السلام عليكم ورحمة الله وبركاته ...

امسي عليكم بالخير يانظر عيوني انتوا يالزكرتيه الغالين ...
واعتذر عن انقطاعي اللي محد درا عني اصلاً بس وش اسوي نزعة
حب الذات عندي واصله حدها لدرجة اني يوم حسيت بالحمى رحت
للمستوصف اكرر اسفي ايتها الجماهير الغفيره واني من هنا اتنحى عن
منصب رئيس القمهوريه وارجع لصفوف الجماهير <<< عبدالناصر درويش
اووه قصدي عبدالناصر مصر

شتان مابينهما أليس كذلك بغض النظر عن الناجح والفاشل او الفكر
والمنهج يبقى هناك اختلاف شاسع ...ولكن الحقيقه تقول انه بإمكان الانسان
الكوميديان الضاحك ان يقيم علاقات مع اكبر سياسين البلد ...واكبر دليل عندك
عادل امام ونفوذه الكاسح في مصر ...والسياسه اذا بدت تاخذ وتعطي مع الكوميديان
تروح فيها تصير سياسة شمطاء...كالحاصله في كوميديان طارق
العلي حين يتعرض في سخريته على لهجة اناس معروفين على مستوى المنطقه ...
وحين يطالبون باحترامهم والكف عنهم يقال عنهم متخلفين ...ان التخلف بعينه هو ان
نسخر من بعضنا ...وهذا يستنقص هذا وذاك ينقد على ذاك ...ومانصدق على الله نمسك
نكته على الثاني ...هذا كله داخل في عامل التفرقه والتخلف على الامد الطويل ...
ايضاً دونما ندري ...!!!
لسنا بصدد ان نتنازع ونحصي الفوارق بيننا ونعمل بموجبها ووفق
حدود لا نتعداها الا بحالة (الحش) في بعضنا...
نحن في حياة طيبه جداً تنتظر منا كلمة تفاؤل وروح تسامح واستقلالية بالفكر
الذي يتأسس على قاعدة الإيمان بان البشر رمز الحياه وهم خلفاء الله على ارضه
سبحانه وتعالى ...


اخواني ماشي الحال,,,عبودي لا لا ,,, شبابوووو,,,ياهملالي,,,
اختي غرووووووووووووووووووومه,,,,

اسعدني تواجدكم وكم اني مستانس حين قريت ردودكم فهي تنم عن اشخاص يعرفون الحياة
التي يتعاملون معها ...وحتى لو تواردت الافكار في بعض الجوانب الا ان التاعبير تختلف
اجد من كل واحد منكم خصوصية رائعه ... واقول هنيئاً لمن يغوص في اعماقكم ايها
الغامضون بـمن انتم ؟؟؟؟والواضحون بـما تقولون,,,

للإنسان في حياته مراحل عُمريه تصادفه بها بعض الظروف سواء كانت ظروف
حسنه او ظروف قاتمه...وله فيها ضروفه النفسيه التي هي المؤثر الرئيسي لسلوكياته
وانطباعاته ...اذاً هناك اجابة شافيه تثبت انني امر بمراحل في عمري تختلف تماماً
عن مامر فيها والدي ...وطبعاً الحياة هنا في الجزيرة العربيه..بانه قبل ثلاثين سنه شي
والحين شي ثاني ...قد نعيش في نفس المدينه بنفس المرحله العمريه لكن الظروف
تختلف اختلاف كلي عن ماكانت عليه بوقت ابي ...اذا لابد ان تكون هناك تغيرات
على المستوى التفكيري مادمنا نؤمن بانه ليس من العدل ان نبني كراهيتنا لاشخاص
لانعرفهم حق المعرفه ونعمل على تقويم المجتمع من هالزوايه ونبدأ بأنفسنا في محاولة
النصح والتخفيف عن مافي صدور اباءنا اتجاه الناس فما اجمل ان تكون
خاتمتهم (الله يطول لنا بعمرهم)طيبه وقلوبهم صافيه ...

ليس من الضروري ان كل ماحمله لنا الآباء هو صحيح ...قد تناقشنا كثيراً وقلنا ان
بعض العادات والتقاليد سلبيه في هذا الوقت ..اذاً من باب اولى ان نؤكد ايماننا بان ليس
كل ماهو مجلوب من الماضي هو صحيح...نأخذه ونراه بعين ثاقبه جاعلين هدفنا الأول
هو التواصل مع الآخرين وبعد ذلك نقرر ان كان ينفعنا او لا ...;)

قد تجهلنا بعض امور ماضينا فلناجاء اليهم ...وقد تجهلهم امور حاضرهم فليجائون لنا
...وهكذا تقابل الاجيال ...:cool:

يجب علينا ان نعي انه لكل انسان معاييره الخاصه ومقياسه الخاص في حكمه
على الناس ولا يمكن بأن يتوافق اثنان على معايير موحده ...من هالزاوية بالذات
علينا الوقوف بحياد دائماً ولا نستعجل على الاقل نبقي مساحات الكره فاضيه للي يساتهلها
ونحاول نخفف مافي قلوب اصحابنا او قرايبنا من احقاد على الغير نهونها عليهم وش راح
نخسر على الاقل نرفه عنهم ونشيل شوي من اللي في داخلهم ونضحك
ونسيهم عشان يتفادون التراكم الاسود..:mad:.

الثقه قد تنتهي بك الى ان تسلم شخص كل ماتملكه ...هذي ثقه ...فما بالك بإمكانيتها
على التاثير فينا بكراهيتنا لناس والسبب كلام الناس اللي نثق فيهم ...انا معك وانا وقعت فيها
كثير بس اللي الاحظه ان فيه زوايا بالناس اللي كرهتمهم كذا وانا مابعد يكون بيني وبينهم علاقه
فيهم زوايا طيبه ممكن اتعامل معهم عن طريقها يعني بحدود ...يعني مثلاُ على قولتك فيه شايب
متخانق مع ابوي ...انا هل اذا شفته اصد منه ... لا بالعكس ادنق عليه واحب خشمه وانشده
عن حاله وحال عياله ...واتوكل على الله ...تاكد هو حتى لو بخاطره شي يقوله عني عشاني ولد
فلااان راح يستحي على نفسه ...ابوي يمكن لو يدري ماراح يزعل ولا يتضايق لانه عارف ان هذا
شي بينه وبين الرجال ...وهذا شايب علي ومن ربعي لازم اسلم عليه ...
حط في بالك ان مقابلة هالشايب لي تكون بشوشه وكلها بنفس طيبه ...ساعتها انا بينخلق عندي شعور
ان هالشايب في طيبه ولكن فيه زوايا يختلف مع ابوي فيها وانفجرت بينهم ...

لازم اصفق راسي في الجدار واحاول انفذ الكلام اللي اقوله ...ودي اتعامل مع الناس بحب جارف
ودي عندي ديزني لاند هنا وادخل كل السعودديين واقول العبووووا بلااااااااااش والله ان المحل
محلكم ....


ابو لا لا ,,,

قد يكون التفاهم بين الابناء والاباء صعباً جداً ....لكن شوافع الأبوه والتفكير بأنه من زود الاهتمام
قد تتصادم الطاقات في التحمل ...ولكن يجب علينا امتصاص غضب اباءنا واحترام وجهات نظرهم
ولا نعارضها جهراً على الاقل حتى نحاول ان نقنعهم مع مرور الوقت شوي شوي لانستعجل ...
صدقني مافيه اقوى من محبة الاب لابنه ...

ان من صفاء قلب الاب هو ان يجعل من الدكتور في الجامعه على صح وانت على خطا...
فالاب وقتها يؤمن بمبدا الاكاديمين وشهادة الدكتوراه وانه لاينالها الشخص الا بجداره
ومن باب ان يحاول ان يصنع عندك روح التحدي ...فيحاول عدم تصديقك ...

تنتهي المصداقيه حين ينفضح احد الطرفين ...والحمد لله ان اللي انفضح انه الدكتور ...
وعادت ثقة ابوك العلميه فيك انت...مع العلم ان ثقته العلميه والتحصيليه فيك مالها دخل
بالنواحي الثانيه من الثقه ...يعني تلقاه واثق فيك وشاري لك سياره اخر موديل ومدسم شاربك
بالدراهم بس انه يقولك والله ياولدي احس انك ماتذاكر ...يعني نجعل من كلمته مشكله ..هذي مشكله
اذا كنا عارفين ممشانا الدراسي لازم ماناثر بما يقال عننا ...لان الوقوف عند الكلام هو بحد ذاته
اضاعة لوقتنا وحنا لازم نذاكر طول الوقت (ايه هين)...

ابو رحلـــــــــه,,,

بطبيعة الانسان كما اسلفنا له مقاييس خاصه يحكم بها ...ويحاول دائماً اللجؤ اليها لكي يتخذ
القرار المناسب في اصدار المشاعر اتجاه شخص معين ...وماهو ضروري المعرفه القديمه
او الجديده في تأسيس رابطة علاقات ...الضروري هو كيف نعرف ان هذا يصلح لنا ولا لاااا؟؟
وكما هو معروف ان فيه ناس كثير تعرفنا عليهم وماكان فيه اي ضروره تحدنا على معرفتهم ...
سواء قديمين او جديدين ...بالنهايه وقع الاختيار على الافضل والاجود الذي يتناسب مع
مانملكه من فكر ومنهج وضحك وطبيعة حياه...مانقول التوافق التام لكن نقول التوافق في
الغالب ...

حين يكون الطرفان واضحان امامي لن الجأ لراي احدهما في الاخر كي اتأثر به ...وان حصل
وتأثرت بأحدهما على حساب علاقتي بالآخر دون اثبات ...اكون ظلمت ..!!
وماينلام الانسان اذا حب ناس وكره ناس عرفهم عشان الناس اللي يحبهم ...والقلب ومايشتهي
والعين وماتهوا ....

ابو رحله انا ادري انه ريس اخوي مادرى عني حبيته ولا كرهته...انا ماقلت نحبه ولا قلت نكرهه..
طيب لو كرهناه وش راح يستفيد اخوي ...اما اذا حبيناه بينقهر اخوي بيقول وش عرفكم فيه
عشان تحبونه ... انا اقول مافيه داعي نحمل قلوبنا كره واحد مانعرفه ...ونخلي المساحه
اللي بخسرها في كرهه لواحد يستاهلها (سبق وان اوردناها)...


ياهملالي ... غرام احباب ...

راجعلكم بسووولف عليكم ... بس قسمن ان وقتي نحيف مره قصدي ضيق
مره بس من جد لكم وحشه يالزكرتيه ....;)

__________________

8
8
8


حتى أنت واحشنا اكثر مما وحشناك يا وحش

ويا كثر الوحووووووووش في ديزني لاند

هههههههههههههههههه


سلامتك نود لك سلامتك أخو قلبي أبو مفاصل

ما تشوف شر

لو دقيت بيجر

ساعة اكون عندك ومعي الروشته بتاعت الدواء

يا جعلك ما ترا باس واناخوك

فمان ربي ،،،

__________________

.. Bitte nicht Webstühlen für die Reisenden
.. Der Reisende wird sich zeigen



سبحان الله وبحمده ... سبحان الله العظيم