عدناااااااااااااااااااا
صباح الخير
نبدأ بالموضوع
اولا بالنسبة لقريبتس فهي مثال للاخلاص والوفاء
وما تستاهل اللي جاها
بس انا اشوف انه من حقّه انه يشوف اعياله
خصوصا انه بامكانه هذا الشي
وهي مفروض تساعده
لان شخص ينحرم احسن من انه يكون كلهم محرومين
هي لمّا اصبرت عليه كان في امل انه يتعالج
بس هي مافي امل انها تنجب بعد سن اليأس
ومانقول الاّ الله يصبرها على ماابتلاها
ويرزقها برزق ماحسبت له حساب
وانا ما الومها على موقفها
لان من الصعب انها تتقبل شي زي كذا
بس هو لو انه صبر وماطلّقها
هي مع الوقت راح تلين وترضى بالامر الواقع
بس هو استعجل وهذي فيها نوع من الانانيه
المفروض انه يتمسك فيها حتى لو اشتكت
لان اللي سوته له مهوب اشوي
وهو عارف انها في سن مثل هذا هرموناتها مضطربه
وتبي تعرف قيمتها
والحين ماعاد لها احد في الدنيا غيره
انا الومه على تطليقها بالسرعة هذي
نجي للأسئلة
مع ان رايي ما راح يختلف كثير عن راي باقي البنات
بس من شدّة اعجابي بالموضوع
ومن كثر اللقافة مني
قلت لازم احشر نفسي في الموضوع
اقتباس:
|
1-ماذا ستفعلين اذا علمتي انّ زوجك ليس قادرا على الانجاب بتاتا وانه مصاب بعيب خلقي لا يمكن علاجه؟هل ستستمرين ام ستطلبين الطلاق؟
|
بالطبع راح اصبر
واللي يجري عليه يجري علي
اقتباس:
|
2-ماذا اذا كان يعاني من مشاكل يمكن علاجها ولكن تحتاج الى فتره زمنيه مجهولة المدى؟
|
نفس الاجابة
اكيد راح اصبر
لاني قبل ما اكون زوجته انا بمكان صديقه
والصديق وقت الضيق
اذا انا اقرب الناس له تركته في وقت الشدّه
مين اللي يصبرعليه؟
اقتباس:
|
3- ماهي اقصى مدّه زمنيه تستطيعين الصبر فيها ؟
|
طوووووووووووووووووول العمر باذن الله
اقتباس:
|
4- هل ستعتبرين ان هذا ابتلاء لكلاكما ام ستفضلين الاطفال على الاستمرار معه خاصة اذا كان زوجا صالحا لم يبدر منه اي تقصير في واجباته؟ من سيغلب الحب والوفاء ، ام غريزة الامومة؟
|
هو بالفعل ابتلاء من رب العالمين لكلانا
صحيح الامومة شي عظيم
وكل وحده تتمنى يكون لها اطفال
بس الخيره فيما اختار الله
اقتباس:
|
وهل ترين انه من الانانية ان تتركيه من اجل الانجاب؟
|
ابدا مافيها اي نوع من الانانية
بس الوحده لازم تحسبها صح
هاليومين صعب الوحده تحصل رجل صالح يتقي الله فيها
طولت عليتس بالحكي
وادري ماجبت شي جديد
بس يعطيتس العافية
ولا تحرمينا من ذالمواضيع الزينة
واسجل اعجابي باسلوبتس المتميّز في طرح المواضيع بصورة تجبرالقارئ
انه يرد على الموضوع
مشاركة: ما بين الغريزة والتضحية
