^
^

اقتباس:

حتى الزوجه تبي تصير سي سيده

؟؟؟؟؟؟



وعليكم السلام ورحمة الله وبركاته


هلا وغلا بـ زيزفونة الزكرتية

موضوعتس اعتقد انه مقتصر على الزوجه اللي تعيش مع اهل زوجها

واسئلتس . . ما كان فيها أي سؤال يدل على مشكلة الزوج اللي يعيش مع اهل زوجته

وعلى هالأساس راح ارد


بسم الله

عزيزتي ..

تغير الوقت .. وتغيروا الناس

الناس صاروا يتحسسون من أي كلمة

وصاروا يفسرون كل كلمة .. ويحطون لها ألف معنى ومعنى


لما تعيش الزوجه مع أهل زوجها

وتخالطهم وتتكلم معهم بـ أريحيه تامه

ما راح ترتاح .. لأن أهل الزوج يمكن يكونون حساسين بزياده

و بعد يمكن بالأول يعاملونها على أنها غريبة ودخيلة في عائلتهم

هذا الشي راح ينعكس على الزوجة .. وتتأثر علاقتها بزوجها

لسبب تافه .. ألا وهو القيل والقال ..


لكن الزوجة العاقلة .. هي اللي لازم تصبر

وما تدقق بكل صغيره وكبيره


والزوجة اللي تتفهم وضع زوجها .. هي اللي لازم تتحمل

لأنها رضت بالوضع من البداية


والزوج العاقل .. هو اللي يحط حدود لأهله ولزوجته من البداية

يعني .. مهما سمع من زوجته .. عن أهله .. المفروض ما يصدقها

و بنفس الوقت .. ما يخلي أهله يتحكمون بحياته .. وبتصرفاته مع زوجته


أنا شفت ناس كثير .. مزوجين أولادهم .. وعايشين معهم بنفس البيت

مستانسين .. ومتأقلمين مع بعضهم لآخر درجه


وشفت كثير بنات تزوجوا وعاشوا مع أهالي ازواجهم ..

و نفس الحكاية مستانسين .. وكأنهم عايشين مع أهاليهم

اقتباس:

هل ترى ان شرط الزواج الآن بان يكون للفتاة بيت مستقل هو شرط تعسفي أم أنه طبيعي لكفل حرية الحياة ورغد عيش بدون منازع ؟

شرط الفتاه للمنزل المستقل .. حق من ابسط حقوقها


لكن يمكن يكون شرط تعسفي ..

في حال انها تعرف ظروف المتقدم لها


يعني .. لما يكون وضع زوجها المادي ما يسمح له بوضع بيت مستقل لها ..

وهي ما تتفهم الوضع .. بتكون مشكلة


ولو كان زوجها ما يقدر يترك اهله ويعيش بعيد عنهم .. لسبب كِـبَر ابوه أو مرض امه

وهي ما قدّرت حالة أهل زوجها .. فهذي بعد بتكون مشكلة ..


يعني .. المشكلة من رأيي ما هي في البيت .. ولا في الأهل

المشكلة في الزوج والزوجة

الزوج لازم يحط حدود لأهله ولزوجته من البداية

والزوجة لازم تكون مقدره لظروف زوجها ومتفهمه لوضعه


ومشاكل الأهل .. لازم منها .. لأنها تعتبر ( ملح الحياة )

الأم من الطبيعي .. انها تغار على ولدها من زوجته

والزوجة .. طبيعي انها تغار على زوجها من اخواته


لكن يبقى بالنهاية ..

أنه من ابسط حقوق الـمرأة .. البيت المستقل

لأن كل فتاة تحلم يكون لها بيت الحالها ..

تلبس اللي تبي .. وتطبخ اللي تشتهي

وتغيّر بأثاث البيت .. وتصلح وتعدل .. بكيفها

تشتري .. تخرج .. تعزم .. تستقبل .. براحتها



هذا اللي عندي ..


ولا عاد تطولين علينا .. زيزفونـ ـتنا







تحياتي ..

ريــانــــــــــة الــعــــــــــــــووود

سلامو عليكم اهلين زيزفون هانم ماشاء الله عليك اذا كان هذا بدون ترتيب اجل بالترتيب شلون

يعني انا متيقن او اجزم اي موضووع فيه نقاش بين زوجين الحين او الوقت الحالي مستحيل ينتهي بأقتناع الطرف الثاني ينتهي على لااش والوقت كفيل انه ينسيهم هالموضووع يعني احس فيه تباعد اجتماعي ان صح التعبير في هالوقت طبعاً لا شموليه في كلامي لكن الاغلبيه

بالنسبه لسؤال بسيط ان الوحده مايحق لها انها تسكن في بيت لحالها ماتوقع انه مجرد سؤال يسأل في الخطبه او الملكه يعني انا مع وضد انا مع اذا كان البيت مليان والرجال عنده اخوان وزحمه وكل اخو متزوج ومن هالكلام ممكن اوافقها بالمطالبه بالاستقلاليه

لكن اذا كانت الامور وحدانيه والامور طيبه بالعكس انا اطالب انه يسكن مع اهله اذا وضح ذلك لها قبل الزواج ورضيت به فهي حره 00 مو القضيه اجحاف للبنت بالعكس تترتب عليها امور كثيره ممكن تكسب ارضاء الزوج عن طريق بيتهم وممكن وممكن شغلات كثيره ماقدر اتعمق فيها بحكم اني للحين اعزب <<<< ياحياتي

اقتباس: الا ترى انه يكفي ان يكون الزوجين متعايشين نفسيا مع بعضهما مهما كان المكان الذي يجمعهما ؟؟ أي لا يؤثر مكانهما على علاقتهما القوية ؟ احسه جواب اكثر من انه سؤال

اقتباس: هل هو من مهلكات هذه العلاقه المقدسة أم أنه أمر عادي في نظرك ؟ ابداً احس انه صارت الدعوه مظاهر والبحث عنها ناهيك عن التنافس الشديد في المهر <<< مشروع موضوع

اقتباس: لماذا اختلفت الحياة عن سابق اباءنا وامهاتنا بخصوص المنزل الذي يقطنه عشرين فردا من العائله أو يزيد ؟ هل هي الحضاره أم الانانية التي تصاحبها ؟ ام الاعلام الذي جعل الفرد يهوى العزلة ويفضلها على العلاقات الاجتماعية ؟ كل شطر يبي له موضووع لحاله صراحه لكن بكل شي اختلفت الحياه ولو صار لدين نصيب الاسد في افكارانا والبعد شووي عن الدنيا احس بتيسر الامور كثير بغض النظر عن العولمه والاعلام والحضاره والاناني

الزيزفون برافو على طرحك وبرافو على فكرك وبرافو على حضوورك بجد انتي مكسب لنا جميعاً مبدعه بحق وحقيق والله يعطيتس الف عافيه ماقصرتي