لاتارد على جما ماهي تروي الضميان=لو ان عشبها ينبت خزامى ونواره
وانا وسط لندن طول الله عمر حمدان=اسوق القدم ومهبل الناس محتاره
مطرهم مثل وصف البدر همهمة خلان=سرى ليلهم والنفس بالسو آماره

يا ايثان حنا ربع لكن ماحن بـ خوان=قبلت العذر ولا المقادير عذّاره
لابالله ماسجّيت من شرد القيفان=لو اخذ سنه في مفرق الصين واسواره
انا الشاعر اللي فيه عزم ومعاه السان=ولاتفشل عزومه الا طال مشواره
انا الله خلقني انسان وابغي اموت انسان=على دالهين القلب يفرق به اذكاره
واذا طاح قدري عند راعي من الرعيان=كبير القدر ماتجهل الناس مقداره
ياهل الجوف ياللي مانكر طيبكم عبلان=نهار يضيق الرجل من ربطة زراره
احب الهواجر حب سلطان للعجمان=لكن صاحبي سلطان نيته بواره
ياسلطان لامن مات ضيدان ابن قضعان=رثيناه دمع ومنك تاره ولي تاره
لكن خايف ان اعيش وتموت ياسلطان=واذا متّ ماتلقى من الناس قبّاره
ثقيل الحمل لتـّه بك العام ياكحيلان=حدتك اليالي والصواديف دواره
لو انك خذيت العلم من هدهد سليمان=ماسقت المدايح عند شيخاً طفت ناره
لكن لادعيت احصان اصهل صهيل حصان=وابو مطرقه حقه على راس مسماره
ضعون البدو ماتكره الدوج فالريضان=مادام السحب تبرق وترعد ومطارّه
ياسلطان بشتاً ماتدفى به البردان=مانبغيه فالقيض والكليبين وغباره
لو انه جديدً ويتدلى على الذرعان=انا اقول وش الراي اخسر فيه ديناره
لابالله والشيخان تفرق عن الشيخان=ياصلاحة البشر وقبـّالة الطاره
لاتارد على جما ماهي تروي الضميان=لو ان عشبها ينبت خزامى ونواره
وانا وسط لندن طول الله عمر حمدان=اسوق القدم ومهبل الناس محتاره
مطرهم مثل وصف البدر همهمة خلان=سرى ليلهم والنفس بالسو آماره
لو ان لسحب لحناً تغني به الاغصان=غدى جرة المنكوس من محسن الفاره
لكني لقيت السحب والراعد الحنان=في عين البلاد وشعبها حايساً ضاره
تشوف السحب متجمعه والمطر ودان=وهم كل واحد كاشخاً له بنظاره
ياويلي على انهم من رعايا هل الصمان=تدور السنه مامرهم غير سياره
ولايعرفون الجار ومواصل الجيران=هذا ساكناً داره وذا ساكناً داره
ولاعندهم قلط ولا وش علوم فلان=ولاياخذ اخبارك ولاتاخذ اخباره
حداهم لو ان هتلر مجاوره بالبيبان=قضى العمر كله كن هتلر مهب جاره
وعلى قولة ابن شريم في بيته المليان=وانا اقدر ابن شريم واقدر اشعاره
الى صحت ياهل البيت يامعزب الضيفان=قالوا عش روحك يشبع الطير منقاره

ياضيدان ابن قضعان كيف انت ياضيدان=ابن الذيب يبغانا نسوي له زياره
جملنا جنوبه جرب واسبق من الغزلان=ولا فيه نادي ماتليح بمضماره
بعير البدو بطنه خضر وشامخ النيبان=من العام الاول قطع القيد وهجاره
ولا ياسميّ الذيب بسم الله الرحمن=تسافر بعيد وتلحق الغاره بغاره
قمرك الصناعي يامحمد يابن ميزان=اخذ كورس من عالم عربسات واقماره
هل الجوف يومي تشكرك بالفم المليان=على كل طاروقً من الشعر بتاره
ولا ياهل العضبا ولا ياهل بليان=نهار المثاري يبتلش ماقضى ثاره
اليا دبّروا عجمان واليا اقبلوا عجمان=طحاطيح حرباً للمعادين جزاره
ولن جاك من الاقصى عليهم بعض الاحيان=فزعنالهم فزعات عبده لسنجاره
وانا يوم قلت اعوذ بالله من الشيطان=وشليت فوق العيدا وهي باقي قشاره
وعديتها شرقاً جنوباً عن الريان=ابي عمدة الحاره واثر عمدة الحاره
نهاراً من ايام الشتا شمسه مسيان=وبيت الفقر مايزحم الفقر وجداره
جمال الحمل شقران ولا ولد شقران=عراض المناكب لأثقل الحمل جباره
وانا لابطشت ابطش بقوه وانا سلطان=هذا اعطيه بيمينه وذا اعطيه بيساره
على الهون يابن الذيب لاتطمر الجرفان=ترا البحر موجه دون حصه ومحاره
وترا فكرة الفيلم الكوميدي تبي فنان=اسماعيل ابن ياسين ماطبّق ادواره
هل انجلترا ماهم من اولاد ابن شلوان=خواجات الندن كل واحد بمزماره
ولايامحمد جاك مني على العنوان=رسالة غضب ماهي عجاريف واثارة
اخذها لتوني بلير وابوه لنيران=وقله ترا ماعاد للذّنب غفّاره
واذا قالك كمان قله بعد كمان=ياحمّار ابن تسعه وتسعين حمّاره
ترانا عرب مانقبل اليعربي ينهان=نحارب يهود الغرب لوكان بحجاره