الســــــــــــــــــــــــلام عليكم ورحمـــــــــــــــــــه الله
هانحن نعود وان شاء الله ان الموضوع ينُول
ويجوز على رضاء جميع الاعضاء
كانت عقارب الساعة تقترب من الساعة اثِنعش فى الليل
وانا وراي بكره مقابله في احدى الشركات علشان وظيفه
لان رفيقكم عاطل << مامعي الا الكفأه ( 3 متوسط )
المهم والله واطفى اللمبات واحاول اتغصب بالنوم والصدق ما كان فينى نوم
ولا حولي لانى ما قمت الا عصر >>
واجيكم اعد من واحد الى عشره ولا فيه امل ولا ساره ...
واعد من واحد الى ميه ولا فيه فايده ومن واحد الف وكمان ما فيه فايده
واتخيل الخرفان وهى تطامر فوق الشبك ولا به جديد
واقوم واخذ الدخان وادخن لي شيقاره
واقوم انفخ الدخان واتخيل شكله وشوي وهو مثل الدايره
وشوي مثل السياره ومره الا وهو كمبيوتر وشوي
الا ويطلع لى شكل غريب <<<< وشهو يا حترش ويش ويش
ولا هو بغريب علي واقعد واتذكر اين شفت الشكل ذا
ولا خذت الا وانا متذكر طلع لي شكل جحدر ما غيره<< الزير سالم
قلت لنفسي فرصه خلنى اسولف معه احسن لى من الجلسه لحالي
وخرت السناح من علي وادعيه بصوت خفيف
ارحب يا جحدر ،،،،، ولا كنه يسمعنى وانا ما ابغى ارفع صوتى
علشان هل البيت اذا سمعوني قال ذا خبل يحاكي نفسه
وادعيه بصوت اعلى شوي ،،،، ارحب يا جحدر حي الله من جانا ،،،،،،،
قال لى بخنة صوته المعروفه ويحك يا حترش الا تعلم اني ربيعه وانى اكره من ينادينى بجحدر
اوووووه تذكرت صدق انه يزعل من جحدر
واقوم واقول ارحب يا ربيعه ،،،،، قال الله يبقيك ايش انت مخبر به يا حترش ؟؟؟؟
قلت انا والله فاضي وشفتك مار قلت اسولف معك شوي يمكن يجينى النوم ،،،،
قال فاضى لك انت ووجهك شايفني امك اسولف على رأسك الين ترقد
اقول قم بس قم << ايش قوم جحدر قلب اللي في طاش ماطاش
قلت طيب عندي لك سؤال واتحداك تعرف حله ؟؟؟؟
قال هات والظاهر انك لا تعرف من هو ربيعه ( ضحكت بينى وبين نفسي وبغيت اقول له الا اعرف ان المرهـ طاحت فى راسك صمخ الين جابت مثواك انت والشعر )
قلت طيب ابغى اسالك ايش تتوقع ان امنيتى فى الحياه ؟؟؟؟؟؟
قال اتوقع انك مثلي ودك تصير مثل الزير سالم ،،،، قلت له تخسى
انت والزير وكليب وجساس وابن عباد << انا اطلق منكم كلكم
قال ها ويش قد سويت من علوم ،،،، قلت له علوم والا رياضيات ،،،
قال عز الله ان خفة الدم من وجهك بعيده ،،
قلت عارف ،،،،، قال عارف زيانى >> اخس يا جحدر مانت بهين
قال اقول لك ربيعه قبحتك الالهه ......
واخرج سيفه فاقوم وارد لبكت الدخان واخرج الولاعه منه فعود يرجع سيفه
قلت انا باعلمك ايش جبت من علوم ( وافكر يا ولد ايش ايش ايش والصدق ما لقيت شى بس ما ابغاه يفشلنى قلت مالي الا املح سوالف وابهرها واخمه بها )......
قال اسلم
قلت كان فيه يوم من الايام وانا مسافر على ناقتى موديل السنه كاملة
المواصفات ومعي اثنين من اخوياي الواحد ما يوقف فى وجهه عشره رجاجيل
وهذا اللى خلانى اخاويهم لانهم حول شكالتى
المهم يا طويل العمر ( نمشى بالنهار ونرقد بالليل من الرجُله اللى فى روسنا )
وبعد ما انقطعت بنا الصحراء وابعدنا عن العربان ومشينا حوالي اسبوع ،،،،،
ونلقى فى الطريق اربعة رجاجيل منتفين ومقطوعين فى الرمله
ويطيحون بين ايدينا يبغون لهم ماء وزاد والله ونعتزي ونعطيهم الماء
ونقهويهم ونحلف عليهم ما يسرون الا بعد العشاء ،،،، وبعد العشاء حلفنا
عليهم ما يسرون الا بعد براد شاهي ربيع اكسبريس ،،،،، يعدل المزاااج
وبعد الشاهى حلفنا عليهم ان يمسون عندنا ونعطيهم فراشنا وبطاطينا
( كل واحد معه بطانية مورا الاصليه ومرتبه سليب هاي )<< من قوة الكذب
المهم قلنا نخليهم يرقدون وحن بنروح نرقد بعيد علشان ياخذون راحتهم ،،،،
عز الله رقدنا والرجاجيل يوم استرقدونا خذوا الزاد والماء وخذوا الابل ( دقوها سلف ودعسوا )
جات الساعة عشر لصبح وتدق الساعه اللى ثبتناها علشان تصحينا
نزين الفطور للضيفان ونقوم والواحد وجهه
مثل الذيب ما ضره البرد والنامس >> نوع من انواع الحشرات
غير قمنا الواحد يصهل مثل الحصان يتفلت يبغى هو اللى يزين الفطور ( شكشوكه وكبده )
ويوم وصلنا محلنا الا ولا حس ولا خبر لضيفانا ولا ( ناقاتنا ) !!!!!!!!!!
وكل واحد منا رد لسيفه ونجيك نتلفت يمين و يسار وفوق وتحت<< من اللحسـه
وعرفنا ان الرجاجيل لبسونا ( السلطانيه ) ،،،،
ايه وش القيله ذلحين يا الربع ،،،،، قال واحد من اخوياي خلونا نقص اثرهم
ويعلم الله ما يذبحهم كون انا ،،،،، قال الثانى واين نلحقهم والرجاجيل سارين من ليلهم
انت ما تشوف اثاري الناقه قدهى ممتسحه من على الخط
( واحد يبغى يسوي نفسه عروف)
ما لنا الا نشر لنا لتكسي يوصلنا ،،،،، تكس في البر
قلت معصى انت وهو ،،،، واجيكم واصيح صيحه قلت فيها
لك الله يا من غدرهنت بنا *** ما تسلم من الموت لو يبطي هروبك
شوي الا جحدر يوم تحمس مع القصيده وقال عطنى زقاره
ياولد ترى مهي بزينه لك
قال : اسلم اسلم
قلت ومن قال سالم فقلت لاخوياي يا طويل العمر :
لك الله يا من غدرهنت بنا *** ما تسلم من الموت لو يبطي هروبك
قاطعين الرأس وشاربين الدم *** يا خاين العشره والمعروووووووف
( هذا من قصيد الاولين ويش اسوي رفيكم مهو بشاعر )
قلت اسمعوا يا الربع ما لنا الا ان حن نرقد بالنهار ونمشى فى الليل
علشان ما تقتلنا الشمس ويذبحنا الضماء والرجاجيل ما لهم الا انهم يروحون
غرب لانهم لو راحوا شرق كن اذهبناهم يوم حن رقود ( من جنبها )
ولاهم رايحين شمال لان الملك الشمالي فى طريقهم ,,,,
ولا رايحين جنوب لان الملك الجنوبي فى طريقهم ،،،
يعنى ما لنا الا نمشى غرب قولوا تم قالوا اخوياي تم تم
ونجيك يا جحدر قصدي يا ربيعه ونرقد بالنهار ونمشى بالليل
وبعد ثلاثه ايام ذبحنا الضماء ونجيك بعد ما كنا نصهل،،، صرنا فاتحين افواهنا
وكل واحد نفسه فى ( سيجار كوبي من النوع الفاخر
)
ويجى ذاك الليل اللى ما فيه نجوم ولا قمرا { القمر عندما يصبح بدراً }
وحن كنا نمشى ومعطين انفسنا الخامس من الصدق والتعب ......
والمهم يا ربيعه اخوياي تعبوا وهلكوا من الجوع والضماء
وانا مثلهم بس ما ابغى ابين لهم >> علشان صورتي قدامهم ما تهتز
عز الله قلنا نريح شوي من المشى ،، وشوي الا ونسمع صوت
قال واحد من اخوياي ( ااصه اسكتواا ) ، قلت بصوت مرتفع اعقب انت خايف
قال ايه خايف يا الداهيه ،،، قلت تخاف وانت معي الشرهه علي اللى يخاويك
شوي والثانى يقول (وطؤا صوتكم الله يقلعكم ) ،،،،
قلت ابو زيدان ابوه وانت خايف ياالرخمه ؟؟؟
قال يااااااااااااااااخى خل اسئلتك بعدين وخلنا نشوف ايش ذا صوته و
الله واسكت وانا مقهور من اخوياي اللى كنت معنز عليهم << معتمد عليهم
وشوى يا جحدر الا ويقرب منا الصوت وشي الا وقدامنا اسد اكبــــــــير
المهم ما شفت اخوياي الا والتعب رايح منهم وحطوا ارجيلهم يا راجعااااه
ادعيهم اصيح فيهم يا عيال ما بلا أسد وهم ولا عندك احد جافلين (هاربين )
واقبل على الأسد يا جحدر الا وهو كبير مثل ( الناقه مرتين ) << العن ابو التشبيه
واجيك انا وهو فى مدواسه وياما عضنى وياما لفخنى بيده وياما وياما
وانا مقاوم عطيت له كم لكمه على كم بقس على كم شوته بس ما ضرته
لانه يا جحدر كبيرررررررر ( طبعا شفت عيون جحدر منفجله مثل الفنجال )
قلت ممتاز الخبش شبك معي على الخط
وعز الله يا جحدر جلسنا فى زي ما تقول مصارعه حره الين قرب يذن الفجر
واخوياي هم ذولاك يشوفون ايش يصير ولا حد فزع لي
واجيك بالاسد اجيك به الين لغب ولا عاد ادرج حركه
فارد لسيفى ابغى اذبحه ؟؟؟
فقاطعنى جحدر وقال : كثر منها يا الداهيه اسد مثل الناقه مرتين وجبته ؟؟؟؟
قلت البخ ,,, يا جحدر لما قد اللى اطلق منك يسولفون إتلايط
وليه اما الزير ما كنه ذبح له كم أسد وصدقتوه ،، ها مثل ما صدقتوه صدقنى لك الهم
قال اسلم اسلم
قلت ها ولا هي بشبعه كل حين اسلم اسلم ؟؟؟
ويوم بغيت اذبحه الينه يوم طل فينى وقم يتعبر والدموع مالية عيونة
عز الله رحمته قلت نعنابيك ايش قومك انت خايف ؟؟؟؟؟؟
قال لي الأسد اشوف الموت ولا تبغانى اخاف الله يمطخ عقلك
شوي الا وجحدر يضحك قلت له ايش بلاك تضحك ؟؟؟
قال الاسد يتكلم ؟ قلت له طبعا كان كل شى يتحاكى ايام السالفه ذي
قال المهم عن اذنك انت ما عندك ما عند جدتي ،،,
قلت اقول لك اجلس خلنى اكمل السالفه لا اقوم اتوطأ فى بطنك
عز الله جلس العجوز وقال ها سلم نفداك :
قلت للأسد عقلي ممطوخ يا الخبل والا كن جفلت مع اخوياي ،،
المهم ترانى مسامحك بس عطنى وجهك ما عاد تتعرض لاحد خاصة اللى يعزون علي ،،
قال ابشر ،،, قلت له والشى الثانى ابغاك معنا بدل الناقه
الين نحصل اللى سرقونا هاثم الله فك عليك ،، قال تــــم قلت : الله يتممه
واركب على ظهر الأسد وامر اخوياي ( واطرق لهم )
ويركبون معي ونجيك مع البيحه << ( بعد طلوع الفجر وبداية بزوغ الشمس )
ماشين على ظهر الأسد ( مشغلين اخر جلسه لمايكل جاكسون وسيلن ديون معه على الربابه )
ويجيك الأسد ماشي طبلونه فى اثر اللى سرقونا وحن مربطين احزمه الامان
وينطلق بنا الأسد ونمشى ونمر من عند محطة على الخط كانت ( ل بني دليع )
وناخذ لنا زهاب كوكا وتويكس وفصفص نقطع به الوقت
والناس من قبيلة بنى دليع مسغربين من ركبتنا على الأسد ،،،،
ويوم قد حن بنحرك ( طبعا ما نسينا الأسد باشرنا عليه بفش فاش وكان مبسوط )
فاشوف ناقتى يا جحدر واقفه عند باب بيت كبير ،،،
واعود واوقف الأسد وافك حزام الامان وانزل وانا عيونى كلها شر ،،،
ويوم شافتنى الناقه وصلتها فغير قامت تبكي وتعتزي وقالت اعقب يا حترش
تخلى الرجاجيل يسرقون ناقتك وانت راقد
( عز الله افتشلت من كلمتها وقمت احاول ارقعها )
قلت هذولا كانوا ضيوف وكنت واثق فيهم وايش تبغينى اسوي وانا ( راعي الهدبا )
والمهم اسفطها وادق على راعي البيت وشوي الا يوم خرج لي واحد
فاقول له انت راعي الناقة ذي ،، قال ما لك لوا راعيها
هو عمي الشيخ ( نصع ) وانا السواق حقه ،،،،،
قلت ادعه ادعه قل حترش ولد زيدان يبغاك عند الباب ،،،،
شوي الا والسواق يوم صاح وقال ( جيرة الله عليك اقلط يا حترش )
قلت معصي ادع عمك خلنى اتفاهم معه ،،، والله ويخرج علي ( نصع )
ورحب بي ( قال تكفى اقلط يا حترش لا تفضحنا عند باقى العربان يتعالمون انك وصلت بيتى ولا قلطت )
قلت له اقطع واخس يا الهابي وايش جاب ناقتى عندك ،،،،،
قال نصع ( ابو جورج ابوه ) انت من جدك انها ناقتك ،،،
قلت يعنى منت بعارف هاه ،،، قال يعلم الله لو دريت انى ما شريتها !!!!!
حبيبى شاريها بعد ،،،،،
قال ابشر والله بسعدك الناقه جاتك
ومعها خمسةً قعدان واربعةً خرفان وثلاثة احصنه واثنتين من الشاه ورأس تيس ( هذي كرامتك عندنا )
قلت اخلص اخلص على هات اللى الكرامه وعجل ترى مانى بفاضى لك( شايف نفسي على بنى دليع ) ،،،
عز الله جاب اللى قال ونحملها كلها فوق ظهر الأسد << ماعاد ذا بأسد قده مور 6
ونشتري للناقه ( سن توب ) ونحرك ندور للى سرقونا ونمشى مكيمين
والأسد ماهو بصاحى بعد الفش فاش عليه سرعه ماهى بصاحيه
لدرجة ان الناقه جلست تمزمز فى السن توب ونسيت ما تربط حزام الامان
ولا شفنا الا وهى طايحه ورانا ولا انتبهنا لها الا بعد حين
ونرجع ونشلها وندق الطبلون
ونواصل الطريق ويوم ربك قال يا جحدر فنلقى ربعنا اللى عابو فينا
داقينها ( بلوت ) ماهم بعارفين ان سبب النكبات دايم هو البلوت
ويقول واحد من اخوياي خلنا نجلس ونباري الفايز منهم على خبط ( ضرب )
قال الثانى لا نلاعبهم على اوامر احسن ،،،،،،
واتخاصم ياجحدر مع اخوياي وقاموا يتلفظون علي فاقوم
واقطع روسهم كلهم الثنين بضربة سيف وحده << ابن عباد مهو بحترش
قال جحدر كثر منها حد يذبح اخوياه ؟؟؟؟؟ قلت البخ و
الزير ذبح ( شيبان ) ولد اخته اما انا فذبحت اخوياي
وبعدين انت اسمع وخلك لابخ ؟؟؟؟؟
واقبل عليهم ويوم شافونى فطاحت قلوبهم في بطونهم >>
وردوا لسيوفهم ولانى بالتالي ،،،،،،
واجيك بهم يا جحدر الين ذبحت الاربعه كلهم ،،،،،
ويوم قدنى ابغى احرك ولين هنا عشرين من ربعهم يوم تحاولونى
واجيك بهم لحالي الين افنيتهم عن بكرة ابيهم
وارجع لهلي وفيها ســلامتك
قال جحدر تسلم عز الله انك مصيبه ( تفقل على كيفك ) ،،،،
قلت هاه انا والا الزير قال يخسى الزير عندك ( طبعا فى الكذب )
وشوي الا يوم اذن الفجر واشوف الا وانا اطفى السيقاره
ولا به لا جحدر ولا أسد واحط رأسي ولا قمت الا العصر
وفى يدي عصير سن توب وراح الموعد والوظيفه
وفيها ســـــــــــــــــــــــــــــــــــــــــلامتـكـم
اخوكم /
حترش
قصتــــــــي معا جــحـــدر
سعيد < سعيد يكلم سعيده >
