.
بسم الله و الصلاة و السلام على رسول الله
يالله بأمـانـك عــن ســواد النـيّـه
...............يــا كـافـل أرزاق العـبـاد الحـيّـه
أعـوذ بـك يالله مـن أهــل الغـيـره
...............و أهـل الحسـد .. فالساحـه الشعبيّـه
و مـن الوجيـه البـاردات الـسـوداء
..............و مـن الجـروح القاسـيـات النـيّـه
و من الضياع .. و قول ( خالف تعرف )
..............و اللهث خلـف الشـهـره الشعـريّـه
و من الغـرور اللـي يصيـب أبـن آدم
..............و مـن النتائـج .. لا غـدت عكسـيّـه
و من الزمن .. و أحوالـه .. و نكباتـه
...............الظـاهـره منـهـا .. أو المخـفـيّـه
و مـن أنحـلال اخـلاق و الا مـبـداء
...............و مـن ( الخلـل ) فالبنـيـه التحتـيّـه
حفظ الحقوق .. أصعب طموح الشاعـر
................و أكبـر دليـل .. حقوقـنـا الفكـريّـه
راحـت .. و حنـا واقفـيـن نطـالـع
................نكتـب .. و يأخـذ غيـرنـا الملكـيّـه
و انا القصيد أحـزن عليـه .. أحيـان ٍ
..............الـيـا ذكــرت بـحـوره المنسـيّـه
مـن هيبتـه عنـدي .. يجينـي خيفـه
...............و ان جيـت ابكتـب مـا تطيـع يديّـه
الا اذا ثــار الشـعـور الـصــادق
...............شفت القصيـد .. و قلـت : يالله حيّـه
جيتـه و نصبـتـه زعـيـم اللحـظـه
...............و حطيت فـي راس الجبـل .. ماريّـه
يا مرحبا .. يـا أم العيـون .. الخجـلا
...............يـا نبـض صـدر المنطقـه الشرقيّـه
تدريـن و الا ؟ .. جيتـي و الله جابـك
...............الله يـبـارك فالـغـلا .. و الـجـيّـه
لبيـه .. يـا شوقـي و نقطـة ضعفـي
...............يالحـالـه .. المسمـوعـه المـرئـيّـه
عن حـب غيـرك مـا سألـت أيامـي
...............و القلب رافـض .. و الضلـوع معيّـه
شوفي محلـك .. يـا حصيلـة عمـري
...............دامــك وريـثـة قلـبـي الشرعـيّـه
قومي فديتـك .. و أدخلـي فـي قلبـي
...............و أمشي على مهلـك .. شـوي شويّـه
عرش الغلا بأسمك .. و لك .. و الزبده:
..............." بدري علـى غيـرك يجـي كرسيّـه "
نامي عليك الله .. و أمانـه .. و أسمـه
...............تحتك حريـر .. و فـوق راسـك فيّـه
تخيـلـي لــو للمحـبـه .. ديــره
...............عـن كـل عـدوان الهـوى .. محميّـه
رحنـا ثلاثتـنـا .. و سكـنـا فيـهـا
...............انتـي و انـا .. و أحلامنـا الـورديّـه
يا ريـف روحـي .. يـا حدايـق بابـل
...............يالغـيـم .. يالمجمـوعـه الشمسـيّـه
حبك .. بعد مـا مـر داخـل صـدري
...............صـارت ضلوعـي بالذهـب مطلـيّـه
و القلـب .. دايـم نبضتـه مسمـوعـه
...............و اليـوم قلبـي .. نبضـتـه مقـريّـه
عيـدك بقلبـي .. يـا مظاهـر عيـدي
...............خـوذي مشاعـر خافقـي .. عيـديّـه
اليا مشيتـي .. قلـت لـك فـي سـري
...............الله يعيـنـك يـالـكـره الارضـيّــه
و اليـا تكلمـتـي تصـيـر أنفـاسـك
...............مـع حلـو صوتـك .. كنهـا خلفـيّـه
حلـوه .. رقيقـه .. ناعمـه .. غيـاره
...............ترفه .. كريمـه .. طاهـره .. عفويّـه
كلـك علـى بعضـك كـذا .. تركيبـه
...............ربي خلقهـا .. و أصبحـت شخصيّـه
أجيك و أمشي .. و أن مشيت أرجع لك
...............مدمـن .. و حبـك خلطـتـه سـريّـه
و ان جيـت و ابـواب الغـلا مقفولـه
...............وقفـت عـنـد عيونـهـا السحـريّـه
مـع كـل بـاب أشعـر بأنـك خلـفـه
...............أحــاول أجـعـل وقفـتـي جـديّـه
يـا دولـة العشـق الفريـد الأصـلـي
...............جيتك و انـا مابـي سـوى .. الجنسيّـه
فـأن عذربـوا فينـي ضعـاف الحيلـه
...............قـولـي لـهـم لـيـت الاوادم زيّــه
شاعرو يكتب فـي جروحـه و اصبـح
...............لـه فـي حياتـي مطـلـق الحـريّـه
فجأة طلـع و أصبـح بصدقـه .. فجـأة
...............سوبـر ستـار السـاحـه الشعبـيـه !!
اخوكم و تلميذكم
عبدالله ذويبان
.
الـســوبــر ســتــار .. !!
ek:
![الصورة الرمزية ]سوالف القايلة[](http://www.zqrt.com/vb/avatars/264.gif?dateline=1085960594)
