سلااااااااام
كيف الاحوال يازكرت
والله من الحماس عيوني تحمصني
.::. من الحمااااس ماقتل .::.
متى يصير الحماس قاتل
مدري والله بس اكيد فيه مواقف حماسيه توصل للموووت
مثل حماسي لكتابة موضوع في غرفة السواق
.::. مقدمة .::.
كل شي له بداية ونهايه
الكون هذا اللي عايشين فيه له بدايه ونهايه
واجمل شي يكون لكل شي بداية ونهاية
اللي ماله بداية هو ((شي ماله بداية)) << كا كا
واللي ماله نهايه هو ((قليل الخاتمة ))
واللي ماله بداية ولا نهاية هو ((الهطق ))
والمقدمة في الغالب تأخذ طابع التعريف بالشي << مايمديكم على البلاغة
ومقدمتي هذه تعريف لصلب الموضوع الذي هو :
خزعبلات اجمعها من هنا ومن هناك
وصلب الموووضووع هو اساسه واساس الشي هو صلبه << دخل في سالفه مايدري كيف يطلع منها (الوهيقي )
وحرام بالله اني الى هذا السطر مدري وش صلب الموضوع بس بيـجي في وقته
ومن هنا الين يجي وقته اترككم مع نكتة اليوم
.::. نكتة الموسم .::.
خكري طاح في شلة مخدرااات
شاف السالفة فيها أبر
قال:مايجي منها تحااااميل << n/a
الوهيقي كلمه سمعتها من احد الاشخاص
وجا في بالي اشرح لكم معنا الوهيقي
وانتم اعتبروها صلب الموضوع
.::. الوهيقي .::.
تعريف الوهيقي لغةً : هي الورطة ومفردها وهقه
تعريف الوهيقي اصطلاحاً : خازوق يتعرض له الانسان في حياته ولايستطيع التخلص منه
مثال على الوهيقي :
ابا طلحه شخص مريض بمرض ودوّر علاااااج لين تعب ومالقى
وقالوا له بعد فترة من الزمن
ابشررر يا ابا طلحه علاجك عند واحد اسمه طحنون
وطحنون يبعد عنه 2000 كيلو
و محل أقامته صعب الوصول يعني عسر
والروحه له صعبه ولــــكن مجبوور والمجبووور يركب الصعب << مهب هذي الوهيقي اصبرووا شوي
وبعد العنا والمشقة وصل الى طحنون (الشخص اللي يعالج )
ما لقااه لقى ولده الصغير طحينين
وقال له ابا طلحه وين ابوووك قال مسافر ومدري متى يجي يمكن اليوم ويمكن السنه الجايه
يالعن ابا ذا الصنقر يا طحينين يبي له أعادة وزن النسبه والتناسب يقول (اليوم او السنه الجايه)
مايدري ان ابا طلحه شرّف على الوهيقي
قال ابا طلحه :
وين ابوك ياورع << اغلقت مع ابا طلحه يعني قـفّـلت مع ابا طلحه
قال في المكان الفلاني والمكان الفلاني يبعد عن موقعهم الحالي 2000 كيلو
ولو بيرجع بيته يبي له 2000 كيلو ولو بينتظر يمكن مايجي << مهب هذي الوهيقي
قال مالي الا اروح له وعقد العزم ابا طلحه وراح يبحث عن طحنون ..
وفي منتصف الطريق اي بعد 1000 كيلو
وجد ابا طلحة حانة مكتوب عليها باللغة الاغريقية
nighte clup
قال اسفّـط بالحمار واخذ لي قليلٌ من الصبوح واكمل مشواري
جلس على البار من كان جنبه طحنون << هنا انجلت علامات الوهيقي من فوق ابا طلحه
وقام يشرب فالحليب الين تنفخت جنوبه وفي اخر كاس اقصد اخر طاسه
تلاقط طحنون مع الساقي بسبب ان طحنون مامعه قيمة الحليب اللي اشربه
انهى المشكلة ابا طلحه ودفع عنه وقام طحنون يسحّب رجلينه الى الخارج
وهو يسب ويلعن في الساقى وطلع من النايت كلوب وركب جحشه وراح
قال الساقي : ليش تدفع عنه تعرفه انت
قال ابا طلحه : لا
قال الساقي : هذا اكبر نصّاب
قال ابا طلحه : شكله مسكين
قال الساقي : ههاه (ضحكة ازدراء مع شمقة ملعونة خير لابا طلحه)
قال ابا طلحه : من يكون هذا النصاب
قال الساقي : طحنون الم تسمع به ؟
قال ابا طلحه : آآآآآآآآآآآآآآآآآآآآآآه ليش ماقلت لي
رجعت علامات الوهيقي لاباطلحه وعلامات الاستغراب للساقي
وانطلق ابا طلحه لحمارة ولقاه مبنشر <<المخرج عاوز كده عشان مايمدي ابا طلحه يلحق على طحنون
وتوهق ابا طلحه مايدري ايلحق به الى بيته او الى مكانه الذي قال ابنه انه فيه
وبذكاء ليس غريب على ابا طلحه قال في نفسه اكيد انه راجع لبيته لان مهب معقول
بيجي طاق مشوار الف كيلو عشان يشرب حليب
وابتسم ابا طلحه وقال وهو يناظر البنشر سوف اصلحك والحق بهذا التعيس
وهو يصلح البنشر خرج الساقي يرمي الزباله للخارج وقال ابا طلحه الم تذهب
قال ابا طلحه : اصلح البنشر
وقال الساقي : ما هذا الحمار الذي له بنشر << هنا ابنعص المخرج من الساقي وقال انــطم
قام الساقي بتصريف السالفه وقال وهو يناظر المخرج : ابا طلحه اين ستذهب بعد اصلاح البنشر
قال ابا طلحه : سوف اذهب وراء طحنون
قال الساقي : الى عزلته ام الى بيته
قال ابا طلحه :الى بيته
قال الساقي : ولكن طحنون ليس عائداً الى بيته
قال ابا طلحه : ياويل امها اجل وين ذلف ؟
قال الساقي : الى عزلته
قال ابا طلحه :اللي انا خابر ؟؟
قال الساقي : مالك لوا
قال ابا طلحه : اجل الى اين طس
قال الساقي : الى عزلته الفلانيه
قال ابا طلحه : اين عزلته هذه وكم تبعد من هنا
قال الساقي : تبعد من هنا 3000 كيلو
جت ابا طلحه البكيه يوم سمع الساقي
وتدرون ان بيت ابا طلحه يبعد عن موقعهم الحالي 3000 كيلو << بدت تبين على جبهة ابا طلحه كلمة الوهيقي
نفخ البنشر ومشا وهو يغني ابكي على ماجرى لي ياهلي
بعد اسبوع وثلاث شهور وصل ابا طلحه لعزلة طحنون ومالقى شي لا انس ولا جن
ومشا من هنا ومن هناك ومالقى الا اثر سيارة يعني جرة بس هذا اللي لقاه !!
ورجع لاقرب قريه واخذ قصاص اثر
وجابه للموقع المذكور
وقال شف هذي الجرة جرة ويش؟؟؟
قال القصاص وهو يحك بطنه هذي جرة سوبر اسود
قال ابا طلحه : وهو يحك بطن القصاص من باب النفاق وش دراك انه اسود
قام القصاص ودف ابا طلحه عن بطنه وقال : انت وش تبي
قال ابا طلحه : ابي هالسيارة وش جابها هنا ومن فيها
قال القصاص :كان سألتني وحنّا فالقريه واعلمك من جا هنا ووش عندهم
قال ابا طلحه : صار اللي صار ؟؟ اخلص من ؟
قال القصاص : هذولي ال ((الاف بي اي ))
جوّ الى هنا وتلّوا طحنون مع اذنه
قال ابا طلحه وهو يبتسم بسخرية: يعني تدري من جا هنا وتسوي نفسك
قال القصاص : شفتك هطق قلت بلعب عليك واخذ فلوس منك
قال ابا طلحه : مش بوووزك تاخذ فلوووس
قال القصاص : مش بووووزك اعلمك وين اخذوا طحنون
(ياشباب الوهيقي ماعاد هو بعيد)
قال ابا طلحه : خذ هاك فلوس وقلي وين
قال القصاص : الى حوانتنامو
قال ابا طلحه : << ماودي اقول لكم ان ابا طلحه فحط من البكاء وهو يسأل القصاص ويقول
كم تبعد حوانتنامو ؟؟
قال القصاص :6000 كيلو !!
وبيت ابا طلحه يبعد عن موقعهم الحالي 6000 كيلو
((ادري بتقولون قم بس قم انت وقصتك اللي مهب خالصه ))
بقووول لاتستعجلون والوهيقي ماجاء الى الحين
ومادام الشغله فيها حوانتنامو ماعاد هو بطالع
سافر ابا طلحه الى حوانتنامو على حماره ونخرورة يصب من كثر البكاء
وأخذ يغني وهو ويتنهت ويقول:
يامل قلباً يسج وفيه دولاجه=من هاجساً بالضماير قام يدرجها
وذهب الى مجلس الشيوخ ليأخذ تصريح بزيارة طحنون
وسأله الشيوخ من تكون؟؟
قال:
تسأليني من أكون
انا محامي طحنون
وسمح له بزيارة طحنون وذهب الى حوانتنامو
وحين دخل ابا طلحه حوانتنامو شاف طحنون ياكل تفاحه
وقال ابا طلحه بصيحة هزت اركان الحونتنامو: طحنون
والتفت طحنون الى ابا طلحه وذكر الحانه اللي انتم خابرينها
وصاح طحنون وقال هذا هو؟؟
وقام العساكر يتغامزون على اباطلحه وسدحوا ابوه ارضاً
وقام الترفس وابا طلحه تحت الرجلين
وقال ابا طلحه وهو يبكي : ياطحنون
قال طحنون : وجع
قال ابا طلحه : انا مريض وادور علاجي
قال طحنون : احسب انك جاي تبي فلوسك ؟
قال ابا طلحه :يالعن ابا امك يالحجي
قال طحنون للعسكر : خلوه مهب هو
وتركوه العسكر << هنا شك ابا طلحه ليش يسمعون كلامه
(((انا مدري ليه بس شكلها شغلة سياسه؟؟ )))
المهم قالوا العسكر لـ اباطاحه:
قوووو اووووي
قال الله يخليكم خلوووني اكلم الخول هذا لاني يمكن اموت وانا راجع لاهلي
كلنا نعرف ان مسافة الرجعه لاهله تقدر بـ12000 كيلو
(( لااااااا والله ماعاد هو بعيد الوهيقي ))
جا ابا طلحه وجلس عند ركبة طحنون وكان طحنون
جالس يشرب معسل
قال في قلبه الله اكبر امس يسطرك الساقي عشان طفسة فلوس
واليوم تشرب معسل وتاكل تفاح
وش مسوي انت عشان يقدرونك الى هالدرجه
قال طحنون بصرخة فاحت من قوتها ريحة لوزة : وش تقووول ؟؟؟
قال ابا طلحة : ماقلت شي؟؟
قال طحنون : طيب وش تبي مني
قال ابا طلحه : انا مريض بكذا وكذا .
قال طحنون : وش اسوي لك ؟؟
قال ابا طلحه : انت تعالج الناس وانا اطردك ليه فترة
ابيك تعطيني علاج لمرضي.
قال صحنون : هذاك اخوي سحنون اللي يعالج الناس
هنا بكاء المخرج بكاءً شديداً من القهر
وقام ابا طلحه وتفل على المؤلف وقال له جاني الحفا الله يلعن والديك من المشاوير
قال المؤلف يا ابا طلحه ماعليك من طحنون هو اللي يعالج الناس
والتفت الجمع الى طحنون وقام يغمّز لهم ويقول ما ابيهم يدرون ويشر على العساكر
قالو كلهم عطه الوصفه وخله يروح لهله الله يلعنك ويلعن هاالقصه
قال تعال هاك الورقه هذي هي الوصفه
ولا تفتحها الا انت خارج حوانتناموا
فهمت
قال ابا طلحه : طيب
واخذها ابا طلحه وطلع برّا حوانتنامو
ومعه المخرج والمؤلف << مال امها سنع
المهم يوم فتح الوصفه قال المخرج هاه بشر يا ابا طلحه
قال ابا طلحه : آآآآآآآآآآآآآآآآآآآآآآآآآآه يالوهيقي
وطاح على وجهه
وقاموا الناس يتراكضون ويقولون ابا طلحه ابا طلحه
وقام المخرج وقراها وقال : آآآآآآآآآآآآآآآآآآآآآآآآآآه يالوهيقي
وطاح على وجهه
قال المؤلف ماني بقاريها شكل فيها مشكله بس الفضول ابن كلب
قام جاب بزر وقال اخذ الورقه
من يد المخرج وهو ميت << من باب شفتيني وانا ميت
واقراها خلني اعرف وش فيها
اخذها البزر وقراها تدرون وش مكتوب فيها
مكتوب
من طحنون الى ابا طلحه
علاجك هو :
تجيب ملح البحر الميت
ويكون منقوع في مويه طمّ فيها غراب راضع مه فقمه
لاتشربه تروش به
طمّ : يعني حط منقارة فيها
يوم سمع المؤلف الوصفه قال: آآآآآآآآآآآآآآآآآآآآآآآآآآه يالوهيقي
وطاح على وجهه
فهمتوا وش معنى الوهيقي
الوهيقى اكبر وهقه تتعرض لها وانت حي
ويكون نتائجها وفاة ثلاث اشخاص قريبين اليك
وفيه بزر واقف معه ورقه << كا كا
.::. امثال مهب لاهناك .::.
من الامثال اللي مهب الى هناك
وراء كل رجل عظيم امرأة
اولاً : وراء كل الرجال العظماء والطقوعين امرأاااات
ومهب شرط وراء كل عظيم امرأة
ثانياً : احياناً مايدمر العظيم الا امرأة
.::. وقـفــة ومحراف .::.
في الآونه الاخيرة اتضح ان اغلب الزكرتيون
منحرفين عن بيت الزكرتية الى اشياء لانعلم ما هي
وبعد البحث والتحري اتضح ان المدعو ماشي الحال
هو سبب انحراف اغلب الزكرتيون فقد جعلني هذا المنحل ادمن على ...
البلوت
وجعل بعض الناس يطيحووون في الشات
وجعل بعض الناس يطيحووون في البالتوووك
يجب عليه اصلاح ماقد تم تدميرة
او يزج في السجن << ماشي تخيل شكلك وانت مزجوج
.::. الخــاتـمـة .::.
فيه ناس تقل خاتمتهم مع اقرب الناس لهم
وهذا ابشع شي في الحياة ونتائجه
يصبح الشخص المقلول معه الخاتمة حاير طاير ((ابوعوينات اللي يجي في ابو ظبي))
ويفقد الثقة في الاصحاب والثقة في النفس ومن ثم الثقة في الحياة
ويصبح بلا هدف وعالة على المجتمع
واحتمال كبير جداً يدمن المخدرات << اكيد مالها سنع
وكذلك هي خاتمة السالفة او القصة اذا قلّت مع صاحبها اوردته المهالك
.::. الوهـيـقـي .::.
<< وش ذا الوجه خخخخخخخ
