اقول وشرايكم تربحون فيني اذا ماعليكم كلافه ( يازين اللمبه )

عــبــداللـه · 02-10-2006, 12:59 PM

هيه

بالله ماودكم ترحبون فيني ياصديقيني الجدد

وبعدين وش ذا عيب تدخلوني الملحق وانا ضيف خ خ خ

بالله الله لايهينكم كل واحد يقلي شسمه ذا يعني يرحب فيني بسرعه تراني

متحمس وايد وايد هويتك <--- عج

بس بسراحه مو لون النص جونان

وازين مافي المنتدى حقكم انه تم سعودة الابتسامات

اتمنى لهم التوفيق

**ميلاني هلالي** · 02-10-2006, 02:24 PM

هلا عبــيـــد ...

يالله حيه ..

<< - - تسنه ذب الميانه

الا على طاري الميانه ... مكتوب فوق ( يازين اللمبه )

وانت داخل غار والا كهف يومك تقول يازين اللمبه ؟

> وجه ناشب وسقيم <

خخخخخخخخخخخخخخخ مجرد دعابات بسيطه .. لاتاخذ في بالك ..

<< - - ماقلت لك ذب الميانه الاخ

المراد ..

حياك وطاب ملفاك ياولد .. وحيا الله من لفانا ..

والمحل محلك ... والبيت بيتك ... وخلنا نشوف مشاركاتك ... وتفاعلك ...

موفقين ان شاء الله جميعا ً ..

فمان الله ,’,’,’,’,

**سلف خمسة** · 02-10-2006, 03:35 PM

سلام ...!

عبود حالتك صعبه

وشو اللي تربحون فيني

ترحبون والا تربحون حدد موقفك علشان نعرف نتفاهم معك

وبعدين وشو اللي اللمبه

اسمها لنبه

خخخخخخخخخخ ادري شكلها طالع غلط في الكتابه

بس معليك هذا الإسم الصحيح لها

لنبه

لنبتين

ثلاث لنبات

وهلم جراا >> لايطوفكم

وش ذاللون الرعمانوفيتش

اخضر عاد الله يصلح قلبك

ابو عابد

احس اني بصير صديقك مدري ليه >> نشب

شكلك خالع وبفلها معك بغرفة السواق

بس بيني وبينك

اذا منت بحلوو علمني من الحين

علشان نكون في السليم وكل واحد يشوف مصلحته

ناقص عاهات

كفايه ابو رحله وعبودي لالا

اما مويشي

ياحياتي يامويشي

عموما نبذه بسيطه عن صديقك الجديد اللي هو انا >> نشب من جد

سلف خمسه

امون على الإداره

اسم امي منيره

ولد اطيخم شوي مربرب

طولي 178 و وزني 76

احب البنات جدا

ومن لا يحب البنات ياهذا

كلنا نحب البنات

بس مابعد شفت وحده تقول احب الريجيل

ليه؟ >> سؤال مهم

اقدر الحياه الزوجيه

لن اسمح لمرتي مستقبلا ان تقود السياره

ولن اسمح لها تفشح علي في البيت

ولن اسمح لها بمعاكسة الشباب في الأسواق >> وش رايك بعد

ولن استجلم لها تحت اي ظرف من الظروف

الا في حالة انها هجرتني في المضجع

وخلنا نغير الموضوع احسن

وحياك الله ياعبدالله

فيه اغنيه كنّا نغنّيها سابقا لـ اي واحد اسمه عبدالله

ودي اهديك اياها

بس ماتصلح اكتبها لان فيها شوي

خروج عن المألوف >> لايطوفكم بعد

فيها دله وحصاتين كبر الدنيا مرتين

وفيها حاجات ماتنقال

وخلها على الله بس

الزبده ياذيبان

يكثر الكلام

ويسود الظلام

يابو جلام >> معليش تحمست مع السجع

عبيّد

قسمن احس انك تنحط على الرايت هاند ( ياحياتي يالإنجلش )

وماتخيبشي ظني فيك

نبيك تفلها وتدهر واي شي تبيه لايردك الا الكيبورد

وطبعا مايحتاج اقول لك ممنوع المنقول والماصل واللي ماله سنع

نبي ابداع من نفووخك

اشوفك في اقسام المنتدى ياحلو

وحياك الله

مع السلامة ,,

وني وني وني وني وني

عــبــداللـه · 02-10-2006, 05:48 PM

هلابك ميلاني هلالي <<--- يابعد معدتي يالهلال

ياخي وانت وش عرفك عن حركات جذب السياح قصدي جذب الزوار
وهذي تعتبر من احدى حركاتي الماكره يوم قلت لمبه

وأهلين وسهلين يابعدي

عــبــداللـه · 02-10-2006, 06:12 PM

هلا والله سلف سخمه

ياخي كيفي زي مابي خلها تجي تبرحون ولا تحبرون انت وش متعبك

وبعدين ياخي من ناحية الصداقه ترى عادي انصير صديقين وين تبينا نفر اليوم

<< الا نشبه من جد

اسمع وش اقولك : نفلها بغرفتة السواق عادي بس لاتسكر الباب خله مفتوح

وبعدين يابو خمسه قصدي ياسلف خسمه ياخي مدري وش هالحظ مافي بنت

ترحب فيني ياخي انت من يوم شفت صورتك وانا ماغير انواع المغص ياخي

لاتفاجئني كذا على طول تكلم شوي شوي عشان اتعود على خشتك

وبعدين لاتخاف اي واحد يضايقني بالشات اعلمك عليه وتصرف معاه واي

واحد يسويلي حركات بايخه بعد

<< --- منتي عاقله ياسوزان

الموهم ياحسن صديق عندي بالعالم

اهم شروطي انك ماتكون من عرابجة العريجا والدخل تراني شب لطيف

والشي الثاني انه لايكون معاك تسعاوي او ددسن وتحلف انك مالك فيها

اي صله ورابط

وتقبل تحياتي ياحبيب ألبي

منقوول

<<-- عناد بس

سيت اقول

يدن بيد نحو ابتسامات سعوديه ونرفع شعار سعودة الابتسامات

<-- تراه سعودي بس شايل الشماغ

s3odi · 02-10-2006, 07:01 PM

اقتباس:

المشاركة الأصلية كتبت بواسطة عــبــداللـه

متحمس وايد وايد هويتك <--- عج

بس بسراحه مو لون النص جونان

اجل سعودي

بعدين ابي افهم وش اللي حادك علي

ماعلينا
منور المنتدي يابو لمبه
الا وش يقربك ابو رحله <<< علي شحيمه

عــبــداللـه · 02-10-2006, 11:02 PM

يامية اهلين وسهلين ياولد ديرتي ياسعوودي

انا اموت واعرف

ياناس بنهبل

وشفيكم على المبه حقتي؟

ياخي من جد انتم زحيف حتى البنوته الي بالصوره ماتركتوها بحالها هههههههه

وبعدين هذي صورتي وانا صغير خخخخخخخخخخخخخ

وتشرفنا بمروورك وترحيبك لسموي يابعدي الكريم

والله وشكراَ

**ماشي الحال** · 02-11-2006, 03:32 AM

مساء الخير او صباح الخير ان قرأتم ردي في الصباح

( الله يرحمك يابن شنّان )

قد يقول قائل القلب تعلق بالقرد مرزوق

ويمكن يرد عليه واحد بكل برود : الله يعينك على نفسك

ولو سألتوني وش تعليقي على السطرين اللي فوق

بقول بالسطر الاول تكرر حرف ( القاف) في كل كلمه

ولكن ماذا حدث بالسطر الثاني ؟

لم يتكرر حرف القاف أبداً

نعم يااخواني لم يتكرر أبدا

وأتمنى مايجيني احد ويقول لقد ورد ذكره في السطر الثاني

واقوله بكل تحدي هاه وينه؟

ويقولي ( : ) << يقصد عند نطقها نقول نقطتين

يعني مجرد وجود ( : ) يدل ذلك على وجود حرف القاف

وقتها سوف أقول

هذي علامة نشاهدها ولا ننطقها

حينها سليتزم الصمت

وسألتزم الصمت احتراما لصمته

وسوف تخرجني من هذا الصمت حبيبة قلبي

وتأتيني بكل سعاده وتقول :

مارأيك أن يقبّل أحدنا الآخر ؟

وأجيبها بتساؤل يحمل بين طياته لمبه حمراء :

موافق ان يقبّل أحدنا الآخر ولكن الآخر من يقبّل ؟

قالت بعد أن نفخت عليها قليلا من العجه :

مادام أحدنا يقبّل الآخر بالتأكيد الآخر يقبّل أحدنا

قلت : وهو كذلك

قالت : وهي كذلك

قلت من هي؟

قالت لاتهتم مجرد تعصب انثوي

قالتها واعطتني ظهرها وهي تقهقه ضاحكه وغادرت

نظرت اليها وهي مغادره وقلت:

انك انسانه رائعه ( يوسف الثنيان وهو يموّه على حسن حمران )

::.. تـــــمـــــــــــت ..::

( الفهرس )

1/ ذكريات بشير حمد شنان ...... ص 1

2/ فلسفة حرف القاف ....... ص 2

3/ مقابله بين حبيبين ....... ص 3

4 / الفهرس ....... ص الاخيره

5/ المراجع ... ص قبل الاخيره

:: وقفة حق مع المراجع ::

سؤال يبحث عن اجابه

وتعب وهو يبحث عنها >> ناوي يشطح الله يعينكم

وفجأه وبدون سابق انذار

سمع صوت تحت سريره كأنه صوت اجابه

وطمر بسرعه وطل تحت السرير

ولم يجد شيئاً

واستدار وهو يتمتم

ياربي من كثر ماابحث عنها صرت اتوهم اي صوت انه صوتها

ورجع ينسدح على السرير وبينما هو داخل في النوم

سمع الصوت مره أخرى

وقال لا أعلم الان هل انا موسوس ام فعلا هو صوتها

وقطع الشك بالسكين

ومات الشك

وامتلأت الغرفه بالدماء وفي رواية اخرى امتلأت الحجره بالدمّان

وقام ينظف الغرفه من الدماء

وسحب جثة الشك ولم يستطع لانه كان ضعيفا والشك كان متينا

وفجأه سمع صوت طرقات خفيفه على الباب

وارتبك وقال من هناك

قالت انني ( صيغة ) امك ياسؤال افتح الباب اريدك بأمر هام

قال في نفسه لست اظن ان هناك من هو اهم من الورطه اللي انا فيها

:: لحظه ياأماه سوف ابدل ملابسي

ياإلهي ماذا افعل

سوف ينفضح أمري

وسمع صوتا من خلفه يقول لاتهتم سوف اتدبر الامر

والتفت وكانت المفاجأه

وجد امامه اجابه بكل ثقتها وشموخها

وبالفعل قامت اجابه بمسح اثار الجريمه

وفتح سؤال الباب لأمه

وانتهت المشكله

وهنا يتضح لنا

ان الاجابه لها فوائد كثيره

من اهمها مسح الشك وإراحة السؤال

<< الله لايهينك

نعود للمراجع >> بالع رادو

الحين بالموت نقرا الكتاب ومانصدق نخلصه

ويبون نقرا بعد المراجع اسف عن نفسي ماراح اقراها

المراجع ::

1/ الاحلام الورديه للكاتب اسماعيل بقدونس

2/ الواقع المرّ والخيال الحرّ للكاتب فاروق مستكاوي

3/ بنات الرياض للكاتبه رجاء الصانع << ماودكم نعزمها للمنتدى ؟

4/ عيال الشرقيه للكاتب معن الصانع

5/ مطلقات جده للكاتب ايمن داغستاني

6/ عوانس الاسره المالكه للكاتب بايعها

7/ مذكرات مسجون للكاتب نفس اللي فوق ( بايعها ) << زقطوه خخخخخخخ

ناس فاضيه قسم ولا افضى منهم الا انا

قاعد اهذر بلحالي

عبدالله تعال سولف معي

الزهق عامل عمايله

شف ابو عابد انا تجيني حاله كل شهر

ادخل موضوع واقعد ابربس واخربط

ومدري وش جابني عندك

يمكن الماوس ويمكن اقوم بالواجب

بس تأكد اني فكيت معك

احس انك توأم روحي ياراغب علامه << الحين له دخل

<< يبي يعلمك انه قرا ردك على سن توب افندي

تعال ابو عابد شوي

اقتباس:

ونرفع شعار سعودة الابتسامات

المنتدى منتدى الجميع ولسنا نحن من يتعصب

لذلك ارجوا منك ان تقول (( خلجنة الابتسامات )) >>

واذا حسيت ان فيه مصري بيقرا موضوعك

اكتب (( عربنة الابتسامات )) تعرف الحين ماخذين كاس افريقيا

ومنتشرين في كل مكان

ولاتنسى اللي كانوا يرقصون اول مع نبيل شعيل

ايام تصوير الفيديو كليب القديم ذاك اللي يطلع دخان وبخار

من تحت بلبل الخليج وهو يصدح :

سكة سفر فيها مشاوير العمر

ابو عابد تصدق احسب المنتدى مافيه الا موضوعك

وخر بس خلني اروح ارد

عبدالله اذا قدرت تقول ::

( منتدى تداول ) خمس مرات بدون غلط

عطيتك الاشراف على غرفة السواق

وسحبت سلف خمسه ظهير ايسر

منور فديت خشمك والبيت بيتك

<< مابغيت تطلع

عــبــداللـه · 02-12-2006, 12:47 AM

مرحبتين ماشي الحال والله يحيك يابعدهم
ياخي مفروض كتبت تحت الموضوح حقك منقووول

من وين لك هالكلام ههبب ماتعبت وانت تكتب تقولآله كاتبه

وأجيبها بتساؤل يحمل بين طياته لمبه حمراء :

ارجع واقول وشفيكم على اللمبه ؟؟

على العموم مشكور على المرور والترحيب وماقصرت يابعدي

**ريـانـــــة الـعـــــووود** · 02-12-2006, 08:17 PM

حي الله عبدالله

مرحبن بك .. يا صاحب اللون الخيالي ..

هالحين خلني ابرفت سلف خمسة

وبعدين برجع لك ..

[لوحة13]برايفت سلف خمسة [/لوحة13]

اقتباس:

وش ذاللون الرعمانوفيتش

^
^
الله يقرف العدو

سلف اشلونك ؟؟

وش سالفتك مع مقلط الحريم ؟؟!

كل ما دشيت للمقلط ابي البنات بسالفة

القاك قدامي متربع .. ماشاء الله تبارك الله

اقتباس:

قسمن احس انك تنحط على الرايت هاند ( ياحياتي يالإنجلش )

<< يا حياتك يالإنجلش >> طيب ورى ما تروح لموضوع أحمد وهند

وتدلي بدلوك .. يا ابو رايت هاند

خلاص سلف

[لوحة12]End Private [/لوحة12]

هلا أخوي عبد الله

هذا انا هونا حتى اربح فيك

المهم حياك الله وبياك

ما عليك منهم كلهم .. خذ راحتك بكتابة العناوين

واكتب اللي تبي بالعنوان لكن الله الله بالموضوع

يعني لازم المضمون يكون دسم .. ولا به لمبات

تحياتيــــ

ريــانـــــــــة الــعــــــــــووود

ايه تذكرت

اقتباس:

3/ بنات الرياض للكاتبه رجاء الصانع << ماودكم نعزمها للمنتدى ؟

^
^
الله ياخذ اللي ما فيها خير

ترا ان عزمتوها للمنتدى .. بظهر أنا منه ..

ولا ني براجعة له ابد .. وانتم الخسرانين ....

**شقرديه** · 02-13-2006, 08:05 PM

اقتباس:

هذا انا هونا حتى اربح فيك

^
^
ياترا مقصودة ولا لأ

عبدالله هيل الدلة

في خده حفرتين كبر القهوة مرتين>>ياشين الواحد اذا بغى يحرف ولا عرف

حياك الله ياعبدالله

اسفرت وانورت

وآسفين على التأخير مارحبنا فيك

تخبر دوامات واشغال الله يعين بس>>ياكثر ماتشكا

وبعدين عبيد وش سالفة اللنبة

عسى مافيك صفار وادمنت القعدة تحت اللنبات

زبدة الهرج

منور طال عمرك والمحل محلك

**ريـانـــــة الـعـــــووود** · 02-14-2006, 01:46 AM

اقتباس:

المشاركة الأصلية كتبت بواسطة شقرديه

اقتباس:

هذا انا هونا حتى اربح فيك

هذي لغة خاصة بيني أنا وعبد الله هيل الدله

انتي مالتس خص

ومرتن ثانية لا بغيتي تعلقين على أخطائي يا شقرديوووه

تمقلي بالموضوع بالأول زين .. ثمن تعالي كلميني

اعلانات المنتدى