكيفي اسوي لها اقتباس كامل

بصراااحه الواااااااااااااااااااانها فضيييييييييييييعه
عايشه الجوو ويااها
ماعرف ليش احس يباالها فستان ابيض ،، يعني عرووس
وتطلع الصووووووووووره خطيره

بس بعد ليت الورده كاامله

::6::

يختي الالواان فضيييييييعه
تجنن ،، داشه مزاجي من الخاطر
بسويها فستااان<<<<<<<<ما تقلد احد ابد

قطرات المااي ،، وزاويتها خطييييييره

::7::
الفلتر المستخدم عطاااها تميزها الخااااص
فكره حلووه

::8::

احلى يا اهدااااااااااااااءااات
ورد جوووري واحمر ،، من قدكم
ترااا اغاااااااااااااااااااااااااااار

::9::
هذي اتعب وانا اقووول روووعه
رووعه بالوانها
بقطرات المااي اللي عليها
بزاويه اختيار الورق

شي بصراااااااااااااحه
تصفيق بحرااره

+.................+

اقتباس:

ملاحظتين لزوااار البوووتيــكـ لهذا اليوم :

- ما كتبت الاعدادات لاني زوولة وما فيني اطلعهم ..
ولو طلعت الاعدادات لكل صووروة بتطلع روووحي وياااهم ..
وادري انكم تحبوني وما تبوون رووحي تطلع <<< باللي ما يحفظ العدوو
>> لحظة سأتورد خجلا ..

<< شوي شوي يا نفرتيتي..

>> ان شااء الله..

اوكي زووولوووه ،، بس لا تستحلين السالفه

اقتباس:

- بعض الصوور عدلت عليهم لاني شفت ان لوونهم والتعديل عليهم بهالطريقة احلى وارتب .. << بالصراحة احلى

ضفت فلالاتر للصور (7, 4 ) وتغيير لوني لــ(9,6,5) وتشبع لوني للبقية..

ما شفت الاصليه
بس التعديل ،، والالوان اللي طالعه ،، رووووووووووعه

سلمت لنا هذه الانامل المبدعه
وان شاااء الله تحققين اللي فبااالج
[عفواً يمكن مشاهدة الروابط للمسجلين فقط للتسجيل اضغط هنا]

الخاتمة · 04-02-2006, 02:53 AM

ريمـــــــــ

ــــــــــان

ياهلا ويا غلا

عساهاااااااااا دوم هالوناسه
الله يعين على هالدراسه يعنى ياتحطم الواحد او تزيدة وناسه

سبحان الله شوفه هالورد تشرح النفس

ريمان
الصور غاية بالروعة والجمال

واكثر شى زادها جمال هو اختيارك الموفق للوقت المناسب من اليوم لالتقاط الصور

استغلى فترة الفرح الا فيك
واتحفينا باكبر عدد من الصور الرائعه

8
8

اعجبتنى هذة الصورة
زاويتها رااااائعه
الالتصاق بين الوردتين ومنظر القطرات
اعجبنى بصفة عامة رائعه

ريمــــــــــــــــــان

انت مبدعة كالعادة

الله يوفقك بالدراسه انت والبتول

ولك كل الحب والاحترام

**nAmLaT nAjD** · 04-02-2006, 01:04 PM

محجوووووووووووز لين ربي يفرجها

<<ماتسن فيه ردين قبلها

**ريـانـــــة الـعـــــووود** · 04-03-2006, 11:47 AM

و عليكم السلام ورحمة الله وبركاته

حي الله ريمونه << كيف الدلع ؟؟

اشلونتس يا صبيه ؟؟

انا بخير ولله الحمد ..

واحب اصوّت للصورة :: 5 :: و :: 8 ::

<< متأثره بموضوع التصويت بتاع الفواكه

صور حلوه ريمان

واللي محليها اكثر انها من حديقة بيتكم

وبصراحه كلياتهون حلوات

يعني ماني عارفه اشلون اوصفهون

الألوان .. الزوايا .. قطرات الماء

كلها خطيرة ..

وصورة النحله بعد تجنن

بس الحمد لله ربي سلمتس منها

الله يعطيتس ألف عافيه ..

اتحفتينا والله بهالبوتيك

تسلم ايدينتس ..

تحياتيــــــــ

ريــــانـــــــ الـــعــــود ـــــــــة

**)( زيــاد )(** · 04-03-2006, 03:40 PM

وعليكم السلام

أبدعتي في الصور من ناحيت الزوايا

والإضافات (الفلاتر) روعه ربي يوفقك

وأكثر شي أعجبني من الصور الخامسه

والسابعه ولا تهون الباقيات

ويعطيك العافيه على الصور .

**SHAHAD** · 04-03-2006, 09:40 PM

و عليكم السلام و رحمة الله و بركاته

\
/
\
/

|--*¨®¨*--| ريوووومه |--*¨®¨*--|

\
/
\
/

مسائكـ فُل .. و .. صباحكـ جوري

بسم الله ما شاء الله

ريمان دائماً مبدعة فالله يحفظك و يديم عليك هالنعمة

من جد من نزلتي الموضوع مب عارفة أرد شقول

قمة الروعة بهالصور .. فتسلمين و ربي يعطيك العافية

و دائماً بإنتظارك مبدعتنا

\
/
\
/

اقتباس:

اهدااااء لشهوودة
ماشاء الله عليج تستااهلين يا نحلة منتدانا

يجنن هالإهداء تسلمين يا غلاي

...

\
/
\
/

شهووودهـ

**nAmLaT nAjD** · 04-04-2006, 05:12 PM

وعليكوم السلااااام ورحمتو الله وبركاتووه

انا باك <<ياحظتس

حيا الله الحامل والمحمول

منوره ريمو .. موضوع معطر البيت بريحه الورد ..

تصدقين من جيت من الدوام وانا اشم ريحه حلوه قبل ادخل البيت

::

وش احلى من الورد ؟

انا طبعاً <<جمعي كل الشحم اللي حولتس

::

صور رووووعه .. ابداع معتاد من مبدعتنا ريمو ..

توقعت كالعاده صوره وحده تحكي ابداع ..

بس كلما شفت صوره وانبهرت فيها طلعت اللي بعدها وحسيت الاولى مو شي

<<مب مني من الدايل اب

::

.:: الصوره الأولى ::.

العزل فيها راااائع ..

وزي ماقالوا توسيط الصوره ممتاز جداً

تمنيت الاضاءه كانت اكثر ..

ومااعرف شايفه ان الصوره فيها اهتزاز

والا عيوني فيها بلا؟

:
:

.:: الصوره الثانيه ::.

راااائعه .. لون الورد ماشالله تبارك الله خيالي ..

وشهودتنا حلوه

يمكن لو صورة الورده كامله راح يزيد من جمال الصوره ..

تخيلت شكل الورده من زاويه ثانيه من من فوقها بتطلع رووعه بعد ..

:
:

.:: الصوره الثالثه ::.

لقطه رااائعه ..

فعلاً كانت محتاجه مايكرو ..

مرات اشوف الشكل روعه بس زوم الكاميرا مايساعد ..

يعني اللقطه هذي لو اخذتيها بمايكرو راح

يكون التركيز على شهوده

واللي جوا الورده بس ..

مافكرتي تاخذين نفس اللقطه بشكل عرضي؟

(يعني مو مون فوق الورده ) توقعاتي ان العزل بيكون افضل ..

<<اقصد بالعزل حتى اطراف الورده .. زي صوره دكتور سم ثنق للورده الصفرا ..

<<مجرد توقعات ترا ..

:
:

.:: الصوره الرابعه ::.

وووووووووووووووووواااااااااااااااااااااااووووو

ماشاللله روووووعه ..

روعه من جد .. النويز خرب عليها شوي ..

والسبب باعتقادي قلة الاضاءه ..

ودي اسأل .. مااخذتي لقطه لنفس الصوره والزاويه بس حركتي الكاميرا حبتين؟

انا لما اشوف النتيجه كذا دائماً احاول احرك الكاميرا بشكل بسيط مايتعدى ملمتر

فوق او تحت وتختلف الاضاءه كثيييير .. (عشان تجمع الضوء داخل العدسه)

واذا توفرت الاضاءه قل النويز اذا منب غلطانه ..

(مرات مااكتشف النويز الا لما اشوف الصوره بحجمها كامل على الجهاز

ومالي خلق ارجع للمكان اصور والا مو صعبه اطلع بنتيجه افضل واهم شي

الاخلاق وحب الوطن صح؟

)

الصوره زاويتها خياليه وقطرات المويه عطتها شكل خياااالي ..

بتضحكين لو قلت لتس عندي صوره لنفس الفكره تقريباً

لورد النوير حق البر وبعد فيها نفس المشكله النويز والاضاءه

<<تضحك

شغله صغنطوطه .. الورده ماخذه نص الصوره حسب مااشوف ..

يمكن لو مستخدمه قاعدة التثليث في الصوره بتطلع بشكل مميز ..

حاولت العب فيها شوي بالفوتوشوب بعد اذنتس طبعاً

واضح من الخطوط المتقطعه تقسيم الصوره الى 3 اجزاء

وقاعدة الثلث او التثليث تعني ان الجزء الاهم و موضوع الصوره يكون في احد

الاجزاء الثلاثه ..

:
:

.:: الصوره الخامسه والسادسه ::.

روعه بروعة بتوله .. تساهلين ياحلوه ..

على الله تعطينها الصغنن

رائعه كزاويه وتفاصيل والوان .. فيها ذوق وفن وابداع وكل شي <<خانها التعبير

تصدقين ريمو احس ان ودي اكل الورد <<فاهمه غلط

الدقه في الصوره والعزل شي رووووعه ماشالله تبارك الله ..

:
:

.:: الصوره السابعه ::.

رااائعه كزاويه وتكوين والوان وكل شي ..

بس ضايقني النويز واعتقد انه زاد مع الفلتر والا لا؟

:
:

.:: الصوره الثامنه ::.

ياااااااااااااااااااااااااااااااااااااااي

لحظه بكشخ

وين فيس الماسنجر ابو نظارات؟

يسلمو يافتاه انني لقد استحيت

الصوره راااائعه ..

انا انهبلت يوم شفتها في الماسنجر <<بس تذكر الله

لكن انا ودي اعرف شمعنى اللون الاحمر بالذات لو ماكانت امكانيات الكاميرا

عاليه يطلع باهت والنويز فيه على قرش؟ يعني مايطلع بالدقه المطلوبه ..

انا لي تجارب مع النيكون SQ وكانت تعيسه من جد الاحمر مره وع يطلع ..

اما بالنسبه للدقه انا على قناعه بان امكانيات كاميرتتس افضل من هالنتيجه

بس نرجع ونقول مشكله الزوم واعتقد هالنوعيه من الصور فعلاً تحتاج مايكرو ..

بس من جد روووووعه زي اللي صورتها ..

:
:

.:: الابداع التاسع

::.<<من كثر ماعجبتها (ماشالله)

احترافيه بمعنى الكلمه ..

زاويه .. تكوين .. الوان .. دقه .. وضوح .. جمال .. فن ..

كلللل شي حلو في هالصوره ..

رااااائعه لابعد الحدود ماشالله تبارك الله..

وبكل صراحه اشوفها الاكمل بين هالصور كلها من كل النواحي ..

::
::

ريموو .. مبدعتنا المصوراتيه ..

تعبتينا 9 صور حرام عليتس

وربي كل صوره تحتاج موضوع لحالها .. ابدااااع ياموبدعه ..

استمتعت بالهياته في البوتيك .. واكبر دليل اني طولت وبعنف

شكل ردي هذا من اطول الردود في الدريشه

اخر شي طلب صعنون .. بس اذا بتطلع روحتس مب لازم

ابي الاعدادات حقت الصوره الخامسه والسادسه والتاسعه

وتفاصيل عنهم .. مثل الوقت والمكان ... الخ

وقبل انسى

:: ورد جوري فوع وجناتكـ ::

^
ترجمه بليز

ريمووو .. موبدعه دائماً وابداً استمتعت واجد كثير بابداعاتس ..

واكيد بانتظار الجديد ..

مع السلاحف

**خالد الفيلق** · 04-05-2006, 04:28 PM

و عليكم السلام و رحمة الله و بركاته

والله قاتلينا باندبيندنس ويك<<<افهميها

ناس تروح تداوم و ناس تداوم<<<تراه ما يحسد

الموهم خلونا في الصور

اولا الصور وايد وايد
تمنيت لو قللتيهم

و خليتي لكل صورة موضوع
يعني على 3 اسابيع بنخلص

ما تشوفين ردنمله كيف كبره

و ما شاء الله ابداع
و كلهم فيهم تشبع لوني غير طبيعي

=1=

صورة العزل فيه غير طبيعي
و مثل ما قالت سيده نمله(وجه لابس كرفته) اعتقد ان فيها اهتزاز

بس تمنيت شغله
تكون خلفيتها ملونه مب بنيه
او يدخل فيها كمن لون
و على فكرة اي وقت مصورتها؟؟

=2=&=3=>>>اختصارا للوقت

الونها روعه
و خلفيتها غير طبيعيه
بس اي ويش(تمنيت) لو ان الورده كامله

=4=

الرابعه روعه
بس<<<ذليتنا بالبس

لو ان القطرات كانت على جهتنا مثل الصورة التاسعه
بتطلع احلى>>>على ما اعتقد

=5=&=6=

الونها حلوة
و السواد عطاها فخامه
اعتقد انج لعبتي بالـ(كيرف)
لو رفعتي نفسج حبتين
كانت بتطلع احلى

=7=

الفلاتر على ما اعتقد عطاها عتاقه>><<يعني قديمه
و خلاها احلى ورده من بين كل الورود
خلفيه - لون - زاويه - قطرات
يكفي ان انتي مصورتنها

بس في شي<<<لا تصدقين امزح

=8=

حلوة بلونها
حلوة بحركتها
شفت صور كثيرة بهالحركه
و هذي من احلاهم
لكن تمنيت ان الصورة تكون موربعه<<<حتى عى الشكل

بس هذا ما يقلل من قيمتها

=9=

احلاهم
افضلهم
احسنهم
احتراف - ابداع - الوان - قطرات
تعبر عن
الفرح - السعاده - ابداع صاحبتها - خبرة مزارعكم

ماعليها كلام<<<<كلولوليش او مرة

و في النهايه
حبيت اني اهنئج على تصورج
و ابا اشكر المزارع الفنان اللي عدلج الوردات<<<خخخخخخ

صور لا محاله من احلى الصور اللي شفتها

و الصورة الخامسه و السادسه
اهديها لنادي العين خخخخخخخ

تبين الصدق
سبحان الله
اظهار لابداع الخالق جل جلاله

و ما شاء الله
في تطور في كل المنتدى و مستواهم
الا انا

و انتظر يديدك
بس مرة ثانيه لا تحطين صور كثيرة

سي يو اوووووووول

اعلانات المنتدى