water animals ولا هند وأحمد ؟ - الصفحة 2

**nAmLaT nAjD** · 02-12-2006, 12:08 PM

.:: ها1وي ::.
^
نمبر 2

منور بطلتك اقين عمو

اقتباس:

اذا سمحتوا اعلق على مداخلة الاخت ريانة العود
السالفه مو سالفة حماس بس شي واقعي
وانتي عشتيه
انا عارف ان فيه كثير ما يعرف اللغة الام
ولا يفرق زي ماقلتي بين الظ والض واملائه دمار
ويمكن انا من اللي يعانون من الاملاء رغم اني احمل مؤهل جامعي
لكن هذا مايمنع انا نتعلم ابنائنا اللغه الانجليزه بس بشرط
انه مايأثر على اللغه الام <<<< ايه هين
بعدين لغتنا الام حنا اللي دامرنها
شوفي كيف نتحدث في المنتديات وكيف كل منطقه بل قد تجدين مدينتين ليس
بينهما اكثر من 100 كيلو ولهجتهم مختلفه
يعني دمار لغتنا الام مهوب من تعليم الانجليزيه للاطفال

اسمح لي عمو اقول راي انا بعد

<<ياكثرتس

انا معك.. ماهو تعليم اللغه الانجليزيه السبب في ضعف اللغه العربيه ..

انا اشوف ان المشكله من مدارسنا وتأسيسنا في اللغه العربيه ..

على سبيل المثال اخوي في الثانوي الى الحين مايفرق بين الـ ت او الـ ة

رغم انه درس الابتدائي في مدرسه خاصه .. لكن انا اشوف ان فيه خلل في التأسيس ..

وان كان لتعليم لغه ثانيه دخل فهو بنسبه بسيطه جداً لاتذكر ..

الا في حال ان اللغه الام أُهملت عشان الشخص هذا يدرس لغه ثانيه ..

لكن لو كان متأسس في لغته بشكل سليم واخذت حقها .. ماأثرت عليه اي لغه ثانيه ..

اقتباس:

ماعليش هذرت واجد وشطحت يمكن عن الموضوع
بس حبيت اوضح فكره ووجهة نظر تخصني شخصياً

خذ راحتك عمو ياما شطحنا في مواضيعك

منور الحته مره ثانيه ..

**nAmLaT nAjD** · 02-12-2006, 01:00 PM

.:: شباب في رحله ::.

اقتباس:

حصيصه مطلق فاطمه
يالله حسن الخاتمه

آمين بس وش السالفه

اقتباس:

موضووع يهووووس

لي فتره اشوفه واقوول متى افضى وارد عليه

مبدعه نموله بكل شي

شوكرن جزيلاً عمو ..

الاهوس تواجدكم

اقتباس:

ياعيال تعرفون سالفة السلحفاه والارنب
يوم رقد الارنب والسلحفاه سبقته؟

اكيد تعرفونها

حتى انا اعرفها

طيب تعرفون الغراب الي يبي يقلد مشية الهدهد
ولاعرف ويوم جا يرجع لمشيته
نساها وضيع الثنتين ؟

انا هيك ناس مابيهم يدرسوون
لانهم يخلووني اكره اللغه

حلوه امثلتك عمو .. واشوفها توصف حال كثير ..

لكن ان كنت تقيس على المثال اللي ذكرته الوضع يختلف ..

البنت تأسست باللغه الانجليزيه .. وبعدين دخلت مدرسه عاديه ..

وتأسست في العربيه واتقنت الثنتين ..

اما نوعية الناس اللي تدرس شوي من هذي وشوي من هذي وماتاخذ

وقت الا مضيعه الثنتين اكيد مفروض مايتعلمون لغه غير لغتهم ..

اقتباس:

شخص من قرايبنا .. اعتمد تدريس بناته في مدرسه

غير رسميه في ارامكو .. المدرسه لبنانيه ..

والفصل غالبية طلابه اجانب ..

البنت الكبيره درست فيها مرحله ماقبل الروضه (الظاهر اسمها حضانه)

وتعودت على الكلام باللغه الانجليزيه ..

لدرجه انها ماتكلم امها وابوها الا بالانجليزي ..

ولاتستهويها الا افلام الكرتون والبرامج الاجنبيه ..

وبما ان امها دكتوره .. وابوها عايش 17 سنه في امريكا ..

كان التعامل بينهم جداً سهل .. وفرحوا انها تأسست بلغه كويسه ..

ولحقتها اختها الصغيره بنفس الاسلوب ..

البنت الكبيره الحين صارت في الابتدائي ودخلت مدرسه عاديه (عربيه)

وامورها كلها ماشيه تمام ..

طيب وش استفادو؟

بس لاراحت تشيليز تعرف تطلب <<< نمزح ترا

ايه ابشرك صارت تعرف تطلب في تشليز وفي غيره ..

واعتقد ان هذي مشكله يعانون منها الشباب السعودي في المطاعم

عطني واحد وجبه تشكن سوا بطاطس كبير وبيبسي سوا ايس

<<مو هذا وضع اللي مامعه لغه؟

صحيح ماهو اقصى الطموح من تعلم اللغه انه يعرف يطلب في المطاعم ..

بس هذا واحد من الاسباب ..

اقتباس:

شووفي

الهدف من تعلم اللغه شنهو
يعني اذا كان ديكور
وتكون اللغه مقياس الحياه والثقافه والبرستيج
اتوقع انها اهداف سقيمه <<< يمديكم

سلام كليم 100%

نفس كلام اغلبيه الردود ..

لاني تأييدي لدراسة لغه اخري (من وجهة نظري الشخصيه)

هو وجود هدف اسعى له ..

اللغه مهمه كثير .. في العلوم .. وفي الدين .. وفي حياتنا اليوميه ..

اما زي ماذكرت ان كان الهدف تعيس وسالفه برستيج يدرسون لغه بنقاليه اصرف

اقتباس:

انا مع تعلم اللغه بعد تعلم اصول اللغه العربيه

انا مع تعلم اللغه لاستفاده منها في المستقبل
بدون تجاهل اللغه الام الي هي العربيه

كلام سليم برضوا ومايختلف عليه اثنين ..

لان مهما كانت اهميه اللغه الثانيه ماراح تكون اهم من اللغه الام

واللي هي اولى انها تُدرَس وتُدرَّس ..

اقتباس:

فيه ناس تلقى كل شي عندهم انجليزي يعني زي المثال الي ذكرته نموله
واذا قلت شي قالوا ترينينق اوف انجلش

ولكن والولد او البنت لو يجي بيقولك سالفه بالعربي
يبي لك الوافي

اعطيكم مثال

مثل الي يخلي عياله يقولون له بابا او ماما
ومايخلونهم يقولون يبه او يمه

يعني الزبده يفكرون ان التطور بهالطريقه

ذكرتني بجيراننا الله يذكرهم بالخير ..

عندهم 3 اولاد .. وابوهم قرر يدرسهم في سويسرا ..

العيال ابتدوا دراسهم هناك .. وكل ماجوا للسعوديه في الصيف جاهم مدرس

لغه عربيه .. يدرسهم قرآن ونحو ...الخ

الكلام انهم مايعرفون عربي كويس .. يعني ولدهم يسولف يقول (امكن نروح

عند فيسال)

انا مره اعتب على اهلهم اللي خلوهم يتكلمون لغتهم الام بهالشكل ..

وللمعلوميه بينهم وبين بعض يتكلمون فرنسي (بما انه اسهل لهم)

انا مأأيد التعليم بهالشكل .. ولا هو نوعية التعليم اللي اقصده في موضوعي..

اما سالفه بابا وماما مااعتقد ان اللي يخلي عياله يقولونها يفكر بتطور او غيره ..

هو شي على العاده .. والاهل يدورون احد يصغر اعمارهم

والمعروف ان اول ماينادي البيبي امه (ماما) <<لاتحاولين ترقعين

اما ان كانوا يفكرون انها تطور فهم ماعندهم سالفه

اقتباس:

عاد الحين بعد ماخلصت ذا الي فوق رحت بقرا الردوود

ولقيت رد ماشي يقوول الي بخاطري

اشوا اني ماقريته قبل ارد كان مارديت او اقتبست رده

انت ذكرت نقاط يمكن هو ماذكرها والعكس ..

حتى لو لك نفس الراي لو ترد بطريقتك<<راجع موضوع تسجيل حضور ولي رجعه

اقتباس:

طيب الحين

انتو زيي
مافيه فئه من المراهقين
يقالهم امريكيين <<< ياقدمي

مايسمعوون الا اجنبي وحالتهم حاله وكلامهم نصه انجليزي وتحس
انه اسمه سميث

انا مدري ليه لاشفت هالفئه تقفل معي استحقرهم
طبعاً شي خاص فيني استحقارهم
يعني ماشمل

شي ثاني برا الموضووع

شمال افريقيا خاصه الجزائر والمغرب

ماتحسون انهم يمصخووونها بالفرنسي

ياعنكني اكرهم كره لاتكلموا فرنسي
عاد من زين عربيتهم
لكن محسوبين عرب هذا القهر

عاد كله كووم واللبنانيين كوم
يابغضي لهم بعد

<<< طلع الي بخاطره

بالنسبه للمراهقين اللي تتكلمعنهم انا على ثقه تامه بان هدفهم

اسخف من سخيف ويعبر عن نقص .. ويعتقدون انهم بيتميزون بهالشكل

او بيخرجون عن نطاق المجتمع اللي ماعجبهم .. ولو تشوفهم جد

تلقاهم يسمعون الاغنيه مايدرون عن ثلاث ارباعها ..

اما شمال افريقيا .. فكلنا عارفين ان الاستعمار هو السبب

وان اللغه الثانيه يدرسونها في مدراسهم .. اذكر مدربتي في الجيم

تقول ان ابوها مايعرف عربي رغم انهم جزائرين اباً عن جد

واللبنانيين هذولا اللي ودك من يعلقهم مع لسانهم .. لانهم يتعلمون اللغه

الفرنسيه كنوع من الرقي ودواره للبرستيج وبالعربي هو نقص ..

اقتباس:

عموماً قبصه صغيره

ياكثر الي ماعندهم انجلش وناجحين بحياتهم

لكن ياترى <<<< طول عمري اسمعها لكن ترى ذا منهو؟

هل اللغه مطلب ضرووري في حياتنا؟

اللغه مهي شي أساسي للنجاح .. لكن الأكيد ان الاشخاص الناجحين هذولا

لو معهم لغه كان نجاحهم اكبر .. وان ماكان له شغل فاللغه في كل الاحوال

تنفع ماتضر وبالنسبه لي اعدها سلاح لانه كما ذكروا ..

(من تعلم لغة قوم أمن شرهم)

وفي وقتنا هذا اقولك نعم مطلب أساسي وبقوه ..

اي جهاز جديد غالباً يكون بالانجليزي .. سواء جوال او كمبيوتر

او تلفزيون ...الخ .. وبعد مايتعرب يكون نزل شي اجد منه ..

والحين بدون الاجهزه مانعيش <<تسني تحمست ؟

اقتباس:

شوكرن نمووله

عفواً عمو نورت الحته ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى