كلمة ومعنى ....موضوع دسم الكل يشارك ..>>>بخاري

الأصيلة · 06-22-2004, 04:22 AM

السلام عليكم ورحمته وبركاته

عندي تساؤل ظريف جدا

وخفيف جدا جدا

مثل خف دمكم اذا شاركتم معي بموضوعي

انا في جلسة نقاش مع شلة زكرتيه >>>تموت بالنقاش ثم الهواش

تخالفنا في معنى زكرت

فيه جماعه قالو انها مسبه بسلوم اهل نجد :mad:

وفيه جماعه تقول اكشخ ناس :cool:

وفيه جماعه يقولون الصرقعه عنوانهم ..

واحترت بين شكي ويقيني >>>عبدالله الفيصل على غفلة

فابي كلن يدلو بدلوه

ولكم علي املي دلوه كشمش من عند تكرن الحرم توه جاينا ...

ياليتكم تشرحولي وتفهموني :cool:

المقصود بمعناه بالذات لاهل المنتدى

ولماذا اختاروا هذا المسمى ..؟

تشاوات تنطح تشاوات

**شباب في رحله** · 06-22-2004, 04:42 AM

سلامو عليكم

صراحتون موضووع يستاهل اني اعلن عن رجوعي وبعد انقطاع دام كم يوم
بسبب ضروف قاهره او دمشق

ونأسف على هذا الانقاطع ويامالكم من الانقطاع شهر ثمانيه انجليزي (يبي يعلمكم انه بيسافر

)

غرام احباب

موضووعن شيق
على حسب علمي ان الكلمه ترجع او تنسب الى اهل الشام يعني خذوها ربعنا منهم
وهي تدل على كمال الشيء او وصووله الى اعلى درجاته من الكشخه << مايمديكم على الشرح

لا عن جد كلمه ترجع لشام

اقتباس:

وفيه جماعه تقول اكشخ ناس

^
^
هذا اقرب تعريف لها اما المعاني الثانيه كبيها ماعليتس منها
ودايماً ماترمى الا الشجره المثمره <<< موهب عاقل الساحات

لي رجعه للموضووع بس عشاني مصخن بالموت طلع معي ذس

واذا صحصحت رجعت للموضوع بشكل اكبر

مرسي اوي اووختي

**لويس طرجم** · 06-22-2004, 09:52 AM

السلا م عليكم

نعم هي كلمة شامية في الأصل على حد علمي

وتقال

للأشخاص الذين وصلوا لدرجة كبيرة من أي شئ كان في الصفات الحسنة

وتحياتي

sara · 06-22-2004, 04:19 PM

السلا م عليكم

نعم هي كلمة شامية في الأصل على حد علمي

وتقال

للأشخاص الذين وصلوا لدرجة كبيرة من أي شئ كان في الصفات الحسنة

وتحياتي

الأصيلة · 06-22-2004, 04:56 PM

حلو الكلام

كلام اعجبني

ومطابق لمفهومي لها

ببهدل اللي عوروا قلبي .

هل من مزيد من الأراء ..

محــال · 06-22-2004, 09:29 PM

وعليكم السلام

غرام انا ما اعرف الا المعنى اللي قالوه الربع

مرات كثيره وحنا نسولف مثلا عن شخص مو موجود ونبي نمدحه نقول :

ولد زقرت

اقتباس:

فيه جماعه قالو انها مسبه بسلوم اهل نجد

انا ودي اتفاهم مع اللي قال هالكلمه ،،عمرها ماكانت بسلمنا

من وين جابها ابي اعرف بس:confused:

الا اذا كانت نجد غير نجدنا

olleyes:

على العموم الموضوع مهم يمكن فيه ناس مو عارفه المعنى او التبس عليها

تشكرات كثيرات

ابو كرعان · 06-22-2004, 11:19 PM

خير الكلام ماقل ودل

الزكرتيه = تنســــــــــــــــــــــم بقووووووووووه

شكرا

عربجي بس قمر · 06-23-2004, 02:41 AM

8

8

8

8

الربع كفو و فوا ما يحتاااج ازيد شي

عربجي بس قمر:cool:

**سلف خمسة** · 06-23-2004, 04:17 AM

الجمااااعه عن جد عن جد كفوووو ووفووووووو ;)

يعني لازم اوافقهم الرأي

وانا رأيي من رااايهم ... موافق موافق موافق

تشااااااااااااااااااااااااااااااو ينطح تشاااااااااااااااااااااااااااااو

الأصيلة · 06-23-2004, 04:50 AM

اقتباس:

الزكرتيه = تنســــــــــــــــــــــم بقووووووووووه

هذا اللي سمعته من البعض

وبصريح العباره

اهل نجد او اللي اعرفهم يا اخي محال

يقولون انه الشخص اللي كبير ويماشي اصغر منه ويجاريهم بتحضرهم مثلا

وايضا يصل الى درجة انه طربي واطير بك >>>اكيد بتفهونه

والا اكثر من كذا >>>قالوا شي يخرع خخخخخخ:mad:

عشان كذا مستغربه المعنى عندهم

لان هذا المعنى بعد الشام اخذوه اهل الشرقيه والخليج

على انه الانسان الراقي والكشخه يعني رزه :cool:

اهم شي انه فهمكم لها زي ما فهمتها

والا وشلون يصير منتدانا مسبه لنا

اكيد انه مدح ومدحن سنع >>>بالموت تفهم ترى :confused:

**ياهملالي** · 06-23-2004, 02:25 PM

حسب علمي وانا من نجد

أنا من نجد يطربني هواها 00 الخ 00

المهم المفردة هذي اعتقد إن معناها /

زكرت مان = يعني فلان توب أو كشخه

وبس

حاولت أبحث أمس في النت عن هالمفردة بس ما حصلتها

تحياتي غرام أحباب ،،،

الأصيلة · 06-23-2004, 06:30 PM

ما قصرت هملالي

راي صائب اكيد

لانه موافق للجميع

واعتقد ان هذا معانه الاصلي

واللي يحرف بكيفه

على فكره

حتى اسلت ناس في الحساء

قالو لي انه تغير معناها لنفس المعنى اللي قالو لي عنه اهل نجد ..

تحريف في كل شي حتى المفاهيم العادية

**عبـــودي لا لا** · 06-23-2004, 09:28 PM

السلام عليكم

اقول غرام احباب اسمعي كلامي لا بمخمس الحين <---- يحس بعضلات صدره بدت تطلع

شوفي يا غرام احباب الحين الشباب كل واحد ادلا بدلوه على هذا المعنى ويمكن الاغلبيه اتفقت ان لا تتفق <--- مدري وش تبي ذس

بس خذي في بالك انك عممتي اهل نجد كلهم ومثل منتي عارف اهل نجد فيها قبائل كثيره يمكن المعنى اللي خصصتيه يكون جايز وفي نفس الوقت وارد

لكن نرجع هنا للمعنى اللي نعرفه حنا واللي متفقين عليه وبكذا نرجع ونقطع كل احبال التفكير اللي تراودنا في هالمعنى

وهنا نرجع ونقول البيئه لها تأثير فمثلا انا الاسم الرباعي لاسمي يوجد به اسم زامل وكلمت زامل له معنى يخالف المعنى في بيئه ثانيه

هل اتأثر بالمعنى الثاني اكيد لا لان اختلاف البيئه والمكان الجغرافي يحتم علي ما أتأثر وهناك امثله كثيره واسماء كثير ومعاني ايضا كثيره

هذي وجهة نظري بالموضوع وإختلاف الراي لا يفسد للود قضيه وسلامتك.

**شباب في رحله** · 06-24-2004, 03:41 AM

^
^
شباك ولا سبليت؟<<<< يقاله يتطنز

اعلانات المنتدى